3) काछार नि लक्षिपुर आव पुलिसफोरा गंसे साइनिज पेन गान आरो गर 10 गुलि जों हमदों सासे सुबुंखौ, नाम आ नामुगां काबु, बे मानसि नि न आ लक्षिपुर थाना नि सिंनि नयागराम पुन्जि याव। आसाम रायफल आरो पुलिसफोरा लोगो नांनानै नागिरनायाव 37 नं राजा लामा या बे सुबुंखौ हमदों। पुलिस आ सुबुंखौ सोंथि खालामगासिनो।
4) आसामनि कंग्रेश दोलो आ सोरखार दानो हायोब्ला 5 लाख नो साख्रि होगोन होनना मैया बुंदों, बेजों लोगोसे सोरखारि साख्रियाव 50 जौखोन्दो रिजार्भेशन आयजोफोरनो होगोन होनना बो खोथा होदों कंग्रेश नि दैदेनगिरि शुश्मिता देब आ, बेयावनो साख्रि नि गेरान्ति नि वेबसाइत बो बेखेवना होयो। थांनाय बिसायखथि याव बिजेपि या 25 लाख नो साख्रि होगोन होनना बुंदोंमोन, नाथआय बिसोर होनो हायासै, फेलें जादों, कंग्रेश आ सोरखार दानो हायोब्ला बोसोराव 5 लाख नो होगोन होनना बुङो आफादगिरि रिपुन बरा या। वेबसाइत आ congressor5guarantee.com
6) भारत आरो ईंग्लेन्द नि गेजेराव जानाय 4थि टेष्ट नि गिबि सान आव भआरत आ सासे विकेत जों 24 रान बुदों। बेनि सिगां ईंग्लेन्द आ 205 रान आव अल आउत जादोंमोन, अक्षर पेतेल आ सा 4 विकेट आरो आर अश्विन आ सा 3 लानो हायो।
7) दिनै आइएसएल नि गिबि सेमिफाइनेल नि गिबि लेग नि गेलेनाय, मुम्बाई सिटि एफ सि या एफ सि गवा नि बेरेखा गेलेगोन, मुम्बाई आ लिग नि टपार मोन। गाबोन नेथि सेमिफाइनेल नि गिबि लेग आव नर्थ इस्त आ एटिके मोहन बागान नि बेरेखा गेलेगोन।
8) दिसपुर पुलिस नि आखायाव सासे नंखाय दिएसपि। पुलिस नि नंखाय द्रेस गाननानै रां लुथियोमोन। हमजानायनि मुङा धारापुर नि अनुप कुमार दास(45)। बियो हाकिम उददिन मुंनि सासे सुबुंनिफ्राय बाइक दिहुनना होनायनि मुङाव 1.7 लाख रां लायो। गावखौनो दिएसपि बुंना लानाय बे सुबुङा थाना निफ्राय बाइक खौ दिहुननना होगोन होनना बुंदोंमोन, रां खौ लाग्रोदोंमोन, नाथाय बाइक खौ दिहुनना होनो हायियाव हाकिम उददिन आ सन्देह खालामो। उनाव पुलिसनो एफआइआर होयो, पुलिसफोरा साननै नि उनाव गुवाहाति नि गुबुन गुबुन जायगायाव नागिरनानै फुंनि 8.30 आव खानामुख निफ्राय हमो दायनिगिरिखौ।
9) हादरनि बिसायखथि आयोगनि गनायथि बादियै रायजो सोरखारनि नखर बिफान आ आसाम पुलिस नि गोजौ थाखो नि अफिसारफोरखौ सोलाय सोल खालामदों। आसाम पुलिस नि टिएपि खोन्दो नि डाँ एल आर बिस्नोय खौ बिटिआर नि आइजिपि महरै कक्राझार आव सोलायना होयो। बिटिएदि नि आईजिपि अनुराग आगरवालखौ टिएपि नि आईजिपि खआलामनाय जायो। रायजो नि टिएपि नि आईजिपि बिनोद कुमार बिथांखौ अर खोमोरग्रा बिफाननि आईजिपि खालामनाय जायो।
10) नक्सालफोरनि गाग्लोबनायाव झारखान्द आव सा 3 जवान मुख्लं जादों, मैया फुङाव आईईदि बेरफ्रुनायाव जिउ गोमायो, सोनाब सिंभुम जिला नि होयाहातु गामि नि खाथियाव बेरफ्रुनायाव साथाम पुलिस नि जवान आ जखम जानायजों लोगोसे गुबुन सा 3 आ बो जखम जाबावो। बेरफ्रुनायनि उनाव पुलिसफोरा नायबिजिरगासिनो दं।
11) फिसाज्ला नि गाज्रियै बुनायाव बिफआ नि जिउ गोमायो। जाथाय आ आसामनि तिनसुकिया नि लिदु नि पुलिस थाना नि सालेकि बस्ति नि। 23 बोसोर बैसो नि राहुल राय मुंनि फिसाज्ला या गावनि बिफा बिष्णु राय मुंनि 48 बोसोर बैसो नि खौ लावथि जों गाज्रियै बुनानै बुथारो। लोगो लोगो देहाफाहामसालियाव लांदोंमोनब्लाबो लामा गेजेरावनो जिउ गोमायो। जाथाय आ हर आव जादोंमोन। बिमा जों नांलायबाय थानायनि थाखाय रागा जोंनानै बिफाखौ बुयो होनना बुङो। उनाव लिदु पुलिस आ थांनानै राहुलखौ हमो।
Please do not enter any spam link in the comment box. ConversionConversion EmoticonEmoticon