1) रायजो सोरखारनि गिदिर थिरांथा। थाखो 1 निफ्राय 9 सिमनि फरायसाफोरा बोसोरारि आनजाद होआलासै नो पास जागोन। बेखौ सोलोंथाय बिफाननो रायजो सोरखार आ बिथोन होदों। करना नि थाखायनो बे थिरांथा। नाथाय फरायसालिया गोसोब्ला आनजादखौ खुंनो हागोन। अनलाइन अफलाइन मोननैजोंबो खालामनो हागोन। नाथाय फरायसाया आनजाद आव जआब्लाबो जागोन। सोरखारि नङि फरायसालिनि थाखायबो एखे नेम। फैगो 1 एप्रिल निफ्राय गोदान सोलोंथाय बोसोर जागोन होनना फोसावो।
2) आसामाव सोलिबाय मोब्लिब नि ट्रेइन आ, गिबि खेबनि थाखाय, गोदान जारिमिन। बङायगांव निफ्राय रङिया सिम आनजाद नायनो सालायो। बे दाननिफ्रायनो सोलिगोन मोब्लिबनि रेल आ। गिबियाव मालबाहि रेल सोलिगोन होनना बुङो, बेनि उनाव रेलवे मन्त्रालय आ गनायथि होयोब्ला दावबायारिफोरनि ट्रेइनखौ बो सालायगोन होनना बुङो। लोगोसे श्रिरामपुरनिफ्राय कामाख्या सिम मोब्लिब रेल सालायनो रेल लामा नि खामानिखौ मावगासिनो होनना खौरां मोनदों
3) गिथावना बेरफ्रुनायनिफ्राय रैखा दिफु रेलवे स्तेशन आव। पेसेन्जार ट्रेइन खौ नयनानै बे गिथावना ग्रेनेड बेरफ्रोहोनो नागिरदोंमोन सासे सन्देहगोनां दिएनएलए उदखारि या। जाथाय जानायनि सिगांनो पुलिसफोरा खौरां मोननानै सन्देहगोना दिएनएलए नि मानसि खौ हमो। नाम आ पिनाब सुट्रधर उऱफे बिजु। दिफु रेलवे स्तेशननिफ्राय हमो बिखौ।
4) आसामनि हाजु आव 10 रोजा रां आव फानदों गावनि सानथाम जानाय असे फिसा खौ। धिपलां गामि नि उमेश कलिता आरो प्रनिता कलिता नि न आ गोरिबथार। चांसारि नि सासे सुबुंनो फानदों होनना अजद होदों, लोगोसे बे फाननायाव सासे नार्च नि बो आखाय दं होनना बुङो। नार्च नि मुङा ममिरन नेचा। खाथि नि सुबुंफोरा बुंनाय बादिब्ला आगोलावबो सासे हिनजावसा गथ खौ फानदजों होनना बुंदों। नार्च ममिरन नेसा खौ हमनो दाबि खालामदों।
5) भियेतनाम नि सासे देलिभारि द्राइभार आ सासे 12 महलनिफ्राय गोलैनाय उन्दै गथखौ बासायो। 4.30 सो आव निगुयेन मान मुंनि सासे सुबुङा पेकेज दिलिभार खालामनो त्राक आव जना थाबाय थानाय समावनो गाबनाय खोनायो। बियो खिरखि खुलिना नायनायाव नुयो दि 12 ताला ननिफ्राय गथ आ गोलैनो नागिरदों। मोब्लिब नि जेनेरेतर लाखिना दोननाय नि सायाव गोलैयो, मान आ बासायनो थांनायाव फिसलायना गोलैयो, आरो आयथें आ नाङो, नाथाय बासानो हायो।
6) तेजपुर आव 2,55,000 रां मोनलायबाय, मदेल कद अफ कन्दाक सोलिनाय लोगो लोगो नो पुलिसफोरनि गोख्रों नागिरनायाबो सोलिगासिनो। प्रशान्त रंपि नि दैदेननाय स्तेटिक सारभेलेन्स टिम आ रां खौ जब्द खालामो। तेजपुर नि गारि फाननाय फसंथाननिफ्राय गारि खौ बायनो थाखाय रां खौ लांदोंमोन होनना गारि सालायग्रा या बुङो। नाथय जेबो फोरमान होनो हायिनि थाखआय जिला बेंगिरि या तेजपुर ट्रेजारि याव हरो। रां नि बिगोमा खौ गोनां जानाय फोरमान दिन्थिनो होदों, रां खौ मोनफिननो थाखाय। भारत नि बिसायखथि आयोग आ बिसायखथि नि समाव 50 रोजा नि बारा रां लाङोब्ला फोरमान दिन्थिनो नांगोन होनना बुंदों।
7) मैया मिरु नखर मन्थ्रि अमित शाह नि नआव आसामनि बिजेपि, एजिपि आरो इउपिपिएल नि दैदेनिरिफोरा फैबाय थानाय आसाम बिधानशभा नि सोमोन्दै सावरायलायो। बेयावनो थि खालामनाय जागोन होनना खौरां मोनदोंमोन। दिनै नङाब्ला 5 मार्च आव फोसावना होनो हागौ मा मा समिस्ति नि थाखाय एजिपि आरो इउपिपिएल नो हगारना होगोन। नाथाय लोगो जानायखौ दिनै फोसावना होनो हागौ। 2016 मायथाय आव बिजेपि या एजपि आरो बिपिएफ जों लोगो जादोंमोन। बै समाव एजिपि या 24 आरो बिपिएफ आ 16 बियाब आव बिजाथि होदोंमोन। बे बार आ साबेसे आ मोनो बेखौ....
8) उल्थआ लिरनानै रेकर्ड खआलामो केरला नि सासे आयजो आ, मिरर राइटिं बुङो। रायजो नि कासारागोद जिला नि 44 बोसोर बैसो नि के ललिता या आगदानिफ्रय आगसिफारसे मालायालम आव लिरनानै इन्दिया बुक अफ रेकर्डस आव गावनि नामखौ लिरना दोननो हादों। आरबि खौ जेरैबायदि उल्था लिरो, बेबायदिनो के ललिता या लिरनायखौ आयनायाव नायनानै फरायनो हायो। बिथाङा दसेबो जिरायालासै 1 घन्टा 16 मिनित उल्था यै लिरनायनि इन्दिया बुक अफ रेकर्ड आव जायगा मोननो हादों। लकदाउनि समाव बिथांनि फिसा या बेनि सोमोन्दै बुंदोंमोन। गोदान माबा मोनसे सोलोंनो मोननायनि थाखाय बिथाङा बेखौ नाजाबाय थायो, बिथाङा हादरनि गासैबो रायजो आरो 700 नि बारा जिला नि मुंखौ उल्थायै लिरनो हायो।
10) गुजरात आव नखरसे नि नो सा 6 सुबुंफोरा गावखौनो बुथआरना लानो नागिरदोंमोन, सा 3 नि जिउ गोमाबाय, सा 3 नि हालोदा गाज्रिथार, दैहाफाहामसालियाव लाना थाङो।, मा जाहोननि थाखाय बेबायदि खालामदों मिथिनाय जायाखै, जाथाय जानाय जायगाया बदोदरा सामा ओनसोल नि।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon