1) बिजेपि या आसाम बिधानसभा बिसायखथि नि थाखाय गासै 70 बियाब नि बिजाथि खौ फोसावबाय। मैया बिजेपि नि जेनेरेल सेक्रेतारि अशोक सिंह बिथाङा खौरां बिजोंनि गेजेरजों फोसावो। दानि सा 11 एमएलए फोरा जायगा मोनासै फारिलाय आव, बेनि सोलाय फारिलाय आव मुं दं सा 4 आयजोफोरनि। गोलाघात निफ्राय गेलेगोन गोदान बिजेपि नि बिजाथि अजन्टा नेउग आ, बिथाङा कंग्रेश निफ्राय थांदोंमोन। राज्य शभा नि एम पि बिस्वजित दैमारि बिथाङा बो गेलेगोन बिसायखथि, बिथाङा 64 नं पानेरि बियाब निफ्राय गेलेगोन। बिजेपि नि आफादगिरि रन्जित कुमार दास आ पातसारकुसिनिफ्राय, माजुलिनिफ्राय गिबि मन्थ्रि सर्बानन्द, जालुकबारिनिफ्राय मन्थ्रि हिमन्त बिश्व शर्मा बिथांमोना गेलेगोन, हिमन्त बिथाङा साननैसो सिगाङाव बिसायखथि गेलेया होनना बो बुंदोंमोन, लाइजाम बो हरखाबायमोन, नाथाय बिथाङा दोलो आ गेलेनो होयोब्ला गेलेगोन होनना बो बुंदोंमोन। माजबात निफ्राय जितु किषान, जागिरद निफ्राय पियुस हाजरिका, मंगलदै निफ्राय गुरुज्योति दास, एजिपि नि सिङाव थानाय गोबां बियाब आव नो गेलेगोन बिजेपि या। बेनि गेजेराव बरमपुर आव प्रफुल्ल कुमार महन्त नि जायगायाव बिजेपि नि जितु गोस्वामि, नाहरकतियायाव, लक्षिमपुर, कमलपुर आव बिजाथि होदों बिजेपि या। एजिपि या 26 बियाब आ गेलेगोन, ईउपिपिएल आ 8 बियाब आव गेलेगोन।
गोलाघात आव टिकेट मोनि नि बिजेपि नि दैदेनगिरिया कंग्रेश आ थांबाय, टिकेट मोननो गोनांमोन बितुपन सइकिया या, नाथाय जोबथा समाव मोनासै टिकेट खौ, बिथांनि जायगायाव गोदानै बिजेपि याव हाबनाय अजन्ता नेउग नो सो होयो। फारिलाइ आव मुं गैयिनि बिजेपि निफ्राय ओंखारबाय होनना बुङो। टिकेट मोनि एजिपि नि प्रफुल्ल महन्त बिथाङा बो बरमपुर निफ्राय एजिपि(प्र) नि जानानै गेलेगोन होनना खौरां मोनदों।
2) बिसायखथि या खाथि मोनफैनाय लोगो लोगो नो बुन गुबुन दोलो आ गावनि बिजाथि नि मुं फारिलाय दिहुनना होदों, बे क्षेत्र आव बिपिएफ आ बो उन जाना थायाखै, 29 नं सोनाब कक्राझार नि एमएलए रबिराम नार्जारि बिथाङा बिपिएफ नि जानानै बिसायखथि गेलेगोन। बेनि थाखाय भतार रायजोफोरा गोजोननाय मोनदों होनना बुङो, लोगोसे कंग्रेस, एआईइउदिएफ नि मदद होगिरिफोरखौ बो खुसि जानाय नुनो मोनदों। बे बियाबनि सिङाव थानाय फकीराग्राम नि खाथिनि ओनसोलफोरनि महाजोत नि मदद होगिरिफोरखौ लोगो जानाय नुनो मोनदों।
3) बिजेपि नि उनाव नो एजेपि या बो 18 बियाब नि बिजाथि नि फारिलाय खौ दिहुनना होबाय। दुलियाजान आव लुरिनज्योति गगै, धेमाजि याव चित्तरन्जन बसुमतारि, रङापारा याव अजय तांति, सदिया याव जगदिश भुया बिथांमोना गेलेगोन। लुरिनज्योति गगै या बिजेपि नि ट्रस गोवाला नि बेरेखा गेलेगोन। सोर बांसिन भट मोननानै दिसपुर आ थांनो हायो बेखौ उनावसो मिथिगोन।
4) एआईइउदिएफ आ गासै 24 बियाब आव बिसायखथि गेलेगोन, बेनिनो 21 बियाब आव हारसिङै गेलेगोन, बेयाव महाजोत नि बिजाथि थाया, मोन 3 आव लोगो बिदियै गेलेगोन। बिजाथि होनाय मोननैसो बियाबफोरनि मुङा, जमुनामुख, सनाई, धुबुरि, दलगांव, नाउबैसा, हायलाकान्दि, बदरपुर, मानकाछार, गौरिपुर आरो गोबां दं।
5) सिबिएसई आ थाखो 10 आरो 12 आनजादनि रिभाइस देत शित दिहुनना होदों। गोदान खालारनि फारिलायखौ बिथांमोननि अफिसियेल वेबसाइत cbse.nic.in आव मोनगोन। थाखो 12 नि आनजाद आ दायो 4 मे निफ्राय जागोन आरो 14 जुन याव जोबगोन। मोननै सिफ्त आव जागोन आनजाद आ सान ब्रै याव। नैथि सिफ्त आ 2.30 निफ्राय 5.30 सिम जागोन। थाखो 10 नि या 7 जुन आव जोबगोन। प्रेक्तिकेल आनजाद आ जाबाय। आनजाद नि फिथायखौ 15 जुलाई आव होनो हागौ। बे बोसोराव कभिद नि थाखाय फावसायनाय जादों, नङाब्ला प्रेक्तिकेल आनजाद आ जानुवारि, लिरनाय आनजाद आ फेब्रुवारिनिफ्राय जागायनानै मार्च आव जोबोमोन।
6) भारतनि गं 12 सोलोंथायारि फसंथानफोरा बुहुमनि गं 100 नि गेजेराव जायगा मोनदों, बेखौ मिरु नि सोलोंथाय मन्थअरि रमेश पखरियाल निशांक बिथाङा बुंदों। आईआईटि बम्बे, दिल्लि, खरगपुर,गुवाहाति, आईआईएम बांगालर, आहमेदाबाद, जेएनईउ आरो गोबां। आईआईटि माद्रास या 30 थि, बम्बे या 431, खरगपुर आ 44 थि जायगा मोनदों।
7) कालगसिया याव नंखाय बि एद दिग्रि थानाय सेंग्रा हमदों। गौहाति मुलुगसोलोंसालिनि सिंनि उदमारि नि आताउर रहमान कलेज अफ इदुकेशन नि मुङाव सोनाब बंग आव सालायगासिनो नंखाय सोलोंथाय फसंथान। बेबायदि नंखआय खुलिनानै गोबां रां आव बि एद दिग्रि होनाय सोराङाव फैदों। सोनाब बंग नि मेधेनिपुर जिला नि गोपिनाथ मन्दल मुंनि फरायसा या बे फसंथआननिफ्राय 2015 मायथाय आव बि एद दिग्रि लादोंमोन। नाथाय सोनाब बंग निफ्राय उदमारियाव थानाय आताउर रहमान कलेज अफ इदुकेशन मुंनि कलेज आव गावनि फोरमान बिलायखौ दिन्थिनायाव पुलिसजों हमजायो, बियो पासकुरा बिबि हायस्कुल नि फोरोंगिरि।
8) सानसेयावनो मान्जा आरो दिलाई आव 10 लाख रां मोनदों। बिसायखथि आयोग नि नेम खौ गोबाङानो मानियाखै। मदेल कद अफ कन्दाक सोलिदोंब्लाबो लाख लाख रां गारियाव लानानै थांदों. सुक्रबारखालि कार्बिआंलं नि दिलाई आरो मान्जा निफ्राय नगद रां मोनदों। खौरां मोननाय बादिब्ला पुलिसफोरा नागिरनायाव लक्ष्मन साह मुंनि सासे दावबायारिनिफ्राय दिलाई आव 7 लाख रां जब्द खालामदों। होजाई नि थागिबि लक्ष्मन आ बेखौ फालांगियारि खामानिनि थाखाय लाबोदोंमोन होनना बुङो। बेबायदिनो मान्जा निफ्राय बो गंसे ईनभा गारि निफ्राय नोगोद रां मोनो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon