दिनैनि दासिमनि मोननैसो खौरांफोरा
जाबाय।
1. बर' लिबारेसन
टाइगार सुंद'यै बिएलटिनि गायसनगिबि आफादगिरि बिर सिलागां बसुमतारीनि 28 थि थैनाय
सानखौ मैया ककराझारनि बंसिगाव आव सानसेनि हाबाफारिजों फालिनाय जायो। बंसिगावनि बिर
सिलागां बसुमतारीनि मांखरसालियाव फालिजानाय बारग' बिएलटि गायसनगिरि आफादगिरिनि
थैनाय सानाव बितिसि नि मोननै गोख्रों राजखान्थि दोलो बिपिएफ आरो इउपिपिएल दोलोखौ
लोगोसे एखे जायगायावनो नुनाया मैयानि सानखौ मखजाथाव खालामदोंमोन।
गुबैयै बे एखे
जौसांआवनो इउपिपिएलनि लकसभानि एमपि जयन्त बसुमतारी आरो बिपिएफ दोलोनि आफादगिरि आरो
बिटिसिनि बारग' गाहाय मावफुं सोद्रोमा हाग्रामा महिलारीआ मिनिस्लु मिनिनायजों जयै
सावरायलायनाया फोरमान होयो दि हारिनि मोजांनि थाखाय जेबो नांलायनाय थाया। गुबुनफारसे
दानि बितिसि नि गाहाय प्रमद बर बिथाङाबो हाबाफारियाव बाहागो लानानै बुंदों बिर सिलागां
बसुमतारिया जा साहस, नोजोर आरो बिबान लानानै हारिखौ
सिगांथिं लांनो थाखाय गोरोबथा गैयै सोमावसारनाय जागायजेन्दोंमोन आरो बेनि थाखायनो बर'फोरा
दिनै गावनि इयुननि बागै साननो हादों होनना बुङो।
गोदान जोलैखौ
वीर सिलागांनि आदर्शफोरखौ उनसंनो आरो सिगांथिं दावगालांनो खावलायनानै बिथाङा बुङो
दि बिर जोहोलावनि गोसोखांथिखौ फोथांना लाखिनो थाखाय 5 कौटि रां बाहायनानै बिटिसिनि
मोन 40 बियाबआव गंसे गंसेयै स्टेडियाम लुनायनि खामानिखौ आखायाव लादों। बिथाङाखौ
फबनाय जायगायाव बिर जोहोलावनि मुसुखाखौ साखोनि सिखोन लाखिनो थाखाय बिटिसि खुंथायनिफ्राय
दानफ्रोमबो 20,000 रां होनाय जागोन होननाबो फोसावदोंमोन आरो बुंदोंमोन दि बिथांनि
जिउखौरां सेबखांनायनि गासैबो खरसाबो होनाय जागोन।
बेराफारसेथिं,
बिपिएफ आरो इउपिपिएलनि ज'जानायनि सायाव खौरांगिरिफोरा सोंनाय सोंथिनि फिननायाव
बर'आ बुङो दि बर' सुबुंफोरा जेब्लाबो खौसे। राजखान्थियारि महरै गोसो गोरोबलायै, बिथांखिफोर, सानथौफोर थानो हागौ नाथाय समाजारि आरो
माहारियारि महरै बर' सुबुंफोरा जेब्लाबो खौसे।
बेवहाय जेबो गावस्रानाय गैया, बिथाङा बुङो। राजखान्थिया गुबुन मानोना
सुबुंखान्थि हादोराव बयहाबो राजखान्थि खालामनायनि मोन्थाय दं। दिनै बयबो बिर
सिलागांनि मांखरसालियाव फैनानै दावहारुखौ गोसोखांनानै मान बाउदों। बेबायदिनो बड'फा
उपेन्द्रनाथ ब्रह्मनि फबनाय जायगायाव, सोमावसारनायनि गिबि मुंख्लं सुजित
नार्जारीनि मांखरसालियावबो बयखौबो फैनो खावलायनाय जादोंमोन। बर' हादोरनि थाखाय गासैखौबो बावसोमनाय साफ्रोमबो
साहस गोनां सुबुंनि जोनोम आरो थैनायनि
बुब्लियाव बिथाङा बिसोरखौ मान बावनो खावलायदोंमोन।
बिर सिलागन
बसुमतारीनि थैनाय सानाव हाबाफारियाव बाहागो लानाय बिपिएफनि आफादगिरि हाग्रामा
महिलारीआबो बे हाबाफारियाव बाहागो लानायजों लोगोसे एबसुनि गोजौ थाखोनि दैदेनगिरि, इउपिपिएल दोलोनि लकसभा एम. पि. जयन्त बसुमतारी, एमएलए लरेन्स इसलारी आरो जिरन
बसुमतारीआबो बाहागो लादोंमोन आरो बयखौबो गोसो गोर्बोनिफ्राय साबायखर बावहरो।
महिलारि बिथाङा
बुङो दि दिनैनि साना राजखान्थिनि बाथ्रा रायज्लायनायनि सान नङा, नाथाय गोबां
बुंनांगौ दंमोन। बेयो रंजानायनि बाथ्रा दि खुंथाय गोहोआव थानाय आरो बेरेखा हानजाया
दिनै मोनसे जौसांआवनो ज' जानानै बिर सिलागां बसुमतारीखौ मान बावो आरो बुङो दि बेयो
जोबोद गोजोननाय मोनदों दि बयबो बे जायगायाव फैदों।
राणा प्रताप
कलिताजों लोगोसे हानजायाव मेजर जेनेरेल भास्कर कलिता, ब्रिगेडियर पाउलास चौधुरी, रायजो सैनिक बर्डनि
सामलायगिरि आरो ब्रिगेडियर रनजित बरठाकुर दंमोन।
बे बोसोन होग्रा
हानजाया गासैबो स्टेकहोल्डरफोरजों रायज्लायो। पि.डब्लिउ.डि. बिफाननि गाहाय
इन्जिनियार, आर्किटेक्टजों लोगोसे सोलोंथाय बिफाननि नेहाथारि
मुकुल कुमार सइकिया आरो केएएसीनि गोजौ थाखोनि मावख'गिरिफोराबो बाहागो लादोंमोन।
सरासनस्रा
कलिताया थावनिजों लोगोसे थांखि लानाय लुनाय बिथांखिनि सायाव गोजोननाय फोरमायदोंमोन।
बिथाङा सिगांनिफ्रायनो हा मोननो थाखाय केएएसीनि गासै गोथार नाजानायनि थाखाय
बाख्नायदोंमोन।
बिथाङा मिजिं
थिदों दि लुनायनि खामानिया थाबैनो जागायगोन। जेराव फरायसालिखौ लुनायनि खरसाखौ
रैखाथि बिफाना बाहायगोन, आसाम सोरखारा फर्निसार आरो गुबुन बेसादफोर होगोन।
गुबै दायनिगिरिखौ सानसोरां ब्रह्म (26) होनना सिनायथि होदों। चिरां
पुलिसा गुबुन गुबुन जायगायाव खालामनाय गुबुन गुबुन सिग्रोमनायाव बिनि सानै लोगो मथुराम
बसुमतारी (36) आरो बिर'ध मुसाहारि (28) खौबो खानाय जादोंमोन।
पुलिसआ बिसोरनिफ्राय गंथाम स्कूटर आरो
गंनै मटर साइकेल जब्द खालामदों। खौरां मोन्नाय बायदिब्ला बे हान्जाया गोबाव समनिफ्रायनो
चिरां आरो बंगाइगांव जिल्लानि गुबुन गुबुन जायगाफोराव साखा खबनै गारि खावनायजों लोब्बा
दंमोन।
चिरां पुलिसा बुंदोंमोन दि हानजानि गोबां
गुबुन सोद्रोमाफोरा दासिमबो खारखोमानानै दं आरो थाबैनो बिसोरखौ हमनो नाजागासिनो दं।
बेखौ मिथिनो
मोननाय जायो दि फावखुंग्रिनि फिसाय पराग त्यागीआ बिथांजोखौ हराव देहा फाहामसालियाव
लाबोदोंमोन। थैनाय समाव शेफालीनि बैसोआ 42 बोसोरमोन। बिथांनि रुंसारि जानायनि
खौरां ओंखारनायनि उनाव, सावथुन मुलुगनि गोबां स्टारफोरा दुखु फोरमायखाबाय। बिथांनि
रुंसारि जानायनि खौरांआ अनसायगिरिफोरखौबो दुखु मोनहोदों।
बेखौ नोजोर होनो
गोनां दि बे सोलिनाय जौथायनि गिबि समाव, रीमिक्स एल्बमफोरा हादोरनि रंजानाय
मुलुगाव जर'खा बाख्नायनाय मोनदोंमोन। बे रीमिक्स एल्बमनि दावराव-दावसिनि गेजेराव,
शेफाली जरीवालाया 2002 मायथाइयाव कांता लागा मेथाइनि रिमिक्सजों मोनसे बारहुंखा
बायदि सोमजिहोदोंमोन।
शेफालीनि
अबथिरायै रुंसारि जानायनि खौरांआ सावथुन मुलुगनि सुबुंफोर आरो अनसायगिरिफोरखौ
गालांबाय।
जैन, जाय संगालि
खौरां बुथुमनाय आरो भारतनि नसुंसेजों सोमोन्दो थानाय आयदाफोराव गावनि रोंग'थिनि
थाखाय गुवारै मिथिजायो, अपारेशन सेन्दुरनि समाव मोनसे गोनां बिफाव लादोंमोन। बिथाङा गुसुङै एयार रिसार्च सेन्टार (एआरसी)नि गाहायबोमोन, जाय र'नि
मोनसे गुबै गांखं।
पराग जैनआ
सोलिबाय थानाय गाहाय रवि सिन्हानि उनाव र'आव नैथि गाहाय
मावख'गिरि। बिथांहा र'नि आयदायाव नै जिथायनिबो बांसिन रोंमोन्दांथि दं। पराग जैननि केरियाराव पान्जाबाव उदखारि
हान्जानि गोजौसिन समाव मख'जाथाव मावफुंआरि बिहोमा दं, जेराव
बिथाङा गुबुन
गुबुन जिल्लाफोराव एस.एस.पी. आरो लेङाइ नायदिंगिरि महरै हाबा मावदोंमोन।
र'आव जैनआ पाकिस्ताननि डेस्कखौ गुवारै सामलायदोंमोन आरो दफा 370 खौ बोखारनाय
समाव जम्मु-काश्मीरावबो हाबा मावदोंमोन। बिफाननि मावख'गिरिफोरा खौरां एजेन्सि पि.टि.आइ.नि सिगाङाव बेखौ मुंख'दों। पराग जैनआ श्रीलंका आरो कानाडायाव भारतारि
मिशनफोरावबो हाबा मावदोंमोन। कानाडायाव थानाय समाव बिथाङा बैनिफ्राय सोलिबाय थानाय
खालिस्तानी उदखारि मड्युलफोरखौ नायगिदिंदोंमोन।
बे जाथायाव
दासिम खमैबो सा 16 जवानफोरा जिउ गोमादों होनना मिथिनो मोननाय जादों।
पाकिस्ताननि
खौरां बिजोंनि रिपर्टनि बायदिब्ला, सासे गावखौ फोथैग्रा बमा बेरफ्रुग्राजों
बुंफबनाय गंसे गारिजों रौनिया हानजानि कनभयजों सौग्रावदोंमोन। खुंथायनि सुलुंनि
बायदिब्ला, बेरफ्रुनायनि जाहोनाव ओनसोलनि गोबां न'फोराबो
खहा जादोंमोन।
सासे पुलिस
मावख'गिरिनि बायदिब्ला, बेरफ्रुनायनि जाहोनाव गंनै
न'नि उखुमफोरा बिरलांदोंमोन। सा द' गथ'साफोराबो जोखोम जादोंमोन। बे बेरफ्रुनायनि
आन्दोआव बबे उदखारि आफादनि आखाइ दं बेखौ दासिमबो मिथिनाय जायाखै।
बेखौ सन्देह
खालामनाय जादों दि तहरीक-ए-तालिबाना बै ओनसोलाव सांग्रांमोन जेराव बेरफ्रुनाया
जादोंमोन। मार्चआव, तहरीक-ए-तालिबान
पाकिस्ताना खोला वजीरिस्ताननि जंडोला चेकपस्टनि खाथियाव मोनसे रौनिया बादायाव
गाग्लोबदोंमोन।
बिनि उनाव,
पाकिस्ताननि रौनियाफोरा मोनसे अपारेसन जागायदोंमोन आरो सा 10 सनदेह' गोनां
उदखारिफोरखौ बुथारदोंमोन। मार्चआव, बलूच लिबरेशन आर्मीआ गुडालार आरो पीरू कुनरीनि
खाथियाव जफर एक्सप्रेसखौ गाग्लोबदोंमोन। बे जाथायाव सा 21 दावबायारिफोर आरो साब्रै
रौनिया हान्जानि जवानफोरा जिउ गोमादोंमोन।
ग्लबेल
टेर'रिज्म इन्डेक्स-2025 नि बायदिब्ला, पाकिस्तानाव उदखारि गाग्लोबनायाव थैनायनि
हारआ 45 जौखोन्दो बांदों। 2023 मायथाइयाव उदखारिफोरनि गाग्लोबनायजों हादोराव
थैनायनि अनजिमाया सा 748 मोन। 2024 मायथाइयाव बे अनजिमाया बांनानै 1081 जाबायमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon