ट्रेद ईउनियन आ मिरु सोरखार नि खान्थि नि बेरेखा साननै नि थाखाय भारत बन्ध
फोसावदों। बे बन्ध फोसावनायखौ अल ईन्दिया बेंक एमप्लयिस एशसियेशन आ बो मदद होदों। भारत
बन्ध जों लोगोसे धर्ना हाबाफारि बो लादों होनना फोसावदों। बेंक ईउनियन आ बुंदों
सोरखारि बेंकफोरखौ सोरखारि नङि बानायनाय आरो बेंकिं आयेन 2021 नि बेरेखा बेखौ
फोसावनानै होदों। स्तेत बेंक आ बुंनाय बादिब्ला बेंकिं सारभिस आव बे बन्ध फोसावनाय
आ गोबां गोहोम खोख्लैगोन। मिरु सोरखार नि मावथिफोरनि बेरेखा, आबादारिफोरनि बेरेखा,
रायजोपोरनि बेरेखा आरो हादर बेरेखा खान्थि नि थाखायनो धर्ना होनाय हाबाफारि लादों
होनना बुङो। मिरु सोरखार आ 2021 आव गंनै सोरखारि बेंक फोरखौ प्राईभेत बानायनायनि
थिरांथा लादोंमोन। ट्रेद ईउनियन आ फोरमायनाय बादिब्ला बे बन्ध आव लामा, हान्थामेल
आरो मोब्लिब नि मावथिफोरा बो बेखौ मदद खालामगोन होनना बुंदों, बेजों लोगोसे खैला,
स्तिल, थाव, तेलिकम, पस्तेल, ईन्काम टेक्स, कपार आरो ईन्सुरेन्स नि मावथिफोरा बो
बाहागो लानो हागौ होनना बुंदों।
गिथावना बुथारनाय जाथाय। बिसि नि गोदना हासनानै थाना याव थांदों फिसाय आ।
बे जाथाय आ सोमोनांहोदों रायजोफोरखौ। लक्षिमपुर नि लिलाबारि आव जादों जाथाय आ।
थैनाय आयजो नि मुं खौ फैजुला बेगम होनना मिथिनाय जादों, गुबुनफारसे बुथारनाय
दायनिगिरि नि मुङा मऊनुल आलि। गिबि नायबिजिरनाय आव नखर नि नांलायनायनि थाखआय नो
जादों होनना मिथिनाय जादों। पुलिसफोरा दायो फिसायखौ हमनानै सोंगासिनो। गुबुनफारसे
बिसि नि गोथै देहा खौ पस्त मर्तेम नि थाखाय लांनाय जाबाय। मैया नि हर नि समाव
जादोंमोन जाथाय आ। नायबिजिरनाय आ सोलिगासिनो दं।
30 मार्च, जोहोलाव
बालिराम बर'नि 26थि मुंख्लं
सानखौ देग्लाइ मिरु आरो अदालगुरि जिल्ला एबसु जथायै देउलगुरिनि हरिसिंगा माल्टि
पार्पस हिनजावसा गोजौ फरायसालिनि गेलेग्रा फोथाराव सानसेनि मेहेरगोनां हाबाफारिजों
खुंफुंनो थाखाय लाहार फाहार खालामगासिनो । बेखौनो दिनै मिरु
एबसुनि गाहाइ नेहाथारि मानगोनां मुस्रि खनिन्द्र बसुमतारीनि दैदेननायाव मिरुनि
मोनसे हानजाया हाबाफारिखौ खुंगोन थावनिखौ नाइगिदिंहैयो। नाइगिदिंहैनायाव
मिरुनिफ्राइ फारियै लोगो गाहाइ नेहाथारि मुस्रि दिनेस ब्रह्मजों लोगोसे सुबुं
फोनांजाब नेहाथारि अबित नार्जारीयाबो बाहागो लायो ।
थांनाय 10 मार्च आव नैथि खेब नि थाखाय सोरखार दानायनि बोलो मोनदोंमोन उत्तर
प्रदेश आव बिजेपि दोलो आ। योगि आदित्यनाथ आ नैथि खेब नि थाखाय सोरखार दायो, सोरखार
दानायनि उनाव नो पुलिसफोरनि खाथि आव 50 दागो गोनां दायनिगिफोरा गावखौनो गथायदों।
टाईम्स अफ ईन्दिया नि बादिब्ला एनकाउन्टारखौ गिनानै नो गावखौनो गथायदों गासैबो,
मानोना योगि नि गिबि सोरखार नि समाव गोबां दायनिगिरिफोर, माफिया फोरखौ एनकाउन्टार
खालामदोंमोन। गोबां दायनिगिरिफोरा नो गोदना याव प्लेकार्द लानानै गावखौनो गथायदों,
प्लेकार्द आव लिरनाय दं आं गावखौनो गथायदों, अननानै एनकाउन्टार खालामनो नाङा।
मध्यप्रदेश नि बारग गिबिमन्थ्रि दिग्विजय सिंह खौ हिंसायारि जाथायजों
सोमोन्दो थानायनि दाय आव बोसोर 1 नि जेल नि साजा होदों। 2011 मायथाई आव भारतिय युवा
मर्सा नि मावथि नि सायाव गाग्लोबनायनि सायाव अजद मोन। बारग गिबि मन्थ्रि जों
लोगोसे गासै सा 6 खौ ईन्दोर बिजिरसालि आ दायनिगिरि खालामदों। बोसोरसे जेल नि साजा
जों लोगोसे 5000-5000 रां नि जरिमाना बो होदों। बिजिरसालि नि राय नि उनाव बारग
गिबि मन्थ्रि आ बुंदों- बेयो मोनसे 10 बोसोर नि गोजाम गसर आरो आंखौ बेयाव
गोरोन्थियै दायनिगिरि साजायदों, आंनि मुङा आगोलाव एजाहार आव गैयामोन,
राजखान्थियारि नारसिननाय आव सो आंनि मुं खौ होदों होनना अजद होदों। जेल नि साजा होदोंब्लाबो
बारग गिबि मन्थ्रि नि उकिल आ दायो जामिन मोनदों होनना बुंदों। मैया राय होनाय समाव
बिजिरसालि नि मोखाङाव दावराव दावसि जादोंमोन होनना बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon