बिटिआर नि मोनफ्रोमबो जिला याव नो 23 जानुवारि खालि साननि 11.30 रिंगा याव हा नि पत्ता होगोन हा नि पत्ता गैयि नखरनो, कक्राझार आव गाहाय मावफुंगिरि जों लोगोसे ई एम अरुप कुमार दे आरो रनेन्द्र नार्जारि, बाक्सा याव लेङाय गाहाय जों लोगोसे दिगन्त बरुवा, चिरां आव उकिल मुसाहारि आरो गौतम दास आरो उदालगुरि याव रनजित बसुमतारि आरो घनस्याम दास बिथांमोना होगोन।
बिटिआऱ नि लेङाय गाहाय गोबिन्द बसुमतारि बिथाङा मैया आयजो गलादारफोरनो 20 रोजा रां, लोगोसे गाव सुथा आफादफोरनोबो रांनि अनसुंथाय होनाय जागोन होनना बुंदों। बाक्सा जिला नि तामुलपुर काउलिया याव जानाय मोनसे मेल आव। बिथाङा बुंबावदों, बिटिआर नि सोरखारि नङि फरायसालिफोरखौ सोरखारि खालामनाय जों लोगोसे फोरोंगिरि थिसननाय जागोन होनना बो बुंदों। जाय जाय गोरिब नखरफोरा सोरखारि न मोनाखै बिथांमोनननो बडलेन्ड आवाज योजना नि गेजेरजों सोरखारि न होनाय जागोन, गिबि खोलोबाव 800 नखरनो होगोन होनन बिथाङा बुंदों। बिथआङा बुंबावदों बिधानसभा बिसायखथि नि उनाव नो भिसिदिसि नि बिसायखथि या जागोन होननानै।
आसामनि आबाद आरो जुनार फाहामथाय मन्थ्रि अतुल बरा या जुनार फोरनि एम्बुलेन्स बेखेवदों गलाघात नि बकाघात आव। बेनि नाम खौ पशुधन सारथि दोनदों। मन्थ्रि बिथाङा बेनि गेजेरजों जुनारफोरनि देहा नि जोथोन लानायजों लोगोसे बेयो जुनार फाहामथाय आरो आबाद खोन्दो नि जौगाखांनाय लाबोगोन होनना बुंदों। मैया बकाखात आव एग्रि हरति स 2021 आ जादोंमोन, बेयाव मन्थ्रि बिथांजों लोगोसे केशब महन्त, राज्य सभा नि एम पि कामाख्या प्रसाद तासा बिथांमोना बो दंमोन।
तामुलपुर नि भारत भुतान सिमना याव गंसे गिदिर द्रोन मोनदों, सुकानजुलि याव 5.3 खुत गोलाव द्रोन, खाथिनि रायजोफोरा नुनानै पुलिसनो खौरां हरो। दरङामेला पुलिस आरो 64 नं एस एस बि नि दोलो आ नायनानै लांफैयो। सोरनि बेखौ दासिम मिथिनाय जायाखै।
बे बोसोरनि सुबुंखान्थि सान आव जेल आव थानाय गोबां कयदि फोरनि थाखाय मोजां खौरां, हगारना होगोन गुबुन गुबुन केस नि थाखाय जायफोरा 14 बोसोर जेल आव थानांगौ जानाय। गासै 103 खौ हगारना होगोन, नाथाय मानसि नि आखल आखु खौ नायनानै सो हगारना होगोन होनना खौरां मोनदों। जाय कयदि नि आखल-आखु आ गुरै, नोरोम, बिसोरखौ हगारना होनायनि बेबस्था खालामदों। गासैबो जैलार नि सायाव सो दंजोबो, जैलार आ मोजां बुंब्लासो हगारना होगोन।
तिनसुकिया नि दिगबै याव बम बेरनाय जाथाय, आरमि केम्प खाथियाव, बेखौ आलफा या नो खालामदों होनना बुंना लादों। बे बेरफ्रुनायाव रावबो जेबो जायाखै। भारतनि गाहाय मन्थ्रि बिथाङा आसाम आव फैनाय नि सानसे सिगाङाव बे जाथाय। आलफा आरो एनएससिएन आ रायजोफोरखौ 26 जानुवारि सुबुंखान्थि सानखौ फालिनो होआखै, बेखौ जेनेरेल स्त्राइक महरै फालिनो होदों। दिनै गाहाय मन्थ्रि या आसामाव फैगोन, सिबसागर नि जेरेङा फोथार आव। 1.06 रोजा नखरनो हा न पत्ता होगोन।
मेघालय नि गंसे गोजाम खैला खनि याव आसामनि सा 6 खामानि मावग्रा नि जिउ गोमायो, खोनानो मोननाय बायदिब्ला बे जाथाय आ सानजा जयन्तिया हाजो नि दिमासालां गामि नि खाथि नि। सा 5 खौ नागिरना मोनबाय आरो नखरनि सुबुंफोरनो गोथै देहाखौ हरनाय जाबाय, नाथाय दासिमबो सासे खौ बोखांनो हायाखैमोन। बे खैला खनि या आयेन बेरेखा मोन। बिसोर बेखौ साफा खालामबाय थादोंमोन। थैनायफोरा गासैबो आसामनि होनना बुंदों। पुलिसफोरा दायो बेनि सायाव केस रेजिस्तार खालामनाय जाबाय। 2018 मायथाइ आव बो बेबायदिनो जाथाय जादोंमोन, जेराव सा 15 नि जिउ गोमादोंमोन।
कंग्रेस दोलो नि आफादगिरि खौ जुन दान आ सायखगोन, बुंदों पार्ति नि वरकिं कमिटि आ, मैया 3 घन्टा नि बारा सावरायलायनायाव बे थिरांथाखौ लादों। मोन 5 जिला नि बिधानसभा नि उनाव नो जागोन आफादगिरि।
मैया आइ एस एल आव मुम्बाई सिटि एफ सि या एस सि एस्त बेंगलखौ 1-0 गल जों फेजेनो, दासिम मुम्बाई आ थांनाय 11 मेस गेलेनायाव जेनाखै। मैया नि गेलेनायाव मौरतादा फल नि 27 मिनित आव होनाय गलजों नो गेलेनाया जोबो। मुम्बाइ आ पइन्तस तेबल आव गिबि नम्बर आव दं 29 पइन्तस जों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon