1) दिनै आसाम बिधानसभा नि गिबि खोलोबनि बिसायखथि। आसामनि गासै 12 जिला नि 47 बियाब आव जागोन भट होनाया। फुंनि 7 बाजिनिफ्राय जागोन भट होनाया। कभिद नि नेमखौ मानिनानै सोलिनो नांगोन, जेरै मास्क लानाय, सेनिताइज खालामनाय बायदि बायदि। दिनै गासै 81,09,815 भतारफोरा भट होगोन 264 बिजाथिफोरनि थाखाय। आसामनि सानैसो हाय प्रफाइल बिजाथिफोरनि खाफाल आ ईभिएम मेसिन आव हाबगोन। गिबि मन्थ्रि सर्बानन्द सोनोवाल, अखिल गगै, रिपुन बरा, लुरिनज्योति गगै, अतुल बरा, चित्तरन्जन बसुमतारि, हितेन्द्र नाथ गोस्वामि, केशव महन्त बिथांमोननि। 264 बिजाथिफोरनि 23 आ आयजो आरो 78 आ उदां बिजाथि।
2) होलि, बैसागु फालिनाय आव जेबो हेंथा गैया, फिन खनसेबाव बुंदों आसामनि सावस्रि बिफाननि मन्त्रि हिमन्त बिस्व शर्मा बिथाङा। बिसायखथि नि मेल आ जादोंब्ला बैसागु आ मानो जाया जानो, लकदाउन जानायनि जेबो सम्भावना गैया। गासै भारत आव नो करना नि केस आ बारा जानो हमदों, सानसेयाव 50 रोजा सो मोनदों, बेखायनो आसामावबो बिसायखथि नि उनाव लकदाउन जानो हागौ होनना गोबाङानो बुंदोंमोन, लोगोसे थांनाय बोसोराव बो फालिनो मोनाखैमोन।
4) आसामाव दिनै बांग्रि फैदोंमोन। हरनि 12.32 आव सनितपुरनि रांगापार नि खाथियाव। बेनि मेगनितिउत खौ 4.7 होनना बुंदोंमोन, नाथाय उनाव 5.1 बुङो।
5) कार्बि आलं नि 2थि दिभिजन मोननाय फरायसुलिफोरा बो मोनगोन स्कुति, बुंदों आसामनि मन्थ्रि हिमन्त बिथाङा। नखरसे नि सासे आयजो आ 3000 रां मोनगोन, लोगोसे आसे मिनिथावनायै लड़का लोगों को भि मटर चाइकेल मिलेगा, लेकिन पिसे में सिर्फ मा बेहेन होना होगा, वो होने से नहिं होगा, बैथालांसु आव बिसायखथि फोसावदिं मेल आव बाहागो लानानै बुंदो बेखौ।
6) भारत नि हादरगिरि रामनाथ कोबिन्द नि देहा या हरखाब गाज्रि जादों। बिखा सानाय जानायाव दिल्लि नि आरमि देहाफाहामसालि याव लाङो। गाहाय मन्थ्रि, नखर मन्थ्रि बिथांमोना खौरां लायो। बिथांखौ सम बादियै चेक आप खालामबाय थानाय जादों होनना खौरां मोनदों। आरो देहा या दायो इसे मोजां जादों।
7) चिरां पुलिस आरो एसएसटि या 6 कार्तुन(42 लिटार) फेग्रा मुवा आई एम एफ एल जौ हमदों। चिदलि बियाबनि बासुगांव-सालाकाति लामायाव हनदों। बासुगांव निफ्राय सालाकाति फारसे थांनाय अटरिक्सा गंसेनिफ्राय जब्द खालामो। पुलिस आ नागिरबाय थानाय समाव नो जौ लांग्रा सुबुङा खारखुमायो होनना खौरां मोनदों
8) बिपिएफ निफ्राय बिजेपि आरो बिजेपिनिफ्राय फिन खनसेबाव बिपिएफ। 58 नं तामुलपुर बियाब बिजेपि नि मावथिफोरा बिपिएफ आव हाबदों होनना खौरां मोनदों।
9) भारत आरो ईंग्लेन्द नि गेजेराव जानाय नैथि वान दे गेलेनाय आ ईंग्लेन्द आ भारत खौ गाज्रिजै फेजेनो, 6 विकेत जों। गिबियाव बेटिं खालामग्रोनानै भारत आ 50 अभार आव केएल राहुल नि 108, रिषभ पन्त नि 77, कहलि नि 66 रान जों 6 विकेत आव 336 रान बुदोंमोन। ईंग्लेन्द आ 43.3 अभार आव नो 337 रान बुनानै देरहायो, जननि ब्रस्त आ 124, बेन स्तक्स आ 99 आरो जेसन रय आ 55 रान बुदोंमोन। मेन अफ दा मेस खौ जन्नि बेरस्त आ मोनो। भारतनि सिखर धवन आ 4, रेहित आ 25, रान बानायनाजों लोगोसे हार्दिक आ 35 आरो क्रुनाल आ 12 रान बुनानै नट आउत जायो। सिरिस आ दायो 1-1 जाबाय। गाबोन जोबथा गेलेनाय आ जागोन. बेयाव जाय दोलो आ देरहायो बेनो सिरिज खौ देरहागोन।
10) खौरां बुथुमनो थांनानै गाग्लोबजाबाय खौरांगिरि। जाथाय आ ट्रिपुरा नि। बिकास दास मुंनि खौरांगिरिखौ कान्सनपुर महकुमा नि सान्तिपुर गामि याव केलेंकारि नि जाथाय नि खौरां बुथुमनो थांनायावनो गाग्लोबो। खौरां मोननाय बादिब्ला गामिनि गांव समिति नि सेयारमेन नि दैदेननाय मोनसे दोलो आ गाग्लोबो। रद सिखा लानानै गाग्लोबदोंमोन, खर आव जोखोम जादों, उनाव खाथिनि हाग्रायाव हाबनानैसो गावनि जिउ खौ बासायनो हायो। बियो लांनाय गारिखौबो बुफायना गालाङो, उनाव लामा जों थांनाय गुबुन गारि या बिखौ बासायो आरो देहाफाहामसालि याव लाना थाङो।
11) काब्या चोप्रा, जारिमिन आव गावनि मुंखौ लिरना दोननो हानाय सासे फरायसुलि। बिथाङा नो गिबिसिन जेईई मेइन आनजाद आव 100 जौखोन्दो मोननो हानाय फरायसुलिजानो हादों। बिथांनि सिगां रावबो बेबायदि खालामनो हायाखैमोन. बिथाङा 300 नि 300 नम्बर मोनदों। 2021 नि फेब्रुवारि याव जानाय आनजाद आ बिथाङा 99.97 जौखोन्दो मोनदोंमोन, नाथाय बिथांनि थांखि या 99.98 नि बारा मोननायमोन होनना बुङो, बेनि थाखायनो बिथाङा फिन खनसेबाव मार्च दान आव आनजादखौ होफिनो आरो 100 जौखोन्दो मोननो हायो। बिथाङा आईआईटि बम्बे आव बि-टेक फरायनो गोसो होनना बुंदों।आसामनि देबराज दे आ 99.7535521 जौखोन्दो जों आसामनि बयनिख्रुय बांसिन मोननाय जानो हादों। जेईई आनजादखौ बे बोसोराव खनब्रै खुंनाय जागोन, एप्रिल आरो मे आव बो जागोन।
12) बाक्सा याव ईभिएम मेशिन कमिसनिं नि खामानिखौ जागायबाय। सुक्रबारनिफ्राय जागायो। बाक्सा जिला नि जिला बेंगिरि आरो रितार्निं अफिसार रन्जन शर्मा बिथाङा बुंनाय बादिब्ला मुशलपुर जौसिन फरायसालि याव बानायनाय स्त्रं रुम आव कमिसनिं नि खामानिखौ जागायबाय, दिनैसिम थागोन। उनाव ईभिएम मेशिननि खामानिया जाजोबनाय लोगो लोगो स्त्रं रुम आव सोना दोनगोन, बेखौ रैखाथि हानजा नि दोलो आ नेबाय थागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon