बारग' एन डि एफ बिनि गायसनगिरि आफादगिरि रन्जन दैमारि आरो जोबथेसालियाव थानांनाय गासै बारग' एन डि एफ बि नि सोद्रोमाफोरखौ थाबैनो उदां खालामनांगौ नि दाबिजों आसाम आरो भारत सरखारनि सायाव नारसिनथाय होनांगौनि थाखाय उदालगुरि जिल्ला बारग' एन डि एफ बि इउनाइटेड फराम आ फैगौ 8 सेप्टेमबरखालि उदालगुरिनि नलबारि गेलेग्रा फोथाराव मोनसे सुबुं गौमा हज्रिखावनाय हाबाफारि लादों। बेनिखायनो गासैबो रायजो राजाफोरखौ बे हाबाफारियाव बाहागो लाहैनानै हेफाजाब होनो खावलायहरदों उदालगुरि जिल्ला बारग' एन डि एफ बि इउनाइटेड फरामनि आफादगिरि डि हारिमु आरो गाहाय नेहाथारि बिथां डि बानस'गोराया।
दिमा हासाव आव थांनाय 26 आगस्त खालि जानाय गाज्रियै गाग्लोबनानै बुथारनाय जाथायनि उनाव दिनै 24 घन्टा साखा बन्ध होदों मोन 3 संगठन आ। दिनै फुंनि 5 बाजि निफ्राय गाबोन फुंनि 5 बाजि सिम जागोन बेयो। दिमा हासाव सिम थांलाय फैलाय खालामनाय गासैबो द्रायभार आरो हेन्दिमेन नि जिउ नि रैखाथि नि दाबि जोंबे 24 घन्टा नि साखा बन्ध खौ होदों होनना लंका ट्राक मालिक आफाद आ बुंदों। लोगोसे थैनाय नि नखरनो 15 लाख आरो जोखोम जानायनो 3 लाख रां यै हो होनना बुङो। मखजाथावदि बृहस्पतिबारखालि हरनि 9 बाजि सो आव उमरांसु नि दालमिया चिमेन्ट निफ्राय लंका सिम थांनाय गं 5 ट्राक आव गुलि गावनानै अर लागायनानै होदोंमोन सन्देहगोना दिएनएलए आ, बेयाव सा 5 सुबुंफोरनि जिउ गोमादोंमोन। ईयुन आव जाहाथे बेबायदि आरो जाया, सोरखार आ बेनि बेबस्था लानो नांगौ होनना बुङो। खौरां मोननाय बादिब्ला सोरखार आ दिमा हासाव आव जानाय जाथाय आव थैनायनि नखरनो 5 लाख रां नि चेक होबाय। चेक होनाय समाव जिला बेंगिरि, एसपि, सार्कल अफिसार बिथांमोन दंमोन। आजगर आलि नि बिसि आ सानै नि थाखाय सासे सासे नो 2.5 लाख रां यै होयो।
आसाम प्रदेश कंग्रेश कमिटि आ मैया खौरां मेल नि गेजेरजों एआईईउदिएफ जों जानाय लोगो खौ सिफायबाय होनना फोसावो। थांनाय मार्च दान व महाजोत महरै लोगो जादोंमोन बिथांमोना। कर कमिटि नि सावरायलायनयनि उनाव नो जोबथा थिरांथा खौ लायो। बेलासि नि 3 बाजि आव जानाय सावरायलायनाय आव एआईईउदिएफ खौ महाजोत निफ्राय बोखारनायनि प्रस्ताब लायो। मंगलबारखालि बे प्रस्ताब खौ निखिल भारत कंग्रेस कमिटि नि सिम दैथायहरो। गुबुनफारसे बिपिएफ नि मोननसै खामानिफोरा महाजोतखौ साननो गोनां खलामदों, बेखायनो महाजोत आव थागोन ना थाया बेनि सायाव रोखा खालामनो होयो। बिथांमोना मोननैसो गोनांथार थिरां लादों होनना बुङो। फैबाय थानाय उफ्रा बिसायखथि आव दोलोआरि गासैबो थिरांथ लानो थाखाय सा 8 नि कमिटि दाना होयो। लोगोसे रायजो नि मोननैसो खामानि नि बेरेखा खालामनो थाखायबो कमिटि नि सावरायलायनायाव थिरांथा लायो।
सानसेनि हाबाफारिजों कक्राझार दावबायनानै आसामनि मोब्लिब, गेलेमु आरो टुरिजिम बिफाननि मन्थ्रि बिमल बराया कक्राझार सहरनि बडफा नोगोराव गोदानै लुफुंनाय 33/11 KV MVA मोब्लिबनि साब स्तेसन बेखेवना होयो। रबिबार नि हर आव कक्राझार आव मोनफैदोंमोन, बिटिआर नि गाहाय प्रमद बर बिथांखौ लोगो हमनानै मैया फुंनिफ्राय धिरबिल, दिपलाईबबिल आरो चक्रसिला हाग्रा खौ नायहैयो। बेफोर जायगाखौ नायखांनानै दावबायारिपोरनि जायगाखौ मोजां खालामनो सोरखार आ खामानि मावगोन होनना बुङो। बिथाङा मैया गोबां बिल फैनायनि सोमोन्दै सोंनायाव गोबां फोजोङोब्ला बिल आ फैकागोन होनना बुङो. सासे एमएलए आ गावनि न आव 3 घन्टा ल मोब्लिब मोनो बुंनायनि उनाव मोजां नयबिजिरनायनि उनाव बेयो नंखाय होनना फोरमान जाबाय होनना बुङो। माब्लाबा मोब्लिब नि खआमानि मावनयाव 1-1 खावसे सम गैयाबो जानो हागौ होनना बुङो।
बे सोमोनांथआव बुहुम आव गोदान गोदान गोबां दाय मावनाय जाथाय जाबायनो थायो। सानफ्रोमबो गोदान गोदान रोखोमनि दाय मावनाय जाथाय आ सोराङाव फैयो। आसामनि आ बो आलादा नङा, दायनिगिरि आ बो आलादा नङा. मोनसे जाथाय जादों आसामाव नो। सासे सुबुङा गावखौनो आसाम रायफल्स नि जवान होनना बुङो। मखजाथावदि थांनाय 27 आगश्त खालि जोरहात पुलिस आ जोरहात नि तेलिया पत्ति निफ्राय आसाम रायफल्स नि बादि गाब होनाय गंसे ट्राक जों लोगोसे सा 4 खौ हमदोंमोन। सानै आ आसाम रायफल्स नि द्रेस गानदोंमोन उनाव सानैखौबो नंखाय होननामिथिना मोनो। लोगो लोगो पुलिसफोरा आरो बेबायदि सुबुंफोर थानो हागौ होनना सन्देह खालामो। बेनोमोन जागायनाय आ। बिसोरखौ सोंनायनि उनाव नो रबिबारखलि लामदिंनिफ्राय रुपक मजुमदार मुंनि सुबुंखौ हमनो हादों, बेनि उनाव सासेनि उनाव सासे हमजादों। नगांव नि ईटासालि निफ्रायजोरहात पुलिस आ ध्रुबज्योति शर्मा मुंनि सुबुंखौ हमदों, लोगोसे आसाम रायफल्स नि प्लेट लागायनाय गंसे गारि बो हमो। खौरां मोननाय बादिब्ला गोबां सुबुंफोर बेबायदि खमानि जों सोमोन्दो दं। पुलिसफोरा नायबिजिरगासिनो दं।
खम बेसेन आव मोननाय मायरं खौ आयेन बेरेखा यै लाखिनानै आंखाल खालामनाय फालांगिरि नि बेरेखआ कक्राझर पुलिस मोनसे स्रोद सुलुंनि बिथाजों सं दान्नानै कक्राझार पुलिसआ नाराबारिआव सिखावयै दोनखुमानाय 450 बेग माइरंजों लोगोसे सानै सुबुं आरो गंसे ट्राक गारिखौ हमनो हायो। पुलिसनि सुलुङाव फोरमायनाय बायदिब्ला कक्राझार पुलिस थानानि बिबानगिरि मनेस्वर बेनि दैदैन्नायाव नाराबारिआव दोनखुमानाय गोबां बिबांनि माइरं आरो गंसे ट्राक गारिजों लोगोसे सोमोन्दो गोनां सानै सुबुंखौ हमनाय जायो। खौरां मोननाय बादिब्ला सानफ्रोमबो खालामनाय चेकिं आव आयेन बेरेखा यै लाबोनाय गंसे ट्राक खौ जब्द खालामो, बेयाव 50 केजि नि 240 बस्ता दंमोन। बेनि द्रायभार खौ हमनानै सोंनायाव नाराबारि नि सन्जिब घोस मुंनि फालांगिरि निफ्राय लाबोदों होनना बुङो, उनाव नि गुदम आव नायगिरनायाव 210 बस्ता मायरं मोनो, गासै 450 जाबाय. गासै जब्द खालामनाय मायरं नि बेसेन आ 4 लाख 50 रोजा सो जानो हागौ होनना बुंदों। ककराझार पुलिसा हमनो हानाय सानै सुबुंखौ सनजिब घस आरो आथवार आलि मुंनि होनना सिनायथि होदों। हमनो मोन्नाय माइरंखौ कक्राझार पुलिस थानायाव लाबोनाय जाबाय। खौरांगिरिनि सिगाङाव कक्राझार जिल्लानि एस पि प्राटेक भिजय टुबेआ फोरमायोदि बे जाथायाव सोरनि खैसार दं बेनि सायाव गोख्रों नायबिजिरनाय जागोन होन्ना फोरमायो।
पेराअलिम्पिक निफ्राय मोजां खौरां फैदों भारत नि। भारत आ मोननै सना नि मेडेल मोननो हादों। टकिय आव जानाय पेराअलिम्पिक आव 19 बोसोर बैसो नि अबनि लेखारा या 10 मिटार नि एयार रायफल आव देरहानो हायो। जेभेलिन थ्र आव सुमित आन्तिल आ रेकर्ड सिफायनानै सना नि मेडेल मोनो। मैया नि खुबैनाय आव बिथाङा खन्थाम गावनि रेकर्ड खौ सिफायो। जेभेलिन खुबैग्रा देबेन्द्र झाझारिया या सिलभार आरो सुन्दर सिंह आ ब्रन्ज मोनदों। यगेश काथुनिया या दिसकास थ्र आव रुफा नि मेडेल मोननो हादों। 44.38 खुबैनानै देरहायो बिथाङा।
सोलोंथाय मन्थ्रि जों रायजो नि 34 संगठन आ काहिलिपारा नि सर्बसिक्सा अफिस आव मोनसे गोनांथार सावरायलायो। आसु एबसु, टिएमपिके, आक्रासु आटसाफोरखौ लाफानानै गासै 34 फरायसा आफाद आ। बे सावरायलायनाया मैया नो जोबाखै, 34 आफाद आ होनाय परामर्ष फोरकौ बिफाननि नायबिजिरनायनि उनाव थिरांथा लागोन होनना बुङो। बे समाव सोलोंथाय बिफान आ गावनि बादियै एसअपि दिहुनना होआ, सावस्रि बिफान आ दिहुनना होनाय नेम जों नो सोलोंथाय फसंथानफोरकौ खुलिगोन होनना बुङो। 2023 मायथाइनि गेजेराव आसामाव कलेजफोरा हायार सेकन्दारि थाया। रायजो नि सोलोंथआय फसंथानफोरनि थाखाय एनएएसि नि बादि आयोग थागोन। मुं थिसननाय आ आगोलनि बादि नो फ्रि जागोन आरो मासि नि जेंना खौ सुस्रांनो मर्नि-ईभिनिं सिफ्ट थागोन होनना बुङो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon