चत्तिसगर आव जानाय माउबादिफोरजों गावलायनायाव आरो सासे आसामनि जवान मुंख्लं जानाय नि खौरां मोनदों, गासै सानै जाबाय, गोदान खौरां मोननाय नि मुङा सरुपेता नि दिलिप कुमार दास, बिथाङा कोब्रा 210 नं रेजिमेन्त नि इन्सपेक्तर मोन, 2001 मायथाइ आव नो बिथाङा जयेन जादोंमोन। बेनि सिगां गुवालपारा नि दुधनै नि बाबलु राभा नि खौरांखौ मोनदोंमोन। गासै सा 22 सिआरपिएफ नि जवान फोरा मुंख्लं जादोंमोन। सिआरपिएफ नि दिजि कुलदिप सिंह बिथाङा बुंनाय बादिब्ला गासै सा 25 निफ्राय 30 सो उदखारिफोरखौ बुथारनो हादों। मिन्थिनो मोननाय बादिब्ला बे गाग्लोबनाय जाथायखौ नायबिजिरनो थाखै एन.आइ.ए. खौ थिसनफानाय जागोन होनना फोरमायथिदों।
2) बाक्सा याव गोबां बिबानि जौ जब्द खालामदों। मेजिसत्रेत मनोज दले नि दैदेननायाव फ्लायिं स्कुवाद आरो निकासि पुलिस आ लोगो नांनानै खालामनाय नागिरनायाव 19 कार्तुन बिलाटि जौ मोनो। गंसे माहिन्द्रा एक्स इउ भि गारि जों निकासि नि लामा याव मोनदों। पुलिस आ नागिरनायखौ नुनानै गारि खौ गारनानै सानै जौ लांग्रा या खारखुमायो। पुलिसफोरा मोनसे राजखान्थि दोलो आ भटार नि गेजेराव रानना होनो लांदोंमोन होनना सन्देह खालामदों।
3) कक्राझार जिल्लानि पुलिस बिबानगिरि राकेस रसनआ कक्राझार सानजा जनजाति बिधान सभा बियाबनि बि पि एफनि बिजाथि प्रमिला रानी ब्रह्मनि न’आव हर्खाबै हाबफैयो। बिपिएफ दोलोनि बिजाथि प्रमिला रानी ब्रह्मनि न’आव हाबफैना इनाय अयथासार खालामना सियार टेबल बायदि बायदि मुवा बेसादफोरखौ गाग्लोबदों होननानै बुंथियो। बेजों लोगोसे प्रमिला रानी ब्रह्मनि देहा बेंग्रा सासे PSO नब’ ज्योति कलिता आरो BSU नि सासे सुबुंखौ हमना लांङो होननानैबो बुङो। खौरांगिरिनि सिगाङाव बे जाथायखौ प्रमिला रानी ब्रह्मआ गोख्रों रावजों सोंखारियो। कक्राझार पुलिसआ मोनाबिलि 9 रिंगायाव कक्राझार सान्जा जनजाति बिधान सभा बियाबनि BPFनि बिजाथि प्रमिला रानी ब्रह्मनि न’आव हर्खाबै गाग्लोबना सियार टेबल बायदि बायदि मुवा बेसादफोरखौ लन्ड फन्ड खालामनायखौ बिपिएफनि बिजाथि मन्थ्रि प्रमिला रानी ब्रह्मआ गोख्रों रावजों सोंखारिनायनि उनाव कक्राझार जिल्लानि पुलिस बिबानगिरि SP राकेस रसनआ खौरांगिरि मेलनि गेजेरजों खेंफोरथि होयोदि आथिखालाव बिसाइख’थिखौ बिथा खालामनानै 144 धारा आयेनआ मोनाबिलि समाव सोलिगासिनो दं। बे समावनो कक्राझार सहराव पुलिसआ गोख्रों फहर होबाय थानाय समाव प्रमिला रानी ब्रह्मनि न’आव गोबां मानसिया थुबुर जानानै दंमोन होन्नानै बुङो। आयेन आब्रुथिखौ रैखाथि होना मन्थ्रि प्रमिला रानि ब्रह्मनि न’आव पुलिसआ थांना सुबुंफोरखौ गावबा गावनि न’ फार्से थिरहरो होन्ना फोरमायो। बे समावनो कक्राझार पुलिसनि सायाव मन्थ्रि प्रमिला रानि ब्रह्मनि मददगिरि फोरा गाज्रि आखु दिन्थिनाय थाखाय मन्थ्रि प्रमिला रानि ब्रह्मनि सासे PSO नब’ ज्योति कलिताजों लोगोसे सासे सुबुंखौ सोंथि सोंनो थाखाय कक्राझार पुलिस थानासिम लाबोयो होन्ना बुंथियो कक्राझार जिल्लानि SP राकेस रसनआ।
बिसायखथि आयोग नि अफिसनिफ्राय ननो सिखाव जादों 55 लाख रां। बेयाव खामानि मावनाय सानै या सिखाव खालामदोंमोन, उनाव पुलिसफोरा हमबाय। जाथाय आ बरपेता जिला नि। अफिसाव दोननाय गंसे ट्रांक आव सोना दोनदोंमोन रां खौ। अलकेस देका आरो प्रान्जल काकति मुंनि सानै खौ हमदों। बिसायखथि आयोग नि एजाहार नि सायाव पुलिसफोरा नायबिजिरनानै हमो.
थामथि खोलोबनि बिसायखथि या 6 एप्रिल ना 8 एप्रिल? सोनाब गुवाहाति बियाब आव सासे या 8 एप्रिल आव जागोन होनना लिरनाय सो भट होनाय नि स्लिप मोनदों। मुङा मुकुल चन्द्र दत्त। दत्त नो होनाय स्लिप आव 8 एप्रिल 2021 लिरनाय दं। नेताजि रेलवे फरायसालि नि खोन्दो नि भट मिरु आव दं बिथांनि मुङा। बिसायखथि आयोग नि बेबायदि स्लिप आव गोरोन्थि जानाय आ सोमोनांथाव। जाय समाव भट होनाय नि मोनथाय खौ लानो थाखाय बिसायखथि आयोग आ फोसावनाय, बायदिसिना खालामदों, बे समाव नो बेबायदि जादों। थामथि खोलोब नि बिसायखथि या 6 एप्रिल आव जागोन।
6) सिङाव हाबोब्ला 500 रां, सायाव थायोब्ला 300 रां। दैदेनगिरि या खारदों
भटार नि उन उन, साधारन सुबुंफोरा खारदों गारि नि उन उन। गुवाहाति नि मालिगाव,
जालुकबारि याव दावबायारिफोरनि दुखु। भारा नि बेसेना बारा जादों। गारि नि सिङाव
थाङोब्ला 500 रां आरो गोजौ आव थाङोब्ला 300 रां। धुबुरि, गोवालपारा, मटिया,
गौरिपुर सिम थांनाय दावबायारि निफ्राय लादों गोबां रां। गारि नि आंखाल नि खाबु
लादों। गिथावनानै दावबायदों दावबायारिफोरा, बिसायखति नि खामानि याव बाहायदों
गारिफोरखौ। बेनिनो खाबु लादों गारिफोरा, द्राईभार, हेन्दिमेन फोरा। गोबां
सुबुंफोरा नो भट होनो गावनि जायगायाव थांदों।
मैया हरखाब बाक्सा, उदालगुरि जों लोगोसे आसामनि गुबुन गुबुन जिला याव बारहुंखा, अन्थाय नि अखा, तामुलपुर आव सासे नि जिउ खहा, 58 बोसोर बैसो नि महिराम बर। लामा जों थांबाय थानायाव नो जाब्रबथाय आव जिउ गोमायो। गुवाहाति याव दैबाना जानाय बो नुनो मोनदों, बामुनिमैदाम, चान्दमारि नि लामा याव।
कक्राझार जिल्लानि भारत भुटान सिमना ओन्सोलाव थानाय उल्थापानि सरलफारायाव 30 नं कक्राझार सान्जा जनजाति बिधान सभा बियाबनि इउ.पि.पि.एल. दोलोनि बिजाथि लरेन्स इस्लारीनि जानानै दिनै फुंबिलियाव बिसाइख’थि फोसावदिंनाय मेलआव बाहागो लानानै खौरांगिरिनि सिगाङाव प्रमद बर’आ बुङोदि, थांनाय गोलाव बोसोराव बि.पि.एफ. दोलोआ सरासनस्रा रायजो राजाफोरनो जेबो जौगालु बिथांखिफोरखौ मावफुंना होयाखै होनना। गुबुन फारसेथिं रायजो राजाफोरनि सिगाङाव बि.टि.सि.नि गाहाइ मावफुं सोद्रोमा प्रमद बर’आ बुंबावोदि, कक्राझार जिल्लानि भारत भुटान सिमना ओन्सोलाव थानाय उल्थापानि सरलफारा ओनसोलखौ मोनसे टुरिजिम थावनि महर होगोन होनना आरो बे ओनसोलाव लोंग्रा दै सावस्रि रैखाथि आरो लामाफोरखौ थाबैनो बानायगोन होननानैबो गावनि बिबुंथिआव बुंबावदों।
बाक्सा जिलानि सिङाव थानाय 62 नं बरमा बिधान सभा बियाबनि सिङाव थानाय बरिमाखा हालामनि देबसारा सकआव फ्लायिं स्कवाडआ सिग्रोमनानै 1 लाख 67 रोजा रां हमनो हादों। हमनो मोननाय रांफोरखौ इउ.पि.पि.एल. दोलोनि मावथिफोरा AS 01 FC 4504 नम्बरनि बलेर’ गारिजों लाबोबाय थानाय समावनो फ्लायिं स्कवाडआ हमनो हायो। गुबुन फारसेथिं देबसारा हालामनि रायजो राजाफोरा गारिनि गोबां रां दं होननानै अजद होदो। इउ.पि.पि.एल., बि.जे.पि. आरो ए.जि.पि. दोलोनि फिरफिला आलायनानै लानाय बलेर’ गारिआव गासै 6 लाख रां दं होननानै फ्लायिं स्कवाडआ गिबियाव फोरमायदोंमोनब्लाबो उनावहाय 1 लाख 67 रोजा रांल’ होननानै फोरमायफिनो। गुबुन फारसेथिं, फ्लायिं स्कवाडआ इउ.पि.पि.एल. दोलोनि सोद्रोमाफोरजों इसिङारि गोरोबलायनानै माखासे रांफोरखौ लांफिननायाव हेफाजाब होदों होनना देबसारा हालामनि रायजो राजाफोरा अजद होदों। बिसायख’थिनि सिगां राजखान्थि दोलोनि मावथिफोरनिफ्राय बेफोरबादि रां बोखांनायखौ नुनो मोननानै सांग्रां नोगोरारिफोरनि गोसोआव गिदिर सोंलु सिखांनाय नुनो मोनदों। मानोना जाख्ल’नायनिफ्राय उदां खालामनाय आरो सोलायनायनि स्ल’ गान होनानै रायजोफोरनि गोसोखौ जै खालामनो सिगांबोनाय इउ.पि.पि.एल. दोलोआ बिसायख’थिनि मुङाव रांजों भट बायनो सोलो खामदों होनना माखासे रायजो राजाफोरा बुंदों।
थामथि खोलोबनि बिसायखथि नि थाखाय बिपिएफ नि चन्दन ब्रह्म नि जानानै जोबथा फोसावदिं सुस्मिता देब आ। चिरां नि बासुगाव आव 31 नं बिधानसभा बियाब नि बिजाथि नि थाखाय। ब मेल आव आयजो नखर सामलायग्राफोरनो महाजोत सोरखार दानाय लोगो लोगो नो 2 रोजा रां नि भाट्टा होगोन होनना बुङो। हिमन्त बिस्व खौ थगायनाय नि राजा होनना बो बुङो आरो सोरखार दानाय लोगो लोगो 5 लाख बेकार फोरनो साख्रि होगोन होना बो बुङो.
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon