3 March morning news. ~ Bodoinfo.com

ओनसोलारि

बिटिआर सेक्रेतारियेत निफ्राय गोबां ठिकादारनि फाइलखौ जब्द खालामदों पुलिसफोरा। मोनसे केस नि सायाव आरो पुलिसफोरा गोबां राङारि केलेंकारि नि अजद आव फाइलफोरखौ जब्द खालामो। थांनाय 24 फेब्रुवारियाव ईपिपिएल नि सासे दैदेनगिरिया कक्राझार सदर थानायाव केस होदोंमोन। 2015 मायथाइनिफ्राय चित फान्द केलेंकारि जानायनि सायाव अजद होयो। उनाव पुलिसफोरा बे फाइल खौ कक्राझार सदर थाना याव लाना थाङो। बे फाइलफोराव हाग्रामा महिलारि नि खाथि सोमोन्दो थानाय गोबां ठिकादार नि होनना खौरां मोनदों। थांनाय 17 बोसोराव गोबां जाख्लनायनि अजद होनायखौ नुनो मोनबोबाय थादोंमोन। बेनि सायाव पुलिसफोरा नायबिजिरनांगौ नि थाखाय बेनि सोमोन्दै बारा बुङासै। गोबाङानो आशा खालामदों नायबिजिरनाया मोजां लामाथिं थाङोब्ला गोबां ठिकादार, राजखान्थिगिरि आरो अफिसारफोरा हमजागोन।

आसामनि बिसायखथि आयोग आ मोनसे प्रेस रिलिज नि गेजेरजों गिबि खोलोबनि बिसायखथि नि नतिफिकेशन दिहुनना होदों। गिबि खोलोबनि नमिनेशन होनायनि जोबथा खालार आ 9 मार्च, 10 मार्च आव आरजलाइखौ आनजाद खालामना नायगोन आरो 12 मार्च आ गावनि मुंखौ लाफिननाय नि जोबथा खालार। गिबि खोलोबनि बिसायखथि या 27 मार्च आव सै 47 बियाब नि थाखाय जाग्रोगोन।

आगोलनि बिसायखथि याव गैयि स्पेसियेल बेलट नि बेबस्था खआलामना होदों बिसायखथि आयोग आ। मैया रायजो नि बिसायखथि नि गाहाय नितिन खआरे बिथाङा बुंदों। मोन्थाम केटेगरि नि पस्तेल बेलत नि गेजेरजों भट होनो हागोन।

गिबियाव 80 बोसोर बैसो नि बारा सुबुंफोरनो बे सुबिदा खौ होदों, नैथि याव करना बेरामिफोरनोबो बे सुबिदा खौ होदों आरो थामथि याव PWD(दिब्यांग) फोरनो। बे मोनथआम केटेगरि नि सुबुंफोरा नआव थानानै नो भटखौ होनो मोनगोन। बिएलअ आ सावस्रि बिफाननि सुबुंजों लोगो जानानै बे केटेगरि नि नआव थआंनो नांगोन। आसामाव 80 बोसोरनि बारा सुबुङा गासै सा 2,90,238 दं। PWD(दिब्यांग) आव गासै 1,33,789 दं आरो कभिद नि याव 289 दं(बेयो सोलायबाय थायो), मोनथाम केटेगरि याव गासै 4,24,316 भटारफोर दं। 12(दि) नम्बर नि आरजलाइखौ होनो नांगोन। गिबि खोलोबनियाव 6 मार्च नि सिगाङावनो जमा होनो नांगोन।

बिसायखथि नि सिगां गहपुर आव 32 लाख रां मोनदों। गहपुर नि हेलेम थानायाव एएस07-1891 नम्बर नि मारुति एलट आव थांबाय थानाय समाव हमनो हादों फ्लायिं स्कुवाद नि दोलो आ। गारि याव थानाय आलोक कुमार नाठ मुंनि सुबुङा रां खौ बिस्वनाथ चारियालि सिम लांनो नागिरदोंमोन होनना बुङो। बियो बे रां खौ ब्रयलार फार्म नि होनना बुङो, बेंक आव दोन्नो थांनो नागिरदोंमोन। स्तेतिकस सारभे टिम आरो फ्लायिं स्कुवेद आ नायबिजिरगासिनो, उनाव सो मिथिगोन बे रां आ सोरनिमारमोन। 50 रोजा रां नि बारा लांनो मोना सासे साधारन सुबुङा बिसायखथि जोबैसिम।

कंग्रेस नि दैदेनगिरि प्रियंका गान्धि या साननैनि हाबाफआरि जों आसामाव फैदोंमोन। मैया नैथि सान आव बिथाङा शनितपुर आव जानाय बिसायखथि फोसावदिं मेल आव गासै मोन 5 गेरान्टि नि केम्पेइन खौ बेखेवो। बिथाङा बुंदों कंग्रेश आ सोरखार दायोब्ला 5 लाख नो सोरखारि साख्रा होगोन, ननि बिसिफोरनो 2000 रां दानसेयाव, 200 ईउनित सिम फ्रि बिल, का खौ गैया खालामनो आयेन लाबोगोन आरो साहा बागान नि हाजिरा खौ 365 रां सिम खालामना होगोन होनना बुङो। लोगोसे बिथाङा बे बिसायखथि या फोथआयनायनि होनना बो बुंबावदों। थांनाय 5 बोसोराव आसामनि सुबुंफोरा थगायजाबाय, 25 लाख नो साख्रि होगोन होनना बुंदोंमोन, बेनि जायगायाव का सो होबाय।

वफनदयन

हादरारि

फेब्रुवारि दान आव जिएसटि मोनदों 1,13,143 कौटि रां। 5 थि खेब नि थाखाय लाख कौटि रां नि बारा मोनदों। जानुवारिनिख्रुय बे दान आव इसे खम मोनबाय, नाथाय थांनाय बोसोरनि फेब्रुवारिनिख्रुय बारा मोनदों। जानुवारि दान आव 119,875 कौटि मोन। जिएसटि याव सिजिएसटि, एसजिएसटि, आईजिएसटि, टेक्स थायो।

भारत नि गाहाय मन्थ्रि नरेन्द्र मडि बिथाङा सोनाब बंग आव 20 रेलि याव बाहागो लागोन आरो आसामाव गासै मोन 6 रेलियाव बाहागो लागोन होनना खौरां मोनदों। बिसायखथि या खाथि मोनफैनाय लोगो लोगो नो दोलो नि फोसवदिंनायखौबो बारा जाबोनाय नुनो मोनदों। सोनाब बंग, आसाम, केरला, तामिलनादु आरो पुदुचेरि याव जागोन बिसायखथि या।

गेलेनाय

भारत नि फुटबल टिम नि कश ईगोर स्तिमेक आ अमान आरो ईउएई नि बेरेखा गेलेनो गोनां जोलुर नि थाखाय सा 35 गेलेग्रा नि फारिलाय दिहुनना होदों। बे फारिलाय आव बर फिसा हलिचरन नार्जारि बिथाङा बो जायगा मोनदों। बिथाङा मिदफिल्दार महरै जायगा मोनदों। गेलेनाय आ दुबाई आव 25 आरो 29 मार्च आव जागोन। जोबथा 28 गेलेग्राफोरनि फारिलाय खौ आईएसएल नि फाइनेल नि उनाव दिहुनना होगोन होनना खौरां मोनदों। बे 35 नि फारिलाय आव गोदान सा 10 खौ सोनाय जादों होनना बुदों कश बिथाङा। भारत आ 2019 मायथाइनि नबेम्बर दान आव वर्ड काप कुवालिफायारखौ गेलेदोंमोन, बेनि उनाव गेलेनाय जायाखै।