1) दिनै जोबगोन आसामनि 3 थि खोलोबनि बिसायखथि फोसावदिंनाय आ। 6 एप्रिल आव जागोन बिसायखथि या। मोनाबिलि नि 6 बाजिनाय लोगो लोगो नो। बिसायखथि फोसावदिंनाय जों लोगोसे द्राय दे एबा जौ नि दखान आ बो बन्ध जानो नांगोन होनना बिसायखथि आयोग आ बुंदों। बिजेपि ईउपिपिएल एजिपि दोलो नि थाखाय मोजां खौरां। बिजेपि नि दैदेनगिरि हिमन्त बिस्व नि बिसायखथि फोसावदिंनाय नि सायाव खालामनाय बन्ध नि साजा खौ बिसायखथि आयोग आ 24 घन्टा खम खालामना होबाय। आगोलाव 48 घन्टा जेबो खालामनो होआखैमोन, जेरै बिसायखथि फोसावदिं मेल आव बाहागो लानो मोना टिभि रेडिय फोराव बाहागो लानो मोना, ससियेल मिडिया नि गेजेरजों बो जेबो बुंनो मोनामोन बिसायखथि फोसावदिंनायनि। मैया 24 घन्टा खम खालामना होनाय लोगो लोगो नो बिथाङा बिसायखथि फोसावदिंनाय आव बाहागो लायो, रोड सो खालामो, गासै 6 कि मि, सनाराम फिल्द निफ्राय लाल गनेस सिम सोनाब गुवाहाकि नि बिजाथि रमेन्द्र नारायन कलिटा नि जानानै, बेयावनो बिथाङा खौरागिरिफोरनि सिगाङाव दिनै फ्रेस मोनदों, 6 दान नि उनाव रेस्त लाबाय होनना बुङो। बिथांखौ गावनि बियाबनिख्रुय गुबुन बियाबनि बिजाथि नि थाखाय सो बांसिन फोसावदिंनाय आव बाहागो लानाय नुनो मोनो।
2) कर्नातका आरो महारास्त्र निफ्राय फैनाय ट्रेइननि दावबायारिफोरनि थाखाय आसाम नि सावस्रि बिफाननि गाइदलाईन। आसामाव मोनफैनाय लोगो लोगो नो स्क्रिनिं खालामनाय जागोन, लैखोन गोनांफोरखौ कोभिद नि टेष्ट खालामनाय जागोन, लैखोन गैयिफोरनि थाखाय रेन्दम एन्टिजेन टेष्ट नि बेबस्था बो दं होनना बुङो। पजितिभ मोनोब्ला दावबायारि खौ हम आईशलेशन नङाब्ला देहाफाहामसालियाव लांनाय जागोन होनना बुंदों।
3) बिसायखथि फोसावदिंनो मैया भारत नि गाहाय मन्थ्रि नरेन्द्र मडि या बिटिआर आव फैदोंमोन, बिथाङा बाक्सा जिला नि तामुलपुर आव फैदोंमोन। लोगो दोलो ईउपिपिएल नि बिजाथि लेह राम बर नि जानानै फोसावदिंनायाव बाहागो लायो, बिथाङा बेयाव मिरु सोरखारनि आसामनि थाखाय लाना स्किम नि सोमोन्दै बुङो, लोगोसे बिजेपि खौ आसामनि रायजोफोरा फिन खनसेबाव बोजबना लागोन होनना बो बुङो, रोजा रोजा सुबुंफोरा ज जादोंमोन। 70 बोसोरनिख्रुय 5 बोसोराव बांसिन दावगानाय जों, आसामाव दाबल ईन्जिन नि नो सोरखार जाथारगोन होनना बो बुंङो बिथाङा
4) 30 नं सानजा कक्राझार बियाब नि ईउपिपिएल दोलो नि बिजाथि लरेन्स ईस्लारि बिथाङा मैया भातिपारा, गेन्द्राबिल, औवाबारि, सिम्बरगांव, बालाजान टिनिआलि याव बिसायखथि फोसावदिं मेल आव बाहागो लायो। लोगोसे बिथाङा कक्राझार नि सोरां स्कुल फिल्द आव Internal Educated Team, KOK बान्जायनायाव खुंनाय हाबाफारियाव बो बाहागो लायो। गेन्द्राबिल आव सा 120 बिपिएफ नि फोरा आरो औवाबारि याव सा 20 ईउपिपिएल दोलो आव हाबदों, बेबायदिनो भआतिपारा याव बो सा 15 या हाबदों होनना खौरां मोनदों।
5) नआव मोनफैबाय कुइप नि सानै अफिसारनि सासे या, आसामनि प्रनब कुमार गगै या। थांनाय बोसोरनि 21 दिसेम्बर खालि अरुनाशल नि चांलां जिला निफ्राय आलफा आरो एनएससिएन आ आसामनि प्रनब कुमार गगै आरो बिहार नि राम कुमार खौ खावनानै लांदोंमोन। हगारना होनाय नि मुङाव गोबां कौति रां दाबि खालामदोंमोन। उनाव कुइप जों सावरायलायनानै 5000 आसामनि लाइमोनफोरनो साख्रि होगोन नि सुक्ति नि उनाव हगारना होगोन होनना बुंदोंमोन। मैया खौरां मोननाय बादिब्ला 3 दान 14 सान नि उनाव अरुनासल नि हाग्रा गेजेराव प्रनब कुमार गगै खौ हगारना होयो, अरुनाशल पुलिस आ मोनो बिथांखौ, बेनि नाव आसाम पुलिस नो गथायना होयो। नाथाय दासिमबो बिहार नि राम कुमार नि सोमोन्दै जेबो खौरां गैया, प्रनब बिथाङा बुंनाय बादिब्ला 4 मार्च आव रा कुमारखौ बिथांनिफ्राय गोजान-गोजान खालामदोंमोन। आलफा या गाज्रि आखु दिन्थियाखै होनना खौरांगिरि नि सिगाङाव बुङो, देहा, जानाय लोंनायनि सायाव मोजाङै नोजोर होयो होनना बो बुङो
6) ईभिएम लांनाय गारियाव जिपिएस लागायगोन कामरुप जिला प्रशासन आ। कामरुप नि गासै मोन 4 बियाब आव 6 एप्रिल आव जागोन बिसायखथि या। नैथि खोलोबनि बिसायखथि याव ईभिएम खौ लानानै गोबां जाथाय जादोंमोन। बेखौ नोजोर होनानै नो बे थिरांथा खौ लादों। गासै 1106 भट मिरु नु थाखाय मेसिनफोरखौ थियारि खालामना स्त्रं रुम आव लाखिना दोनदों। जिपिएस जों लोगोसे गारियाव अन ईलेकशन दिउति लिरनाय बो थागोन होनना बुङो।
7) उदखारिफोरजों गावलायनाय। सा 5 रैखाथि हानजा नि जवानफोरनि जिउ गोमायो। आरो गोंबां जखम जादों। खौरां मोननाय बादिब्ला उदखारि हानजा नि बो गोबां थैदों, दासिम साबेसे थैखो मिथियाखै, खोरां मोननाय बादिब्ला सा 9 थैदों। माउबादि नि बेरेखा सा 400 सिआरपिएफ, कब्रा, एसटिएफ आरो दिआरजि लोगो जानानै उदखारिफोरनि बेरेखा अपारेशन खालामदोंमोन।
8) हिमन्त बिस्व शर्मा या हिर जानो थांनानै जिर जाबाय। सनिबार खालि चिरां जिला नि बिजनि नि बिद्यापिठ गेलेग्रा फोथाराव बिपिएफ नि बिजाथि कमलसिं नार्जारि नि जानानै बिसायखथि फोसावदिं मेल आव बाहागो लानानै बुङो। आंजों नांलायनानै दासो मजा मोनदो, आंबो खम होआखै होनना बो बुङो, लोगोसे बिथाङा महाजोत नि सोरखार जागोन आ रोखा, गासैबोआवनो बिजेपि माइनास जादों, सोरखार दानो हाया बिजेपि या, माबोरै हिमन्त आ सोरखार दागोन बुङो आं हमनो नो हायाखै होनना बो बुङो। हिमन्त बिस्व नि सायाव लानाय बिसायखथि आयोग नि बेबस्था खौ आयेन बादियै लादों होनना बो बुंबावो।
9) बिजनि बियाब नि ईउपिपिएल दोलो नि बिजाथि फनिन बर नि जानानै बिसायखथि फोसावदिं मेल आव बाहागो लायो बिटिआर नि गाहाय प्रमद बर बिथाङा। थामथि खोलोबनि बिसायखथि याव जानो गोनां भट होनायनि सिगां बरलावगांव गेलेग्राफोथाराव बाहागो लायो। बिथाङा 15 बोसोराव बिपिएफ नि एमएलए कमलसिं नार्जारि या जेबो मोजां खामानि मावाखै होनना बुङो। बेखायनो फननिन बर नो भत होनानै देरहासाद खालाम होनना बुङो।
10) चिरां जिला एक्स एनदिएफबि वेलफेयार एशसियेशन आ ईउपिपिएल दोलो खौ बिधानसभा बिसायखथि याव मदद खालामगोन, खौरांमोल नि गेजेरजों रोखा फोरमायो बिथांमोना बुंनाय बादिब्ला बिटिआऱ गोरोबथा नि दफा बादियै बारग एनदिएफबि फोरनि रिहेबिलिटेशन आरो एक्स ग्रेटिया नि खामानि खौ मावफुंनो थाखाय ईउपिपिएल दोलो खौ मदद खालामगोन होनना बुङो। लोगोसे गुबुन दोलो खौ मदद खालामनाय एनदिएफबि फोरखौ बो जेंना खौ सुस्रांनो थाखाय ईउपिपिएल दोलो खौ मदद खालामनो खावलायो।
11) कक्राझार आव 30 नं सानजा कक्राझार नि बिपिएफ नि बिजाथि प्रमिला रानि ब्रह्म नि रड सो। बिपिएफ नि मददगिरिफोरा आखायाव प्ले कार्ड, बेनार बादिपोर लानानै हाबाफारियाव बाहागो लादों। कक्राझार नि दि एन हिम्मतसिंका गेलेग्राफोथारनिफ्राय जागायो। बिसायखथि याव देरहागोन होनना बुङो बिथाङा, लोगोसे हिमन्त खौ मोजां राजखान्थिगिरि जानो खावलायो आरो लरेन्स ईस्लारि खौ आंनि फिसानि बैसो नि समान, बिसायखथि गेलेयब्लाबो हाया होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon