ओनसोलारि
बाथौ धोरोम आ हिन्दु नङा। बेखौ बुंदों बाक्सा
जिला दुलाराय बाथौ गौथुमनि आफादगिरि लचमन चन्द्र बर बिथाङा। बाथौ धोरोम आ आलादा
मोनसे फुजिनाय, हारिमु, नखरारि आसार खान्थि या बो आलादा, हिन्दु धोरोमनि नेमखान्थि
जों गोरोबा। बिथाङा लोगोसे सुबुं सानखो आव बाथौवारि बरफोरा गावनि धोरोमखौ Bathouism लिरनो खावलायो।
बाथौवारि होनना लिरोब्ला बाथौवारि सुबुं सानखो आ एरगोन होनना बुंदों, लोगोसे
भारतनि संबिजिराव गनायजानायनि थाखाय बर नि कास्तमारि ल आरो बाथौ थान्दैखौ इंराजि
याव सोलायदों आरो ट्राइबेल रिसार्ज इन्सटिटिउट आव गथायनाय जादों, लोगोसे मिरु
सोरखारनोबो दैथायहरनाय जाबाय होनना बुंदों।
बिपिएफ दोलो आ महाजोत आव हाबबाय, लोगो
जानानै बिसायखथि गेलेगोन। मैया हटेल सिगनेत ईन आव खौरां मेल आव हाग्रामा महिलारि
बिथाङा बुंदों आसामाव बिजेपिखौ आंसो फोथांना लाखिदोंमोन, दायो सोर फोथांना
लाखिगोन। सोरखार दानो 64 मासि नांगौ, महाजोत आ 70 मासि मोननानै सोरखार दागोन,
लोगोसे बिजेपि खौ 100 मासि लानानै दिन्थि होनना बो बुंदों हाग्रामा बिथाङा, आरो
हिमन्त नि बादि कालेक्शन खालामना, किदनेप खालामनानै सोरखार दाया होनना बो बुंदों।
मन्थ्रि प्रमिलारानि ब्रह्म बिथाङा बो मैया खौरांगिरिफोरनि सिगाङाव बिजेपि नि
बेरेखा बुंदों। सैमा बादि आखु दिन्थियोमोन, बिजेपि दोलो आ अपमान खालामनायखाय
महाजोत आव हाबदों होनना बुंदों। बिजेपि दोलो आ अहंकारि, जायनि थाखाय बिसोर गबगोन।रायजोखौ
थगा.नाय दोलो बिजेपि या, बिसोर नंखाय खोथाजों, नंखाय समायजों थगायनायनि फिननाय
होगोन रायजोफोरा होनना बो बुंदों, लोगोसे बिपिएफ आ बिटिआर नि मोन12 बियाब आव
बिसायखथि खौ गेलेगोन होनना बो बुंदों बिथाङा।
आसामाव गासै 1.08 लाख दि भटार एबा doubtful voter दं। बिसोर फैबाय थानाय बिधानसभा
बिसायखथि याव भट होनो मोननाय नङा, बेखौ बुंदों सिईअ(चिफ ईलेकटरेल अफिसार) नितिन
खारे बिथाङा। आसामाव 27 माप्च, 1 आरो 6 एप्रिल आव जागोन। आसामाव थांनाय बिसायखथि
यव 1.13 लाख दि भटार दंमोन, नाथाय बे बार आ खम जाबाय। चिफ ईलेकशन कमिशनार सुनिल
अरोरा बिथाङा आसामाव फैनाय समाव एनआरसि याव नाम गैयिफोरा बो भट होनो मोनगोन होनना
बुंदोंमोन। दि भटार नि ओंथिया गुबुन हादरनि थागिबि खालामनाय एबा गुबुन हादरनि
फोसावनायनि केसफोरा पेन्दिं जाना थानाय। आसामाव गासै 2,32,44,454 भटारफोरा भट
होगोन, बेनिनो 1,17,42,661 आ हौवासा आरो 1,14,43,259 आ हिनजावसाफोरा आरो 442 आ
थार्ड जेन्दारनि जायफोरा गासै 33,530 पलिं स्तेशन आव भटखौ होगोन।
सुक्रबारखालि सोलाय सोल खालामनायनि
बिथोन होनाय सा 12 आइपिएस आऱो सा 6 एपिएस नि सोलायनायखौ बन्ध खालामथनाय जाबाय।
बिसायखथि आयोग आ प्रेस रिलिज नि गेजेरजों बुंदों। बिथांमोना बुंदों थांनाय 26
फेब्रुवारिनिफ्राय नो आसामाव मदेल कद अफ कन्दाक आ सोलिबाय, बे सानखालि नो सोलाय
सोल खालामदों, बेखायनो गोदान बिथोन होयैसिम सोलाय सोल खालामनो हाया होनना बुङो, गासैखौबो
बन्ध खालामजोबना होखाबाय।
दिनै आसामाव फैगोन कंग्रेसनि दैदेनगिरि
प्रियंका गान्धि या। गुवाहाति बिरखं गाथोन आव ओंखारनानै हेलिकप्तारजों गिबियावनो
लक्षिमपुर सिम थांगोन, बेनि गोबां बिसायखथि फोसावदिं मेल आव बाहागो लागोन। बेनि
उनाव गहपुर सिम थांगोन, गहपुर आव दोलो नि हाबाफारियाव बाहागो लानानै बिस्वनाथ
चारियालि याव हर थागोन। फुङाव तेजपुर आव जानो गोनां हाबाफारियाव बाहागो लागोन।
वफनदयन
हादरारि
18
घन्टा याव नो बानायबाय 25.54 कि मि गोलाव लामा खौ, गुबुन हादरनि नङआ, भारत नि नो।
बेयो लिमका बुक अफ रेकर्ड आव सायखजाबाय होनना मिरु नि मन्थ्रि नितिन गादकारि
बिथाङा बुंदों। बिजयपुर-चोलापुर(राजालामा 52) नि गेजेरनि 25.54 किमि गोलाव 4लेन नि
लामा खौ बानायदों नेशनेल हायवे अथरिटि अफ इन्दिया या। 500 सो खामानि मावग्राफोरा
बेयाव खामानि मावदों 110 किमि गोलाव सोलापुर-बिजयपुर नि लामा नि खामानिखौ 2021 नि
अक्तबर दान आव खालामजोबगोन होनना बिथाङा बुंदों।
बुहुमनां
म्यानमार आव सोमावसारग्राफोरनि फारसे गुलि
गावनायाव सा 18 नि जिउ गोमायो आरो सा 30 जखम जायो। स्तेत काउन्सिलर आं सान सु कि
खौ उदां खालामनाय आरो सुबुंखान्थि दानाय नि दाबिजों सोमावसारदोंमोन। गिबियाव
आरमिफोरा बोलो बाहायदोंमोन, गाबहोनाय गेस खुबैहरदोंमोन। उनाव बारा जालांनायाव गुलि
गावो आरो बेयावनो जिउ गोमायो सा 18 नि।
गेलेनाय
भारत
हौवाफोर नि हकि टिम आ जारमानि खौ 6-1 गलजों फेजेनो। बिबेक आ 27 आरो 28 मिनित,
निलकान्त शर्मा या 13, ललित कुमार उपाध्याय आ 41, आकाशदिप आ 42 आरो हरमनप्रित आ 47
मिनित आव गल होदों।
आईएसएल
आव मैया हायदाराबाद आरो गवा नि गेजेराव गेलेनाय आ द्र जायो। हायदाराबाद आ
सेमिफाइनेल आव मोनहैनो थाखाय बेखौ देरहानो नांथारगौमोन, नाथाय हायासै। 86 मिनित आव
हायदाराबाद नि एल सास्त्रे या आरो 87 मिनित आव गवा नि ए नगोवेरा या गोजा कार्ड
मोनो। हायदाराबाद नि जानानै बर फसा हलिचरन नार्जारि या गेलेयोमोन। गवा या 31
पइन्तस जों 4 थि आरो हायदाराबाद आ 29 पइन्तसजों 5 थि याव थाबाय।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon