मैया बडफा हाउस आव खौरांमेल खुंनानै मिरु एबसु आ बिटिआर गोरोबथा बादियै गामि सोसननाय दानखनाय नि सोमोन्दै बुङो। बिटिआर नि खोलाहा थानाय 95 गामिफोर थानायखौ सोनायनि थाखाय सुक्टि नि समावनो दाबि दैखांनाय जादोंमोन, आरो लोगोसे सानजाहा थानाय सनितपुर बिस्वनाथ, लक्षिमपुर नि सिमलुगुरिसिम गामिफोरखौ सोसननो थाखाय बै समावनो मिरु एबसु आरो सागानगिरिफोरा दाबि दैखांदोंमोन। 95 गामिफोरनि सोसननायनि पेतिशन खौ होनाय जाबाय। नन सिक्स सिदिउल जों नांजाबना थानाय ट्राइबेल नङि सुबुं बारा थानायफोरा दानखनायनि पेतिशन बो होदों। गोबां सुबुंफोरानो बिटिआर निफ्राय गामिफोरखौ दानखजोबसिगोन बुंनानै बेले बेजे खालामनायफोरनि सोमोन्दै बो बुंदों, गोबाङानो मेल मिथिं खुंनानै धर्ना होनांगौ बायदिफोर बुंदों होनना बुङो। मिरु एबसु आ रोखा बुंथिदों दि बांसिन गामि आ नो बिटिआर जों दाजाबजागोन, सानजा आऱो खोला नि गामि फोरखौ दाजाबनो मिरु एबसु आ खामानि मावगासिनो होनना बुङो। ट्राईबेल बेल्ट एन्द ब्लक, ट्राईबेल गामि, बर गामि खौ माब्लाबो दानखनाय जाया होनना रोखा बुंदों। गाज्रि सुबुंफोरा नंखाय मानसावगारि बानायनानै नंखाय खौरां फोसावदों होनना बुङो, बेफोर गासैबो नंखाय, फोथायनो नाङा। बे गोरोबथा या बांसिन बर हारि नि, बर हारि आ मा लुबैदों बेसो। बेखायनो जेबो दावराव दावसि जानो नाङा होनना बुङो। सोरबाफोर बेफोरबायदि नंखाय खौरां फोसावोब्ला बिसोरखौ सों होनना बुङो। बिसोर बर गामि खौ सोसननायखौ हेंथा होनाय बादि सो जादों। सनितपुर, बिस्वनाथ लक्षिमपुर नि हाबनो गोनां गामि आ बेबायदि हेंथा मोनबाय थानानै हाबाब्ला उनाव बेनि दायनिगिरि आ मिरु एबसु आरो सुक्ति नि सागानगिरि आ जानाय नङा होनना रोखा बुंदों। बेखायनो बेरेखा खालामनायनिफ्राय जेसेबां हायो गोजानाव था आरो गुबुनफोरखौबो गोजानाव थानो हो। सोरबाफोर नंखायै फोसावदोंब्ला बिखौ सों होनना बुङो।
Next
« Prev Post
« Prev Post
Previous
Next Post »
Next Post »
Subscribe to:
Post Comments (Atom)
Please do not enter any spam link in the comment box. ConversionConversion EmoticonEmoticon