मैया आसामनि थामथि खोलोबनि बिसायखथि या जोबनानै थाङो। सेथि आरो नैथि खोलोबनि बिसायखथि निख्रुय बांसिन भट होनाया जादों। 82 जौखोन्दो नि बारा भटारफोरा भट खौ होयो, गिबि खोलोब आव 79.97, नैथि खोलोब आव 80.96 जौखोन्दो जादोंमोन। बिजाथि फोरनि खाफाल आ ईभिएम मेशिन आव हाब्बाय। बर नि सानैसो हाय प्रफाइल बिजाथिफोरा भट होयो, चन्दन ब्रह्म, प्रमिला रानि ब्रह्म, लरेन्स ईस्लारि, जयन्त बसुमतारि, उर्खाव गोरा ब्रह्म बिथांमोना। बिटिआर नि गाहाय प्रमद बर, बारग गाहाय हाग्रामा महिलारि बिथाङा बो गावनि बेसेनगोसा भट खौ होयो। नब सरनिया याबो, आसाम बिधानसभा नि बयनिख्रुय धोनिसिन बिजाथि मनरन्जन ब्रह्म बिथाङा बो गावनि बिसिजों लोगोसे भट होयो। 3 थि खोलोबनियाव गासै 337 बिजाथिपोर दं, भटार आ 79 लाख नि बारा दंमोन। गुबुन गुबुन भट मिरु निफ्राय ईभिएम आ स्त्रं रुम आव मोनहैबाय। 2 मे याव गुबुन रायजोफोरजों लोगोसे आसामावबो साननाय जागोन। सेथि आरो नैथि खोलोबनि बिसायखथि नि बादि नो मैया नियाव बो ईभिएम आ गोबां जायगायावनो गाज्रि जादोंमोन, गोलकगन्ज, पातासारकुसि, सानजा बिलासिपारा, कलगासिया, कक्राझार नि हल्टुगांव, जोगिघोपा, धमधमा । दुंहाव थासारि बो सोमजिदोंमोन। बङायगांव आव मारपित नि जाथाय, रैखाथि हानजा जों भटार जों नांलायनाय, रैखाथि हानजा या भटारफोरखौ बुनाय नि अजद, गोबां जोखोम जादों, तामुलपुर आव सासे एसएसबि जवान आ गाज्रि आखु दिन्थियो खौरांगिरिफोरखौ। खौरां लानो थांनायाव नो होबथायो। ईउपिपिएल दोलो नि बिजाथि लेहु राम बर बिथांखौ खोरांगिरिफोरा सोंदोंमोन।
मेत्रित, हायार सेकन्दारि आनजाद आ जागोन ना जालिया, आरो आसामाव लकदाउन होबाय नामा, भाइरेल जानाय खोरां आ थार ना नंखाय.. आसामनि मन्थ्रि हिमन्त बिस्व शर्मा बिथाङा बैसागु खौ आसामाव बे बाराव जाथारगोन होनना बुंदों। गासैखौबो बैसागु नि उनाव नायगोन होनना बो बुंदों। बे हिसाबै नायोब्ला बैसागु नि सिगाङाव लकदाउन जानाय नि जेबो सम्भावना गैया, उनाव बो जागोन ना जाया मिथिया, आसामाव करना केस मोननाया गुबुन रायजोनिख्रुय खम, मैया 92 ल केस मोनदों। लोगोसे आसामनि मेत्रिक आरो हायार सेकन्दारि आनजाद खौ फावसायाखै एबा जाया होनना बुङाखै। उनाव मा जायो मिथिया, नाथाय दायो बेबायदि जेबो खौरां गैया। माबाफोर खौरां मोनोब्ला भिदिअ नि गेजेरजों मिथिखागोन।
बिजिरगिरि एन भि रामाना खौ 48 थि गाहाय बिजिरगिरि महरै थिसननाय जाबाय। बिथाङा 24 एप्रिल निफ्राय खामानि मावगोन। दानि गाहाय बिजिरगिरि एस ए बोबरे बिथाङा 23 एप्रिल आव आजिरा मोनगोन। भारत नि हादरगिरि रामनाथ गोबिन्द बिथाङा बिथआंखौ थिसनो। रामाना बिथाङा 2022 मायथाइ नि 26 आगस्त सिम भारत नि गाहाय बिजिरगिरि जागोन। 63 बोसोर बैसो नि रामाना या अन्ध्र प्रदेश नि कृष्णा जिला नि पुननाभाराम गामि नि। बिथाङा दिल्लि गोजौ बिजिरसालि नि गाहाय बिजिरगरि बो जादोंमोन।
कक्राझार जिला याव मोनथाम बियाबखौ लानानै 83.07 भट होनाय जादों। मोजाबारि भट मिरु आव भट होनाय आ मोजाङै सोलिबाय थानाय समाव नो बिरथिंनाय खौरां खौ लानानै दसे दावराव जायो। भट मिरु आव फ्रि होनाय मास्कखौ लानानै भट होयोब्ला भट आ नांगोल नि सिन नि सोलाय ट्रेक्टर नि सिन जायो होनना। उनाव प्रसासन आ मोजायै बुजायनायाव सो थासारि या मोजां जायो। सोनाब बिलासिपारा नि गुतिपारा याव बो एखे जाथाय जायो। मास्क नि सिङाव थानाय तामा नि थार नि थाथाय भट होनाया गुबुन सिनाव सो मोनहैयो होनना बुङो। बेयावनो दावराव जायो।
बरपेता रोड आव गं 9 ईभिएम जों लोगोसे सासे सेक्टर अफिसारखौ हमदों। गासैबो ईभिएम जों लोगोसे फुंनि 9 बाजि याव हमदोंमोन, उनाव पुलिसनो होयो। अफिसार आ बुंनाय बादिब्ला भट मिरु आव लांबाय थादोंमोन ईभिएम खौ, नाथाय 9 बाजियावबो बेयो मानो भट मिरु आव मोनहैयासै, भट होनाया थ 7 बाजि निफ्राय नो जायोमोन, पुलिसफोरा बेनि सायाव नायबाजिरगासिनो।
नोंथाङा मिथियोमोन ना भारत नि बारग गाहाय मन्थ्रि मनमोहन सिंह आरो बिथांनि बिसि या आसामाव सो भट होयो मोन, बे बाराव होआसै, आरो इयुनाव बो होनाय नंलिया होनना खौरां मोनदों। थांनाय 2019 नि लोकशभा बिसायखथि याव दोबथा भट खौ होबाय। बिथाङा आसामाव फैनानै भट होनाय आ 20 बोसोर नि बारा जाबाय, 1991 मायथानिफ्राय नो। बारग गिबि मन्थ्रि हितेश्वर सकिया नि दिसपुर नि नआव भारा थाग्रा महरै थानाय बारग गाहाय मन्त्रि नि मुङा दिसपुर बियाब नि भटार नि फारिलाय आव दंमोन, बेखायनो दिसपुर सोरखारि जौसिन फरायसालि याव बिथांमोना भट होबाय थायोमोन। 1991 मायथाइ आव बिथांखौ रांखान्थि मन्थ्रि नि बिबान होनाय समाव आसामनि राज्यसभा नि एम पि महरै सायखदोंमोन, बिथांखौ आसामनि महरै दैथायहरनायाव बारग गिबि मन्थ्रि हितेस्वर गोस्वमि या मदद खालामदोंमोन, बै समनिफ्राय नो बिथाङा भट होबोगासिनो मोन. नाथाय खौरां मोननाय बादिब्ला बिथाङा आसामाव आरो माब्लाबाबो भट होनो फैनाय नंलिया, मानोना बिथाङा गावनि आरो बिसि नि नाम खौ दिल्लि सिम सोलायना लांबाय।
दिल्लि याव हर नि कार्फिउ खौ होदों, करना या बारा जालांनाय नि थाखाय। हरनि 10 बाजि निफ्राय फुंनि 5 बाजि सिम कार्फिउ। बेयो मैया हर निफ्राय 30 एप्रिल सिम जागोन होनना बुंदों। बे कारफिउ आव गोनांथार खामानि फोरा खौ बाद होनाय जादों। सानफ्रोंबो गर यै दिल्लि याव 4 रोजा सो केस मोनगासिनो दं। बेखायनो बे थिरांथा खौ लादों। गिबि मन्थ्रि अरबिन्द केजरिवाल बिथाङा दिल्लि याव 4 थि दोहौ सोलिगासिनो, नाथाय लकदाउननि सोमोन्दै जेबो सानाखै होनना बुङो बिथाङा।
सापागुरि याव मोनसे भट मिरु आव रिगिं खालामनाय नि अजद। भाइरेल जादों भिदिअ। बाथागुरि बर एकादेमि याव थानाय भट मिरु आव, भिदिअ आव सासे सुबुंखौ भट होबाय थानाय समाव सानै सुबुंफोरा थांनानै भटारखौ भट होहोनो नाजादों। बे खामानिखौ ईउपिपिएल नि मावथि या खालामदों होनना अजद होदों। दायनिगिरिखौ पुलिस आ खाबाय होनना खौरां मोनदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon