आरोबाव सासे
बर फरायसा या ईउक्रेईन निफ्राय फैनो हाबाय। गुवाहाति नि उदांश्रि बसुमतारि आ मैया
मोनफैयो भारत आव, सानसै सिगाङावबो गुवाहाति नि दैजि बसुमतारि आ आसाम आव
मोनफैदोंमोन। आसामनि गासे सा 22 फरायसा फोरा भारत आव फैफिननो हाबाय दासिम। नोंथाङा
मिथियो ना आसाम नि गासै 160 फरायसाफोरा ईउक्रेईन आव फरायनो थांनानै दं, बेनिनो सा
22 आ गावनि जायगायाव मोनफैफिनबाय। बिटिआर नि सा 11 फरायसा फोरा ईउक्रेईन आव फरायनो
थांदों, बेनिनो बाक्सा नि सा 2, चिरां आरो कक्राझार नि सा 1 सा 1 आरो उदालगुरि नि
सा 7 फरायसा। दिनै आरो गाबोन नि गेजेराव गोबां फरायसापोरा नो मोनफैनो हागौ, मानोना
भारत सोरखार आ भारत नि थागिबिफोरखौ लाबोफिननो गासै 26 ता बिरखं सालायनायनि थिरांथा
लादों, मैया भारत नि राजथान्दै आ भारत नि सुबुंफोरखौ किभ खौ गारनानै थांनो बिथोन
होदोंमोन, बेनि दसे उनाव नो सासे भारत नि फरायसा नि जिउ गोमानायनि खौरां मोनो।
जाग्रा आदार बायनो दखान आव थानाय समाव नो रासिया नि आरमिपोरा गाग्लोबनाय आव 21
बोसोर बैसो नि कर्नातक नि नभिन सेखाराप्पा मुंनि फरायसा नि जिउ गोमायो। जाथाय आ
खारकिभ आव जादोंमोन, बांकार निफ्राय ओंखारनानै बायनो ल थांदोंमोन, बेयावनो एयारस्त्राईक
जायो। बिथांनि जिउ गोमानायनि उनाव नो लोगो लोगो गोजौ थाखो नि सावरायलायनाय जायो
होनना मिथिना मोनदों।
सा 5 बर फोरखौ
जिउ जोबजासिम जेल नि साजा। तेजपुर बिजिरसालि आ बे साजा खौ होदों। रन्जन बसुमतारि,
रजनि, सन्जय, प्रह्लाद आरो महेस्वर बसुमतारि खौ शनितपुर जिला नि शेसन बिजिरगिरि
चत्रभुशन गगै नि बिजिरसालि आ साजा होदों। 2008 मायथाई आव सारिदुवार आव अनिमा
बसुमतारि मुंनि सासे आयजो खौ बुथारनायनि दाय आव बे साजा खौ होदों, बिसोर दायनिगिरि
होनना रोखा जानायनि उनाव नो साजा होयो। सोरखारनि फारसे निफ्राय जानानै जुक्टि
होनाय सनितपुर जिला नि उकिल मुनिन चन्द्र बरुवा या बे बाथ्रा खौ मिथिहोयो।
आसाम खौ फिन
खनसेबाव 6 दान नि थाखाय शांति गैयि ओनसोल होनना फोसावदों। AFSPA(आर्म्द
फर्स स्पेशियेल पावार एक्ट) आयेन 1958 नि सम खौ बारायना होबावो, 28
फेब्रुवारि निफ्राय आरो 6 दान थाबावगोन। मखजाथावदि 1990 मायथाई आव गिबि खेब बे
आयेन खौ आसाम आव बाहायदोंमोन, बै सम निफ्राय नो 6 दान 6 दान नि उनाव बेखौ
बारायगासिनो दं। थांनाय बोसोर आव नागालेन्द आव जानाय सा 14 सुबुंफोरखौ गावथारनाय
जाथायनि उनाव नो सा सानजा भारत निफ्राय बे आयेन खौ बोखारनो दाबि दैखांदोंमोन।
रासिया आरो ईउक्रेईन नि
दावहाः रासिया या गोरानिफ्राय गोरा जालांगासिनो, रासिया या उदां रेडिअ स्तेशन आरो
टिवि चेनेल खौ ब्लक खालामोन थांगासिनो दं। जेसेबां नो गोरा जादों एसेबां नो रासिया
या गावनो खहा खालामना लादों, वर्ल्द एथेलेतिक्स आ रासिया नि एथेलिटफोरखौ बेन
खालामदों। थासारि आ गाज्रिथार जानायनि थाखाय भारत आ फैगो सान 3 आव 26 टा बिरखं
सालायगोन। मैया किभ आव रासियान आरमिफोरा टेलिभिजन टावार खौ गाग्लोबो, बेनि थाखाय
सिगनेल आ गाज्रि जायो। ईउक्रेईन नि गोबां सोहोर आव नो दावहा या सोलिगासिनो दं।
बेनि गेजेराव नो रासिया आरो ईउक्रेईन नि गेजेराव नैथि खोलोब नि सावरायलायनाय आ
जागोन होनना मिथिना मोनदों. मैया ईउरोपियान ईउनियन नि सोद्रोमा नि आरजलाई होनायखौ
गनायना लादों ईउरोपियान ईउनियन आ। दायो बेनि खामानि खौ जागायबाय। 100 जौखोन्दो
सोद्रोमा जानाय आ रोखा जायोब्ला थासारि आ माबायदि जायो बेखौ उनाव सो मिथिगोन। मैया
ईउक्रेईन आ बेलारुस नि आरमिपोरा बो गाग्लोबदों होनना बुंदों, रासिया नि उनाव
बेलारुस आ बो गाग्लोबमारदों नामा, बेलारुस आ आगोलनिफ्रायनो रासिया खौ मदद होबोदों,
बेलारुस नि जायगा निफ्राय नो रासियानि आरमिफोरा ईउक्रेईन गाग्लोबनायखौ
जागायदोंमोन।
जेईई मेईन
आनजाद आ बे बोसोर आव खननै खुंनायनि थिरांथा लादों, एनटिए आ बेनि खालारखौ फोसावनानै
होदों। JEE MAIN 2022 नि गिबि सिजन आ एप्रिल आव जागोन आरो
नैथि आ मे दान आव जागोन। बेनि अनलाईन एप्लाई आ मैया 1 मार्च निफ्राय जागायो, गोसो
गुदुं फरायसा फोरा एप्लाई खालामनो हागोन। एप्रिल नि आनजाद आ 16 निफ्राय 21 एप्रिल
नि गेजेराव जागोन आरो मे नि आ 24 निफ्राय 29 मे नि गेजेराव जागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon