दिनै
आसाम आव बिसायखथि जागोन, मिउनिसिपालति नि बिसायखथि। दिनै बे सान नि थाखाय नोगोर
ओनसोलफोरखौ बन्ध फोसावना होदों। गासैबो फसंथान फोरा बन्ध जागोन, बिसायखथि आ रायजो
नि 80 टा मिउनिसिपालटि बर्द नि आव फुंनि 8 बाजि निफ्राय। गासै 997 वार्द नि थाखाय
जागोन बेयो। बे बार आव गासै 2532 बिजाथि फोरा बिसायखथि खौ गेलेगोन।
रासिया आरो ईउक्रेईन नि दावहा। रासिया या हाथियार दोनथनायखौ बोखांना लाफिनबाय। फिन ईउक्रेईन खौ गाग्लोबनायखौ जागायफिनबाय। ईउक्रेईन नि आरमि फोरा रासिया या दखल खालामनाय मिकोलाईभ खौ फिन खनसेबाव गावनि सिङाव लांफिनबाय। बेनि गवर्नर आ बुंनाय बादिब्ला बेयाव गोबां सुबुंफोरनि जिउ गोमादों, नाथाय दासिम साबेसे आ थैदों बेखौ मिथिनाय जायाखै। रासिया या ब्रिटेईन खौ वारनिं होदों, ब्रिटेईन आ ईउक्रेईन खौ मदद होनायखौ माब्लाबाबो बावगारा होनना बुंदों, ब्रिटेईन आ ईउक्रेईन नो आरमि नि मदद होनायनि थांखि लादोंमोन आरो लोगोसे ईईउ आरो नाटो खौ ईउक्रेईन नो हाथियार साप्लाई खालामदों होनना बुंनायजों लोगोसे हाथियार हरनो नाङा होनना बुंदों। रासिया नि हादरगिरि आ ईउक्रेईन नि अख्रां आव न फ्लाई जन फोसावोब्ला दावहा फोसावनाय जागोन होनना बुंदों, ईउक्रेईन नि हादरगिरि जेलेंस्कि आ ईउक्रेईन नि अख्रां आव न फ्लाई जन फोसावनो नाटो आरो आमेरिका खौ खावलायदोंमोन, नाटो आ बे खावलायनायखौ गनायना लायाखै, बेनि गेजेरावनो गिथआवना वार्नि बायदि होदों रासिया या, नाटो जों दावहा नाङोब्ला थासारि आ गाज्रिथार जागोन। ईउक्रेईन नि हादरगिरि आ रासिया या ईउक्रेईन नि मोननै निउक्लियार पावार प्लान्त खौ दखल खालामबाय आरो दायो 3 थि नम्बर प्लान्त खौ बो दखल खालामनो नाजागासिनो, मैया आमेरिका जों सावरायलायनाय आव बुंदों।
मैया कार्बि आलंनि लांहिनाव दुलाराय बर’ फरायसा आफादनि खुंगा 54थि बोसोरारि थान्दै जखन्थायाव आसाम्नि गिबि मन्थ्रि बिथाङा बाहागो लादोंमोन। बाहागो लानो मोननानै आसामनि गिबि मन्थ्रि आ जोबोर गोजोननाय मोन्दों होनना बुंदों। एबसुआ फरायसानि जेंनायावल’ नङा बर’ माहारिनि समाजारि जेंना जेंगोना, गांनाय उखैनायखौ सुफुंनायाव जेब्लायबो सिगां सारियाव बाहागो लाबोदों । बिटिआर ओन्सोलजों लोगोसे बिटिआरनि बाइजोयाव थानाय बर’फोरनि जौगानायनि थाखाय जोंनि सोरखारा गोबां बिथांखि लाबोदों आरो बर’ माहारिनि राव, थुनलाइ, हारिमु, सोलोंथाइ जौगाहोनाय आरो गोसार होनायनि थाखाय नांगौ बादियै राहा लानाय जागोन । आसामनि देरसिन थागिबि माहारि महरै बर’ माहारिया आसामनि आबुं जौगानाव मुंख’जाथाव बिफाव लाबोदों। मानगोनां गाहाइ मन्थ्रि मुस्रि नरेन्द्र मदि आरो न’खर मन्थ्रि मुस्रि अमित शाहनि दैदेननायाव सागान खालामनाय जारिमिनारि बर’ गोजोन सुक्तिया बिटिआर ओन्सोलनि खौसेथि आरो जौगानाय लाबोगोन।
गुवाहाति आव नंखाय सोलोंथाय फसंथान खुलिनानै फरायसाफोरनि जिउ खौ खोमसिफारसे लांनायनि थांखि। खारखुमाबाय AJ Group of Institute नि गाहाय आब्दुल जब्बर आ। 5 सान बारनायनि उनाव दासिमबो पुलिस आ हमनो हायाखै। मखजाथावदि मुं थिसननायनि मुङाव 1.5 लाख निफ्राय 2 लाख नि गेजेराव रां लानायजों लोगोसे जेबो रोखोमनि गोनां फोरमान बिलाय गैयालासै नो गुवाहाति नि धारापुर आव सालायगासिनोमोन। फरायसाफोरखौ 2020 नि लकदाउन नि समाव फरायसाफोरखौ थगायनानै लाहोदोंमोन। गोबां फरायसाफोरखौ साख्रि होनायनि लोब दिन्थिनानै बिएससि नार्सिं, दि फार्म आरो जिएनएम नि आनजाद नि थाखाय बांगालुर आव लाना थआंदोंमोन, नाथाय आनजाद खौ होनो होआखैमोन। बेनि उनाव नो फरायसाफोरा गुवाहाति आव फैफिननानै गसर होदोंमोन, उनाव सानै सुबुंफोरखौ हमनो हादोंमोन, नाथाय बेनि गाहायखौ दासिमबो हमनो हायाखै। सांग्रा जा जोंनि बरफोरा, जानला मानला मुं थिसनना लानो नाङा।
भारतनि क्रिकेट दोलो आ दिनै पाकिस्तान नि बेरेखा गेलेगोन। आयजो फोरनि वर्ल्ड काप नि गेलेनाय जागोन, दिनै भारत आ हाईभल्टेज मेस नि गेजेरजों जागायजेनगोन वर्ल्ड काप खौ। क्रिकेत दोलो नि आगोलनि गेलेनायफोरखौ नायोब्ला भारत आ देरहानायनि सम्भावना बारा दं। दासिम भारत आ पाकिस्तान नि बेरेखा 10 टा वान दे गेलेनाय जादों, बेनिनो 10 टा खौ नो देरहादों। भारत नि सम बादियै दिनै फुंनि 7 बाजि निफ्राय गेलेनायखौ नुनो मोनगोन।
मैया भारत आरो श्रिलंका नि गेजेराव जानाय गिबि टेष्ट क्रिकेट आव भारत नि रबिन्द्र जादेजा या 35 बोसोर नि गोजाम रेकर्ड खौ सिफायो। मैया रबिन्द्र आ 175 रान आव नट आउत जाना थायो। बेयो बिथांनि नैथि टेष्ट हानद्रेद, 7 नम्बर जायगा याव बेटिं खालामनानै भारत नि दोलो नि 35 बोसोरनि रेकर्ड खौ सिफायनो हायो, आगोलाव 7नम्बर आव बेटिं खालामनानै कानपुर आव 163 रान बुनानै कपिलदेब आ रेकर्द खालामदोंमोन। बेखौनो सिफायो रबिन्द्र आ। मैया भारत आ 574 रान बुनानै दिक्लार खालामो आरो उनाव श्रिलंका या 108 रान बुयो सा 4 विकेट थाङो।
आसामनि सानै बारग एमएलए खौ 2 बोसोर नि जेल नि साजा होदों। गोलाघात नि उफ्रा जिला आऱो सत्र बिजिरगिरि नि बिजिरसालि आ सा 2 बारग एमएलए जों लोगोसे गासै सा 5 खौ 2 बोसोर नि जेल नि साजा जों लोगोसे 5 रोजा रां नि जरिमाना होदों। 2009 मायथाई नि मार्च आव काजिरङा नि कहरा आग्रा ओनसोल आव गनायथि गैयालासै नो हाबनानै आयेन बेरेखा यै ना नि सिकार खालामनाय नि गसर आव जितेन गगै आरो कुशल दुवरि खौ जेल नि साजा होदों। सानै बारग एमएलए नि अनगायैबो तरुन बरा, बाबु गगै आरो दम्बरुधर गगै खौ साजा होयो।
दावहा खौ दोनथनायनि उनाव ईउक्रेईन आव थासारि आ दायो ईसे मोजां जादों, नाथाय रासिया नि हादिब्ला हाथियार दोनथनाय आ दसे नि थाखाय ल सो जागोन। मस्को नि सम बादिब्ला 10 बाजि निफ्राय गावनाय फोरखौ दोनथदों। ईउक्रेईन नि गंनै सोहोर मारिउपुल आरो भलनभाखा नि सुबुंफोरा जाहाथे बे सोहोरखौ गारनानै थाङो बेनि थाखाय नो थिरांथा लादों होनना बुङो। बेनि गेजेराव नो ईउक्रेईन आ रासिया नि 10 रोजा आरमिफोरखौ बुथारनो हादों होनना बुंदों आरो 269 तेंक जों लोगोसे 39 प्लेन, 40 हेलिकप्तार खौ फोजोबस्रांनो हादों होनना बुंदों। ईउक्रेईन नि हौवासाफोरा गुबुन हादरनिफ्राय फैफिनबाय रासिया नि बेरेखा नांनो थाखाय, बेखौ ईउक्रेईननि दिफेन्स मन्थ्रि बिथाङा बुंदों। आमेरिका नि हादरगिरि आ रासिया नि ईउक्रेईन गागोलबनायखौ ईउरोपनि रैखाथि आरो बुहुमनि शांति खौ गाग्लोबनाय होनना बुंदों।
रासिया नि बेरेखा गोबां रांखान्थियारि आरो टेक कम्पानि फोरा गोबां
गासैबो रोखोमनि सोमोन्दो खौ गारनायनि उनाव दायो पेपाल आ बो रासिया याव गावनि
सारभिस खौ बन्ध खालामनायनि थिरांथा। रासिया या ईउक्रेईनखौ गाग्लोबनायनि थाखाय नो
बेखौ खालामदों होनना बुंदों
थाबैनो काजिरङा माहारियारि हाग्रामानि गान्दा खौ साननाय जागोन। मार्च दान नि 25, 26 आरो 27 खालार आव साननायनि सम्भावना दं। बेनि सायावनो काजिरङा नि कहरा नि हाग्रा बिफान नि अफिसारफोरा सावरायलायो। बेयाव खालारखौ थि खालामदोंब्लाबो काजिरङा माहारियारि हाग्रामा आरो टायगार रिजार्भ नि दायरेक्टर आऱो हाग्रा बिफाननि गोजौ थाखो नि अफिसारनि गनायथि मोननायनि उनाव सो साननो हागोन होनना बुंदों। 2018 मायथाई आव सानदोंमोन बेनि सिगां, बै समाव 2413 टा गान्दा मोनदोंमोन। हाग्रा बिफाननि सुबुंफोरा बुंनाय बादिब्ला बे खनसेयाव गान्दा नि अनजिमा या बारा जानो हागौ।
मैया आसाम पुलिस आ सा 5 खौ अल कायदा जों सोमोन्दो थानायनि सन्देह आव हमदों। आसाम पुलिस नि गिदिर देरहानाय। मैयया हर आव बरपेता नि हाउलि आरो कलगासिया निफ्राय हमदों। गिबि नायबिजिरनाय आव मिथिनाय बादिब्ला आयेन बेरेखा यै भारत आव हाबफैनाय बांलादेश नि नोगोरारि साईफुल ईश्लाम उरफे हारुन रसिद उरफे महम्मद शुमन आ धकलियापारा मशजिद आव फोरोंगिरि नि खामानि मावोमोन। बियो बरपेता याव जेहादि सालायनाय जों लोगोसे आयेन बेरेखा खामानि मावोमोन, लोगोसे हमनाय आरो सा 4 नो बो सोलोंथाय होदोंमोन। आसामनि दिजिपि भास्करज्योति महन्त बिथाङा सा 5 नि मुं खौ फोसावनानै होदों, खाईरुल ईश्लाम, बादशाह सुलेईमान खान, नौशाद आलि आरो टाईमुर रहमान खान।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon