1) एनआईए आ सा 3 एनदिएफबि नि सोद्रोमा नि बेरेखा चार्जशित फाइल खालामदों 2014 मायथाइनि जानुवारि नि एएसपि गुलजार हुसेइन आरो सासे जायगानि थागिबि(एनलार्क बसुमतारि)खौ बुथारनायजों सोमोन्दो थानाय नि दाय आव। एनदिएफबि नि सोद्रोमाफोरनि मुङा बिष्णु नार्जारि(बेरेमा), नितुल दैमारि(नाइहाब) आरो रुनिलुइश दैमारि(मन्थाई)। बिसोरखौ आनलफिल एक्तिभितिस एक्त, इन्दियान पेनेल कज आरो आरम्स एक्त नि गुबुन गुबुन सेक्शन नि सिङाव चार्जसित फाइल खालामनाय जायो। 2014 मायथाइनि जानुवारियाव शनितपुरनि धेकियाजुलियाव केस रेजिस्तार खालामनाय जादोंमोन, बे जाथाय आ गोबां पुलिसफोरा बो जखम जादोंमोन। एनआईए आ 2019 मायथाइनि 7 आगष्ट आ गोदान केश रेजिस्तार खालामफिनो आरो नायबिजिरफिनो। बिष्णु नार्जारि आरो नितुल दैमारि या गुबुन केश नि थाखाय फारियै फासि नि साजा आरो जिउ जोबजासिम जेल नि साजा होयो। सानै एनदिएफबि केदार खाम खाम दैमारि(लथाम) आरो जुनु बसुमतारि(बि सिजौ), जाय बे जाथाय जों सोमोन्दो दंमोन, रैखाथि हान्जा नि एनकाउन्तार आ जिउ गोमायो।
2) पानेरि नि बर गामियाव बिजेपि नि थाखाय No Entry. ईउपिपिएल नि सोद्रोमाफोरा मन्थ्रि हिमन्त बिश्व शर्मा नि इउपिपिएल दोलो आ पानेरि याव बिजाथि होयोब्ला बिटिसि सोरखार खौ सिफायनानै हाग्रामा जों लोगो नानांनै सोरखार दागोन होनना हुमकि होदों होनना अजद होयो, आरो बेनि उनावनो बर गामिफोराव बर गामिफोराव हाबनाय बन्ध होनना फोसावो। फैबाय थानाय बिधानशभा बिसायखथि याव बिजेपि दोलो नि बिजाथि बिस्वजित दैमारि बिथाङा गेलेगोन। ईउपिपिएल नि मावथिफोरा मनमोहन बर खौ बिजाथि महरै गेलेनायखौ लुबैदोंमोन होनना बुङो।
3) भारत आऱो ईंग्लेन्द नि जोबथा टेष्ट आव भारत आ ईंग्लेन्द खौ मोनसे ईनिंश आरो 25 रान जों फेजेनो। बेखौ देरहानानै भारत आ सिरिजखौ 3-1 जों देरहानो हायो आरो टेष्ट चेम्पियनशिप नि फाइनेल आव जायगा मोनो। भारत आ फाइनेल आव निउजिलेन्द नि बेरेखा जुन दान आव लर्डस आव गेलेगोन। तेबल नि गिबि मोननै दोलो आ सो जायगा मोनो फाइनेल गेलेनो। भारत आ 520 जों गिबि मासि आऱो निउजिलेन्द आ 420 जों नैथि जायगा मोनो। गिबि ईनिंश आव ईंग्लेन्द आ 205 रान बुदोंमोन, भारत आ गिबि ईन्स आव 365 रान बुदोंमोन, नैथि ईन्स आव ईंग्लेन्द आ 135 रान आ नो अल आउत जायो, भारतनि रबिचनन्द्रन अश्विन आऱो अक्षर पेतेल आ सा 5 सा 5 विकेत लायो। प्लेयार अफ दा मेत्स खौ रिशभ पन्त नो होयो, आरो प्लेयार अफ दा सिरिज खौ आर अश्विन आ मोनो।
4) मैया आईएसएल नि नैथि सेमिफआइनेल नि गिबि लेग नि गेलेनाय आव नर्थ ईल्त आ एटिके मोहन बागा नि बेरेखा 1-1 गल जों द्र गेलेयो। एटिके नि जानानै 34 मिनित आ नो दि विलियामस आ गल होदोंमोन, नर्थ ईस्त नि जानानै 90+4 मिनित आव आई सिला या गल होनो हादों। नैथि लेग नि गेलेनाय आ 9 मार्च आ जागोन। गिबि सेमिफाइनेल आ बो द्र जादोंमोन गवा आरो मुम्बाई नि या, बिसोर गाबोन गेलेगोन नैथि लेग खौ।
5) ईउपिपिएल आरो बिपिएफ नि बिजाथि नि फआरिलायखौ दासिम दिहुनना होआखै, बिपिएफ आ 8 मार्च आव दिहुनना होनो हागौ।
6) शनितपुर आव ईभिएम-भिभि पेत नि गिबि खोलोबनि रेन्दमाइजेशन खौ खालामो। जिला नि मोन 5 समिस्ति नि थाखाय गासैबो ईभिएम कन्त्रल इउनित आरो भिभइ पेत मेशिन ई भि एम मेनेजमेन्त सिस्तेम मुंनि सप्तवेरजों खालामनाय जायो। जिला नि गासै 1324 भट मिरु नि थाखाय गासै 1324 ईभिएम-भिभि पेत मेशिन जों लोगोसे 7 जौखोन्दो बेलट इउनित, कन्ट्रल इउनित आऱो भिभि पेत मेशिनखौ लाखिनाय जादों। मैया गासै 1693 ईभिएम-भिभि पेत मेशिन रेन्दमाइजेशन खालामनाय जायो।
7) दिल्लि याव गावारि सोलोंथाइ बर्ड दिल्लि बर्ड अफ एजुकेशन गायसनगोन होनना दिल्लि नि गिबि मन्थ्रि अरबिन्द केजरिवाल बिथाङा बुंदों। दिल्लि याव सिबिएसई आरो आईसिएसई नि सोलोंथाई बर्ड नि ल फोरोंथाइ होनाय जायोमोन, गुबुन रायजोनि बायदि गावनि सोलोंथाइ बर्ड गैयामोन, बेनि थाखायनो बिथाङा गायसननाय जागोन होनना बुङो, लोगोसे बेयो दिल्लि नि सोलोंथाइ याव जानाय जांख्रिखांनायनि सोलायनायखौ गोजौफारसे लांगोन होनना बो बुंबावो।
8) बिसायखथि आयोग आ बुंदों, मदेल कद अफ कन्दाक खौ सिफायनायनि दाय फ्लायिं स्कुवाद नि दोलो, पुलिस, एसएसटि या रायजो नि गुबुन गुबुन जायगानिफ्राय हरसेयावनो गासै 40 लाख नोगोद रां जब्द खालामदों, 28 लाख रां नि जौ, 1 कौटि 30 लाख रां नि भां, हेरइन, टेब्लेट, काफ सिराप बाइदि बायदि हमदों। बेनि सिगां सप्तासेयाव 84.43 लाख नोगोद रां नागिरनायाव मोनदोंमोन आऱो 53 लाख सो रां नि जौ बो मोनदोंमोन।
9) 40 रां जों लाखपति जाबाय। सोनाबबंग नि स्रमिक नि खाफाल गेवबाय, केरला नि करुन्य प्लास लटारिनिफ्राय 80 लाख रां मोननो हायो, नाम आ प्रतिभा मन्दल। टिकेत नि बेसेना 40 रां ल मोन। बे आयजो नि बेंक एकाउन्त बो गैया, लोगोसे देरहानायखौ मिथिनानै टिकेत खौ गाव लाखिनो गिनानै पुलिस नि खाथियाव थाङो आऱो पुलिसफोरनि लकार रुम आ दोनो। पुलिसफोरा बेंक एकाउन्त खुलिनो बिथोन होयो।
10) रायजर दल आ मोन 18 बियाब आव बिसायखथि गेलेगोन, मैया बिजाथिफोरनि फारिलायखौ दिहुनना होयो. अखिल गगै या मोननै बियाब आव गेलेगोन होनना खौरां मोनदों। एजिपि या मोन 26 बियाब आव गेलेगोन, गिबि खोलोबनि बिसायखथि नि फारिलायखौ गिनै फोसावनो हागौ होनना आफादगिरि अतुल बरा या बुंदों। बेनि अनगा.बो मोन 5 बियाब आव लोगो बायदि गेलेगोन
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon