9 April morning news

 

    मुंदांखा लिरगिरि, पद्मश्रि बान्था मोननाय, बर थुनलाय आफादनि बारग आफादगिरि डाँ कामेश्वर ब्रह्म नो 2021 मायथाइनि 3 थि गुरुदेव कालिचरन ब्रह्म बान्थाखौ होनाय जागोन। बृहस्पतिबारखालि बिथांनि मुंखौ प्रेस रिलिस नि गेजेरजों फोसावना होयो। 18 एप्रिल आव गुवाहाति मुलुगसोलोंसालि याव जानो गोनां 162 थि गुरुदेब कालिचरन ब्रह्म नि जोनोम साननि हाबाफारि याव बिथांनो बे बान्था खौ होनाय जागोन। हाबाफारि याव गाहाय आलासि महरै बिटिआर नि गाहाय प्रमद बर बिथाङा बाहागो लागोन। बान्था याव गुरुदेब नि सावगारि जों लोगोसे 50 रोजा रां होनाय जागोन।

      दुखुनांथाव खौरां, गौहाति गोजौ बिजिरसालि या रन्जन दैमारि बिथआंनि 2008 मायथाइनि 30 अक्टबर नि सिरियेल बम ब्लास्त नि बैल नि आरजलाय खौ नेवसिदों। बिथांजों लोगोसे गासै सा 5 नि खौ नेवसियो. आरो सा 4 आ जर्ज बर, अजय बसुमतारि, खर्गेश्वर बसुमतारि आरो राजेन्द्र गयारि। रन्जन दैमारि जों लोगोसे गासै सा 4 खौ 2019 मायथाय आव सिबिआई नि स्पेसियेल बिजिरगिरि या जिउ जोबजासिम जेल नि साजा होदोंमोन, नाथाय 2020 नि 24 जानुवारि याव जामिन मोनदोंमोन(गोजोन गोरोबथा नि थाखाय)। बे जाथाय जों नो सोमोन्दो थानाय आरो सा 5 नो बेइल होयो सासेयाव 30000 रोजा रां बनजों, मुंफोरा अनसाई बर, ईन्द्र बर, बैसागि बसुमतारि, लक्रा बसुमतारि आरो राजु सरकार। बेइल मोनदोंब्लाबो बिथांमोना स्पेशियेल जाज नि गनायथि मोनाब्ला जेरावबो थांनो मोननाय नङा। बेनि बिजिरगिरिया सुमन श्याम आरो मिर आलफाज आलि मोन।

     रंजालि बैसागुखौ फालिनो मोनगोन ना मोना होनना रायजो नि सुबुंफोरा सानबाय थानाय समाव नो फिन आसामनि सावस्रि मन्थ्रि हिमन्त बिस्व शर्मा या बे बाररि बैसागु खौ मोजाङै फालिनो हागोन होनना बुङो। आसामा जाहाथे मोजाङै नो फालिनो हायो बेखायनो सानफ्रोमबो 1 लाख यै टेष्ट खालामगोन होनना बुंदों आरो बैसागु फालिनाय नि एस अ पि बो दिहुनना होगोन। बैसागु खौ मोजाङै फालि, नाथाय हरनि 12 बाजि नि सिगाङआव नो फोजोबनो नांगोन बैसागु नि हाबाफारि खौ, रायजोफोरा गिनो नाङा, सांग्रां जा। लोगोसे आसामाव लकदाउन आरो हर नि कार्फिउ होनांगौ नि गोनांथि गैथआ होनना बो आसामनि सावस्रि मन्थ्रि हिमन्त बिस्व शर्मा बिथाङा बुंदों। आसाम सोरखार आ मोनथाम गोदान प्रतकल दिहुनदों। गिबिया करनातका आरो महारास्त्र निफ्राय फैनाय दावबायारि या आसामाव फैनानै टेष्ट खालामनांगोन जदिउ बियो बै जायगायाव आसामाव फैनायनि सिगाङाव टेष्ट खालामदोंमोन, नैथि या आसामाव 1 लाख यै टेष्ट खालामगोन सानफ्रोमबो बैसागु नि सिगाङाव। थामथि याव दक्टर नार्स आ कोभिद नि भेक्सिन लाबाय, बेखायनो थांनाय बोसोर आरो बे बोसोरनि टेष्ट खालामनाया जुदा जागोन, बिथांमोना पिपिई कित गाननांगौ नि गोनांथि गैया।

     घुस लानायनि दाय आव एसिएस अफिसार नन्दिता कुवर खौ 4 बोसोरनि जेल नि साजा होबाय। 2015 मायथाय आव सासे ठिकादार निफ्राय 20 रोजा रां लानाय समाव हमजादोंमोन नन्दिता या, बै समाव कामरुप मेट्र नि दिआरदिए नि अफिसार मोन। गुबुन मोनसे धारा याव बो 3 बोसोर नि जेल नि साजा होदों।

      11 एप्रिलनिफ्राय 14 एप्रिल सिम कभिद भक्सिनेशन फोरबो फालिनो थिनदों भारत नि गाहाय मन्थ्रि नरेन्द्र मडि या। मैया रायजो नि गिबि मन्थ्रिफोरजों भारस्वेल जथुम आव बुङो। बिथाङा मोनफ्रोमबो रायजो नि गवर्नर आरो गिबि मन्थ्रि खौ गासैबो दोलो खौ लानानै करना नि बेरेखा दावहा खौ गोख्रै खालामनायाव गोसो होयो। लोसे जेसेबां हायो करना टेष्ट खौ बो बारा खालामनायाव गोसो होनो होयो। मैया आसामाव गासै 245 केस मोनदों। सानसे सिगाङाव सो 100 नि खम मोनगासिनोमोन, हरखाब नो नैजौ नि बारा जाबाय।

        माउबादि या हमनाय सिआरपिएफ जवान राकेस्वर सिंह मानहास खौ हगारना होबाय। 3 एप्रिल आव जानाय जाथाय आव गोमादोंमोन, बिथांखौ जेबो चर्ट गैयालासै ना माबाफोर चर्ट जों हगारना होको दासिम मिथिनाय जायाखै, साननै सिगाङाव बिथांखौ माउबादिफोरा गावनि आखायाव दं होनना बुंदोंमोन आरो फट बो हरदोंमोन। सिआरपिएफ जवान नि बिसि या दिनै नि सान आ आंनि जिउ नि बयनिख्रुय मोजांसिन सान, आं फैफिनगोन होनना आशा खालामदोंमोन, सोरखआर निसिम साबायखर होनना बुङो। सा 22 जवान आ मुंख्लं जादोंमोन आरो सा 31 आ जोखोम जादोंमोन। बिजापुर नि एस पि कामलोशन काश्यप आ बिथआंखौ मोजाङै लाबोबाय, दायो मेदिकेल टेष्ट खालामनाय जागोन होनना बुङो।

             तिताबर आव गोदान एग्र राइस मिल बेखेवो। मैया आबाद नि मन्थ्रि अटुल बरा बिथाङा तिताबर नि जालुकबारि कुन्दार गामियाव 20 कौटि रां जों बानायनाय बे मिल खौ बेखेवो। बे गोदान मिल नि गेजेरजों आसामनि आबादारिफोरनि मुलाम्फा जागोन होनना बुंङो, लोगोसे इयुन आव गोदान राइस मिल बानायनायाव सोरखार आ मदद खालामगोन होनना बो बुङो बिथाङा, आसामाव मायखौ नांगौ बादियै दिहुननो हायो, नाथाय मिल नि आंखाल आव आबादारिपोरा नांगौ बादियै मुलाम्फा खालामनो हायाखै।

       दिनैनिफ्राय 2021 मायथाइनि आईपिएल, बुहुमनि बयनिख्रुय गिदिरसिन टि-20 टुर्नामेन्ट। गिबि गेलेनाया मुम्बाई ईन्दियान्स जों रयेल चेलेन्जार्स बांगालर जों जागोन, चेन्नाई नि एम ए सिदाम्बरम स्तेदियाम आव। 2020 मायथाइ नि आईपिएल आ ईउ ए ई आव जादोंमोन करना नि थाखाय। 2 दान सो जानो गोनां टुर्नामेन्ट खौ करना महामारि नि गिथावना समाव बो मोजाङै खुंफुंनो थाखाय बिसिसिआई आ थियारि जादों। थांनाय बोसोर नि बादिनो बे बाराव बो स्तेदियाम आव सासेबो नायग्रा थानाय नङा.

      दिल्लि याव नंखाय कल चेन्टार बोखांदों। सा 8 खौ हमदों। ननिफ्राय नो खामानि मावनाय नि सुबिदा होनायनि लुब दिन्थिनाय नि अजद आव नाङलै ओनसोलनिफ्राय हमो, सा 8 नि सा 6 आ आयजो। नंखाय कल चेन्टार आव खआमानि मावनायफोरा सानफ्रोमबो सा 4 सा 5 खौ थगायो। खौरां मोननाय बादिब्ला 2020 मायथाइ आव नो बे कल चेन्टारखौ सा 6 आयजोफोरनि मदद जों आजिम आलि आरो आफजल मिर्जाया खुलिदोंमोन, नाथाय करना नि थाखाय बन्ध खालामनांगौ जादोंमोन, फिन खनसेबाव खुलिफिनबाय मोन करना नि उनाव। बिसोर जायखिजाया नम्बर आव फन खआलामनानै सानफ्रोमबो 2000 रां यै नआव थानानै नो अनलाइन रां खामायनायनि अफार होयो। सोरबा खामानि मावगोन होनना बुङोब्ला भेरिफिकेशन खौ लाफानानै साख्रि याव थिसननाय नि मुङाव रां बियो। एकाउन्ट आव खनसे रां आ हाबनाय नि उनाव जेबो कल हरफिना बिसोर, भेरिफिकेशननि मुङाव 1 रोजानिफ्राय़ 3 रोजा नि गेजेराव लायो।

        नआव जमा खालामना दोननाय थाव आव नांबाय अर, मनिपुरटुप आव गिथावना अर जोंनाय जाथाय। नगांव जिला नि रहा नि मनिपुरटुप कुहिमारि याव बेलासि सम आव जायो जाथाय आ। बे अर आ माय नि बाख्रि, उन्दुनाय न, ईसिं न गासैबोआव नो नांनानै खामजोबो। खाथिनि सुबुंफोरा बुंनाय बादिब्ला न आव गोबां बिबांनि दिजेल, केरासिन दंमोन। माबोरै बे अर आ नांखो मिथियाखै, खाथियाव नो गय रुनाय सौका दं होनना बुङो रायजोपोरा, बेनिफ्राय बो अर आ नांनो हागौ होनना सन्देह खालामदों। 7 कि मि गोजान निफ्राय बो नुयोमोन बे अर खौ। अर जोंनाय नि खौरां मोननानै मरिगाव नि गंथाम अर खोमोरग्रा गारि या फैनानै खोमोरो, नाथाय बै समसिम गासैबो खामजोबबाय मोन। ननि बिगोमा या बुंनाय बादिब्ला नोगोद 3 लाख 20 रोजा रां दंमोन, गासैबो खामजोबो।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post