माद्रासा नि उनाव बे बाराव बर बिजोंनि फरायसालिफोरखौबो बन्ध खालामगोन हिमन्त आ, बेखौ बिपिएफ नि गाहाय हाग्रामा महिलारि बिथाङा। बाक्सा नि कदमतल आव बिपिएफ नि बिसायखथि फोसावदिं मेल आव बाहागो लानानै बेखौ बुङो। बर' ल' नङा, गासैनि बो बिजों नि फरायसालिखौनो बिजेपि या बन्ध खालामगोन।
सुक्रबारखालि बाक्सा जिला नि कदमतला याव 62 नं बरमा बिधानसभा बियाबनि बिजाथि प्रबिन बर नि जानानै बिसायखथि फोसावदिं मेल आ बाहागो लानानै बुंदों दि गोबाव समनिफ्राय नो आसामाव मुस्लिम फरायसाफोरा फरायनाय माद्रासा फोरखौ बन्ध खालामनाया मन्थ्रि हिमन्त नि गावनि थिरांथा। बिजेपि य ासोरखार दायोब्ला बर बिजोंनि फरायसालिखौबो बन्ध खालामगोन।
मन्थ्रि हिमन्त खौ गाग्लोबनाय नि थांखि खालामनानै बिपिएफ नि गाहाय बिथाङा बुङो, आंनि दासिम जेबो केस गैया, नाथाय हिमन्त बिस्व शर्मा गावनो सारदा आरो लुई बार्जार केलेंकारिजों सोमोन्दो दं। गावनो गिदिर केलेंकारि जों सोमोन्दो थानानै दायो आंखौ जेलाव सोगोन बुंनानै माब्लाबा गावनो सिबिआई, गावनो उकिल, माब्लाबा गावनो गाहाय फोरोंगिरि, गावखौनो करना नि फाहामगिरि जायो होनना बो बुङो।
ईउपिपिएल दोलो नि बेरेखा बो बुङो बिथाङा बिजेपि सोरकार नि समाव नो थाव नि बेसेना बारा जालांगासिनो, बेखायनो ईउपिपिएल नि ट्रेक्टर सालायनो जेंना नुजाथिगोन होनना बो बुङो। बे मेल आव नो बिजेपि, ईउपिपिएल, जिएसपि दोलो नि सुबुंफोरा बिपिएफ दोलो आव हाबो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon