1) बिजेपि नि दैदेनगिरि हिमन्त बिस्व शर्मा खौ बिसायखथि आयोग आ मैयानिफ्राय 48 घन्टा सम बिसायखथि फोसावदिंनाय, ईन्टारभिउ, रोद शो, मिदिया नि गेजेरजों बुंनाय गासैखौबो बन्ध खालामनो बिथोन होयो। बिसायखथि आयोगनि बेबायदि खालामनायनि गुबै जाहोन आ जाबाय साननैसो सिगां बिपिएफ नि आफादगिरि हाग्रामा महिलारि बिथांखौ बिथाङा जेल आव थिनहरगोन, हाग्रामा नि बाथा जों सोमोन्दो दं, फोरान बो दं, हाग्रामा खौ गिया बायदिसिना बुंनानै सिगिदोंमोन, उनाव कंग्रेश दोलो आ बेनि बेरेखा बिसायखथि आयोग नो मदेल कद अफ कन्दाक सिफायनाय नि अजद होदोंमोन। बिसायखथि आयोग आ नायबिजिरनायनि उनाव 48 घन्टा सिरि थानाय नि साजा होयो। 1 एप्रिल आव हरदोंमोन नटिस खौ, 2 एप्रिल नि 5 बाजि नि गेजेराव बेनि फिननाय होनो बिथोन होदोंमोन। लोगोसे बिथांनि फंबाय, गोवालपारा नि एस पि शुशान्त बिस्व शर्मा खौ बो ट्रेन्सफार खालामनो बिथोन होयो, बिथांनि जायगायाव श्रि बिरा भेकता राकेश रेड्डि नो बिबान होयो। गाबोन जोबगोन थामथि खोलोबनि बिसायखथि फोसावदिंनाया। बिथाङा भट होनायनि सिगां फोसावदिंनो मोननाय नंलिया।
2) 1 कौटि नि बारा ग्राहक नि लोन नि रां खौ लाखोमानायनि दायाव लेङाय दाइरेक्टर खौ हमबाय पुलिसफोरा। खौरां मोननाय बादिब्ला धेमाजि जिला नि अफिसार कालिदास कामान गोबां सुबुंफोरनिफ्राय रांखौ नंखायो लाखोमायो, पुलिसफोरा नायबिजिरनानै दासिम सा 14 नि रां लाखोमादों होनना बुङो, नाथाय आरो गोबां सुबुंफोरनि बो लानो हागौ होनना सन्देह खालामदों, नायबिजिरगासिने दं। खौरां मोननाय बादिब्ला बेक नि कास्तमार ललित मरान बरुवा नि 30 लाख, मुनिन्द्र सइकिया नि 11 लाख, सन्जिब चेत्रि नि 40 लाख, दरिन दत्त नि 2 लाख, चन्दन कोस नि 30 लाख, मधुर्य चुटिया नि 4 लाख 75 रोजा रां जों लोगोसे आरो गोबां ग्राहक निफ्राय बेबायदि रां लाखोमादोंमोन। आदालत आ सान्थाम नि थाखा पुलिस नो होयो। बियो गोबां सुबुंनि नंखायै लोन लानाय दिन्थियोमोन, लोगोसे बिनि नंखाय बेक एकाउन्त बो दंमोन।
3) भिदिअ गेम गेलेनो होयि नि थाखायनो सासे 15 बोसोर बैसो नि उन्दै गथ नि गावखौ बुथारना लानाय जाथाय। बिमा बिफा या भिदिअ गेम गेलेनो होआखैमोन। बेयो उत्तर प्रदेश नि जाथाय। फुं-हरनि 4 बाजियाव ननिफ्राय ओंखारलांदोंमोन, बेनि उनाव फैफिनाखैमोन। मैया बे गथ नि गंसे न बानायबाय थानायनि खाथियाव जिउ गैयि देहा खौ मोनो। पस्त मर्तेम निथाखाय हरबाय, पुलिसफोरा नायबिजिरगासिनो दं होनना खौरां मोनदों।
4) रायजो नि गुबुन गुबुन जिला याव मैया बारहुंखा, अन्थाय नि अखा, तिनसुकिया जिला नि गोबां जायगायाव खहा जादों, न बां, दंफां लाइफां बायदों. लामायाव बो गोलैना थानायनि थाखाय थांलाय फैलाय बन्ध जाना थायो, गोबां जायगायाव मोब्लिब नि तार जदों, जायनि थाखाय खोमसि थानो गोनां बो जादों। धेमाजि जिला नि सिमेन सापरि याव बो न बां बिफां लाइफां बायनानै सिलिंखार जादों।
5) सानजा टाइवान आव गिथावना रेल नि जाब्रथाय, सा 50 सो नि जिउ गोमायो. 150 नि बारा जोखोम जादों। रेल आ गेसे हासिंनि लामा(तानेल) खौ बारनाय नि उनाव हर्खाब गंसे त्राक आ हमथानो हायि जानानै रेल नि सायाव गोलैयो, गोलैनायनि उनाव नो जाथाय आ जायो. जाथाय आ फुंनि 9 बाजियाव जादोंमोन। 500 सो दावबायारिफोर दंमोन बेयाव(376 केपासिति)। ताईवान आव जोबथा रेल नि जाब्रथाय आ 2018 मायथाय आव जादोंमोन, बेयाव सा 18 नि जिउ गोमादोंमोन, 200 नि बारा जोखोम जादोंमोन।
6) कलाईगांव आव नैथि खोलोबनि बिसायखथि नि समाव हिंसायारि जाथाय जादोंमोन, जेराव सा 3 सुबुंफोरा गाज्रियै जोखोम जादोंमोन। कलाईगांव बियाब नि रजापुखुरि गुदि फरायसालि भट मिरु आव। बेनि सायाव मेजिस्त्रेत लेबेल नि नायबिजिरनाय नि बिथोन होयो दरं जिला मेजिस्त्रेत दिलिप कुमार बर बिथाङा। एदिएम पंकज कुमार देका बिथांखौ नायबिजिरनायनि बिथोन होदों, 7 साननि गेजेराव जमा होनो नांगोन जाथायनि रिपोर्त खौ।
बेबायदिनो करिमगन्ज नि राताबारियाव सासे बिजेपि नि दैदेनगिरि नि बिसि नि गारियाव ईभिएम मोननाय जाथाय जादोंमोन, बे जायगायाव फिन भट होनाया जाफिनगोन, बिसायखथि आयोग आ सा 4 बिसाय़खथि नि बिबान आव थानाय अफिसारखौ सासपेन्द खालामो, लोगोसे पुलिं अफिसार नो सो कोज नटिस बो हरो। बिसायखथि आयोग आ बुंनाय बादिब्ला गारि या गाज्रि जानायनि थाखाय बेबायदि खालामनो गोनां जादोंमोन। रायजोफोरा बिजेपि नि दैदेनगिरि नि गारि होनना मिथिना मोननायनि उनाव गारियाव अन्थाय खुबैदोंमोन, टेम्पारिं खालामनाय नि अजद बो होदोंमोन। थासारिया दुंहाव जानायनि थाखाय रैखाथि हानजा या गुलि बो गावनो गोनां जादोंमोन।
7) पुलवामा याव रैखाथि हानजा नि गुलि गावनायाव सा 3 उदखारिफोरनि जिउ गोमायो, काकापुरा याव जानाय गावलायनायाव सा 2 ओनसोलनि थागिबियाबो जोखोम जायो। रैखाथि हानजाया उदखारिफोर थानायनि खौरां मोननाय लोगो लोगो नो फुंनिफ्राय नो ओनसोलखौ बेंखनना लायो, उनाव गावलायनाय जायो। दायो पुलवामा याव ईन्तारनेत नि सुबिदा खौ बन्ध खालामना होदों। थांनाय बृहस्पतिबारखालि श्रिनगर नि नौगाम आव उदखारि नि गाग्लोबनायाव बिजेपि नि दैदेनगिरि नि सासे न रैखाथि होग्रा नि जिउ गोमायो। गिबि नायबिजिरनायाव सा 4 नि उदखारि नि दोलो आ गाग्लोबदोंमोन, सिसि टिभि आव नुनाय बादिब्ला सासे या गिबियाव दर्जा खौ खुलिनो होदोंमोन, बेनि उनाव दरजा खुलिनाय लोगो लोगो गुबुन सानैया बिखौ गुलि गावो, आरो सासेया हमगार्ड नि राइफल खौ लाना थाङो। बेयाव लस्कर ई ताइबा नि आखाय थानो हागौ होनना बुंदों।
8) बिजाथि गैयालासै नो बिपिएफ नि आफादगिरि हाग्रामा महिलारि बिथाङा तामुलपुर आव बिसायखथि फोसावदिं मेल आव बाहागो लादों। सानसे सिगाङाव 58 नं तामुलपुर बियाबनि बिपिएफ नि बिजाथि रंजा खुंगुर आ बिजेपि याव हाबदोंमोन। बिथाङा बाहागो लानानै बे खेबाव महाजोत नि सोरखार जागोन होनना बुङो, लोगोसे तामुलपुर आव गाहाय मन्थ्रिया फैब्लाबो जेबो गोहोम गोग्लैया, रायजोफोरा नांगोलाव नो भट होगोन होनना बुङो। खौरां मोननाय बादिब्ला तामुलपुर आव भारत नि गाहाय मन्थ्रि या दिनै फैगोन। बिथाङा ईउपिपिएल नि लेहुराम बर नि जानानै बिसायखथि फोसावदिं मेल आव बाहागो लागोन।
9) बर फोरा जुदि बिग ब्रादार, बिटिआर नि गुबुन हारि माहारि खौ अननो जोथोन लानो नांखागोन, बेखो बुंदों 31 नं चिदलि बियाबनि ईउपिपिएल दोलो नि बिजाथि जयन्त बसुमतारि बिथाङा. काजलगांव प्रेश क्लाब आव जानाय खौरां मेल आव आसामनि केबिनेत मन्थ्रि चन्दन ब्रह्म या ईउपिपिएल दोलो आ बर हारिखौ गोनां नङि खालामदों होनना अजद नि फिननायाव बिथाङा बुङो। ईउपिपिएल दोलो आ बर हारि खौ बिग ब्रादार नि सन्मान होनायजों लोगोसे बडफा उपेन्द्र नाथ ब्रह्म नि लिभ एन्द लेत लिभ नि आदर्श खौ लानानै गासैबो हा रि माहारि नि खामानि मावलांगासिनो दं। लोगोसे बिथाङा चन्दन ब्रह्म खौ आसामनि मन्थ्रि जानानैबो बियाब नि जेंनाखौ सुस्रांनो हायाखिसै होनना बुङो। बियाब आव गंसेबो कारखाना, कलेज बानायनो हायासै होनना बुङो। उल्थायै प्रमद बर नि दैदेननाय सोरखार आ 5 रोजा नि बारा सुबुंफोरनो हा नि पत्ता होदों होनना बो बुङो। बिथाङा चिरां नि उन जाना थानाय ओनसोलनि गामिफोराव रायजोफोरनि थाखाय गोग्गो दै नि बेबस्था खालामनाय जागोन होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon