अदालगुरी जिल्ला बारग’ एनडिएफबिफोरा थांनाय 22 जुलाइनि हर गेजेराव एनडिएफबिनि गायसनगिबि आफादगिरि डिआर नाब्ला उरफे रन्जन दैमारीखौ गुवाहाटीनि सेन्ट्रल जेलनिफ्राय सिरि-सिरियै दिहुनखोमानानै लाना थांनानै गुवाहाटीनि काहिलिपारायाव थानाय 10 एपिबिएन केम्पाव दोनहैनायखौ सोंखारिदों। बेबायदि खालामनायखौ सोमोनांदों, सासे बर’ जोहोलाव दैदेनगिरिखौ नखरनि सुबुं एबा बारग’ एनडिएफबिफोरनो जेबो उदिस होयाबालानो बिदि सिरि-सिरि 10 एपिबिएननि केम्पाव सिरियाखानायाव जोबनानै दोननाय बादि खालामनायाव बारग’ एनडिएफबिनि सोद्रोमाफोरा गिखांनाय सोमजिदों होननानैबो फोरमायो।
रन्जन दैमारि खौ जुनारबादि सो दोनदों, मोसा, सिंह फोरखौ जाबायदि जोबथेसालि आव दोनो बेबायदि सो दोनो, सासे सिगनेतरि खौ मानो बेबायदि दोनदों, थाबैनो उदां खालामनो दाबि। जोबोद गाज्रि हालोदाव दोनदों बिथांखौ।
जाय सुबुं नि थाखाय जों बर होनननानै देदगानानै थांना दं, 1986 मायथाय आव BdSF खौ दायामोनब्ला जों दिनै बर बायदि थांना थानो हागोन ना हायामोन बेयो साननो गोनां, बेबायदि समाव हारि खौ मोजांमोननानै सुप्रिम सेक्रिफाइस खालामनाय, गावनि मोजां जिउ खौ गारनानै हारि नि थाखाय हाग्रा याव थांदोंमोन, बेबायदि हारि खौ दैदेनबोनाय सुबुं आ बेबायदि थानो गोनां जानाय आ दुखुनांथाव। सासे सागानगिरि महरै नाब्ला सार नि खामानि मावनायखौ नायनो लुबैदों रायजोफोरा।
बारग एनदिएफबि फोरा बिथांखौ दोननाय जायगायाव थांनानै नुनानै मोदै गदों होनना बुङो, खथा या मोननै, बेफोराव थाला मारिनानै दोनो, बेनिख्रुय चेन्ट्रेल जेल आ सो मोजांमोन होनना बुङो। बिदि केम्पनि मोननै खथायाव दोननानै रन्जन दैमारीखौ मेन्टेल हेरेसमेन्ट खालामनायनि अनगायै जेबो नङा होननानै सोंखारियो। जुदि बिथांमोननि खावलायनायखौ गनाया अब्ला राजा लामा आरो रेल लाइन जथेनानै कभिड प्रट’कल सिफायना सोमावसारगोन होननानैबो हुमखि होयो अदालगुरि जिल्ला बारग’ एनडिएफबिफोरा।
गबिन्द बसुमतारि खौ लोगो हमनो थांनानै जेबो मुलाम्फा जायासै, सिङाव सोबावासै होनना बो बुङो।
बिनिखायनो सेन्ट्रल जेलाव जोबजानानै दोनजानाय रन्जन दैमारीजों लोगोसे गुबुन एनडिएफबिफोरखौ जेलनिफ्राय दिहननानै लाबोनो थाखाय बिटिसिनि गाहाइ मावफुंगिरि सोद्रोमा, लेङाइ गाहाइ मावफुंगिरि सोद्रोमा, आसामनि मन्थ्रि, बिटिसिनि मावफुंगिरि सोद्रोमा, एमएलए आरो एमसिएलएफोरखौ मैखोम बिबान लानो खावलायो।
बिसोर बुंबावोदि दिनै रन्जन दैमारी आरो गुबुन एनडिएफबिनि सोद्रोमाफोरखौ सेन्ट्रल जेलनिफ्राय उदां अख्राङाव लाबोनायनि बेलायाव जेबो राहा लाया अब्ला फैगौ समफोराव बिटिआरनिफ्राय बिटिसिनि गाहाइ मावफुंगिरि सोद्रोमा, लेङाइ मावफुंगिरि सोद्रोमा, आसामनि मन्थ्रि, बिटिसिनि मावफुंगिरि सोद्रोमा, एमएलए आरो एमसिएलएफोरखौ होखार हरगोन होननानैबो हुमखि होदों।
Please do not enter any spam link in the comment box. ConversionConversion EmoticonEmoticon