आरोबाव सासे बर फरायसा या भारत आव फैफिननो हाबाय। निबेदिता सरगियारि मुंनि फरायसा या मोनफैबाय। बिथांजों लोगोसे आरो गुबुन सा 11 आ बो फैफिननो हादों। दासिम आसामनि सा 83 फरायसाफोरखौ मोजाङै गावनि जायगायाव लाबोफिननो हाबाय सोरखार आ। आसाम सोरखार आ फरायसापोरखौ आसाम आव लाबोफिननायनि बेबस्था खालामगोन होनना बुंदों, गासैबो ईउपि नि आसाम भवन आव दं।
भारत नि
आरो गुबुन हादरनि फरायसाफोरखौ बासायनाय आव रासिया या मदद खालामगोन। ईउक्रेईननि
खारकिभ आरो सामि निफ्राय रासिया नि बेलगरद सिम फराययसापोरखौ लांनो थाखाय 130 टा
बास सालायनो थियारि होनना बुंदों रासिया या।
दिनै फुङाव नो ईउक्रेईन नि निउक्लियार पावार प्लान्त जापोरिझझिया, जायखौ गासै ईउरोप नि बयनिख्रुय गिदिरसिन होनना मिथिनाय जायो, बेयाव गावलायनाय आव अर नांदोंमोन। अर नांनायनि उनाव नो गोबां हादरपोरा नो गिनाय मोनदोंमोन, आमेरिका ब्रिटेईन फोरा गिनाय मोननायखौ फोरमायदोंमोन, लोगोसे ईउक्रेईन नि हादरगिरि आ बुंदोंमोन जुदि निउक्लिर बेरफ्रुनाय आ जानांगौब्ला गासै ईउरोप आ नो जोबस्रांलांगोन होनना। दासिम बेनि ईउनित आ खामानि होगासिनो दं, बेयाव गासै मोन 6 निउक्लियार रियेक्टर दं। मखजाथावदि बेनिफ्राय ईउक्रेईन नि 25 निफ्राय 30 जौखोन्दो मोब्लिब दिहुननाय जायो, दायो बेखौ नो रासिया या गावनि सिङाव लाबाय। गावनि सिङाव लांनायनि उनाव मा खालामो बेखौ उनाव सो मिथिसिगोन।
रासिया जों दावहा सोलिबाय थानायनि गेजेराव नो ईउक्रेईन आ रासिया नि
9166 आरमिफोर थैदों होनना बुंनायजों लोगोसे 250 नि बारा टेंक खौ बेरफ्रुहोनो हादों
होनना बुंदों। बेनि गेजेरावनो रासिया या गोदान आयेन पास खालामदों, रासियानि आरमि
नि नंखाय खौरां फोसावोब्ला रासिया याव 15 बोसोर जेल नि साजा मोनगोन होनना बुंदों।
रासिया या ईउक्रेईन नि गं 25 फरायसालिफोरखौ गावनानै फोजोबस्रांबाय दासिम।
दिनै
भारत नि सासे फरायसा या गुलि गावजादों ईउक्रेईन आव। मिरु नि मन्थ्रि जेनेरेल विके
सिंह बिथाङा बुंनाय बादिब्ला किभ निफ्राय फैबाय थानाय सासे नि देहा याव नाङो गुलि,
किभ निफ्राय ओंखारनो नागिरदोंमोन फरायसा या, दायो किभ आव लांफिननाय जाबाय, फरायसा
नि फाहामथाय आ सोलिगासिनो दं। मुङा हरजित शिंह। देहा नि हालोद आ मोजां आरो देहाफाहामसालि आव फाहामथाय लागासिनो होनना बुंदों बिथाङा। बिथाङा गावनो बुंनाय बादिब्ला किभ निफ्राय बौकजाना याव थांनो नागिरदोंमोन, बौकजाना निफ्राय गंसे रेल आव गाखोनो ओंखारलांदोंमोन। गुलि नांनायनि उनाव बेहोस जादोंमोन, नाथाय सोर गुलि गावदोंमोन बेखौ मिथिया होनना बुंदों। साननै सिगाङाव
रासिया नि गाग्लोबनाय आव सासे फरायसा नि जिउ गोमादोंमोन भारतनि।
गिथावना
खौरां, रासिया नि गाग्लोबनाय आव ईउक्रेईननि निउक्लियार पावार प्लेन्ट आव अर
नांदों। ईउरोप नि गिदिरसिन निउक्लियार पावार प्लेन्ट जापोरिझझिया एनपिपि आव गुलि गावलायनाय
आव नो जायो, जुदि बेयो बेरफ्रुनो नांगौब्ला चेर्निबिल आव जानायनि 10 गुन बारा गोसा
जागोन होनना बुंदों। नाथाय दासिम बेनिफ्राय जेबो रोखोमनि रेदियेशन ओंखारनाय
नुवाखै। रासिया नि गावनाय आ बारा जानाय आव ईउक्रेईन नि मन्थ्रि दिमित्र कुलेबा या
रासिया खौ गावनायखौ बन्ध खालामनो बिथोन होदोंमोन। बे जाथाय जानाय आव सानैसो आ
गाज्रियै जोखोम जादों होनना मिथिना मोनदों।
रासिया
या गावनि रकेट आव भारत नि फिरफिला खौ लाखिदों। मोनसे भिदिअ आव रासिया नि स्पेश
एजेन्सि आ भारत नि फिरफिला खौ मोजाङै दोननानै आमेरिका, जापान, ब्रितेईन, जार्मानि
हादरनि फिरफिला फोरखौ गासैखौबो खोबथेजोबदों। ईउक्रेईनखौ गाग्लोबनायनि उनाव आमेरिका
जापान हादरफोरा रासिया नि बेरेखा जादोंमोन आरो गोबां बेन खालामदोंमोन, नाथाय भारत
आ दासिम बेफोरबायदि जेबो खालामाखै, ईउक्रेईन आरो रासिया नि गेजेराव नो दं भारत आ।
आमेरिका
नि बारग हादरगिरि दनाल्द त्राम्प आ दावहा नि गेजेरावनो टाईवानखौ सांग्रां खालामना
होदों, फैगो टारगेत एबा थांखि आ जागोन टाईवान होनना, टाईवान नि फारसे चिन आ मोजाङै
नायगासिनो होनना बुंदों बिथाङा। मखजाथावदि गोबाव सान सिगांनिफ्राय नो चिन आ टाईवान
खौ गावनि होनना बुंना लाबोगासिनो। त्राम्प आ रासिया नि हादरगिरि खौ सोलोगोनां आरो
गावनि हादरनि दानि हादरगिरि बाईदेन खौ जोबोद लोरबां होनना बुंदों। बाईदेन नि
सोरबां खान्थि नि थाखायनो रासिया या ईउक्रेईन खौ गाग्लोबनो बोलो मोनबाय होनना
बुंदों।
नेतफ्लिक्स
आ रासिया नि गासैबो श फोरखौ बन्ध खालामबाय। थासारि खौ नायनानै गावनि प्लेतफर्म आव
बन्ध खालामनायनि थिरांथआ लादों। अटिटि मुलुग नि गिदिरसिन प्लेतफर्म आ बे थिरांथा
लानाय आव रासिया नि फारसे ईसेब्लाबो गोहोम गोग्लैगोन। साननैसो सिगाङाव गुगल आ बो
गोबां तेनेलपोरखौ बेन खालामदोंमोन।
Please do not enter any spam link in the comment box. ConversionConversion EmoticonEmoticon