बिटिसि ईलेकशन नि बादिनो जागोन नामा बिधानसभा बिसायखथि याव बो, हर्ष ट्रेदिं नि गिनाय, हटेल नि राजखान्थि, बिसायखथि नि फिथाय मोननाय नि सिगां नो आसामनि बाहेराव लांदों महाजोत नि बिजाथिफोरखौ। राजस्थान नि जयपुर आव लांदों कंग्रेस आरो ए आई इउ दि एफ नि बिजाथिपोरखौ। कंग्रेस आ 2001 मायथाइनिफ्राय 15 बोसोर आसामाव सोरखार दादोंमोन, 2016 मायथाइ आव बिजेपि या देरहानानै सोरखार दायो, नाथाय गुबुन गुबुन माहारियारि खौरां बिजों नि एग्जित पल आव बिजेपि खौ महाजोत नि उनाव थानाय सो नुनो मोनदों, बेखायनो बायनाय फाननाय नि राजखान्थि सोलिनो हागौ, बेखौ गिनानै नो थांनो हागौ, एबा लांनो हागौ। बिपिएफ नि खौ बो कक्राझार नि गंसे हटेल आव लांदों होनना खौरां मोनदोंमोन, बे साननै नि गेजेराव आव नो आसामनि बाहेराव लांगोन होनना बो खौरां ओंखारदों, नाथाय हर्ष ट्रेदिं नि गिनायाव बिपिएफ नि बिजाथिफोरखौ कक्राझार नि गंसे हटेल आव जोबथेनानै दोनदों होनना ओंखारनाय खौरां नि सायाव मन्थ्रि प्रमिला रानि ब्रह्म आ बुंदों, हर्ष ट्रेदिं नि गिनायाव बिपिएफ नि बिजाथिफोरखौ हटेल आव लाखिनांगौ नि जेबो गोनांथि गैया। हर्ष ट्रेदिं जाया होनना बो बुंनो हाया होनना बो बुङो, मानोना बिजेपि या खम मासि मोनगोन बे बिसायखथि याव। मोनेबेेसे मासि याव देरहागोन सोंनायाव बिटिआर नि 12 नि 11 खौ नो देरहागोन होनना बुङो बिथाङा।
आसामाव रंजालि बैसागु फालिनाय, खुंनाय नि एस अ पि दिहुनना होबाय आसाम सोरखार आ। बैसागु कमिति नि मावथिफोरा कभिद टेष्ट खालामनो नांगोन। फोरबो फालिनो थाखाय प्रशासन नि गनायथि लाग्रोनो नांगोन, कभिद टेष्ट खौ सानथाम सिगाङाव खालामनो नांगोन। हर नि 11 बाजि नि सिगाङाव फोजोबनो नांगोन हाबाफारि खौ, खननै सेनिताइज खालामनो नांगोन, साफ्रोम नायगिरिफोरा मास्क लानो नांगोन, स्तेज आव रोजाबग्रा या ल सो मास्क लायाब्लाबो जागोन। ससियेल दिस्तेन्स नि थाखाय मासि नि बेबस्था खालामनो नांगोन। देहा नि दुंथाय खौ सुनो नांगोन, बारा मोनोब्ला सावस्रि मिरु आ थांनो नांगोन।
2019 मायथाइनि 14 फेब्रुवारि याव पुलवामा याव उदखारिफोरनि गाग्लोबनायाव मुंख्लं जानाय बर फिसा मनेश्वर बसुमतारि नि गोसोखांथियाव बिटिसि प्रसासन आ लुना होनाय मुसुखा बेखेवो। कलबारि गोजौ फरायसालि याव। बेखौ सिआरपिएफ नि लोगो कामान्देन्ट ईश्वर सिंह आ बेखेवो। बे हाबाफारि याव मनेश्वर बिथांनि नखर नि सोद्रोमा या बो बाहागो लायो, लोगोसे तामुलपुर थाना नि बिबानगिरि बनजित उजिर बिथाङा बो।
बिबानाव थानाय समाव जिउ गोमानाय बिसायखथि नि अफिसार तुलसि खनिकर नि नखर नो 15 लाख रां नि मदद। जाथाय आ गिबि खोलोब नि बिसायखथि नि मोन। 106 नं सोनारि बिधानसभा बियाब नि 147 नं सालकाठनि बागिसा गुदि फरायसालि याव हरखाब गोलैनानै जिउ गोमादोंमोन। बिसायखथि आयोग आ 15 लाख रां होगोन होनना फोसावो। खम साननि गेजेराव नो रां खौ होगोन होनना खौरां मोनदों।
फिन गिदिर थिरांथा। सोरखारि आरो सोरखारि नङि फरायसालिफोरखौ बन्ध फोसावदों। दिल्लि नि थिरांथा बेयो। गोदान बिथोन होयि सम सिम बन्ध। करना नि थाखाय नो दिल्लि नि गिबि मन्थ्रि अरबिन्द केजरिवाल आ बेखौ फोसावदों। दिल्लि याव 30 रोजा नि बारा केस मोनगासिनो सानसेयाव। बिगार आव 18 एप्रिल सिम फरायसालि, फरायसालिमा, कोसिं चेन्टार बन्ध, मोनाबिलि नि 7 बाजि आव बन्ध जागोन दखान, दखानि आरो कास्तमार आ सेनिताइज खालामनो आरो ससियेल दिस्तेन्स मानिनो नांगोन। हेतेल धाबा याव 25 जौखोन्दो आ ल जनानै जानो हागोन। सिनेमा हल आव 50 जौखोन्दो आ ल नायनो हागोन। आसामाव थांनाय 24 घन्टा याव 281 केस मोनदों।
बाक्सा याव गान्दा नि गाग्लोबनायाव सासे फरेस्त बेटेलियान नि जिउ गोमायो, मुङा अनिमेश देका, बजालि जिला नि भवानिपुर नि देकापारा नि। मानास माहारियारि हाग्रामा नि भुयापारा फरेस्त रेन्ज आव जादों दुखुनांथाव जाथाय आ। लोगोफोरजों बाजार सिम थांनायाव नो गान्दा या गाग्लोबो। मिथिना मोननाय बादिब्ला दान थाम सिगाङाव सो बिथाङा जुलि जादोंमोन।
ब्रितेइन नि राजा एबा रानि एलिजाबेथ II नि फिसाय, दिउक अफ एदिनब्राह प्रिन्स फिलिप आ रंसारि जाबाय़, 99 बोसोर बैसो नि मोन बिथाङा, मा जाहोननि थाखाय जिउ गोमाखो बेखौ मिथिनाय जायाखै. दानसे सिगां देहाफाहामसालि निफ्राय हगारना होदोंमोन बिथांखौ, 10 जुन आव 100 बोसोर बैसो जागौमोन। भारत नि गाहाय मन्थ्रि या दुखु मोननाय फोरमायो।
आसामनि भाइरेल जानाय मेट्रिक आरो हायार सेकन्दारि आनजाद खौ फावसायनाय खौरां आ नंखाय, सोरबा दुथांफोरा मन्थ्रि हिमन्त बिस्व नि मुं लानानै भाइरेल खालामदों। फोथायनो नाङा बेफोरखौ। आसामनि हायार सेकन्दारि नि गिबि बोसोरनि आनजाद आ 4 मे निफ्राय जागोन। रुतिन खौ दाउनलद खालामनोब्ला www.bodoinfo.com आव थांनानै नाय।
काजिरङा माहारियारि हाग्रामा निफ्राय माथाम गान्दा फिसा खौ मानास माहारियारि हाग्रामा सिम जायगा सोलायबाय। बे माथाम गान्दा खौ 2019 मायथाइ आव दैबाना नि समाव बासायदोंमोन, हाग्रा बिफान आ बासायनानै आइ एफ ए दब्लिउ आरो दब्लिउ टि आई नि मदद आव काजिरङा नि पानबारि नि लाखिनाय चेन्टार आव नायदोंमोन। माहारियारि हाग्रामा नि पि सिव कुमार बिथाङा बुंनाय बादिब्ला गान्दा फिसाफोरखौ हगारनाय नि बेनो थि सम मानोना थाबैनो फिसाफोरनि गं आ ओंखारसिगोन। दिनै हगारना होगोन गान्दा फिसाखौ।
जम्मु कास्मिर नि सपियान आरो पुलवामा याव मोननै गुबुन गुबुन गावलायनाय जाथाय आव गोबां उदखारिफोर थैदों। जम्मु कास्मिर पुलिस आ बुंनाय बादिब्ला पुलवामा नि नौबाग नि ट्राल ओनसोलाव सानै उदखारि खौ बुथारनो हादों। गुबुन मोनसे याव सपियान नि मसजिद आव उदखारिफोरा हाबसोना थादोंमोन, गिबियाव आरमिफोरा बिसोरखौ सारेन्दार जानो होदोंमोन, नाथाय बिसोर गुलि सो गावना होयो, बेनि फिननाय आव आरमिफोरा बो गुलि गावो आरो सा 5 उदखारिफोरखौ गावथारनो हायो। बे जाथाय आव सा 4 जवान आ जोखोम बो जादों। बिथांमोनखौ आरमि नि 92 बेस देहाफाहामसालि याव लांनाय जायो।
आसाम अरुनासल सिमना याव साथाम सुबुं नि गोदना हानानै बुथारदों। सोरबा सिनायमोनि दुथांफोरा खालामदों बेखौ। खुनसा लंदिं लामा नि तिसा दैमा नि दालां नि खाथियाव। टिराप जिला नि खुनसा नि हेलिपेद कलनिनि भक्ट बाहादुर रय, लंदिं जिला नि जेदुवा कलनि नि कुमार प्रधान आरो सेनुवा गामि नि खामनाई वांपान। हर खोमसि याव सोर बेबायदि खालामखो दासिमबो मिथिनाय जायाखै, खौरां मोननाय बादिब्ला पुलिसफोरा नायबिजिरनायखौ जागायबाय।
आईपिएल नि गिबि गेलेनाय आव रयेल चेलेन्जार्स बांगालर आ मुम्बाई ईन्दियानस खौ मैया 2 विकेट जों फेजेनो। गिबियाव बेतिं खालामग्रोनानै मुम्बाई आ 20 अभार आव 159 रान बुदोंमोन 9 विकेत जों। बांगालर आ बो 20 अभार आव नो देरहानाय रान खौ बुनो हायो। बेयो मुम्बाई नि गिबि गेलेनाय नि 9 थि जेननाय। हायदाराबाद नि जानानै हार्षल पेटेल आ सा 5 विकेत लानो हायो
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon