टंला याव गिथावना जाथाय, बिसि खौ
बुथारनानै देहाफाहामगिरि फिसाय आ गावबो थैदों। उदालगुरि जिला नि टंला याव जादों
गिथावना जाथाय आ। देहाफाहामगिरि फिसाय आ गिबि आव बिसिखौ गोबौ हाथियारजों
बुथारदोंमोन। होमिअ फाहामगिरि डाँ जयन्त शर्मा या हर फुं नि 3.30 सो आव बिसि खौ
बुथारदोंमोन, टंला याव बिथांनि गंसे होमिअ क्लिनिक दंमोन, जायो रायजोफोरजों गोबां
मोजां मोनजानायमोन। सानै गथ नि बिफा जयन्त शर्मा या मा जाहोननि थाखाय बेबायदि
खालामखौ दासिम मिथिनाय जायाखै। मैया बुथारनायनि उनाव फिसा फोरा होस्रिखावना होयो,
होस्रिखावनाय खोनाना खाथि नि खथा याव थानाय फंबाय या ओंखारो, फंबाय नि सिगाङाव
बिबाजै खौ बुथारबाय होनना ननिफ्राय ओंखारलाङो, उनाव जयन्त शर्मा नि नि गोथै देहा
खौ बो मोनो नखरनि सुबुंफोरा। जाथाय आ ओनसोलनाङैनो सोमोनांहोदों।
रासिया आरो ईउक्रेईन नि दावहा नि
गेजेराव नो सेटेलाईत नि गेजेरजों लानाय सावगारि आ रासिया नि आरमि आ ईउक्रेईन नि
बेसेबां सिंसिम हाबदों बेखौ दिन्थिदों। ईउक्रेईन नि राजधानि किभ नि साहानि 64 कि
मि सो सिम रासिया नि आरमि आ हाबबाय। सानसे सिगाङाव 27 कि मि सिम होनना बुंदोंमोन,
नाथाय सेटेलाईट आ गुबुन सावगारि दिन्थिदों। दिनै फुङाव नो रासिया नि आरमिफोरा
ईउक्रेईन नि आरमिफोरनि सायाव गाज्रियै गाग्लोबदों, खौरां मोननाय बादिब्ला लोगोसे
नो सा 70 आरमिफोरनि जिउ गोमादों। ईउक्रेईन नि सायाव आरो बांसिन गोरा जादों रासियान
आरमिफोरा। गुबुनफारसे फिफा या रासिया खौ वर्ल्द काप निफ्राय बाहेर खालामबाय। ईउक्रेईन खौ
गाग्लोबनायनि थाखाय नो बे थिरांथा लादों। काटार आव जानो गोनां गेलेनाय बादायलायनाय
निफ्राय सासपेन्द खालामनायजों लोगोसे उवेफा या बो रासिया नि गासैबो क्लाब खौ
सासपेन्द खालामबाय। फिफा आरो उवेफा या मैया प्रेस रिलिज नि गेजेरजों बेखौ फोरमायो
आरो थाबैनो ईउक्रेईन नि थासारि आ मोजां जागोन होनना आसा खालामदों। गुगल आ रासिया
नि मिदिया नि युत्यब चेनेलफोरखौ ब्लक खालामबाय, फेसबुक आ बो रासिया नि सोरखारि
मिदिया खौ ब्लक खालामदों होनना मिथिना मोनदों। दुखुनांथावै सासे भारत नि फरायसा या
खारकिभ आव गावनि जिउ खौ खोमाना लानाङो होनना मिथिना मोनदों, भारत नि राजथान्दै आ
भारत नि सुबुंफोरखौ ईउक्रेईन नि किभ निफ्राय थाबैनो ओंखारलांनो बिथोन होदों,
ओंखारलांनो थाखाय बास आरो ट्रेन नि मदद लानो बिथोन होदों। भारत नि सुबुंफोरखौ भारत
आव लाबोफिननाय आव मदद खालामगोन भारत नि एय़ारफर्स आ, दायो भारत सोरखार आ अपारेशन
गंगा नि गेजेरजों लाबोगासिनो भारत आव, बेयाव एयारफर्स खौ सोनाय जायाखैमोन, नाथाय
रिपर्त नि बादिब्ला एयारफर्स खौ बो बेयाव दाजाबदेरनो बिथोन होदों।
दिनैनिफ्राय गेस सिलिन्दार नि बेसेना
बारा जाबाय। नाथाय बेयो कमारसियेल सिलिन्दार नि या सो जादों। जोंनि बाहायनाय
साधारन सिलिन्दार नि बेसेन आ नङा। दिनैनिफ्राय कमारसियेल एलपिजि सिलिन्दार नि
बेसेना 105 रां यै बारा जादों, 19 केजि सिलिन्दार नि बेसेना बारा जानाय आ
दिनैनिफ्राय जादों, बे बारा जानाय आ हतेल रेस्तुरेन्त फोराव बांसिन गोहोम
गोग्लैगोन, थांनाय फेब्रुवारि दान आव 91.50 रां खम खालामदोंमोन। गोदान दिल्लि आव
सिलिन्दार नि बेसेना 2012 रां जाहैदों, बेनि अनगायैबो 5 केजि नि सिलिन्दार नि
बेसेन खौ बो बारा खालामदों होनना मिथिना मोनदों, 27 रां बारा खालामदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon