उदालगुरि नि सासे बर फरायसा या भारत आव फैफिननो हाबाय ईउक्रेईन निफ्राय। गोदान दिल्लि आव मोनफैबाय उदालगुरि नि ईभानजिलिन बसुमतारि आ। आसामनि गिबि मन्थ्रि आ बुंनाय बादिब्ला सोरखार आ आसाम आव लाबोनो थाखाय तिकेट नि बेबस्था खौ खालामना होबाय। ईभानजिलिन जों लोगोसे आरो सानै आसामनि फरायसा या बो फैफादों होनना होनना मिथिना मोनदों, सासे या गुवाहाति नि स्वाति जोथि आरो सासे आ दुलियाजान नि तान्या महन्त।
माहारियारि आदार रैखाथि आयेन, आयेन बेरेखा सोरखारि आदार लानाय सुबुंफोरखौ 15 मार्च नि गेजेराव रेशन कार्द खौ होफिननो बिथोन सोरखार नो। गोबां सोरखारि साख्रिआवला फोरा नो सोरखारा गोरिबफोरनो होनाय मायरं फोरखौ लागासिनो, बिसोरनि बेरेखा सोरखार आ थिरांथा लादों, जुदि 15 मार्च नि गेजेराव रेशन कार्ड खौ होआ, अब्ला दरमाहा नि रां खौ दानगोन होनना बुंदों। खाथि नि एजेन्त नि खाथि आव थांनानै बेखौ होफिननो बिथोन होदों सोरखार आ, सोरखार नि बिथोननि उनाव नो गोबां जगाय बिफान आ गोख्रों जादों।
रासिया आरो ईउक्रेईन नि दावहा नि खौराः ईउक्रेईन आव रासिया नि आरमिफोरा दासिमबो दं, बेखौ लानानै नो UNGA आव मोनसे प्रस्ताब लानाय जादोंमोन, जेराव रासिया खौ ईउक्रेईन निफ्राय आरमि फोरखौ बोखारनो होदोंमोन, नाथाय बेनि भटिं आव भारत आ बाहागो लायाखै, भारत आ गोजान जाना थादों दावहा निफ्राय, बेखौ मदद महरै 141 हादर आ होदों, 35 हादर आ बेनिफ्राय गोजानाव थादों आरो 5 टा हादर आ बे प्रस्ताब नि बेरेखा खालामदों। रासिया याव दावहा नि बेरेखा गोबां सुबुंफोरा नो धर्ना होदों, एजेन्सि नि बादिब्ला रुस नि सेंत पिटर्सबार्ग आव दावहा नि बेरेखा खालामनाय सुबुंफोरा ज जादों आरो दावहा खौ बन्ध खालामनो दाबि दैखांदों। रासिया या ईउक्रेईन खौ गाग्लोबनाय नि थाखाय बुहुमनि गोबां हादरफोरा नो रासिया खौ गोबां खामानि आव नो बेन खालामनाय खामानि आ सोलिगासिनो दं, रासिया जों लोगोसे दायो बेलारुस आ बो रासिया खौ मदद खालामनायनि साजा मोनदों, ईउरोपियान ईउनियन आ बेलारुस नि सा 22 नोगोरारिफोरखौ बेन खालामदों, आमेरिका आरो ब्रिटेईन आ बो बेबायदि नो खालामदों। होन्दा आरो माजदा या रासिया जों फालांगि खौ बन्ध खालामगोन, EU आ रासिया ना गं 7 फिसा फिसा बेंकफोरखौ स्विफट निफ्राय बाहेर खालामनायनि थिरांथा। भारत सोरखार नि बादिब्ला 17 रोजा भारतारिफोरा ईउक्रेईन खौ गारनानै गुबुन जायगायाव थांबाय, भारतारिपोरखौ भारत आव लाबोफिननायनि खआमानि आ सोलिगासिनो दं।
बिटिआर आव बिगियानारि बादियै ना बानायनायनि मिरु बेखेवदों। न न फख्रि, न न ना नि थांखि खौ मोगथां महर होगोन बिटिआर परिषद आ। बिटिआर नि बाक्सा याव नि बिफान नि ईएम राकेश ब्रह्म बिथाङा बेखेवनानै होयो। अदालबारि नि दिपेन बर नि न नि मोखाङाव 1 लाख 50 रोजा रां बाहायनानै बानायनाय ना बानायनाय मिरु खौ बेखेवो। ईएम बिथाङा बिटिआर आव जौगानाय खामानि आ बारहुंखा नि खारथायजों आवगायलांगासिनो होनना बुङो। बिटिआर नि मोनफ्रोमबो जिला याव नो बिगियानारि लामा जों खम हा याव नो खम खरसा याव बानायनानै गोबां रां खामायनो हागोन होनना बुंदों।
ईउक्रेईन याव आरोबाव सासे भारत नि फरायसा नि जिउ गोमाबाय। गासै सा 2 जाबाय दासिम। बुधबारखालि ईउक्रेईन आव एमबिबिएस फरायबाय थानाय पान्जाब नि चन्दन जिन्दाल मुंनि फरायसा नि जिउ गोमादों। 22 बोसोर बैसो नि फरायसा या नाथाय गावजानानै नङा, देहायारि जाहोन नि थाखाय थैदों होनना मिथिना मोनदों। सोलोंथाय बुहुमफरायसालि नि 4 थि बोसोर नि फरायसा या मेलेम आव ब्लाद क्लटिं जानाय आव दान 1 सिगांनिफ्राय नो फाहामथाय लागासिनोमोन। नखरनि सुबुंफोरा सोरखार खौ गोथौ देहा खौ न आव लाबोनो खावलायदों। गुबुनफारसे फरायसा नि थैनायनि उनाव नो ईउक्रेईन नि नैथि गिदिरसिन सोहोर खारकिभ खौ थाबैनो भआरत नि सुबुंफोरखौ गारनानै थांनो बिथोन होदों भारत नि राजथान्दै आ। ईउक्रेईन नि सम बादियै 6 बाजि नि सिगां नो खारकिभ निफ्राय माबोरै हायो ओंखारनो होदोंमोन। खाथि नि सोहोर आ 11 कि मि सो गोजान जायो, नाथाय गुलि गावलायनाय समाव फरायसा फोरा थाबायनानै थांनो हाया होनना बुंदोंमोन, नाथाय दावहा नि समाव जेबो राहा गैया। सानसे सिगाङावबो सासे फरायसा नि जिउ गोमादोंमोन भारत नि, बेनि उनाव नो सासे मिरु नि मन्थ्रि आ बाहेराव फरायनो थांनाय गोबां फरायसाफोरा नो भारत आव मेदिकेलनि आनजाद आव पास जायि होनना बुंदोंमोन, बेनि फिननाय महरै नबिन सेखाराप्पा मुंनि जिउ गोमानाय फरायसा नि बिफा या गावनि फिसाज्ला या हायार सेकन्दारि आव 97 जौखोन्दो मोनदोंमोन होनना बुंदों, देहाफाहामगिरि जानायनि सिमां दंमोन होनना बो बुंबावो।
मैया 2 मार्च, जारिमिनारि बड'लेण्ड दाबिनाय सान(BODOLAND DEMAND DAY)। बर' हारिनि सिनायथि थामोन्था आरो रैखाथिनि थाखाय बड'फा उपेन्द्र'नाथ ब्रह्मआ 1987 मायथाइनि 2 मार्च एबा मैयानि बे गोथार सानावनो बड'लेण्ड दाबिखौ फोसावनानै सोमावसारजेनो । बै साननिफ्राइनो एबसुआ बोसोरफ्रोमबो 2 मार्चखौ बड'लेण्ड दाबि सान महरै फालिबोगासिनो ।
आलादा राइजो बड'लेण्डखौ दिनैसिम मोनफुंनो हायाखैब्लाबो बिनिनो फिथाइ महरै इं 1993 मायथाइनि 20 फेब्रुवारीयाव बि.ए.चि, 2003 मायथाइनि 10 फेब्रुवारीयाव बि.टि.ए.डि आरो 2020 मायथाइनि 27 जानुवारीयाव बि.टि.आर. गोरोबथाखौ बर' हारिया मोनफुंनो हादों । बे सान खौ देग्लाइ मिरु दुलाराय बर' फरायसा आफादा आफादनि गाहाइ मावख' बड'फा हाउसआवनो फालियो ।हाबाफारि बादियै फुंबिलिनि गोथार आर'जखौ जागायनानै आफादनि फिर्फिलाखौ बिरहोयो मिरु एबसुनि लेङाइ आफादगिरि मानगोनां मुस्रि खोरोमदाव औवारीया आरो बड'फानि सावगारियाव बिबारखौ बाउजेनो बुंथिगिरि जनक उजिरया ।फिरफिला बिरहोनायजों लाखिनाय सुंद बिबुंथियाव मिरु एबसुनि लेङाइ आफादगिरि मानगोनां मुस्रि खोरोमदाव औवारीया बयनिसिमबो बड'लेण्ड दाबि साननि गाहाम हामलाइथि बाउहरनानै सोमावसारनायखौ दोन्थ'दोंसो फोजोबाखै होननानै गावनि बिबुंथियाव बुंथियो।
जारिमिनारि 2 मार्चखौ
आसामनाङैनो दिनै जिल्ला दख'रा आरो दालाइसा एबसुआ फालिदों ।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon