15 August morning news

    दिनै भारत नि उदांश्रि सान, 75 थि। आं आंनि गासैबो साबसक्राइबार्स आरो भिवार्स फोरनिसिम HAPPY INDIPENDANCE DAY विस खालामहरबाय. बोसोरफ्रोमबो 14 आगष्ट सान खौ पार्तिशन हरर्स रिमेमब्रेन्स दे एबा बोखावनाय गाज्रि गोसोखां सान महरै फालिनाय जागोन, बुंदों भारतनि गाहाय मन्थ्रि नरेन्द्र मदि बिथाङा। नोंथाङा मिथियो ना 1947 मायथाइआव भारत आरो पाकिस्तान आ मोननै बाहागो जादोंमोन। पाकिस्तान नो 14 आगष्त खौ उदांश्रि सान महरै फालिनो होयो। मैया बिसोरनि उदांश्रि सान मोन। बोखावनायनि थाखाय गोबां सुबुंफोरा जायगा सोलायनांबाय, गोबां सुबुंफोरनि जिउ गोमाबाय गाज्रि नोजोर, गाग्लोबनाय बायदि नि थाखाय। बे सानखौ माब्लाबाबो बावगारनो हाया, जाय सुबुंफोरा जेंना जों मोगा मोगि जादों, जिउ बावदों बिथांमोनखौ नो गोसोखांनानै बे सान खौ फालिनाय जागोन होनना बुङो बिथाङा।

    फरायसालिफोरखौ खुलिना होनो दाबि फरायसाफोरनि, राजा लामा याव ओंखारबोदों। कभिद नि थासारि नि थाखाय 2 बोसोर बन्ध जाना दं सोलोंथाय फसंथानफोरा, सोलोंथाय लानायाव गोबां असुबिदा जादों फरायसाफोरनि। भाइरास नि थाखाय रायजो सोरखार आ अनलाइन सोलोंथाइ लानायनि बेबस्था खौ बाहायदोंब्लाबो गामियारि ओनसोलाव गोबां गोरिब नखरनि फरायसाफोरा रां नि आंखाल आव मबाइल बायनो हायि नि लानो मोनाखै, लोगोसे जायफोरा लानो हादों बिसोरबो नेटवर्क नि जेंना नि थाखाय लानो हायाखै। रायजो आव सप्तायारि बाजार, सोरखारि सोरखारि नङि अफिस बायदि खौ खुलिनो होबाय, नाथाय दासिमबो फरायसालिफोरखौ खुलिना होआखै, मानो होआखै होनना चरायदेउ नि सोलोंथाय संस्क्रिति समाज नि बान्जायनायाव फरायसाफोरा आखायाव बेनार, फेस्तुन लानानै धर्ना होयो। स्कुल कलेज खुलिना होदो, समाजारि जानथाय मानिगोन, अनलाइन निफ्राय उदां खालाम, साधारन जिउ लामा खौ लाबोफिनना हो बायदि बायदि बुंनानै धर्ना होयो।

    हादोरारि राजालामा नि गारि नि बांसिन खारथायनि गोख्रैथि खौ 40 नि सोलाय 1 घन्टा याव 60 कि मि सिम बारायनायनि बिथोन आसामनि गिबि मन्थ्रि नि।  बिथाङा ट्रेन्सपर्त बिफाननि मन्थ्रि चन्द्रमोहन पातवारि नो बे बिथोनखौ होयो। लोगोसे गिबि खेब जायफोरा बे नेम खौ मानिया बिसोरनो वार्निं सो होग्रोनो नांगोन, गिबि खेबाव नो जरिमाना लानो मोननाय नङा, नैथि खेब एखे गोरोन्थि खौ नो मावोब्ला सो जरिमाना लानो नांगोन। सानसे साननै नि गेजेरावनो बेनि गोदान फोसावलाय दिहुनना होगोन होनना बिथाङा बुंदों।

    अमा बेदरखौबो बेन खालामनांगौ। एमएलए आमिनुल ईश्लाम आ बुंदों। अमा बेदर जायि सुबुंफोर थआनाय ओनसोलाव अमा बेदरखौ बन्ध खालामनो नांगौ। सुक्रबारखालि मोसौ रैखि आयेन नि बिल आ पास जाबाय। बेखौ बिजेपि आ मदद खालामदोंब्लाबो कंग्रेस एआईईउदिएफ आ बेरेखा खालामदों। बेनि सायावनो धिं नि एमएलए आ बुंदों। आसामनि गिबि मन्थ्रि या मुसलमानफोरा मानो अमा बेदर जाया बेनि सायाव बुंनाय बाथ्राफोरा नंखाय। कुरबानि होनो हायि नि थाखाय नङा, कुरान हादिस आव लिरनाय दं। बे बिल नि गेजेरजों रावबो मुस्लिम ख्रिस्तियान नि खहा जाया, बिल नि थाखाय आसामनि मोसौ फिग्रा, आबादारि फोरनि सो खहा जागोन, मोसौ फाननाय आ खम जागोन। बिष्णु देब नि अबतार अमा खौ जायि नि थाखाय गिबि मन्थ्रि आ साबायखर सो बावनो नांगौमोन। रिक बेद आव राजा हाराजा फोराबो दि मोसौ जायोमोन बेफोर लिरनाय दं होनना बो बिथाङा बुङो।

    हायटि आव गिथावना बांग्रि। सनिबारखालि फुङाव हरखाब हादरनि सोनाब बाहागो आव गिथावना बांग्रि या फैयो। बेनि मेगनितिउत आ रिखतार स्केल आव 7.2 मोन। 300 नि बारा सुबुंफोर थैदों होनना खौरां मोनदों। 2010 मायथाइआवबो बेबायदिनो गिथावना बांग्रि फैदोंमोन, दासिमबो बे बांग्रि नि खहा निफ्राफ्राय उदां जाजोबनो हायाखै बुहुमनि गोरिब हादरफोरनि गेजेराव मोनसे हाइटि आ। गोबां न फोरा बायफ्लेजोबदों। हादरनि गाहाय मन्थ्रि या 1 दान नि थाखाय ईमारजेन्सि फोसावो। आमेरिका नि हादरगिरि ज बाइदेन आ बो मदद फोसावो। 2010 मायथाइनि जानुवारि नि बांग्रि आव 2लाख नि बारा सुबुंफोरनि जिउ गोमादोंमोन हाइटि आव, 3 लाख नि बारा जोखोम जादोंमोन। बे बोसोरनियावबो थैनायनि अनजिमा या बारा जानो हागौ।

    आलफा(उदां) आ दान मोनथामनि दावहा दोन्थ’नायखौ आरो फिन दान मोनथामनि थाखाय बांहोबाय। आलफा (उदां) नि बिथोनगिरिआ परेस बरुवाआ या फोरमायनाय बादिब्ला फोसावनाय बादियै थांनाय 2021 मायथायनि 15 मे’निफ्राय दावहा नांनायखौ दोन्थ’नाया दिनै जोबसिगोन । नाथाय नुनाय बादिब्ला कभिद-19 थासारिनि जेबो दिदोमथि गोयैखौ नुनानै आलफा (उदां) आ बे दोन्थ’नाय दावहाखौ आरो फैगौ दान मोनथामनि थाखाय बारायो ।थांनाय मे’नि 15 खालाराव कभिद-19 नि गाज्रि थासारिखौ नुनानै आलफा (उदां) आ फोसावदोंमोन बे दावहाखौ दोन्थ’नायखौ। गोबाङानो बेबायदि बारायनायखौ नुनानै परेश बरुवा नि गोसो खौ गुरै जादों होनना बुंदों। शांति सुक्ति नि थाखाय फैनो हागौ होनना गोबाङानो सान्दों। आसामनि गिबि मन्थ्रि बिथाङा बो बे थिरांथा खौ जोबोद मोजां मोनदों होनना बुङो।

    अदालगुरि जिल्लाआव लांदां जानानै थानाय बर’ आरो एसामिस बिजोंनि फोरोंगिरिफोरनि साख्रिलायखौ दिनै राननानै होयो  टंला जौमा फरायसालिनि नब्लाङाव खुंनाय साख्रिलाइ रान्नाय हाबाफारियाव बिटिसिनि सोलोंथाय बिफाननि बिथोनगिरि अमर ज्योति बर्मन, जगत ब्रह्म,जिल्लानि फरायसालिफोर नायदिंगिरि हिरण्य बरा, बिटिसिनि मावफुंगिरि सोद्रोमा फारियै ड° निलुत सर्गियारि,दावबायसा बर’,दिगन्त बरुवा ,एमसिएलए दिलीप बर’,दिपक मौर,टंला जौमा फरायसालिनि गोरायुं प्रसेन दैमारि आरो गोबां दैदेनगिरिफोरा बाहागो लायो ৷ दिनैनि बे फोरोंगिरिनि साख्रिलाइ रान्नाय हाबाफारिखौ बेखेवना होयो बिटिसिनि लेङाइ गाहाइ मावफुंगिरि सोद्रोमा गोबिन्द बसुमतारिआ৷ बिथाङा बेखेवनाय फोरोंगिरिनि साख्रिलाइ रान्नाय हाबाफारिखौ बेखेवनानै बिबुंथिआव बुङोदि दिनैनिफ्राय बिटिआर ओनसोलाव आंखाल जानानै थानाय फोरोंगिरिनि मासिआ आबुं जाबाय । दा गोदानै फोरोंगिरिनि साख्रि मोन्नायफोरनि बिबाना गोबां गिलिरसिन जाबाय आरो बयखौबो समाज सुंस्रांनायाव गिदिर बिबान लानो खावलायो लेङाइ गाहाइ मावफुंगिरि सोद्रोमा गबिन्द बसुमतारिआ। अदालगुरि जिल्लाआव गासै 191 फोरोंगिरिनि साख्रिलायखौ रान्नानै होयो ।

   भारा न’नि बिगोमा आरो भारा थानायफोरनि थाखाय मोजां खौरां । गोबाव समनिफ्राय जाबोनाय भारा न’नि बिगोमा आरो भारा थाग्राफोरनि गेजेरनि जेंनाफोरखौ नागारनो थाखाय दिनै आसाम सोरखारा आसाम जथुम मेलाव आसाम भारा थाग्रा आयेन-2021 खौ लायो । बे आयेना भारा न’नि बिगोमा आरो भारा थाग्राफोरनि गेजेराव जाबोनाय जेंनाफोरखौ सुफुंनो हागोन होनानै बुङो । मिथिनो मोनाय बादिब्ला बे बादि आयेना भारत हादोरनि मादावनो आसाम हादरसायाव सिगां जायो। आसाम सोरखारा होनाय बे गोदान नेमफोरा जाबाय- बे आयेननि गेजेरजों न’ भारा होनायनि सिगां बे मामलाखौ बिबानगिरिफोरा दबथायगोन। बे आयननि गेजेरजों जिल्लायाव जानो थांनाय भारा न’नि बिबाना , भारा बिजिरसालियाव आरो भारानि गोजौ बिजिरसालियाव न’नि बिगोमाजों आरो भारा थाग्रानि गेजेराव जानाय नांलाय खमलायखौ थिरंथा खालामगोन। गोदान आयेननि गेजेरजों दानि गंसे न’नि भारानि बिगुमा आरो भारातियानि गेजेराव बुजिनायनि गेजेरजों बाजाराव सलिबाय थानाय बेसेन बादि लाखिनाय जागोन। भारा गंसेनि थिरांथा खालामनायाव रावबो गुबुन मानसिआ गेजेराव दानिफ्राय हाबनो मोनाय नङा होननानै बुङो आयेना ।

   थांनाय साननैसो सिगांआव गुवाहाटी नोगोराव थानाय बखिस्त’ ब्रह्मपुत्र हाथाइनिफ्राय दान मोन्थाम जानाय गोरलै खुदियाखौ खावनानै लांखारनाय जाथाया जानानै थांदोंमोन। बखिस्त पुलिस आरो आसाम पुलिसनि क्राइम ब्रान्सआ शुक्रबार बारायखालि दान मोन्थाम जानाय गोरलै खुदियाखौ बोखांनो हायो। पुलिसआ फोरमायनाय बादिब्ला, गोरलै खुदियानि बिमाया थांनाय 13 आगष्ट खालाराव बखिस्त पुलिस थानायाव लांखारजानाय गोरलै खुदियाखौ लानानै एफआइआर होनायबो जादोंमोन। मखथावनादि, पुलिसआ बे जाथायखौ लानानै सा बा सुबुंखौ सोंनाय फिननाय खालामनो थाखाय हमना लाबोनाय जादोंमोन। पुलिस आ मोन्थि होबावनाय बादिब्ला, बे जाथायनि गुबै दायनिगिरिया जाहिंगिर आलम होनना सिनायथि होनायजों लोगोसे हमनो हानाय जायो होननाबो मोन्थि होयो। जाहिंगिर आलमआ पुलिसनि सोंनाय फिननाय खालामनायाव गुवाहाटी नोगोरनि धिरेनपारा इता-भातानि जुनु होननाय नखराव दान मोन्थाम गोरलै खुदियाखौ लाखिनाय जादों होनना बुंथिनायनि उनावनो पुलिसआ जुनु मुंनि आयजोनि नखरनिफ्रायनो बोखांनो हायो। मख’जायोदि, गोरलै खुदियाखौ बोखांनो हानायजों लोगोसे जुनु मुंनि आयजोखौबो हमो पुलिसआ। दासिम बे जाथायजों सोमोन्दो थानाय सा स्नि सुबुंखौ पुलिसा हमनो हानाय जाबाय होनना मोन्थि होबावदों।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post