PM Kisan yojna 20th installment release status ~ Bodoinfo.com

पीएम किसान 20थि किस्ति नि खालार:

जुदि नोंथाङाबो पीएम किसान बिथांखिजों सोमोन्दो दं अब्ला नोंथाङाबो बेनि 20थि किस्तिखौ नेगासिनो जानो हागौ? नाथाय बे इन्सटलमेन्टखौ माब्ला हगारनाय जागोन? बे इन्सटलमेन्टखौ बे सप्तायाव हगारनो हागौ नामा?

पि.एम. किसान योजनानि 20थि इन्सटलमेन्ट रिलिज बे सप्तायाव:

दानि बे समाव नायोब्ला, हादोराव गोबां रोखोमनि मुलाम्फा गोनां आरो जौगालु बिथांखिफोर सोलिगासिनो दं। रायजो सोरखारफोरा आलादा-आलादायै खामानि मावो आरो मिरु सोरखारा गोबां बिथांखिफोरखौ आलादायै सालायो। बे फारियाव मोनसे बिथांखिया जादों प्रधान मंत्री किसान सम्मान निधि योजना। बेयो भारत सोरखारनि मोनसे बिथांखि, जायनि सिङाव खालि आरजाथाव आबादारिफोरनोल' रांखान्थियारि मुलाम्फा होनायनि राहा दं।
बे बिथांखिनि जोहै हादोरनि आबादारिफोरा बोसोरफ्रोमबो 6,000 रांनि हेफाजाब मोनो। बे रांखौ 2-2 रोजा रांनि मोनथाम किस्टियाव मोननाय जायो आरो दासिम गासै 19 बेबादि किस्टिफोरखौ हगारनाय जाबाय। बेबादि थासारियाव दा 20थि इन्सटलमेन्टनि फारि, नाथाय बे इन्सटलमेन्टखौ माब्ला हगारनाय जागोन? बेनिखायनो फै जों बेखौ मिथिनो नाजादि बे सप्तायाव 20थि इन्सटलमेन्टखौ हगारनो हागौ ना हाया।

बे सप्तायाव इन्सटलमेन्टखौ हगारनो हागोन नामा?

बे खेबाव 20थि इन्सटलमेन्टखौ पिएम किसान बिथांखिनि सिङाव होनाय जागोन, नाथाय दासिमबो इन्सटलमेन्टनि फोसावनायनि सोमोन्दै जेबो मावख'आरि आपडेट गैया। 19थि इन्सटलमेन्टनि फोरमायथिखौ बिथांखिनि मावख'आरि वेबसाइटावबो आपदेट खालामनाय जायो। बेबादि थासारियाव बयबो मिथिनो लुबैयो दि बे किस्टिखौ माब्ला हगारनो हागोन। गुबैयै, पीएम किसान बिथांखिनि सिङाव, मोनफ्रोम किस्टिखौ ब्रै दाननि गेजेराव हगारनाय जायो।

बेखौ नोंथाङा बेबादि साननो हागोन, 17थि इन्सटलमेन्टखौ जुन 2024 मायथाइयाव हगारनाय जादोंमोन, बेनि उनाव 18थि इन्सटलमेन्टखौ अक्ट'बर 2024 मायथाइयाव ब्रै दाननि फारागथियाव हगारनाय जादोंमोन आरो फिन 19थि इन्सटलमेन्टखौ थांनाय फेब्रुवारियाव हगारनाय जादोंमोन। बे बायदियैनो, 20थि इन्सटलमेन्टनि समआ जुनाव जागासिनो दं। बेनिखायनो, बेखौ फोथायनाय जायो दि 20थि इन्सटलमेन्टखौ बे सप्तानि आद्रा थानाय सानफोराव हगारनो हागौ। जुदि बे सप्तायाव होआ अब्ला फैगो दाननि गिबि सप्तायाव होनाय जानो हागौ।

मखजाथावदि पीएम किसाननि रां खौ आधार लिंक थानाय बेंक एकाउन्त आव सो सोना होयो, बेखायनो गिबियाव नोंथाङा रोखा खालामना लानांगोनदि नोंथांनि एकाउन्ताव आदार कार्द लिंक खालामनाय दं ना गैया. मानोना बेबादि गैयाब्ला राङा हाबनाय नङा बेयो 100 जौखोन्दो रोखा।