4 March morning bodo news ~ Bodoinfo.com

बिटिआर नि बाहेराव बर बिजों नि फरायसालि फोरा जोबस्रांलानायनि लामा याव नामा। लक्षिमपुर जिला नि सिमलुगुरि बर बिजों नि फरायसालि आव दायो फरायसा फोरा बर राव जों फरायलिया, असमिया जों सो फरायो। बेनि जाहोनखौ सोंनाय आव सासे फोरोंगिरि आ बुंदों बे जायगा नि गोबां सुबुंफोरा नो गुबुन हारि नि बिहामजो लाबोनाय नि थाखाय गथ फोरा गावनि राव रायलायनाय चर्सा गैया जाहैबाय, चर्सा गैयि नि थाखाय आरो गुबुन हारि नि थाखाय न आव एसे एनै फोरोंनो गोब्राब जाहैबाय, बेखायनो बे ओनसोलाव बर बिजों नि फरायसा फोरा गैया जालांनो हमबाय होनना बुंदों, बेफोरनि अनगायैबो बिजाबफोरखौ नांगौ समाव मोना आरो ईंराजि बिजों नि फरायसालिफोरा गथफोरखौ होयो होनना बुंदों। 2011 नि सिगाङाव मोजांमोन, नाथाय बै सम निफ्राय नो बेबायदि आ जाबोदों होनना बुंदों।

आसामनि गिबि मन्थ्रि आ माजुलि आव बिसायखथि फोसावदिं मेल आव बाहागो लानानै बुंदों--हिनजावसा फोरा स्कुटि मोनबाय, थांनाय बोसोर आव कभिद नि थाखाय होनो मोनासै, बे बार आव बो मोनगोन, हौवासाफोरा बो बुलेत बुलेत बुंगासिनो दं, बिसोरनो बो माबा मोनसे बेबस्था खालामनो नांगोन, बाजेत खौ फैनो हो, नोंथांमोना नुगोन 16 मार्च आव, अरुनुदय नि मोजां खौरां फैगोन, हौवासाफोरा बो मोनगोन मोजां खौरां। कलेज आव फरायनाय फरायसुलिफोरा आरो बांसिन मोजां खौरां मोनगोन होनना बुंदों, बेसेननाङै मुं थिसननाय आ थ जाखादोंनो, कलेज आव थांलाय फैलाय साहा लोंनायनि खरसा नि बिबान लागोन सोरखार आ। थाखो 9 मोननाय लोगो लोगो कास्त चार्तिफिकेत न आव नो मोनगोन आरो गोबां मोजां खौरां मोनगोन। थायसे बो रां होआलासैनो सोरखारि साख्रि मोनगोन। अरुनुदय नि रां मोनिफोरा साननांगौ गैया, गासैबो मोनगोन, माईक्रफाईनेन्स नि लोन नि रेहाय होनाय जागोन होनना बो बुंबावो। मथजाथावदि माजुलि आव जानो गोनां बिसायखथि नि थाखाय 7 आरो 10 मार्च आव द्राय दे होनना फोसावना होदों, 7 मार्च आव भट होनाय आ जागोन आरो 10 मार्च आव सानगोन।

चिरां आव एसएसबि नि अपारेशनः सा 3 सुरां चिकारि खौ हमदों। चिरां नि भारत भुटान सिमना याव नागिरनानै मोनदों एसएसबि आ। मैया कयला मयला नि 15 नं बेतेलियान नि मोनसे दोलो आ पुर्निया बाजारनि गंसे दखान आव नागिरनानै मोनदों। बिसोरनिफ्राय 100 केजि गोरान बनगरु बेदर, आखायजों बानायनाय बन्दुक, बारुद आरो तिर मोनदों। एसएसबि फोरा हमनाय सा 3 नि मुङा बुथिरां बसुमतारि(56), दिसेम्बर महिलारि 18, आरो तुजुरस बसुमतारि 17 बोसोर बैसो नि, सा 3 नि बो न आ आमगुरि थाना नि सिंनि कयला मयला पुलिस चक नि थायगिरगुरि नि होनना मिथिना मोनदों, मैया बेलासि नि समाव बिसोरखौ कयला मयला नि फरेस्त रेन्ज अफिस आव गथायना होनाय जायो।

रासिया आरो ईउक्रेईन नि दावहाः मैया 3 थि खोलोबनि सावरायलायनाय आ रासिया आरो ईउक्रेईननि गेजेराव जायो, बेयाव ईउक्रेईन आ गावनि लुबैनाय बायदि आ जायाखौ होनना बुंदों, नाथाय गंनैबो हादर आ ईउक्रेईन आव थानांनाय सुबुंफोरखौ दिहुननो थाखाय करिदर बानायनायखौ गनायना लादों। रासिया या ईउक्रेईन गाग्लोबनायखौ बन्ध खालामा होनना रोखा खालामना होदों, बेखौ फ्रान्स नि हादरगिरि ईमानुवेल मैक्रो आ बुंदों, मैया बिथाङा फन आव रासिया नि हादरगिरि जों रायलायदोंमोन। रायलायनायनि उनाव गाज्रिसिन आ फैनो दंबावो होनना बुंदों। रासिया नि जायगायावनो रासिया या गावनि थागिबिफोरजों ईउक्रेईनखौ गाग्लोबनायनि बेरेखा खालामजादों, गोबां सोहोरफोराव नो धर्ना होदों, नाथाय जाय बेबायदि खालामदों बिसोरनि बेरेखा एक्सन बो लादों सोरखार आ। ब्रिटेईन आ टिकटक, त्वितार आरो मेटा निफ्राय रासिया खौ मदद खालामनाय खौरां नि सारभिस खौ बन्ध खालामनो बिथोन होदों. सा 22 सुबुंफोर थैदों चेर्निहिभ आव एयार स्त्राईक आव, ईमारजेन्सि सारभिस फोसावदों। आमेरिका या बुंदों- रासिया या ईउक्रेईन आव दासिम 480 मिसाईल गावबाय होननानै, बेनिनो 230 आ मबाईल सिस्तेम निफ्राय, 150 आ रासिया निफ्राय, 70 नि बारा बेलारुस निफ्राय आरो गोसोम लैथो निफ्राय मोननैसो खौ गावहरदों होनना बुंदों। भारत नि सुबुंफोरखौ ईउक्रेईन निफ्राय लाबोनाय खामानि आ सोलिगासिनो दं, थांनाय 24 घन्टा याव अपारेशन गंगा नि गेजेरजों 3000 भारतारिफोरखौ 15 टा बिरखं जों लाबोबाय। 18 रोजा भारतारि फोरा ईउक्रेईन खौ गारनानै बाहेराव थांनो हाबाय

मिरु एबसुनि 54थि थान्दै जखन्थाइया सान्थामनि मेहेरगोनां हाबाफारिजों कारबि आंलं जिल्लानि लांहिन नोगोराव थानाय हाजोआरि फोथाराव मैयानिफ्राइ जागायबाय । साननि गुबुन गुबुन हाबाफारिफोरजों लोगोसे मिरु एबसुनि बुंथिगिरि मानगोनां मुस्रि जनक बसुमतारी आरो लोगो बुंथिगिरि बिबारि बर'आ मासि लानानै दैदेननाय थान्दै मेलखौ बेखेवनानै होयो बि.आर.एम सरकारि आयेन फरायसालिमानि एसिस्टेन्ट प्रफेसार ड० प्रहलाद ब्रह्मआ । बिथाङा गावनि बेखेव बिबुंथिनि गेजेरजों एबसुआ जिहेथु बर' हारिनि गासिबो जेंना जेंगोनाफोरखौ थोंजों एबा खेंसालियायैब्लाबो बाहागो लानानै सुस्राङो, बे लेखायै बर' हारिनि लाइमोनफोरखौ थोंजोङै गासिबो बिथिङावनो नोजोर होनानै गावनि आथिङाव गसंथानो हानायबादि खालामनांगौ होननानै एबसुआ बर' हारिनि फेसिलिटेटर होननानै दाबि खालामनानै गावनि बिबुंथियाव बुंथियो । बे थान्दै मेलाव मिरु एबसुनि आफादगिरि गाहाइ नेहाथारिखौ लाफानानै गासै सा 27 बिबानगिरिफ्रा बाहागो लानायजों लोगोसे सा थामरोजा (3000)निबो बांसिन थान्दै आरो नोजोरबोआरिफोरा बाहागो लायो ।

बिसायखथि आव जेननायनि दुखु खौ बावगारनो हायि नि सोरखारि लामा खौ नो नष्ट खालामनायजों लोगोसे स्त्रिट लाईट खौ बो बोखआरदों।, बिसायकथि नि समाव गासैबो राजखान्थि नि दैदेनगिरिनि खामानिफोरखौ नुयो, बिसायखथि फैयोब्लानो दैदेनगिरिफोरा रायजोफोरनि थाखाय मा मा खालामो बेखौ मिथियो। उरिश्या नि गंसे गामि आव सासे दैदेनगिरि आ सोमोनांथाव खामानि मावदों। दैदेनगिरि आ गामिनि सरपन्स नि बिसायखथि नि समाव लामा नि सुबिदा खालामनायजों लोगोसे स्त्रित लाईत नि बो बेबस्था खालामना होदोंमोन, नाथाय बेपोरखौ मावनायनि उनाव बो बिसायखथि आव जेनो, गामि नि सुबुंफोरा भोट होनानै देरहाहोयिनि रागा जोंनानै गावनो हानायना होनाय लामा खौ जावनानै गाज्रि खालामो आरो लामा याव गिदिर गिदिर अन्थाय दोनना होयो, बेनि अनगायैबो स्त्रित लाईत खौ बो बोखारो। सोमोनांथाव।