दिनैबो रासिया नि आरमिफोरा ईउक्रेईन खौ गाग्लोबगासिनो दं, ईउक्रेईन नि राजधानि किभ खौ सोरगिदिं बेंखनना लाबाय होनना मिथिना मोनदों। दिनै दावहा नि 8 थि सान, बेनि गेजेरावनो दिनै फिन खनसेबाव रासिया ईउक्रेईननि गेजेराव सावरायलायनाय जागोन होनना मिथिना मोनदों। उदालगुरि नि सासे फरायसा या ईउक्रेईन आव थाबाय थानो गोनां जादों, लाबोफिननो थाखाय सोरखार खौ खावलायदों नखरनि सुबुंफोरा, अर्नब अरियन बर्मन बसुमतारि मुंनि फरायसा या फैफिननायनि लामा नागिरना मोनाखै। ईउक्रेईन आव रासिया नि मेजर जेनेरेल आंद्रेई सुखोवकस्कि आ थैबाय होनना मिथिना मोनदों, निउज एदेन्सि नेक्सता नि दाबि नि बादिब्ला बियो थैनायजों लोगोसे ईउक्रेईन आ रासिया नि 30 प्लेन, 374 अटोमबाईल टेक्निक्स, 42 MLRS 900 AFV, 31 हेलिकप्तार जों लोगोसे गोबां हाथियारफोरखौ बेरफ्रुहोनो हादों। रासिया सोरखार आ दावहा याव गावनि आरमिफोरनि जिउ गोमानायखौ गनायना लादों। दावहा या सप्तासे बारबाय, गिबि खेब गनायना लादों, 498 आरमिफोर थैदों लोगोसे 1597 आ जोखोम जादों होनना बुंदों, बेखौ रासिया सोरखार आ बुंदों, नाथाय ईउक्रेईन नि बादिब्ला 9000 सो रासिया नि आरमिफोर थैदों होनना बुंदों, दायो सोरनिखौ फोथायगोन। पेरिस नि मिउजियाम निफ्राय पुटिन नि पुतला खौ बोखारनाय जाबाय, बिथांमोना हितलार नि बायदि सुबुंनि जायगा गैया होनना बुंदों। ईन्टारनेशनेल पेरालिम्पिक कमिटि आ रासिया आरो बेलारुस खौ विन्तार अलिम्पिक निफ्राय बेन खालामबाय। बेनि गेजेराव नो रासिया नि हादरगिरि पुटिन नि खर नि सायाव 7.5 कौटि रां बान्था फोसावदों सासे सुबुं आ। ससियेल मिदिया याव पस्त खालामदों, एलेक्स कनानिखिन मुंनि सुबुंङा जाय सुबुङा संबिधानारि बादियै नङाब्ला दावहा नि दायनिगिरि महरै खायोब्ला एबा बुथारोब्ला बान्था होगोन होनना बुंदों, 10 लाख दलार बान्था होगोन होनना बुंदों, जाय भारत नि रां आव 7.5 कौटि जायो, ईउक्रेईन नि गोबां सुबुंफोरा नो आन्दारग्राउन्द मेत्रो नि सिङाव थादों दायो,रासिया नि मिसाईल निफ्राय बारगनो थाखाय नो बेयाव थादों। ईउक्रेईन आ रासिया नि सारातभ ईउनित नि 80 जौखोन्दो आरमिफोरखौ गावथारदों होनना बुंदों। रासिया या ईउक्रेईन डों सावरायलायनो थियारि होनना बुंदों, नाथाय ईउक्रेईन नि मिलितारि खौ नोजोर एबा थांखि आ थाबायनो थागोन एबा मिलिटारिफोरखौ गाग्लोबबनायखौ खम खालामा होनना रोखा खालामना होदों।
उत्तर प्रदेश आव मोनसे सोमोनांथाव
जाथाय। हापुर जिला नि पिलखुवा नि मारवार ईन्टार कलेज नि सा 84 फरायसा नि खानायखौ
हादों। गोबाव सम निफ्राय नो राजेश कुमार यादव मुंनि प्रिन्सिपाल आ गोबां
फरायसाफोरखौ वारनिं होबोगासिनोमोन खानाय गोलाव लाखिनाय आरो खानाय आव गाब फुनना
लानाय फोरखौ, खानायखौ हानो होबोगासिनोमोन, नाथाय फरायसाफोरा खोनासङाखैमोन। बेनि
थाखाय नो रागा जोंनानै सा 84 फरायसापोरखौ कलेज नि गेलेग्रा फोथार आव लाखिनानै
गावनो खेमसि जों हाना होयो। कलेज नि नेमखान्थिखौ नोजोर होनानै नो बेबायदि खालामनाय
जादों होनना बुङो। गोबाव सान निफ्राय वारनिं होबोबाय थानायनि उनाव बो मानियैनि
थाखाय नो बेखौ खालामो।
6 दान आव बांसिन जाबाय बेकार नि अनजिमा
या। थांनाय फेब्रुवारि आव बेकार नि जौखोन्दो आ 8.1 बारा जानानै 6 दान आव बारासिन
जादों, मथजाथावदि थआंनाय जानुवारि आव 6.57 सिम खम जादोंमोन। नाथाय 6 दान नि खौ
नायोब्ला गोबां बारा जादों। 2022 नि फेब्रुवारि आव गामियारि ओनसोल आव बेकार नि
अनजिमा या 2.51 जौखोन्दो बारा जानानै 8.35 जौखोन्दो जादोंमोन, बेनि सोलाय सोहोर
ओनसोल आव बेकार नि अनजिमा या 7.55 जौखोन्दो जादोंमोन। सिएमआईई नि बादिब्ला मनरेगा
बिथांखि नि बाजेत खम जानायनि थाखाय नो गामियारि ओनसोल आव बेयो खम जादों होनना
बुंदों।
Please do not enter any spam link in the comment box. ConversionConversion EmoticonEmoticon