Patna-Delhi Air India flight turbulence passengers got jolted ~ Bodoinfo.com

आथिखालाव बिरखं दावबायारिफोरनि गेजेराव जाब्रबथाय जानायनि गिनाया बांनायबादि जागासिनो। गुबैयै आहमेदाबाद अख्रां जाब्रबथायनि उनाव बिरखं दावबायारिफोरनि गेजेराव गिनाय सोमजिदों। बे समावनो, एयार इन्डियानि बिरखंखौ लानानै फिन गिनाय सोमजिदों। बे खेबाव दिल्लीनिफ्राय पाटनासिम थांनाय एयार इन्डियानि गंसे बिरखंआ अख्राङाव तार्बुलेन्सनि सिङाव गोग्लैदोंमोन। जायनि जाउनाव बिरखंजों पाटनासिम फैनाय दावबायारिफोरनि गेजेराव दावराव-दावसि जादोंमोन। दसे समनि थाखाय दावबायारिफोरा होसिख्रावनो हमनायसै।

10 मिनिट सोमावनाय:

171 दावबायारिफोरजों ए.आइ. 0407 बिरखंआ मंगलबारनि द' घन्टा गोबावजों बेलासिनि 2 बाजिनि दिल्ली बिरखं गाथोननिफ्राय पाटनासिम बिरदोंमोन। पाटनायाव ओंखारनायनि सिगां अख्राङा तार्बुलेन्सनि साग्लोबनायाव गोग्लैदोंमोन। बिरखंआव दावबायारिफोरनि गेजेराव दावराव-दावसि जादोंमोन। बिरखंआ फ्राय 10 मिनिटसिम जोबोर गोसायै सोमावनो हमदोंमोन।

आइजो दावबायारिफोरनि थासारि:

सासे दावबायारिया गावनि ससियेल मीडिया एक्सआव बे बाथ्राखौ मुंख'दोंमोन दि एयार इन्डियानि हस्तेजा बिरखंनि उनाव दावबायारिफोरनि गेजेराव स्नेक्स जाहोयोमोन। बिनि दान्दिसे उनावनो बिरखंआ हरखाबै दावराव-दावसिनि साग्लोबनायाव गोग्लैयो। दावबायारिफोरनि दैआबो गोग्लैनो हमो। "दिल्लीनिफ्राय पाटनासिम थांनाय एयार इन्डियानि गंसे बिरखंआ गिदिर बांग्रिं बादि मावदोंमोन। सासे आइजो दावबायारिया सिङावनो गोग्लैयो। लगेज केबिननि माखासे बाहागोआ बायदोंमोन। "

गाज्रि बोथोरनि थाखाय टार्बुलेन्स:

एयार इन्डियानि मावख'गिरिफोरनि बायदिब्ला, हरखाबै बारनि गोख्रैथिया बारा जानायनि जाहोनाव बिरग्रा बिरखंआ सरासनस्रा सामलायथिखौ खोमादोंमोन। पाइलटआ सोलोजों 10 मिनिटनि गेजेराव बिरखंखौ थार थासारियाव सौहैहोनो हादोंमोन; बे समावनो दावबायारिफोरा हां मोनो। दावबायारिफोरा गावसोरनि जिउनि रैखाथिनि थाखाय आरज गाबनो हमो।

बे समाव बिरखंआव कार्ग' गोनां केबिनआ खुलिलांदोंमोन। दावबायारिफोरनि मुवा-बेसादफोरा गोग्लैनोबो हमो। बै समाव पाइलटआ बिरखंखौ आबुङै सामलायदोंमोन। बेनि उनावसो दावबायारिफोरा सिरि जायो। केबिन क्रू हानजाया दावबायारिफोरनि गोसोखौ सिरि खालामनो नाजाबाय थादोंमोन।

रैखाथि गोनां लेन्डिं:

बेबादि गिख्रंथाव थासारिनि गेजेराव बिरखंआ बेलासिनि 4 रिंगायाव पाटना बिरखं गाथोनाव रैखाथियै ओंखारदोंमोन। अब्लासो दावबायारिफोरा सुखुनि हां बोयो।