ओनसोलारि
आसामाव मदेल कद अफ कन्दाक सोलिनाय लोगो
लोगो नो बिसायखथि आयोग नि बिथोन। लाइसेन्स थानाय हाथियारफोरखौ पुलिस थानायाव
थाबैनो जमा होनो बिथोन होदों। गुवाहातियाव गासै 1364 लाइसेन्स थआनाय हाथियार दं,
बेनिनो 1200 सो खौ थानायाव जमा होबाय। लोगोसे 50 रोजा नि बारा रां लाना थांनो
हानाय नङा साधारन सुबुङा। 50 रोजा नि बारा लाङोब्ला बेनि धोन बाहायगोननि फोरमान,
कागज दिन्थिनो नांगोन। जौ लांनाय-लाबोनायखौबो बन्ध, बेफोर आयेनखौ सिफायग्राफोरखौ
होबथानो थाखाय फ्लायिं स्कुवाद दाना होदों, मोनफ्रोम्बो बियाब आव 3 फ्लायिं
स्कुवाद थागोन। जिला प्रशाशन, पुलिस आरो गुबुन अफिसारफोरजों बे फ्लायिं स्कुवाद खौ
दाना होदों। बिसायखथि आयोग आ लोगोसे नो बिसायखथि नि बिजाथि नि सायावबो नोजोर होगोन
होनना बुंदों, बेसेबां रां बाहायदों नायगोन। सासे बिजाथि या बांसिन 30 लाख 80 रोजा
रां बाहायनो हागोन, लोगोसे 3 रेजिष्टेर थानो नांगोन। लोगोसे होर्दिं आव प्रिन्तार
नि नाम आ थानो नांगोन। भट होनाया जागायनायनि 48 घन्टा सिगाङाव बिसायखथि
फोसावदिंनाय आ बन्ध जानांगोन। न न थांनानै फोसावदिंनायाव बिजाथिजों लोगोसे सा 5 ल
थांनो हागोन। ससियेल मिदियावबो गोख्रों नोजोर होगोन होनना बुंदों। कद अफ कन्दाक खौ
नायनायनि बिबान मोनदों बिनोद चेचान आ, बिसायखथि नि फोरोंनाय बिबान मोनदों देब
मिस्रा बिथाङा। चिरां जिला नि दि सि गौतम तालुकदार बिथाङा 80 बोसोर बैसो एबा
नोरजिया याव गोलैनाय सुबुंफोरनि थआखआय न आव थानानैनो भट होनायनि बेबस्था खालामदों
होनना बुङो, बिथाङा 12दि फन नि गेजेरजों होनो हागोन होनना बुंदों।
2021 मायथाइनि मेट्रिक आनजाद नि
प्रेक्तिकेल आनजाद आ 4 आरो 5 मार्च खालि जागोन। सेबा या गांसे फोसावबिलायनि
गेजेरजों फुंनि 9 बाजि याव जागोन होनना बुंदों। लोगोसे बिथांमोना गोसो गुदुं
फरायसाफोरनि थाखाय 2 जुन खालि साइकमेत्रिक टेष्ट बो खालामगोन होनना बुङो। 11 मे
निफ्राय गुबै लिरनाय आनजाद आ जागोन।
फैबाय थानाय आसाम बिधान सभा बिसायखथि
या गोजोनै जानानै थांथों होनना मिरु एबसु नि जानानै आफादगिरि दिपेन बर बिथाङा
बुंदों। मोन3 खोलोबाव जानो गोनां बिसायखथि खौ गोजोनै खुंनो थाखाय गोख्रों रैखाथि
नि बेबस्थआ लानो खावलायदों। बिथाङा लोगोसे बिटिआर ओनसोलनि सोरखारनि आवथाय निफ्राय
थालांनाय सोरखारि जायि फरायसालिफोरनि फोरोंगिरिफोरखौ दुखु जानाङा होनना बो बुङो।
मदेल कद अफ कन्दाक नि थाखायनो बेयो आबुङै जाफुङाखै होनना बुंदों, नाथाय सोरखारि
खआलामनायनि खामानिया सोलिबाय थागोन होनना बुङो। बिसायखथि याव मा दोलोखौ मदद
खालामगोन सम फैयोब्ला बुंगोन होनना बो बुंदों बिथाङा।
थाबैनो हगारना होगोन आलफा या कुईप नि
सानै खामानि मावग्रा खौ। कुईप जों सावरायलायनायनि उनाव हगारनायनि आशा खालामदों।
थांनाय 21 दिसेम्बर आव आलफा या खावना लांदोंमोन राम कुमार आरो प्रनब कुमार गगै खौ।
आलफा या खाना होनाय चर्ट खौ मानिना लादों कुईप आ। आलफा या 5000 आसामनि बेकारफोरनो
साख्रि होनो नांगोन होनना बुंदों।
बिटिआर नि गाहाय मावफुं सोद्रोमा प्रमद
बर बिथाङा बिपिएफनि अबस्था या दायो हाथाय गैयि सिंह नि बादि होनना बुंदों। लोगोसे
बिथाङा हाग्रामानि जादु नि लावथिया दायो सोलिनाय नंलिया, जादु नि लावथि या बायबाय।
बिपिएफ आ कंग्रेश नि महाजोत आव हाबदोंब्लाबो सोरखार दानो हाया होनना बुंदों, बिसोर
लोगो जादोंब्लाबो जेबो गोहोम खोख्लैनो हाया मानोना रायजोनि थाखाय फैनाय रां खौ जाख्लनाय
दोलो फोरा सो ज जादों। फैबाय थानाय बिसायखथि याव बिजेपि, ईउपिपिएल आरो एजिपि नि नो
रखार जागोन होनना बुङो।
आसामाव फैगोन दिल्लि नि गिबि मन्थ्रि
अरबिन्द केजरिवाल आ। बिथाङा फैनानै एजेपि आरो रायजर दल नि जानानै बिसायखथि
फोलावदिंनायाव बाहागो लागोन। बेखौ एजेपि नि आफादगिरि लुरिन्ज्योति गगै बिथाङा
बुंदों।
आसामनि सावस्रि मन्थ्रि हिमन्त बिस्व
शर्मा या मैया कोभिद नि भेक्सिन खौ लायो, जिएमसिएइस आव। लोगोसे भारतनि लेङाय
हादरगिरि एम भेंकाइया नायदु आ बो चेन्नाई आव लायो भेकसिन खौ। नैथि दज खौ बिथाङा 28
साननि उनाव लागोन होनना बुंदों। बेनि सिगां भारत नि गाहाय मन्थ्रि या भेकसिनखौ
लाग्रोनानै होनायखौ जागायदोंमोन।
सनितपुर नि भृगज्योति सईकिया या मि.
आसाम बान्थआ खौ देरहानो हादों। आसाम फिजिक्स एलाइन्स नि बान्जायनायाव कार्बि आंलं
नि बकलियाघात जौसिन फरायसालियाव जादोंमोन मि आसाम चेम्पियनसिप आ।
गेलेनाय
भिरात
कोहलि या भारतनि गिबिसिन ईन्सटग्राम आव 100 मिलियन फलवार थानाय सुबुं जानो हादों।
बिथाङा भारत नि क्रिकेत टिम नि केप्तेइन। लोगोसे बिथाङा नो बयनिख्रुय बांसिन
फलवारस थानाय क्रिकेतारबो जानो हादों। गेलेग्राफोरनियाव ख्रिस्तियान रनाल्द आ
बयनिख्रुय बांसिन 265 मिलियन, लियनेल मेसि या 186 मिलियन, नेइमार आ 147 मिलियन।
भारतनि नैथि याव दं फावखुंग्रि प्रियंका चोप्रा या, 60.8 मिलियन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon