1) सोमोनांथाव, बिसायखथि नि सिगां बिपिएफ दोलो आव बारहुंखा, दोलो नि गिदिर खहा। 58 नं तामुलपुर बियाबनि बिपिएफ नि बिजाथि राम दास बसुमतारि उरफे रंजा खुंगुर बसुमतारिया बिपिएफ नि जानानै बिसायखथि गेलेयि नि थिरांथा। बिपिएफ खौ गारनानै बिजेपि आव हाबगोन होनना खौरां मोनदों। बिजेपि नि दैदेनगिरि हिमन्त बिस्व शर्मा या त्वितार नि गेजेरजों बुंदों, तामुलपुर आव भट होनाया 6 एप्रिल आव जागोन। बेनि सायाव बिपिएफ नि आफादगिरि हाग्रामा महिलारि बिथाङा खौरांगिरिफोरनि सिगाङाव जेबो जेंना गैया होनना बुङो, दोलो खौ नागारब्लाबो जेबो गोहोम खोख्लैया होनना बुङो। लोगोसे बिथांनियाव दोलो नागारनानयनि जेबो खौरां मोनहैयाखै होनना बो बुङो, नाथाय माबा मोनसे जादों होनना खौरां मोनदों। बिपिएफ नि नो गनेश कसारि बिथाङा खौरांगिरिफोरनि सिगाङाव बिपिएफ दोलो नि बिजाथि खौ हाइजेक खालामदों होनना बुङो, रंजा खुंगुर आ बिजाथि नागिरनानै आरजलाइ होनायाव ईसिंयारि खैसार थानायखौ दासो मिथिना मोनदों होनना बुङो आरो मानसि सिनायनायाव गोरोन्थि जाबाय होनना बो बुङो। ठिकादार मोन, रां नि लुब दंमोन होनना बो बुङो, रां नि थफ्ला होदों होनना सानदों होनना बो बुङो बिथाङा, बिथाङा बिपिएफ नि बिजाथि गैयाब्लाबो रायजोफोरखौ बिपिएफ नि सिन आव भट होनो खावलायो, देरहायोब्ला उनाव फिन खनसेबाव बिसायखथि जागोन होनना बुङो बिथाङा, उनाव गोदान बिजाथि होनो हागोन देरहायोब्ला, बेखायनो रायजोफोरखौ नांगोल नि सिनाव भट होनो खावलायो।
2) आधार कार्ड आरो पान कार्ड लिंक खालामनायनि जोबथा समखौ बारायना होबाय। 31 मार्च आ जोबथा सान मोन, नाथाय दायो फिन खनसेबाव बारायनानै 30 जुन खालामनाय जाबाय। कोभिद खौ नोजोर होनानै नो खालामनाय जादों होनना ईन्काम टेक्स बिफान आ ट्वितार नि गेजेरजों बुंदों।
3)बिसायखथि फोसावदिंनाय समावनो चिरां आव दुंहाव थासारि सोमजिदों। बिटिसि नि हाग्रा बिफाननि ई एम रन्जित बसुमतारि या सासे बारग एनदिएफ बि खौ बुनायनि अजद होदों। बारग एनदिएफ बि सोद्रोमा सन्जय बरगयारि आ सासे दालाल जों मोसौ लायनो थांनाय समाव गय जाखांनानै हाथाय एरनाय समावनो लामाजों थांबाय थानाय समाव नो ई एम रन्जित बसुमतारि या गारिनि उन उन थांनानै मानास आव बुहैदों होनना बुङो, लोगोसे ई एम बिथांखौ आसि दिन्थिनानै असन्मान खालामदों होनना आरो बडिगार्ड बुंदों होनना बो अजद होयो।
बेनि सायाव ईएम
रन्जित बसुमतारि बिथाङा खेंफोरथि होदों, बिथाङा बुंदों लामाजों थांबाय थानाय समाव
बिथांनि लामा खौ होबथेनानै गाज्रि आखु दिन्थिदोंमोन बारग एनदिएफबि सन्जय बरगयारि
या। बेबायदि गाज्रि आखु दिन्थिनायनि थाखाय आरो लामा होथेनायनि थाखाय एसकर्ड आ
लामाखौ खालि खालामदोंमोन। केस होनाय ननि सोमोन्दै खौरांगिरिया सोंनायाव बेनि सिङाव
राजखान्थियारि खैसार दं होनना बुङो। बेयो चन्दन ब्रह्म नि थिननायावनो जादों होनना
बुङो आरो एनएलएफबि खौ बो चन्दन ब्रह्म नि थिननायावनो जादों होनना बुङो।
चन्दन ब्रह्म बिथाङा जाथायनि सायाव केस होयो बेनि उनाव खौरांगिरिफोरनि सिगाङाव सासे ई एम जानानै आरो बारग एनदिएफबि नि दैदेनगिरि जानानै माबोरै बेबायदि नंखाय दाय होना सासे बारग एनदिएफबि सायाव गाग्लोबनो हायो होनना बुङो। बिथाङा थाबैनो ई एम खौ एरेस्त खालामनांगौ होनना बुङो, नङाब्ला रायजो राजाफोरा गोख्रों सोमावसारगोन होनना बो बुङो। बिथाङा एन एल एफ बि नि बागै जेबो मिथिया होनना बो बुङो
4) सानजा कक्राझार बियाब नि ईउपिपिएल नि बिजाथि लरेन्स ईस्लारि बिथाङा गावनि देरहानायखौ रोखा होनना बुङो। कस राजबंसि फरायसा आफाद, कमतापुर अटनमास काउन्सिल आ बिधानसभा बिसायखथि याव ईउपिपिएल, बिजेपि, आरो जि एस पि नि बिजाथि नो भट होगोन होनना बुङो। लरेन्स ईस्लारि बिथाङा कक्राझार नि भटगांव नि सेंमारि याव खुंफुंनाय बिसायखथि फोसावदिं मेल आव बाहागो लानानै आक्रासु आरो के ए सि आ मदद होगोन खौ बरायनायजों लोगोसे जोबोद गोजोन्नाय मोनदों होनना बुङो। बिथाङा मैया कक्राझार नि दिमलगांव, बरुवापारा आव बो बिसायखथि फोसावदिं मेल आव बाहागो लायो, लोगोसे कक्राझार टाउन आव भारतनि गाहाय मन्थ्रि बिथांखौ कक्राझार आव बरायनो मोनसे रेलि याव बो बाहागो लायो। दिनै भारत नि गाहाय मन्थ्रि नरेन्द्र मडि या कक्राझार नि ग्रिन फिल्द आव बिसायखथि फोसावदिं मेल आव बाहागो लागोन ईउपिपिएल नि बिजाथि फोरनि थाखाय।
5) दिनैनिफ्राय गं 8 बेंक नि पासबुक, चेक बुक फोरा खामानि होयि जासिगोन पिएनबि आरो बेंक अफ बरोदा या अबिसि, इउनायटेद बेंक अफ ईन्दिया, बिजया बेंक आरो देना बेंक नि खौ 31 मार्च सिम ल सोलिगोन होनना बुंदोंमोन। लोगोसे आगोलावनो देना बेंक, बिजया, करपरेशन, अन्ध्रा बेंक, अरियेन्ट्ल, इउनाइटेद आरो एलाहाबाद बेंक आ लोगोसे जादोंमोन। खामानि गैयि जायोब्लाबो रां आ दानजाना नङा, बेंक आव थांनानै खौरां लाहै, गोदान एकाउन्त मोनगोन।
6) रेल गारियाव दानिया हर आव मबाइल, लेपतप आरो गासैबो मोब्लिबारि मुवा खौ चार्ज होनो मोननाय नंलिया, हरनि 11 रिंगानिफ्राय फुंनि 5 रिंगा सिम चार्जिं पइन्त आ बन्ध जागोन। दावबायारिफोरनि रैखाथि नि थाखाय नो बे थिरांथा खौ लादों होनना बुङो। मोब्लिबारि मुवा चार्ज होयोब्ला चर्ट चार्कित जानो हागौ जायनि थाखाय अर जोंखांनाय जानो हागौ, बेनि थाखायनो बे थिरांथा खौ लादों।
7) दिनै नैथि खोलोबनि बिसायखथि, 14 जिला नि 39 बियाब आव जागोन बिसायखथि। 73,44,631 भटारफोरा 345 बिजाथिफोरनि थाखाय 105923 भट मिरु आव भट होगोन। 345 बिजाथि फोरनि 319 आ हौवा आरो 26 आ हिनजाव।
8) भारतनि नखर मन्थ्रि अमित साह बिथाङा चिरां जिला नि बिजनि याव बिसायखथि फोसावदिं मेल आव बाहागो लानानै बिटिआर गोरोबथा नि दफा फोरखौ मोनफा मोनफा यै मावफुंगोन होनना बुङो। लोगोसे बिजेपि दोलो आ बुंनाय बादियै खामानि मावदों होनना बो बुङो, जेरै आसामखौ जौगाखांहोनाय, उदखारि गैयि समाज दानाय, उदखारि आफादफोरखौ गोजोनै सावरायनायाव लाबोनाय, सोमावसारनाय गैयि आसाम दानाय। बिथाङा लोगोसे गासैबो हारि माहारिनि जौगाखांनायनि खामानि मावदों होनना बो बुङो आरो फिन खनसेबाव सोरखार दानो हायोब्ला बेनिख्रुय मोजांसिन मावबावगोन होनना बो बुङो। बिथाङा बिजेपि नि बिजाथि अजय कुमार रय नि जानानै फोसावदिं मेल आव बाहागो लादोंमोन।
9) कामाख्या स्तेशन निफ्राय आसामनि गिबिसिन ईलेकट्रिक ट्रेइन खौ फ्लेग अफ खालामबाय। रङिया सिम थाङो। रेगुलार ईलेकट्रिक पेसेन्जार ट्रेइन खौ थाबैनो कामाख्या-रङिया स्तेशन सिम दावबायारिफोरनि थाखाय सालायगोन होनना बुङो, लोगोसे आसासमनि गुबुन जायगायाव बो सालायगोन। गासै 642 कि मि एनएफआर नि सिंनि रेलवे ट्रेक खौ मोब्लिबारि खालामगोन, बेनिनो 50 जौखोन्दो खौ खालामखाबाय।
10) जागिरड आव हाग्रामा नि बिसायखति फोसावदिं मेल, बियाब नि बिजाथि स्वपन कुमार मन्दल नि जानानै बिसायखथि फावदिं मेल आव बाहागो लायो। बेयाव बिथाङा हिमन्त आरो पियुश हाजरिका खौ गाग्लोबनायनि थांखि खालामना लायो। लोगोसे कंग्रेस नि बिजातिया देरहागोन होनना बुङो आरो कंग्रेस सोरखार जायोब्ला माद्रासा खुलिना होगोन होनना बो बुङो।
11) चापागुरि याव बिसायखथि फोसावदिं मेल आव लोगो दोलो ईउपिपिएल नि बिजाथि उर्खाव गोरा ब्रह्म नि जानानै बाहागो लादोंमोन बिजेपि नि दैदेनगिरि हिमन्त बिस्व शर्मा बिथाङा। बिथाङा बिजेपि नि सोरखार जानोब्ला ट्रेक्टर नांगोन, ट्रेक्टर गैयाब्ला बिजेपि सोरखार जानो हाया होनना बुङो। बिजेपि सेरखार नांगौब्ला ट्रेक्टर आ भट हो होनना बुङो, दिल्लि याव बिजेपि, कक्राझार आव ईउपिपिएल आरो बिजेपि थानायनि उनाव आसामाव बिजेपि ईउपिपिएल नि सोरखार जानो नांगोन, दायो फामि माने ट्रेक्टर आरो ट्रेकटर माने फामि। लोगोसे बिटिसि निफ्राय हाग्रामा नि नांगोल आ मिउजियाम आव थांगोन होनना बो बुङो। बल आव पाम्प थायोब्लासो फुटबल गेलेना मोजां नाङो, हाग्रामा नि फुटबल आव दायो पाम्प गैलिया होनना बुङो।
12) एजेपि नि आफादगिरि आरो बिजाथि लुरिनज्योति गगै नि बिमा या जोबथा हां बोबाय। बुधबार नि हरनि 10.45 आव जिउ गोमायो। बिमा नि जिउ गोमानाय नि खौरां मोननानै गुवाहाति निफ्राय दिब्रुगर सिम थाङो। दिब्रुगर नि सन्जिवनि हस्पितेल आव फाहामथाय लादोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon