दिनै भारत उदांश्रि सान। भारत नि हादरगिरि जों लोगोसे गाहाय मन्थ्रि, गुबुन गुबुन बिफाननि मिरु नि मन्थ्रि, रायजो नि गिबि मन्थ्रि बिथांमोनजों लोगोसे बिटिआर नि गाहाय मावफुं सोद्रोमा बिथाङा बो फिरफिला बिरहोयो। आसाम बिधानसभानि बुंथिगिरि बिस्वजित दैमारि बिथाङा आसाम बिधानसभा याव फिरफिला बिरहोयो, बेयाव लाभलिना नि फोरोंगिरि पदुम बरा खौ बरायनानै मान बावो। बिथांनो गांसे गामसा, चेंलें चादर आरो 1 लाख रां नि चेक होयो बिस्वजित दैमारि बिथाङा।
मा मा जाथाय जाखो दिनै...
सिलचार आव फिरफिला बिरहोनो थांनायाव
आसामनि मन्थ्रि परिमल सुक्लबैध्य बिथांनि जिपसि गारि आ फोथार गेजेरावनो नांथाना
होयो। हाब्रु आव नांथायो गारि आ। गोबां नाजादोंमोन, नाथाय हायासै, जायनि थाखाय गिबियाव
गारिआव फैदोंमोनब्लाबो उनाव थाबायनानै फिरफिला बिरहोनो थांनो गोनां जायो
हारिमायारि फिरफिलानि सोलायै बिरबाय बिजेपिनि
फिरफिला। बे जाथाय आ जादों नारायणपुरनि धलपुराव। मखथावनादि, भारत उदांस्रिनि सानाव
बेरेफुंजानो दावराव थासारिया सोमजिनानै थांदों
नारायणपुरनि धलपुराव। धलपुर जौसिन फरायसालिनि गेलेग्रा फोथाराव फुङावनो
फिरफिला बिरहोनाय नुनो मोन्दों बिजेपिनि फिरफिलाखौ। उदांस्रि सानावनो हारिमायारि
फिरफिलानि सोलायै बिजेपिनि माखासे मददगिरिफोरा बिजेपिनि फिरफिलाखौसो बिरहोनायनि
उनावनो दावराव जादों ओनसोल नाङैनो । माखासे साननो गोरों लाइमोनफोरा बिजेपिनि
मावथिफोरखौ सोंनायजों लोगोसे फिरफिलाखौ बोख्लायनो होनाय जायो।
दुखुनांथाव, उदांश्रि
सानखालि नो सिमना याव पहरा होनाय सासे बिएसएफ जवान आ गावखौनो बुथारना लादों। मुङा
मनबिर सिंह। मिथिना मोननायबादिब्ला बिथाङा उत्तर प्रदेश नि। करिमगन्ज जिला नि
बाजारिसरा पुलिस थाना नि सिङाव थानाय भारत बांलादेश सिमना नि पुतनि आव बिबान आव दंमोन।
गावनि बन्दुक जों नो गावनानै बुथारो। 42 बोसोर बैसो नि मनबिर सिंह आ बिएसएफ नि 134
नं बेटेलियान नि जवान मोन। पस्त मर्तेम नि थाखाय देहाफाहामसालि आव दैथायहरबाय।
दासिम मा जाहोननि थाखाय बेबायदि खालामखो मिथिना मोनाखै। गाबोन स्पेशियेल
हेलिकप्तार जों बिथांनि गोथै देहा खौ लांनाय जागोन नआव।
फिसाज्ला या उदखारि फोरनि फारिलाय आव मस्त
वान्तेद आव दंमोन, बिफा या माहारियारि फिरफिला बिरहोदों। कास्मिर नि जाथाय बेयो। हादर
अनफावरि बिफा, फिसाज्ला या 2016 मायथाइ आव भारत नि आरमि नि आखायाव थैदोंमोन, फिसाज्ला
नि मुङा बुरहान वानि। 15 बोसोर बैसो आव नो हिजबुल मुहिददिन आव जइन जादोंमोन। बुंनाय
जायो दि बिनि फंबाय खौ आरमि आ गाज्रि आखु दिन्थिदोंमोन, बेनि थाखाय नो बियो जइन
जादोंमोन। थैनायनि 5 बोसोर उनाव बिफा या माहारियारि फिरफिला बिरहोदों।
Please do not enter any spam link in the comment box. ConversionConversion EmoticonEmoticon