जेब्ला साबोन सार्फ गैयामोन, बै समाव माबोरै राजा रानि नि जि जोम खौ माबोरै सुनाय जायोमोन ??
नोंथाङा माब्लाबा सानना नायदों ना जेब्ला साबोन आरो सार्फ गैयामोन, माबोरै गाननाय जोमनाय जि जोम खौ सुयोमोन। राजा रानि नि बेसेनगोसा जि जोम खौ माबोरै साफा खालामोमोन। माबोरै साधारन सुबुंफोर सुयोमोन गावनि गाननाय जोमनायखौ।
भारत आव गोदान साबोननि जागायजेननाय आ 130 बोसोर सिगांनो बृटिस सासन नि सम आव नो। लिबार ब्रादार्स ईंग्लेन्द आ भारत आव गिबि केब गोदान साबोन बाजाराव दिहुननाय खामानि खौ मावदोंमोन। गिबिआव बृटेइननिफ्राय भारत आव लाबोदोंमोन बे साबोन फोरखौ आरो बेनि मार्केतिं खालामनाय जादोंमोन। जेब्ला भारत आव साबोन बाहायनायखौ जागायो अब्ला बेयावनो बेनि बानायनाय खामानि खौ बो जागायो।
कारखाना याव दुगैनाय आरो जि सुनाय मोननैबो रोखोमनि साबोन खौ दिहुननाय जायोमोन। नर्थ वेस्त सप कम्पानि आ नो गिबिसिन कम्पानि जाय 1897 मायथाइ आव मेरठ आव साबोन नि कारखाना बानायदोंमोन। बेनि उनाव जामसेदजि टाटा बे फालांगि आव गिबिसिन भारत नि कम्पानि महरै हाबो।
नाथाय गोसोआव सोंनाय फैखाङो भारत आव जेब्ला साबोन बाहायनाय जायाखैमोन एबा गैयामोन, माबोरै बै समाव जि जोमखौ सुयोमोन ??
भारत आव गोबां दंफां लाइफां आरो खनिज मोनो। फांसे दंफां मोननाय जायो जायखौ मनिसाल एबा रिठा बुङो(ईंराजि आव Indian Soapberry एबा Washnut बुङो)। बेनि बिगियानारि मुङा Sapindus mukorossi. बै समाव बेखौनो बाहायनाय जायोमोन। राजा रानि नि जायगायाव बे दंफां आ थाखायोमोन बै समाव। बै समाव ल नङा, दाबो बेसेनगोसा जि जोम खौ साफा खलामनो थाखाय रिठा एबा मनिसाल आ मोजांसिन अर्गेनिक मुवा।
गोदो नि समाव मनिसाल आ सुपार साबोन बायदि मोन। बेनि बिगुरनिफ्रय मोनसे रोखोमनि फेन ओंंखारो जायनि गेजेरजों साफा खालामनाय जायो।
दायो मनिसाल खौ खानाय सुनायाव बाहायनाय जायो। बेनिफ्राय सेम्पु बो बानायनाय जायो। गोदो नि समाव बो रानिफोरा गोलाव खानायखौ सुनो थाखाय बेखौ बाहायोमोन।
गोदोनि समाव जि जोम खौ मोननै रोखोमै सुनाय जायोमोन। साधारन सुबुंफोरा दै गुदुं खालामनानै गस्ला फोरखौ दोनोमोन बेयाव। बेनि उनाव ईसे गुसु जायोब्ला अन्थायाव बुयोमोन। दाबो गोबां गिदिर धोबिघातफोराव बेबायदि नो खालामो, बेयाव साबोनफोर बाहायनाय जाया।
दाम गोसा जि जोमफोराव मनिसाल नि फिथाय खौ होनानै दै जों गोदौहोनानैबो सुयोमोन। बेनि गेजेरजों फेन आ बारा जायो आरो साफा जायो।
जि जोम खौ साफा खालामनायनि आरो मोनसे राहा दंमोन गोदो नि समाव। गामियारि ओनसोलाव लांदां जानानै थानाय हा याव, दैमा फख्रि नि खाथि याव एबा आबाद हा याव गुफुर गाब नि पाउदार बायदि मोनो। भारत नि हा याव गोबां बिबांनि मोनो। बेनि जेबो बेसेन गैया। बेनि गेजेरजों बो सुयोमोन।
गोदोनि समाव हा आरो साई खौ मोदोमाव लागायनानै हुनानै बो दुगैयोमोन गोबां सुबुंफोरा। दाबो गोबां नखर आ साई जों थोरसि लथा फोरखौ सुयो।
Please do not enter any spam link in the comment box. ConversionConversion EmoticonEmoticon