भारत नि बोथोर बिगियान आ बुंनाय बादिब्ला 8, 9 आरो 10 एप्रिल आव आसाम, मेघालय, मिजोराम, अरुनासल प्रदेश आव अखा हानो हागौ, सोनाबओनसोलनि बार आ लैथो नि सा बाहागो नि 3.1 कि मि गोजौ जों सोलिगासिनो। बेयो 24 धन्टा याव सानजा फारसे थांगोन, बेखायनो बृहस्पतिबार, सुक्रबार आरो सनिबार आव 30-40 कि मि गोसा यै सारअन्थाय, अखा, बारहुंखा फैनाय नि सम्भावना दं।
माउबादि नि आखायाव भारत नि सासे जवान। चत्तिसगर नि बिजापुर-सुकमा याव जानाय जाथाय आव गोबां भारतनि जवान फोरा मुंख्लं जादोंमोन, जाथाय नि उनाव गोमाना दंमोन 210 कोब्रा नि सासे कामान्दो, बेनि उनाव हिदमा नि दैदेननाय पिएलजिए नि गिबि बेतेलियेन आ गोमाना थानाय कब्रा कामान्दो नि फट हरदों, जवान नि मुङा राकेस्वर सिं मानहास। माउबादि फोरा बुंदों, चत्तिसगर नि 3 एप्रिल आव जानाय गावलायनायाव गोमानाय जवान आ जोंनि आखायाव दं। रायजो सोरखार आ गेजेरारि नमानसि(मेदियेतर) नि मुं खौ फोसावब्ला सो कामान्दो खौ बेनि आखायाव हगारना होगोन। खौरां मोननाय बादिब्ला फुंनि 11.30 आव गोमाना थानाय जवान नि फट खौ सासे खौरांगिरि नो हरदोंमोन। लोगोसे पुलिस अफिसार सासे या गांसे लाइजाम मोननाय नि सोमोन्दै बो बुंदों। पेज मोननै नि लाइजाम आव टेलेगु राव जों लिरदों, 2000 पुलिसफोरा बिसोरखौ गाग्लोबदोंमोन, बे गाग्लोबनाय जाथाय आव बिसोरनि संगठननि सा 4 नि जिउ गोमादोंमोन, लोगोसे बिसोर 14 हाथियार, 2000 नि बारा गोला बारुद आरो जवानफोरनि मुवा बेसादफोर लांदों होनना। बेयाव लिरबावदों. 2020 आव गाहाय मन्थ्रि नरेन्द्र मडि या उदखारिफोरखौ फोजोबस्रांनो नाजादोंमोन, नखर मन्थ्रि अमित साह नि दैदेननायाव गोदिर गाग्लोबनाय नि प्लेन खालामदोंमोन, माउबादि फोरा सावरायलायनो थियारि मोन।
फर्बस नि भारत नि कौटिपटि नि फारिलाय आव मुकेस आम्बानि या गिबिसिन मासियाव दं, आदानि या नैथि याव। फर्बस आ भारत नि टप 10 धोनिसिन कौटिपटि नि फारिलाय खौ दिहुनना होदों। मुकेस आम्बानि या 84.5 बिलियन दलार जों गिबियाव। मुकेस आम्बानि बिथाङा नो एसिया नि बो धोनिसिन। भारत नि नैथि याव गौतम आदानि या 50.5 बिलियन जों, सिभ नादर आ 23.5बिलियन दलारजों थामथि याव दं।
हाग्रामा नि दाबि, महाजोत आ मोनगोन 70 मासि। मोनथाम बो खोलोबनि बिसायखथि याव मोजां फिथाय दिन्थिनो हागोन। खौरांगिरिफोरा सोरखार दायोब्ला गिबि मन्थ्रि या सोर जागोन सोंनायनि फिननाय होनायनिफ्राय गोजान जायो। बिथाङा लोगोसे दिसपुर आव सोरखार दानायनि उनाव नो बिटिसि आव बो सोरखार दागोन होनना बुङो। गुबुनफारसे बिटिआर नि गाहाय प्रमद बर आ बिजेपि लोगो दोलो नि सोरखार जागोन होनना बुङो, हाग्रामा नि सोरखार दागोन बुंनाय नि फिननाय महरै हाग्रामा या बिटिसि आव सासेबो एमएलए देरहाहोनो हाया होनना बो बुङो। हाग्रामा नि सोरखार दानायखौ सिमां होनना सो बुङो, हाग्रामा नि सिमां आ माब्लाबाबो मोगथां महर मोना होनना बो बुंबावो बिथाङा।
बैसागु नि सिगाङाव आसामनि सिबसागर आव 144 धारा लागायना होदों, जिला प्रशासन आ बे थिरांथा खौ लादों। जिला बेंगिरि बिष्णु कमल बरा या बुंदों गोबां कभिद नि केस मोनदों, जायनि थाखाय 144 धारा खौ होदों, बैसागु नि सिगां सा 5 नि बारा ज जानो होआखै, बैसागु नि थाखाय गोबां सुबुंफोरा बाजाराव थांदों, बायदि बायदि बायदों, बेखायनो जों सानो सुबुंफोरा सांग्रा जानांगौ। जों फानग्राफोरखौ बो मास्क लानो, सेनिताइज बाहायनो, ससियेल दिस्तेन्स मानिनो आरो गासैबो कभिद नि नेम खौ मानिनो बिथोन होदों। घारा 144 खौ 60 साननि थाखाय होयो, नाथाय थासारि या मोजां जायोब्ला बेखौ बोखारफिनगोन। सुबुंफोरा सानदों कभिद आ गैला होनना, नाथाय बेयो गिथावना जानो हागौ होनना बो बुंबावो बिथाङा।
थांनाय बोसोराव करना नि थाखाय टकिय अलिम्पिक खौ फावसायदोंमोन। 2021 नि जुलाई दान आव जागोन होनना बुंदोंमोन। नाथाय दायो साहा करिया या बे बोसोरनि अलिम्पिक खौ गेलेनाय नंलिया होनना बुङो।करना भाइरास निफ्राय गेलेग्रा फोरखौ रैखाथि होनो थाखाय नो गेलेनाय नङा होनना बुङो। बे बोसोरनि अलिम्पिक आव गुबुन हादरनि नायग्राफोरखौ बो बेन खालामना होदोंमोन साननैसो सिगाङाव। जापान आ साहा करिया निफ्राय बेनि सायाव गोबां खौरां बिबावदों।
चत्तिसगर आव जानाय नाक्सालफोरनि गाग्लोबनायाव सानै आसामनि सिआरपिएफ नि जवान आ मुंख्लं जादोंमोन। बिथांमोनखौ सन्मान होनायनि सोलाय सिखा शर्मा मुंनि सासे लिरगिरि आयजो आ ससियेल मिदिया नि गेजेरजों गाज्रियै सो बुंदोंमोन, सासे ईलेकट्रिसियान जों रुजुदोंमोन, लोगोसे दरमाहा लानानै जिउ गोमानायकौ मुंख्लं बुङा होनना बो बुंदोंमोन। बिनि बेरेखा केस होनायनि उनाव नो पुलिसफोरा खादोंमोन, मैया बिजिरसालियाव लाङो, बिजिरगिरि या 14 सान नि थाखाय बिसारगिरि नि बेंथे आव लांनो बिथोन होयो। सिखा खौ साननै नि थाखाय दिसपुर पुलिस आ गावनि बेंथे आव बिदोंमोन।
पानजाब सोरखार आ गासैबो रोखोमनि राजखान्थियारि ज जानायखौ बेन खालामबाय। गिबि मन्थ्रि अमरिन्दर सिंह आ मैया 30 एप्रिलसिम बन्धथागोन होनना फोसावो, लोगोसे हरनि 9 बाजिनिफ्राय 5 बाजि सिम कारफिउ होदोंमोन गासै 12 जिला नि ताखाय, दायो बेखौ बो बारायनानै गासै रायजो आव नो खालामबाय। दिल्लि यव बो हरनि कार्फिउ सोलिगासिनो दं, दिल्लि नि या हरनि 10 बाजिनिफ्राय 5 बाजि सिम, गिबि सानाव दिल्लि याव हरनि कार्पिउ खौ साफायनाय नि दायाव गासै 220 केस रेजिस्तार खालामदों। गासै 842 सुबुंफोरनिफ्राय मास्क नि नेमखौ मानियैनि जरिमाना लायो। दिल्लि गोजौ बिजिरसालि या पाब्लिक प्लेस आव बो हारसिंयै गारि सालायब्लाबो मास्क लानो नांगोन होनना बुंदों। बिजिरगिरि प्रतिभा एम सिंह बिथाङा मास्क लायि नि जरिमाना होजानायफोरनि खावलायनाय नि हेयारिं नि समाव फोसावो। मास्क लानाय गावनि जों लोगोसे सोरगिदिं नि सुबुंफोरनि थाखाय बो मोनसे सुरक्सा कबज। गुजरात नि 20 सोहोराव बो हरनि कार्फिउ खौ होदों, हर नि 8 बाजि निफ्राय 5 बाजि सिम, गिबि मन्थ्रि या बुंनाय बादिब्ला बेयो 31 एप्रिल सिम थागोन। आहमेदाबाद, सुरात, गान्धिनगर बदोदरा बायदि सोहोरफोराव हर आव कार्फिउ।
जोबथेसालि याव हाथियारलानायफोरनि गिथावना गाग्लोबनाय, खारबाय 1800 कयदिफोरा। जाथाय आ नायजेरिया नि, ईमु रायजो नि उबेरि ओनसोलनि जोबथेसालि याव। बे गाग्लोबनाय आ 2 घन्टा सो सोलिबाय थादोंमोन। खारनाय दायनगिरिफोरखौ नागिरगासिनो होनना बुंदोंबे जोबथेसालि याव खामानि मावनाय सासे या। सप्तानै सो सिगाङाव नाइजेरिया नि गं 4 पुलिस थाना, नेग्रा जायगा आरो कयदि फोरखौ लांनाय गारि याव गाग्लोबदोंमोन, जेराव गोबां पुलिस फोरनि जिउ गोमादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon