सेन्ट्रेल बर्ड
अफ सेकेन्डारि एजुकेसन (सी.बी.एस.ई.) आ 2026 मायथाइनिफ्राय बोसोराव खेबनै थाखो 10 नि बर्ड
आनजाद खुंनायनि नेमफोरखौ गनायथि होदों। बे बाथ्राखौ आनजाद सामलायगिरि संयम
भारद्वाजआ रोखा खालामदोंमोन। गोदान सीबीएसई नेमफोरनि बायदिब्ला, थाखो 10 नि फरायसाफोरनि थाखाय गिबि बर्ड
आनजादाव नुजाथिनाया गोनांथार जागोन, फारसेथिं नैथि आनजादाव नुजाथिनाया सायख'जाथाव
जागोन।
बे खान्थिनि आन्दोआव सि.बि.एस.इ.नि थांखिया मा होनना सोङोब्ला?
बर्डआ बेखौ रोखा
खालामदोंमोन दि फरायसाफोरा आनजादनि मोनसे एबा मोननैबो थाखो होयोब्लाबो इसिङारि एबा
इन्तारनेल बिजिरनायखौ खेबसेल' खालामनाय जागोन।
सी.बी.एस.ई. नि थांखिया बे खान्थिनि गेजेरजों फरायसाफोरनो साबसिन खाबु होनाय। जाहाथे बिसोरो गावसोरनि थियारि खालामनाय
बायदियै गावसोरनि साबसिनखौ दिन्थिफुंनो हायो आरो नारसिननायाबो खम जायो। बेनि गिबि आरो
बयनिख्रुइबो गोनांसिन मुलाम्फाया जादों आनजादनि नारसिननाया गाहायाव थांगोन। फरायसाफोरा बोसोराव खेबनै आनजाद होनानै
गावसोरनि थियारिखौ साबसिनै सामलायनो हागोन। बेयो गोसोआरि सावस्रिखौ साबसिन
खालामगोन।
गोरोन्थि
फोसाबनायनि जाथावनाबो थागोन। जुदि सासे फरायसानि गिबि नाजानाया मोजाङै जायाखैमोन,
अब्ला बियो नैथि नाजानायाव गावखौ सुद्रायनो हायो। बेयो फरायसाफोरनि सोलोंथायनि
सानस्रिखौ दागोन। गोबां समावनो फरायसाफोरा लोमजानाय, नख'रारि जेंनाफोर एबा गुबुन जाहोनफोरनि थाखाय
आनजादाव मोजाङै दिन्थिफुंनो हाया। बे
बेलायाव मोननै आनजादनि राहा थानाया गाज्रि समाव फरायसाफोरनि इयुनखौ गोहोम
खोख्लैनाय नङा।
बे अख्रां
दावबायारिफोरा अख्रांमा स्टेशनाव फ्राय 14 सान थागोन। बे समाव गोबां गोनांथार
आनजाद नायनाय जागोन। शुभान्शु शुक्लाया
बाय'टेक्न'ल'जि बिफान (डीबीटी) आरो नासानि हेफाजाबाव अख्रांमायाव जौगाखांहोनाय
जौगा आदार आरो पुष्टिगोनां आनजाद नायगोन।
एक्जिअ'मा 4 नि हान्जाया हादोर गेजेरारि अख्रांमा
स्टेशनाव (आईएसएस) फ्राय नै सप्ता थागोन।
बे समाव बिथांमोनहा मोनबा जथाय बिगियानारि नायबिजिरनाय आरो बिगियान, बिरोंदामिन, सोरोदिङारि
आरो सानखान्थिजों सोमोन्दो गोनां मोन्नै सोलोंथायारि दिन्थिफुंनाय जागोन। बेयो
गावारि अख्रांमा नायबिजिरनायखौ बांहोनो थाखाय फालांगियारि आरो रायजोआरि सांग्रांथि
हाबाफारिफोरबो खुंगोन। नासा आरो रासियान स्पेस एजेन्सि (आर.अ.एस.क'स्म'स)आ मोनसे
रैखाथि नायफामनायनि जोबनायाव मिशननि थाखाय जोबथा गनायथि होदों।
बे मिसना
अख्रांमा सेक्टराव भारतनि बांलांनाय गोहोखौ आरोबाव गोजोंसिन खालामो। हानजानि
केप्तेन शुक्लाया राकेश शर्मानि आगानाव भारतनि अख्रांमा जारिमिनाव मोनसे गोदान
आयदा लिरदों। बे मिशननि थांखिया भारत,
आमेरिका, पलेन्ड, हांगारी, साउदी आरब, ब्राजील, नाइजीरिया, इउ.ए.इ. आरो इउरपनि हादोरफोरजों लोगोसे 31 हादोरफोरखौ थान्दैथि खालामनाय फ्राय 60 बिगियानारि फरायसंनाय आरो हाबाफारिफोर खुंनाय।
3. गसरनि थाखाय सासे सेंग्राया नलबारि सदर पुलिस थानायाव थांनाय आरो बिबानगिरि पुलिस अफिसारखौ देहायारि गाग्लोबनाय जाथाया सोमोनांहोदों गोबांखौनो। नलबारि सोहोरनि बाटा चौकनि जगदीश कलिता आरो फिसाज्ला गौरब जगदीश कलिताया बिजिरसालियाव थाबथानानै थानाय मोनसे केसनि सायाव नलबारि सदर पुलिस थानायाव थांदोंमोन। बिफाजों नलबारि सदर थानानि पुलिस अफिसार पवन कलितानि खथायाव हाबनानै अफिसारखौ देहायारि गाग्लोबो फिसाज्ला गौरब जगदिस कलिताया।
रायखांनो गोनां
दि जेब्ला बिफा जगदीश कलिताया पुलिस बिबानगिरि पुलिस मावख'गिरिजों रायज्लायगासिनो
दंमोन, अब्ला रागा जोंनाय फिसाज्ला गौरव जगदीश कलिताया असि पवन कलिताखौ सौना आरो जोना होदोंमोन।
आथिखालाव नलबारि
पुलिसआ फिसाज्ला गौरब जगदीश कलिताखौ हमदों आरो बिफा जगदीश कलिताखौ हमदों आरो बिसोरखौ
सोंथि खालामगासिनो। बे जाथाया गासै नलबारिआव गोख्रों फिनजाथाय सोमजिहोदों।
4. बकाजानआव मोनसे गिख्रंथाव जाथायाव, रन्जित बसुमतारि उफ्रा मुं बाबु मुंनि सासे सेंग्राया सासे द' बोसोरनि हिनजावसाखौ जिनाहारि खालामनानै बुथारदोंमोन। बे गिख्रंथाव दायआ ओनसोलारि सुबुं समाजखौ सोमोनांहोदों आरो दुखुआव खोख्लैदों। बुथारजानाय हिन्जावसाया कार्बि आंलंनि बकाजान पुलिस थानानि सिङाव थानाय अमराजननि सुरज पुर्टी आरो सुनीता पुर्तिनि फिसाजो, जाय थांनाय समबारखालि सानजौफुसोआव गोमादोंमोन। गथ'सानि बिमाया होनाय अजदनि उनाव, पुलिसा नागिरनाय हाबाफारि जागायदोंमोन। दुखुनि बाथ्रादि, मंगलबारखालि हिनजावसानि गोथै सह'खौ बिनि थाग्रा खुलिनि साखाथियाव गंसे भारायाव थानाय न'नि मोखाङाव थानाय दैखर एबा खुङायाव बोखांनो हादोंमोन। पुलिसा सन्देह खालामदों दि बिखौ जिनि थुख्राजों बुथारनाय जादोंमोन, बिनि गोदोनायाव मोन्नाय जोखोमनि दागोफोरनिफ्राय रोखा जायो। दायखौ मावखांनायनि उनाव, दायनिगिरिया फोरमायनाय बायदिब्ला गथ'नि गोथै सह'खौ दैखरआव गारहरदोंमोन आरो जाथायनि जायगानिफ्राय खारखोमालाङो। मंगलबारनि मोनाबिलियाव जायगानि सुबुंफोरा रन्जितखौ गुदु हाग्रायाव थाखोमानानै थानाय नुदोंमोन। बिखौ रायजो राजाफोरा हमदोंमोन आरो बकाजान पुलिसनो गथायना होदोंमोन। मिथिना मोननाय बादिब्ला, रन्जितआ हरनि समाव पुलिसनि जिम्मानिफ्राय खारखुमानो नाजादोंमोन। पुलिसआ बिनि खारखोमानायखौ होबथानो थाखाय गुलि गावदोंमोन आरो बिनि आइथिंआव गुलि गावदोंमोन। बियो दा पुलिसनि जिम्मायाव दं आरो फाहामथाय लागासिनो दं।
22 बोसोर बैसोनि
रुंसारि जानाय सिख्लानि मुङा निकिता। बियो उदयपुरनि रिक'वदेवनि थागिरि। उदयपुरआव
हटेलनि खथानिफ्राय बिनि थैजों बुंफबनाय गोथै सह'खौ बोखांनाय जादोंमोन।
पुलिसा बुंदोंमोन दि सिख्लानि अनजालुनि सिनायथिखौ बिजय भोई होनना मिथिनाय जादों। ह'टेलनि खथायाव गले-गले इन्जुराव खर'खौ सौग्रावहोनानै
गाज्रि रोखोमै गाग्लोबनायनि उनाव निकिताया थैदोंमोन।
बिजयआ गावनि
अनजालिखौ बुथारखांनायनि उनाव गावखौ फोजोबनो नाजायो। बियो गावनि आखाइनि रोदाखौ
दानस'नानै गावखौ फोजोबनो नाजायो। नाथाय सानायखौ सहायनो हायैआव बियो गावनो देहा
फाहामसालियाव थिसनजादोंमोन।
रिपर्टफोरनि
बायदिब्ला, निकिताया इन्स्टाग्रामआव बिजयजों सिनायलायदोंमोन। बेनि उनाव
सानैबो मोजां मोनलायनायाव गोग्लैयो। बे सोमोन्दोनि बागै मिथिनायनि उनाव, नखरा
गुबुनजों निकितानि जुलिखौ थि खालामो। आरो बेबादिनो बिजयजों निकितानि
रायज्लायनायाबो थाद'यो।
निकितानि नखरा
सानदोंमोन दि निकिताया दा विजयनि फारसे जेबो साननाय गैलिया। बिनि उनाव, सिख्लानि नखरा बिखौ फरायनो
थाखाय उदयपुरसिम दैथाय हरदोंमोन। निकिताया उदयपुरआव गावनि फंबायजों भारायाव थादोंमोन।
बिजयआ उदयपुरनि सेक्टर थामनिबो थागिरि। जिउ राहाजों सासे मोसागिरि विजयआ गुबुन
गुबुन हाबाफारिफोराव दिन्थिफुङो। बिजयआ बेखौ खोनानानै रागा जोंदोंमोन दि निकितानि
गुबुनफोरजों हाबा थि जाबायमोन।
बिजया निकिताखौ जोबथा
लोगो हमनायनि मुङाव उदयपुरनि गंसे हटेलाव लिंहरनाय जादोंमोन। ह'टेलनि खथायाव
सानैनि गेजेराव नांज्लायनाय जादोंमोन। बिनि उनावनो बिजयआ रागा जोंनानै निकितानि
खर'खौ वालाव सौग्रावहोनानै बुथारदोंमोन। बेनि उनाव, बिजयआ गावनि आखाइनि रोदाखौ
दाननानै गावखौ फोजोबनो नाजादोंमोन। नाथाय सानायखौ सहायनो हायैआव बिजयआ ह'टेलनि
खथाखौ बाहेरनिफ्राय बन्द खालामो आरो देहा फाहामसालियाव गावखौ थिसनो। अखानायै,
हिनजावसानि गोथै सह'खौ ह'टेलनि खथानिफ्राय बोखांनाय जादोंमोन। बिजयखौ पुलिसा हमदों
आरो सोंथि खालामगासिनो दं।
बेखौ
गोसोखांहोनो हायोदि 2020-21 मायथाइयाव बयनिख्रुइ बांसिन गोसोम रांनि केस मोननाय जादोंमोन, जेराव 1517 कौटि रांनि गोसोम रां बोखांनो
हादोंमोन।
इन्काम तेक्स
बिफाननि सासे गागि मावख'गिरिनि बायदिब्ला, बे समाव मोन 50 ल' नागिरनाय हाबाफारि लानाय जादों जेराव बांसिन बिबांनि रां
बोखांनो हादों। बे बोसोराव मोनबाल' अपारेसन जादोंमोन आरो 2020-21 मायथाइयाव मोन 19 अपारेसनफोर
जादोंमोन।
बेफोर
नायबिजिरनायाव बोखांनो हानाय आयनि मादाव दङ-
- नोगोद रां,
- सम्फथिनि दकुमेन्टफोर, आरो
- डिजिटेल फोरमायथि,
जाय खाजोना
खावनायनि गोदान आदबफोर आरो आयेन बेरेखा रां थगायनायनि गोथौ वेबखौ रोखा खालामो।
लोब्बा थानाय
सुबुं एबा आफादफोरनि मुंफोरखौ आन्दोआव दोननाय जादोंब्लाबो, बेखौ सन्देह खालामनाय
जायो दि बैफोर
ओनसोलफोराव गोजौ थाखोनि फालांगियारिफोर, थिखादारफोर आरो
राजखान्थियारि महरै मुंदांखा सुबुंफोरा लोब्बा थानो हागौ। आयेनारि रोंग'साफोरा
बुंदोंमोन दि जुदि नायबिजिरनायनि समाव गोसोम रांखौ गनायना लानाय जायो, रिटार्न दाखिल खालामनानै थि खाजोना आरो सुद होनाय जायो, अब्ला 30 जौखोन्दो जरिमाना आरो माखासे
मामलायाव 60 जौखोन्दो एबा बेनि बांसिन जरिमाना होनो
हागौ।
सुलुंनि
बायदिब्ला, गोबां सुबुंफोर आरो आफादफोरा दासिमबो नोजोर
होजागासिनो दं आरो नायबिजिरगासिनो दं। बे
बिथिङाव इन्टेलिजेन्स बिजिरनाय, फरेन्सिक राङारि नायबिजिरनायनि गेजेरजों
दायनिगिरिफोरनि बेरेखायै आयेनारि राहा लानाय जागोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon