रायजो आव नैथि खोलोबनि बिसायखथि या मैया जोबनानै थांबाय। 76 जौखोन्दो नि बारा भट होनाया जादों होनना खौरां मोनदों। मोननैसो बिसायखथि नि हिंसा नि खौरां मोनदों, गुलि गावनाय नि जाथाय। कलाइगांव आव ईभिएम लाना थांनायखौ लानानै दुंहाव थासारि सोमजियो। पुलिस नि गुलियाव सा 3 सुबुंफोरा जोखोम जायो। खौरां मोननाय बादिब्ला कलाईगाव बियाब नि सिंनि राजापुखुऱिपार गुदि फरायसालि, 215 नं भट मिरु आव भट होखांनायनि उनाव गंसे ईभिएम गोमानाय नि अजद आव जायो दुंहाव थासारि। जोखोम जानाय सुबुंफोरनि मुङा ईसमाइल आलि, मोसा आलि आरो हासमत आलि। खौरां मोननाय बादिब्ला सिल आरो साइन आ जायाखैमोन, ईभिएम खौ बो मोजाङै बन्ध खालामाखैमोन
करिमगन्ज नि कानिसाइल आव ईभिएम खौ लानानै हर आव गुलि गावनाय जाथाय, गंसे बलेर आव ईभिएम मोननाय नि उनाव नो थासारि या दुंहाव जायो
फ्लायिं स्कुवाद नि सोद्रोमाखौ बिपिएफ नि मावथिफोरा गाग्लोबदों। चिरां नि 31 नं चिदलि बियाब नि गुरुभसा याव जादों जाथाय। बिपिएफ नि मावथिफोरा फ्लायिं स्कुवाद नि सोद्रोमा खौ गाग्लोबनानै मारपित खालामनाय नि अजद, लोगोसे दोलोनि भिदिअ केमेरा खौ बो सिफायो बिपिएफ नि मावथिफोरा, जाथाय नि सायाव सासे खौ हमदों होनना खौरां मोनदों। खौरां मोननाय बादिब्ला फ्लायिं स्कुवाद नि दोलो आ बिपिएफ दोलो नि मावथिफोरा बिसायखथि फोसावदिं मेल खुंदोंमोन, उनाव बे जायगायाव फ्लायिं स्कुवाद नि दोलो आ थांनानै मेल नि गनायथि नि लाइजाम बियो, नाथाय उल्था गनायथि नि लाइजाम मानो नांगौ होनना सो सोंबावो। उनाव मावथिफोरा फ्लायिं स्कुवाद नि अफिसार हिरन्य बरवा खौ गाग्लोबो। चिरां जिला नि एस पि सुधाकर सिंह बिथाङा बुंनाय बादिब्ला माखासे जौ लोंनाय सुबुंफोरा गाग्लोबदोंमोन आरो केमेरा खौ बो सेफायना होयो। उन समाव खौरां मोननाय चिदलि नि पुलिस आ जाथाय जानाय जायगायाव थांदोंमोनब्लाबो अशांति खालामनाय सुबुंफोरा बे जायगानिफ्राय खारखुमायो। बे जाथाय नि गुबै दायनिगिरि उमेस वारि मुंनि सुबुंखौ पुलिस आ हमबाय आरो जाथाय नि सायाव सोमोन्दो थानाय आरो सुबुंफोरखौ हमनो थाखाय नागिरगासिनो दं होनना बुङो।
काछार नि सनाई बियाब आव हिंसायारि जाथाय सा 3 जोखोम जादों। बिजाथि नि गारियाव अन्थाय खुबैदों। खौरां मोननाय बादिब्ला भटार नि स्लिप खौ लानानै जायो दुंहाव थासारि या। बिजेपि नि एम एल ए आमिनुल हक लस्कर आ सानैसो सुबुंनि भटार स्लिप आरो सिनायथि नि कार्ड खौ नायदोंमोन, सासे या भटार स्लिप खौ लाबोनो बावगारबाय होनना बुङो, थेव्लाबो भटार कार्ड थानायखाय होनो फैयो, बेखौ लानानै नो नांलायनाय जायो, उनाव रायजोफोरा ज जायो, थासारि या दुंहाव जानायाव गुलि गावनांगौ जायो। बेयावनो सा 3 सुबुंफोर जोखोम जादों।
> सुपारस्तार रजनिकान्त नो 2021 नि दादा साहेब फाल्के बान्था खौ होनाय जोगोन। मन्थ्रि प्रकास जाभरेकर बिथाङा बिजिरगिरिफोर जुरि मेम्बारस आ रजनिकान्त बिथांनो होनाया मोजां जागोन बुंनायखाय बे थिरांथा खौ लादों होनना बुङो। दादा साहेब फाल्के मुङै सिनायजानाय धुन्दिराज गोबिन्द फाल्के बिथांखौ भारत नि सावथुन नि बिफा होनना बुंनाय जायो। बिथाङा नो भारत नि गिबिसिन सावथुन राजा हरिचन्द् खौ 1913 मायथाय आव दिहुनदोंमोन। बोसोरफ्रोम्बो सावथुन मुलुगजों सोमोन्दो थानाय सासे सुबुंनो बे बान्था खौ होनाय जायो।
> सिलिन्दार नि बेसेना खम जाबाय, बृहस्पतिबार निफ्राय 10 रां खम जायो, दायो 809 रां जाबाय, आगोलाव 819 रां मोन(गुबुन गुबुन जायगायाव बेनि बेसेना बो गुबुन गुबुन जायो)। कोभिद 19 नि बारा जानाय, भेकसिन नि साईद एफेक्त नि थाखाय नो मार्स नि नैथि बाहागो आव ईन्टारनेशल बाजाराव थाव, पेत्रलियाम जातो नि मुवा नि बेसेना खम जादों होनना बुङो.
> रायजो नि बिजेपि नि दैदेनगिरि हिमन्त बिस्व शर्मा नो बिसायखथि आयोग नि स्व कोस नटिस, कंग्रेस नि मोनसे अजद नि सायाव बिसायखथि आयोग आ नटिस हरो। सुक्रबार नि बेलासि नि 5 बाजि नि गेजेराव फिननाय होनो नांगोन, साननैसो सिगाङाव बिथाङा हाग्रामा महिलारि बिथांखौ जेल आव थिनहरगोन होनना बुंदोंमोन, आरो हाग्रामा ताग्रामा खौ गिया होनना बो बुंदोंमोन, बेबायदि हमकि, सिगिनायनि थाखाय नो उनाव बिसायखथि आयोगनो मदेल कद अफ कन्दाक नि नेम खौ सिफायनाय नि अजद होदोंमोन।
> 30 नं सानजा कक्राझार बियाब नि ईउपिपिएल दोलो नि बिजाथि लरेन्स ईस्लारि बिथाङा मैया कक्राझार नि ग्रिन फिल्द आव जानायय बिसायखथि फोसावदिं मेल आव बाहागो लायो। बे मेल आव भारत नि गाहाय मन्थ्रि नरेन्द्र मडि, बिटिआर नि गाहाय प्रमद बर बिथांमोना बाहागो लादोंमोन। बेनि उनाव आदिबासि आफाद फोरजों सावरायलायो, बिथाङा बेयाव सुबुंफोरा सोलायनायनि थाखाय भट होगोन होनना बुङो। बिथाङा लोगोसे गौरांसा(बागिसा) याव बो बिसायखथि फोसावदिं मेल आव बाहागो लायो, बेयाव सा 70 गोदान सोद्रोमा फोरखौ ईऊपिपिएल दोलो आव सोनाय जायो।
> 4 थि बेतस नि गंथाम राफेल फायतार जेत आ भारत आव मोनफैबाय फ्रान्सनिफ्राय। आरो गं 7-8 आ साननैसो नि गेजेराव मोनफैगोन होनना खौरां मोनदों। गं 3 राफेल आ फ्रान्स निफ्राय फैनाय नि उनाव लामा गेजेराव ईउएई एयारफर्स टेंकार आव फिउल खौ सोदोंमोन, बेनि उनाव भारत आव फैखायो। फ्रान्स नि सोरखार जों 59 रोजा कौटि जों भारत सोरखार आ गं 36 राफेल नि सुक्टि खालामदों। थांनाय बोसोरनि 29 जुलाई आव गं 5 राफेल लाबोदोंमोन गिबि खेब।
> हिमन्त आउत, हाग्रामा ईनः बदरुददिन आजमल आ बुंदों। चिथिला नि बिन्नासारा याव बिसायखथि फोसावदिं मेल आव बाहागो लानानै बे बाराव महाजोत नि सोरखार जागोन होनना बुङो। बिथाङा लोगोसे बिजेपि या आसामखौ फानगासिनो, आसामनिफ्राय बिजेपि खौ होखारनो रायजोफोरा थियारि। 2021 नि बिधानसभा बिसायखथि नि उनाव हिमन्त आ दिसपुर निफ्राय आउत, हाग्रामा ईन जागोन होनना बुङो। बिथाङा महाजोत नि बिजाथि नो भट होनानै देरहासात खालामनो खावलायो। रबिराम नार्जारि नि जानानै बिसायखथि फोसावदिं मेल आव बिपिएफ नि हाग्रामा महिलारि बिथाङा बो बाहागो लादोंमोन, बिथाङा नांगोलखौ मिउजियाम आव दोनगोन बुंनाय नि फिननायाव हिमन्त बिस्व शर्मा खौ सो धाका नि मिउजियाम आव दोनगोन होनना बुङो, लोगोसे हिमन्त नि सो बारा केस दं होनना बुङो, लुइत बाजार, सारदा बायदि नि, आंनि सो मोनसेबो केस गैया होनना बो बुंबावो।
> तामुलपुर आव बिपिएफ नि बिजाथि रंजाखुंगुर बसुमतारि या बिजेपि याव हाबबाय। मैया मिरु आबाद मन्थ्रि नरेन्द्र सिं तोमर बिथांनि नुजाथिनायाव। बिथाङा बिजेपि-ईउपिपिएल नि लोगो नि बिसायखथि फोसावदिं मेल आव बाहागो लादोंमोन। बेयावनो रंजा खुंगुर बिथाङा बिजेपि दोलो आव हाबो। बिथाङा सानसे सिगाङाव बिजेपि नि दैदेनगिरि हिमन्त बिस्व शर्मा बिथांखौ लोगो हमदोंमोन। बिथाङा बिपिएफ नि रांखान्थियारि मदद नि दैदेननायखौ मोजां मोनाखै होनना बुङो। बेखायनो बिजेपि दोलो आव हाबो। बिथाङा दायो ईउपिपिएल नि बिजाथि लेहुराम बर खौ मदद खालामगोन होनना बुङो। बिथांनि बिजेपि याव हाबनाय नि सायाव हाग्रामा महिलारि बिथाङा खौरांगिरिफोरनि सिगाङाव बहाबा गोमाना थानायकौ जों मिथियो, नाथाय जों नांगोलनि सावगारियावनो बिसायखथि गेलेगोन, बेयाव बिजाथि दं गैया बेयो उननि बाथ्रा, मानो बिजेपि याव हाबखो मिथिया होनना बो बुङो।
> आईसिसि रेंकिं आव नाम्बार 1 आव भारत नि भिरात कोहलि। भारत नि बलार जसप्रित बुमराह या बलार नि फारिलाय आव 4 थि नम्बर आव दं। ईंग्लेन्द नि बेरेखा गिबि आरो नैथि गेलेनाय आव फारियै 56 आरो 66 रान बुनाय कोहलि या 870 पइन्त मोननो हादों। पाकिस्तान नि बाबर आजम नि उनाव भारत नि रोहित शर्मा या 3 थि मासियाव दं।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon