एनदिएफबि नि गायसनगिबि आफादगिरि रर्जन दैमारि बिथांखौ चेन्ट्रेल जेल निफ्राय 10थि एपिबेन केम्प आव दोनहैनाय खौ गिख्रंनाय फोरमायनायजों लोगोसे निन्दा खालामो बर अमेन जास्तिस फराम आ। नखरनि मानसि खौ खोमसियाव दोननानै बेबायदि खालामदों होनना अजद। जास्तिस फराम नि बारग आफादगिरि आरो दानि गाहाय बोसोनगिरि अन्जलि दैमारि बिथाङा 27 जुलाई खालि चेन्ट्रेल जेइल आव थांनानै बिदा रन्जन दैमारि नि खौरां लानो थांनायावसो बेबायदि खालामनायखौ मिथियो होनना बुङो। बिथाङा लोगो लोगो एदिजिपि हिरेन नाथ बिथांखौ फन खालामनानै मा जाहोननि थाखाय बेबायदि दोनदों होनना सोंनायाव मोजांनि थाखायसो बेबायदि दोनदों होनना बुङो। दायो अन्जलि दैमारि बिथाङा बे फिननायनि सायाव मोनसे सोंनाय खालामो, जुदि मोजांनि थाखायनो चेन्ट्रेल जेल निफ्राय लांदोंब्ला मानो नखरनि सुबुंफोरनो खौरां होआसै। बेयाव बिसोर बुंदों मिदिया याव दावराव जागोनखाय बुङाखै होनना, नाथाय आगोलाव जेब्ला बिथांखौ हमदोंमोन, बै समाव नखरननि सुबुंफोरा सोरखार खौ मदद खालामखादोंमोन, बे बाराव मानो फोथायासै होनना सोङो। रन्जन दैमारि सार नि देहा या मोजां नङा, गोसो आ बो गाज्रि जाना दं, थगायजानाय बादि सानदों। रन्जन दैमारि सार आ माबा मोनसे जेंना नुजाथियोब्ला अरायबो पजितिभ थायो, नाथाय बे खनसेयाव बिथाङा बेबायदि हालोदाव गैया, साननो गोनां जादों। बिथाङा जेल निफ्राय लांनो नागिरनाय समाव बिनानावखौ खनसे फन खालामनि होनना बुंनायाव नों खालामलायनाङा, जों खालामगोन होनना बुंदोंमोन नो, नाथाय बिसोर खालामासै, थगायबाय। आगोलावबो करना जानय समावबो खोन्थायाखैमोन होनना बुङो बिथाङा। अन्जलि दैमारि बिथाङा बिटिसि सोरखारजों माबाफोर सवरायलायनानै लांदोंनामा साननानै एमएलए लरेन्स ईस्लारि खौ सोंहरनायाव बिथाङाबो मिथिया बुङो, सोमोनांदों, उनाव बिटिआर नि गाहायखौ एमएलए बिथाङा सोंनायाव गाहाय आ बो मिथिया होनना बुङो। 30 जुलाई आव चिरां आव आसामनि गिबि मन्थ्रि या फैनायाव सोंनायावसो खोन्थायो आरो उल्थायै चिरां आव सो दोननायनि सोमोन्दै बुङो, बिआरपिएलल आलासि न आव दोननाय, बेनिफ्राय केस गेलेनो हागोन होनना बुंदों। बेयाव अन्जलि दैमारि बिथाङा मा केस गेलेनो दंबावो होनना बुङो। जेबो रायलायनो गोनां बो गैला। दायो सोरखार हगारना ल सो होनो दंबावो। एनदिएफबि नि गासैबो खामानि खौ नायनो थाखाय कमिटि दाना होदों होनना बुंदों जेराव प्रमद, गोबिन्द, बिआर फेरेंगा बिथांमोना दं, नाथाय बिथांमोना दासिम अन्जलि दैमारि बिथांमोनजों रायलायाखै, खोमसियाव दोनदों होनना बुंदों। दासिमबो बिटिआऱ नि गाहाय बिथांखौ गोख्रोङै रन्जन दैमारि बिथांखौ उदां खआलामनांगौ होनना बुंनाय नुवाखै, सोरखार आ मा खालामदों बेखौ ल सोबुङो होनना बुङो। 35 बोसोर सिगाङावनो जोंनि बर हारि गुबुन हारिफोरबायदि गसं होनाय, मान सनमानजों खर दैखांनानै फोथांना लाखिगोननि सिमां खौ मावफुंनो खाबु होनो नांगौ होनना दाबि खालामदों। आगोलावबो बिपिएफ खौ बिजेपि सोरखार आ फासत्रेक होनायनि सोमोन्दै जेबो बुङालासै नो होदोंमोन होनना बुङो, बेबायदि नो दायो ईउपिपिएल खौ बो बेबायदि खालामनो नागिरदों नामा, ईउपिपिएल आ रायजो आरो बिटिआर सोरखारजों लोगोसे, थेवब्लाबो मानो बेबायदि। बिथाङा जोबनायाव गासैखौबो ज जानानै सांग्रां जानो खावलायदों। दोलो आ मोनसे हारि आव मोननै मोनथाम आ थाखायो, बेयाव बुंनांगौ खोथा गैया, नाथाय हारि नि मुङाव राजखान्थि या फैनो नाङा होनना बो बुंदों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon