6 April morning news

     दिनै आसामनि थामथि खोलोबनि बिसायखथि। 12 जिला नि गासै 40 बियाब आव जागोन बिसायखथि या। 79 लाख भटारफोरा गासै 11401 भट मिरु आव 337 बिजाथिफोरनि थाखाय भट होगोन। दिनैनि सानैसो हाय प्रफाइल बिजाथिफोरनि मुङा जाबाय, जालुकबारि नि हिमन्त बिस्व शर्मा, सिधार्थ भट्टाचार्य, चन्द्रमोहन पातवारि, फनिभुशन चौधुरि, प्रमिलारानि ब्रह्म आरो रन्जित कुमार दास, बिथांमोना गासैबो सोनोवाल सोरखार नि मन्थ्रिमोन। दिनै तामुलपुर आव बो भट होनाय आ जागोन, बिपिएफ आ होनाय आरजलाइ खौ गोजौसिन बिजिरसालि या नेवसिदों। रंजा खुंगुर बसुमतारि या बिपिएफ नि जानानै नमिनेशन होनाय नि उनाव भट होनायनि साननैसो सिगाङाव हरखाब बिजेपि दोलो आव हाबहैनाय नि बेरेखा गसर होदोंमोन आरो तामुलपुर बियाब आव भट होना खालार खौ फावसायनो थाखाय आरजलाई होदोंमोन। बिसायखथि आयोग आ बेनि गसर खौ लायाखैमोन। दिनै नि बिसायखथि नि थाखाय 320 सिएपिएफ नि कम्पानि खौ गोजोनै खुंनो थाखाय बिबान होनाय जादों, बेनिनो 30 कम्पानि खौ स्त्रं रुम नि बिबान होदों। कम्पानिफोराव सिआरपिएफ, आसामनि आरो गुबुन रायजो नि स्तेत आरम्द पुलिस दं। सासे कनेसतेबल, आरो सासे हम गार्ड बो मोनसे भट मिरु आव होनाय जागोन होनना खौरां मोनदों जाहाते भट होनाया गोजोनै जायो।

    कक्राझार नि सान्ति नगर आव बिटिआऱ नि ई एम अरुप कुमार दे नि गारिखौ दुथांफोरा गाग्लोबदों। बेनि दायाव सा 3 खौ हमदों होनना बुङो जाथाय जानाय जायगायाव एस पि राकेस रोशन बिथाङा थांनानै। जाथाय नि सायाव नायबिजिरगासिनो दं होनना बुङो। नायबिजिरनाय नि उनाव सो मिथिगोन सोर मानो खालामदों। बिजेपि नि गाहाय नेहाथारि देबराज पल आ बेरेखा दोलो नि खामानि होनना बुङो, बेरेखा बिजाथि या बो दंमोन होनना बुङो।

    मुंख्लंखौ असन्मान खालामदों आसामनि सासे आयजो लिरगिरि या। बियो लिरदोंमोन ‘दरमाहा लानानै साख्रि मावनाय मानसिया बिबान आव थानाय समाव थैयोब्ला मुंख्लं जाया, बेबायदिब्ला मोब्विब बोगथाबजानानै थैनाय मोब्लिब बिफआननि खामानि मावग्रा या बो मुंख्लं। रायजो खौ आबेगिक खआलामनो नाङा खौरां बिजों’  बेनि बेरेखा दायो केस होनाय जाबाय. उकिल कंकना गोस्वामि भारद्वाज आरो उमि देका बरुवा या दिसपुर पुलिस थाना याव एजाहार होयो।

    कुइप नि आरो सासे अफिसारखौ आलफा या हगारना होबाय, साननै सिगाङाव आसामनि प्रनब कुमार गगै बिथांखौ हगारना होदोंमोन, दायो बिहार नि राम कुमारखौबो हगारना होबाय। भारत- म्यानमार सिमना नि सिनायमोनि जायगायाव हगारना होदोंमोन। आसामाव मोनफैबाय मैया। गासै 3 दान 16 सान आलफा नि आखायाव दंमोन। बिथांमोना गोबां दाबि खालामदोंमोन, उनाव कुइप जों सावरायलायनायनि उनाव हगारना होगोन होनना बुंदोंमोन।

    टकिय अलिम्पिक नि थाखाय भारत नि सुतार नि दोलो नि फारिलायखौ फोसावना होबाय, गासै सा 15 दं। नेसनेल रायफल एशसियेशन अफ ईन्दिया या मोनफ्रोमबो बेटस नि थाखाय सानै सुतारखौ रिजार्भ आ लाखिदों।

     मैया हर आ बांग्रि फैदोंमोन। 8.51 बाजि आव, सिक्किम-नेपाल सिमना याव(10 कि मि सिङाव)। आसाम जों लोगोसे बिहार, सोनाब बंग नि दाबनैसो जायगायाव बांग्रि फैनायखौ मिथियो। रिखतार स्केल आव 5.4 मेगनितिउत होनना मिथिना मोनदों। खहा जानायनि जेबो खौरां गैया।

   भटार दंमोन सा 90, भट होदों सा 181 आ, नाथाय माबोरै, आसामनि मोनसे बुथ आव जादों बे जाथाय आ, दिमा हासाव नि हाफ्लं बियाब नि नैथि खोलोबनि बिसायखथि याव, जाथाय आ सोराङाव फैनाय लोगो लोगो नो सा 5 अफिसारखौ सासपेन्द खालामो। जाथाय आ सम्बार नि फुङाव सो सोराङाव फैयो, नाथाय भट होनाय आ जाफिनगोन ना जाफिना खौरां मोनाखै। बिबानाव सांग्रांथि गैयि नि थाखाय नो बिसायखथि आयोग आ सेखोसिम लांहोम, प्रह्लाद सि एइस रय, परमेस्वर सारांसा, स्वराज कान्ति दास आरो लालजामलु थियेक खौ लोगो लोगो सासपेन्द खालामो।

9 एप्रिल निफ्राय मुम्बाई आर बांगालुरु निफ्राय फैनो गोनां बिरखं दावबायारिफोरा मोननैसो नेम खौ मानिनो नांगोन, दावबायनाय नि 72 घन्टा नि गेजेराव खालामनाय कोभिद टेष्ट नि निगेटिभ आरटिपिसिआर नि जमा होनो नांगोन। बेनि अनगायैबो आसाम सोरखार आ आरटिपिसिआर नि आनजाद नि थाखाय 500 रां आरो ननिफ्राय लानाय नमुना नि थाखाय 700 रां आरो रेपिद एन्टिजेन टेष्ट नि थाखाय 250 रां थि खालामदों।

            चत्तिसगर आव रैखाथि हानजा नि सायाव माउबादि गाग्लोबदोंमोन, जेराव सानै आसामनि जवान जों लोगोसे भारत नि सा 22 आ मुंख्लं जादोंमोन। बे गाग्लोबनाय नि मास्तारमाइन्द आ सासे आयजो सो, सुजाता। 34 बोसोर बैसो नि आयजो आ बिजपुर नि मावबादि संगठन नि गाहाय दैदेनगिरि नि बिबान आव दं। बिनि खर नि बेसेनखौ 8 लाख होनना बुङो। बेनि सिगां बिजापुर पुलिस जों हमजादोंमोन बो, नाथाय बेनि जे खौ बिसिनानै बाहेराव ओंखारो सुजाता या। आगोलाव जानाय बिजापुर नि बेबायदि जानाय जाथाय खौ बो बिनो खालामदोंमोन। बिनि फिसाय आजाद आलियास कोयदा याबो सासे उदखारि।

          मिजराम नि लुंग्लेई जिलायाव 87 नि बारा अमा या सिनायमोनि बेराम आव गोलैनानै थैदों। सावस्रि बिफान आ बेखौ आफ्रिकान स्वाइन फ्लु नि थाखाय जानो हागौ होनना सन्देह खालामदों। 40 लाख सो रां नि खहा। गिबि थैनाय आ थांनाय मार्च दान नि 21 आव जादोंमोन। बेनि सेम्पल खौ भारत नि गुबुन गुबुन लेबरिटरि याव हरदों, उनाव सो मिथिगोन मा जाहोननि थाखाय थैदों, नायबिजिरनायनि दोलो मोनसे दाना बो होदों।

           8 एप्रिल आव भारत नि गाहाय मन्थ्रि या रायजोफोरनि गिबि मन्थ्रि जों करना नि सा.व सावरायलायगोन। भारत आव करना नि केस मोननाया बारा निफ्राय बारा जालांगासिनो दं, 1 लाख नि बारा मोनदों मैया नि थांनाय 24 धन्टा याव लोगोसे 4 जौ नि बारा थैदों। थासारि या गाज्रि जालांनायनि थाखाय गिबि मन्थ्रिफोरजों सावरागोन होनना खौरां मोनदों।

    थामथि खोलोबनि बिसायखथि नि थाखाय कक्राझार आरो बाक्सा जिला प्रसासन आ थियारि। प्रिजाइदिं अफिसार आरो पुलिं अफिसार बिथांमोना ईभिएम लानानै गावबा गावनि भट मिरु आ थांबाय। कक्राझार नि मोनथाम बियाब सानजा कक्राझार, सोनाब कक्राझार आरो गसाईगाव बियाब आ जागोन। बेबायदिनो बाक्सा याव बो तामुलपुर, बरमा आरो चापागुरि याव जागोन। बाक्सा जिला याव 5 लाख नि बारा भटारफोर दं।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post