जथाय खौरां। फ्रि एदमिशन। एबसुआ ईउपिपिएल सो। ~ Bodoinfo.com

मेट्रिक आरो हायार सेकन्दारि आनजाद नि फिथाय होनायनि उनाव नो दायो एदमिशन आ जागायबाय। बे सम आवनो कलेज आरो जौसिन फरायसालि फोरा मुं थिसननायनि मुङाव मासुल लानो मोननाय नङा, सोलोंथाय बिफान आ फोसावना होदों। सोरखारि सोलोंथाय फसंथानपोरा लानो मोननाय नङा। गासैनोबो बौ हरनाय जाबाय। बे बोसोराव गासैबो रां होआलासैनो एदमिशन मोनगोन सोरखारिफोरनिया।

एम बाथा नि दैदेननाय एनएलएफबि आ फैफिननायखौ बरायो बदलेन्द जनजाति सुरक्सा मन्स आ, बुंदों दावराव देख्रेब नार्जारि बिथाङा। मैया बिथाङा एबसु खौ गोदानै दाफिननो नांगौ होनना बुङो, साननैसो सिगाङाव बिथांनि बुंनायनि बेरेखा कक्राझार एबसु आएबसुफोरनि बेरेखा बुंनायखौ बन्ध खालाम होनना बुंनायनि थाखाय खौरां मेल खुंनानै बेनि फिननाय होदोंमोन। बिथाहा बुंदो एबसु आ सोर, गासैबो एबसुआ दायो ईउपिपिएल सो, स्किम नागिरग्रा, गासैबो स्किम फोरा एबसु नि सो आ, मिरु एबसु नि आफादगिरि दिपेन बर नि बेरेखा बो बुंदों, बिथांखौ एमएलए जानो सो उन उन गिदिंगासिनो दं, बियो सासे बैसो जानाय, हाबा जानाय, सासे फोरोंगिरि, बियो हगारना होनो नांगौ होनना बो बुङो। बैसो गोरा गावखौनो एबसु एबसु बुंनायफोरखौ खामानि गैया मा गैया माजों जायो होनना सोंदों, गारि लाना माबोरै गिदिङो, बिसि फिसायखौ माबोरै फिदों होनना सोङो, मा सर्च दं होनना बुङो। लासिंसिं एबसु गैया बेयाव गासैबो इउपिपिएल जोब। एबसु आ बुंनाय न सिंङाव थानानै बेबायदि बुंनो नाङा, खामानि माव होननायनि फिननायखौबो बुङो जों बाहेराव ओंखारनानो खामानि मावगसिनो दं, ट्राइबेल नि हा हु नि खामानि खौ मावगासिनो, दिल्लि आव थांदों। फरायसा आफादखौ गोदानै दाफिननांगौ, गोथारै लाखिनो नांगौ होनना बुं। उदालगुरि नि एनएलएफबि होनना बुथारनाय जाथायखौ नंखायै बुथारनाय जाथाय होनना बुंदों। गिबियाव आयथें आखाय बुख्रुबनानैसो बुथाररदों, उनाव एनकाउन्टार खालामदों होनना बुङो। बिथाङा एनदिएफबि नि गाहाय रन्जन दैमारि खौ थाबैनो हगारनो नांगौ, एम बाथा बिथांखौ बेनि सोमोन्दै सावरायनो सुजुग लानो होदों। रन्जन दैमारि बिथांजों लोगोसे गासैखौबो गहोनो नांगौ होनना बुङो।

3 रोजा अंगनबारि मिरु नि थखाय 25 लाख रां नि मदद। 61 रोजा मिरु नि सुबुंफोर पेकेजिं आदार मोनगोन। समाज कल्यान बिफाननि मन्थ्रि अजन्त नेउग बिथाङा फोसावना होदों। मैया बे बिफाननि अफिसारफोरजों सावरायलायदोंमोन। 3 रोजा अंगनबारि मिरु नो 25 लाख होनाय जागोन। रायजो आव 61 रोजा दं, नाथाय गिबियाव 3 रोजा नो सो होग्रोगोन, उनाव लासै लासै गुबुननोबो। जाय अंगनबारि मिरु आव दै आरो मोब्लिब नि सुबिदा गैया बेफोराव बे बेबस्ता खौ खालामनो थाखायनो बेखौ फोसावना होदों होनना बुङो।

बाजाराव मोननाय गुफुर गाब नि आटा नि मुङाव नोंथाङा बिष खौ सो जागासिनो नामा। धुबुरि नि तामारहात आव गाज्रि आटा, बाजार निफ्राय बायनाय आटा याव प्लास्तिक बायदि थाफानाय नुनो मोनदों। तामारहात थाना नि सिंनि उजान पेतला 1 नं खोन्दो गामि नि साहानुर मन्दल आ तामारहात बाजारनिफ्राय 2 केजि आटा बायदोंमोन। फुङाव आटा खौ रुटि बानायनाय समाव गुबुन आटाबायदि जायिखौ नुनानै सोमोनाङो। उनाव आटा खौ दै आव होनायाव रोजा प्लसातिक बायदि नुनो मोनो। बेखौ बोयोब्ला रबर बायदि गोलाव जायो। बेयो प्लास्तिक ना, रबर ना ना गुबुन माबाफोर देहानि गाज्रि खालामनाय मुवा मिथिना मोनाखै। लोगोसे एखे गामि नि नो जगदिस रय नि बिसि आ रुति जानानै देहा गाज्रि जानायनि सोमोन्दै बो बुङो। बेयो Sakambari Flour Mills PVT ltd नि आटा मोन, सोनाब बंग नि। रायजोफोरा बेखौ बन्ध खालामना होनो दाबि खालामदों।

रायजो आव गोदान कभिद नि नेम। आसामनि गिबि मन्थ्रि आ बुंदों फैगो 7 सान नि रायजोनि कभिद नि थासारि खौ नायनानै 16 आगस्ट निफ्राय ईन्टार दिसत्रिक मुभमेन्ट खौ खुलिना होनो हागौ। थासारि आ बेबायदिनो मोजां जाना थायोब्ला बेचेलर दिग्रि नि जोबथा सेमिस्तार, मास्तार दिह्रि नि जोबथा सेमिस्तार, थाखो 10, आरो 12 नि थाखाय फरायसालि फरायसालिमाफोरखौ 1 सेप्तेम्बरनिफ्राय खुलिना होगोन। लक्षिमपुर आरो गलाघात जिला याव 1 बाजि सिम दखानफोरखौ खुलिनो हागोन। गुबुन जिलाफोराव 4 बाजि सिम खुलिनो हागोन, फैगौ 7 आगस्ट निफ्राय मोनाबिलि नि 6 बाजिसिम जिलाफोरखौ खुलिनायनि सोमोन्दै सानदों होनना बोबुंदों बिथाङा। दिनै अदालगुरि जिल्ला भेरगावनि दिमाकुसि बरंगाजुलि सत्रआव आसामनि गिबि मन्त्रि ड: हिमन्त बिश्व शर्माआ दावबाय फैयो । कालिचरण ब्रह्म बान्था मोन्नाय भकत शिरोमनि आबौ हरेकृष्ण महन्तआ थांनाय 19 जुलाइ खालि 97 बोसोर बैसोआव रुंसारि जालांदोंमोन ৷बिथांनि सेराव सिबिनाय बाउनो थाखाय दिनै गिबि मन्त्रिआ आसाम बिधान सभानि बुंथिगिरि बिश्वजित दैमारि बिथांजों सत्रआव दावबाय फैयो।

58नं तामुलपुर बिधान सभा बियाबाव जानो गोनां उफ्रा बिसायख’थिनि थाखाय मनज गयारिया दिनै इउपिपिएल दोलोनिफ्राय बिजाथि मोननो थाखाय आरजलाइ गथायबाय। दिनै तामुलपुर बियाबाव इउपिपिएल दोलोनि मोनसे सांग्रांथियारि मेलाव नुजाथि फैनाय एमएलए जयन्त बसुमतारिनि आखायाव मनज गयारि बिथांआ गावनि‌ आरजलाइखौ गथायो। गोलाव समनिफ्रायनो बर’ हारिनि थामोन्था रैखाथिनि थाखाय गावखौनो जिउ बावसोम बोनाय मनज गयारि बिथांआ लेह’राम बर’ बिथांआ थैखांनायनि उनाव गावखौ इउपिपिएल दोलोनिफ्राय बिजाथि मोननो थाखाय गोबां आसा खालामदों।

लफिकुल ईस्लाम नि सा 3 बुथारग्रा खौ सिबिआई आ रायजोफोरनि सिगाङाव बुंना होबाय। मुंफोरा रुपा ब्रह्म, दिंकुर मोसाहारि आरो भद्रेश्वर बसुमतारि। बे सा 3 नि खौरां होग्राफोरनो 2 लाख रां नि बान्था होगोन होनना फोसावदों। 2017 मायथाइनि 1 आगस्ट आव एबिएमसु नि दैदेनगिरि खौ सानावनो गुलि गावनानै बुथारदोंमोन। खौरां हरनो थाखाय The HOB & Asst, SP, CBI, SCB, CGO Complex, DF Block, A Wing, 2^nd Floor, Salt Lake- 700064, Phone No. 033-23596118, 23596119, 90051255109, Email- hobsckol@cbi.gov.in, Kok police control room- 03661-270667, 6026900824

आसामनि गिबि मन्थ्रि नि केस खौ बोखारनायनि उनाव दायो गुबुन सा 6 गोजौ थाखो नि अफिसार नि केस खौ बो बोखारनायनि थिरांथा मिजोराम पुलिस नि। मिजराम निन गिबि मन्थ्रि नि बिथोननि उनाव नो बे थिरांथा खौ लायो। बिथांमोननि बेरेखा क्रिमिनेल केस होदोंमोन। मोननैबो रायजो नि सिमना नि जेंना खौ सुस्रांनो थाखाय नो बे थिरांथा खौ लादों होनना बुङो।