1) थरायना जनमनि ब्रह्म, नोंथांमोना थ' ससियेल मिदिया नि गेजेरजों बिनानाव खौ सिनायखाबाय जानो हागौ, सोमोनांथाव रौंगौथि दिन्थिनो हानाय सासे बर फिसा, कक्राझार जिला नि गसायगांव नि भुमका नि पानिजानि गामि नि थागिबि। खौरां मोननाय बादिब्ला बिथाङा गावनि नाजानायजों नो बेखिनिखौ खालामनो हादों होनना बुङो। बिथांनि नखरनि हालसाल आ मोजां नङा। बिथाङा इयुनाव दक्टर जानो गोसो होनना फोरमायो, बिटिआर नि गाहाय मावफुं सोद्रोमा प्रमद बर बिथाङा ससियेल मिदिया नि गेजेरजों थाबैनो सोलोंथाय लानाय आरो गावनि रोंगौथि कौ देब्लाबो जौगासार खालामनो हानाय बादियै मदद खालामगोन होनना बुङो।
2) नैथि खोलोबनि बिसायखथि नि थाखाय मोननैसो नेम दाना होदों बिसायखथि आयोग आ। गिबि खोलोबनि बायदि नो 72 घन्टा नि सिगाङाव बियाबफोराव बाइक रेलि बन्ध खालामनो नांगोन। 30 मार्च नि मोनाबिलियाव फोसावदिंनायखौ बन्ध खालामनो नांगोन। टिभि, रेदिअ नि गेजेरजों बो फोसावदिंनो मोननाय नङा। एगजित पल बो फोसावनो मोननाय नङा, भट होनाय आ जोबनाय नि उनाव सो मोनगोन। बेफोर खान्थि खौ मानियाब्ला 2 बोसोरनि जेइल बो जानो हागौ। नैथि खोलोबनियाव 39 बियाब आ जागोन भट होनाय आ 1 एप्रिल आव।
3) 1 एप्रिल निफ्राय बारा जागोन राजा लामा जों दावबायनाय नि बेसेना। टोल टेक्स खौ 5 रां निफ्राय 20 रां सिम बारायदों। खम लिरथाय नि गारिफोराव 5 रां, कमारसियेल आव 15 निफ्राय 25 रां बारायदों। NHAI आ गोदान रांखान्थि बोसोराव सोलायदों टोलटेक्स खौ। लोगोसे गासै भारत आव नो टोलगेत खौ बोखारनाय नि थिरांथा मिरु सोरखार नि। टोलगेत नि सोलायय जिपिआरएस नि गेजेरजों तोल टेक्स लानायनि थिरांथा लादों।
4) हिन्दि सिनेमा नि गिदिरसिन बान्था फिल्म फेयार बान्थाखौ फोसावबाय। बे बार आव थप्पर आ गासै मोन 7 बान्था, गुलाब सिताब आ मोन 6 बान्था मोननो हादों। बयनिख्रुय मोजांसिन फावखुंग्रि बान्था खौ तापसि पन्नु आ थप्पर नि थाखाय मोनो, रुंसारि ईरफान खान नो मोजांसिन फावखुंगुर नि बान्था होयो, बिथाङा हिन्दि मेदियाम मुंनि सावथुननि थाखाय मोनो. अमिताभ बच्चन आ बो गुलाब सिताब नि थाखाय बे बान्था खौ मोनो। मोजांसिन सावथुन आ थप्पर, बेस्त दायरेक्तर नि बान्था खौ तानहाजि सावथुननि थाखाय अम राउत आ मोनो।
5) मैया भारत आरो ईंग्लेन्द नि गेजेराव जानाय 3 थि एबा जोबथा वान दे गेलेनाय आव भारत आ ईंग्लेन्द खौ 7 रान जों फेजेनो। टस आव जेननानै भारत आ गिबियाव बेटिं खालामग्रोनांगौ जायो। गिबि बेतिं खालामनानै भारत आ 329 रान बुदोंमोन, भारत आ 50 अभार बुजोबनो हायाखै, 48.2 अभार आव नो अल आउत जाजोबदोंमोन, रोहित आ 37, धवन आ 67, रिषभ आ 78, हारदिक आ 64 आरो थाकुर आ 30 रान बुयो, कहलि आरो राहुल आ 7 रान ल बुनो हायो। ईंग्लेन्द आ 50 अभार आव सा 9 विकेट जों 322 रान बुनो हायो। बयनिख्रुय बांसिन सेम करन आ 95 रान, देविद मालान आ 50, लिभिंस्तन आ 36 आरो बेन स्तक्स आ 35 रान बुयो। भारत नि सार्दुल ठाकुर आ सा 4, भुबनेश्वर आ सा 3 आरो टि नतराजन आ सा 1 विकेत लायो। अदिआई नि सिगां भारत आ टेष्ट आरो टि-20 नि सिरिजखौ बो देरहादोंमोन। भारत आ टेष्ट खौ 3-1 जों, टि-20 खौ 3-2 जों आरो वान दे खौ 2-1 जों देरहायो। भिरात कोहलि या भारत नि 3 थि 200 गेलेनाय आव हादरनि केप्तेन जानो हादों। बिथांनि सिगां महेन्द्र सिंह धनि आरो महम्मद आजहारउददिन आ 200 गेलेनाय आव केप्तेन जादोंमोन। दायो गोदान ईन्तारनेशनेल गेलेनाय गैथ'वा, 9 एप्रिल निफ्राय आईपिएल आ जागोन।
6) बिसायखथि नि थाखाय कक्राझार आ सांग्रांथि नि रेलि दिन्थिफुंदों। कक्राझार जिला पुलिस बिफान आरो आसामनि एदिजिपि एल आर बिष्णोई बिथांमोन। आसामाव नैथि आरो थामथि खोलोबनि बिसायखथि या 1 आरो 6 एप्रिल आव जागोन, बेनि सिगां सांग्रांथियारि हान्जा सुरनाय हाबाफारि खुङो। खौरांगिरिफोरनि सिगाङाव बिटिआर आव बिसायखथि खौ मोजाङै गोजोनै खुंफुंनो थाखाय मोन 25 कम्पानि नि रौनिया बिफान बाहायगोन होनना बुङो। लोगोसे गासैबो जिला याव नो पुलिस, रौनिया आरो जिला खुंथाय आ गोख्रों नोजोर होगासिनो होनना बो बुङो।
7) भारत आव राफेल मोनफैलायनिसै। गासै मोन 10 राफेल फायटार बिरग्रा मोनगोन भारत आ। साननैसो नि गेजेराव नो गं 3 मोनफैग्रोगोन, बेनि उनाव गं 7-8 आ मोनफैगोन फेगौ दान नि गेजेर समाव। भारत नि एयारफर्स नि गोहो आ बांसिगोन। थांय बोसोरनि जुलाई आगस्त दाननिफ्राय नो भारत आव रापेल आ हाबदों, आगोलाव नो बेनि सुक्ति खौ फ्रान्स जों खालामदोंमोन भारत आ। चिन जों नांलायनाय नि उनाव भारत आ जेसेबां हायो गोख्रै बिदोंमोन रापेल खौ। दायो भारत नि आखायाव गं 11 राफेल फायटार दं। आरो गं 10 फैयोब्ला 21 जागोन। गासै 36 नि अरदार होदोंमोन 2016 मायथाय नि सेप्तेम्बर दान आव।
8) 2 मे याव ईउपिपिएल सोरखारखौ फोजोबनो हायोब्ला रन्जित बसुमतारि बिथाङा हाग्रामा नि गारियाव बारसोमा थैगोन होनना खौरांगिरि नि सिगाङाव बुंदों। लोगोसे 2 मे याव हाग्रामा या फोजोबनो हायाब्ला हाग्रामा या आंनि नि गारियाव थैनो नांगोन होनना बुंदों। हाग्रामा बिथाङा साननैसो सिगाङाव बेबायदि बुंदोंमोन होनना खौरांगिरि नि सिगाङाव बुङो। बिपिएफ या सो बर हारिखौ फानदों। एनदिएफ बि या बर हारि खौ रैखाथि होनो सो जोनोम जादोंमोन होनना बो बुङो।
9) हारियाना याव मोनसे गिथावना जाथाय, बानायबाय थानाय समाव नो बायना गोलैबाय फ्लायअभार, हारियाना नि गुरुग्राम आव जादों, बायना गोलैनायाव सा थाम स्रमिक आ गाज्रियै जोखोम जादों। माबोरै गोदान बानायनाय फ्लाय अभार आ नो बेबायदि जानो हायो, बेनि थाखाय जिला प्रशासन आ दायो नायबिजिरनाय नि बिथोन होबाय
10) जम्मु कास्मिर आव गावनि लोगो पुलिसखौ नो गुलि गावदों सासे पुलिस आ। सासेया जोखोम जायो। पुलिस आ जाथाय नि सायाव फोरमायनाय बादिब्ला सानैनि गेजेराव नांलायनाय जादोंमोन, बेनि थाखाय नो बे जाथाय आ जायो। जोखोम जानाय पुलिसखौ देहाफाहामसालियाव लांनाय जायो।
11) मंगलदै याव हाग्रामा महिलारि नि बिसायखथि फोसावदिं मेल। कंग्रेस नि बिजाथि बसन्त दास नि जानानै फोसावदिं ल आ बाहागो लायो। बिथाङा बुंदों, थांनाय 2016 आव आं बसन्त दास खौ फेजेन्दोंमोन, बे बार आव आं कंग्रेस जों दं, बसन्त दास खौ देरहाहोगोन। लोगोसे बिथाङा हिमन्त आउत, हाग्रामा ईन, हिमन्त बांलादेसि, बिनि एनआरसि आव नाम गैया होनना बो बुंबावो। बेयाव कंग्रेस नि आफादगिरि रिपुन बरा या बो बाहागो लादोंमोन, बिथाङा 2 मे याव कंग्रेस नि महाजोत नि सोरखार जागोन होनना बुङो, लोगोसे का खौ बुरलुंबुथुर आव गारना होगोन होनना बो बुंबावो।
12) थामथि खोलोबनि बिसायखथि फोसावदिं मेल आ सोलिगासिनो। बिटिआर आव बिजेपि नि दैदेनगिरि हिमन्त बिस्व शर्मा बिथाङा बाहागो लादोंमोन मैया। उदालगुरि नि बियाब फोराव नांगोल आ थांगोन मिउजियाम आव थांगोन, ट्रेक्टर आ दिसपुर आव थांगोन। जुदि बाथा जों सोमोन्दो दंब्ला हाग्रामा या जेल आव थांगोन, बिटिआर आव आरो अशांति जानो हाला। हाथियार मोननायनि गासैनिबो हिसाब लागोन, एनआईए आ नायबिजिरगोन होनना बुदों। गासैबो बैसागु नि कमिटि खौ गाजा गोमजायै बैसागु खुंनो बिथोन होदों होनना बो बुङो।
13) सिदलि बियाब आव जयन्त बसुमतारि नि जानानै बिसायखथि फोसावदिं मेल आव बाहागो लादों बिटिआर नि गाहाय प्रमद बर आ। बासुगांव जौसिन फरायसालियाव बिजेपि ईउपिपिएल, एजिपि आरो जिएसपि लोगो नांनानै खालामनाय बिसायखथि फोसावदिं रेलि याव बाहागो लानानै जयन्त बसुमतारि खौ गोबां भट जों देरहासाद खालाम होनना रायजोफोरखौ खावलायदों। लोगोसे बिपिएफ सोरखार नि समाव बिटिआर आव खालामनाय जाख्लनाय जों सोमोन्दो थानाय गासैबो जेल आव थांगोन होनना बुङो, लोगोसे बिपिएफ आ दादागिरि ल खालामबाय, दायो बिपिएफ नि दादागिरि सोलिनाय नंलिया होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon