दिनै 30 जुन 2025 समबार साननि दासिमनि खौरांफोर
1. भारत नि गाहाय
मन्थ्रि नरेन्द्र मोदिनि खुगायाव हलिचरन नार्जारी, दुर्गा बर', अपुर्णा नार्जारी, मनबिर बसुमतारी बिथांमोननि मुं, बितिआर नि सोमोन्दै बिथांखौ मैया बुंनाय नुनो
मोनदों। बितिआर आ मोनसे समाव दावराव-दावसिनि थाखाय मिन्थिजायोमोन । नाथाय दिनै
बड'लेन्डआ गासै हादोरावनो जोलुरनि थाखाय मिथिजायो। गाहाय मन्थ्रि नरेन्द्र मदिआ मैया
बे बाथ्राखौ बुंदों। बिथाङा बुंदोंमोन दि बीटीआर, जाय मोनसे समाव दावराव-दावसि ओनसोलमोन, दा गावनि रोंग'थि गोनां लाइमोन
फुटबलारफोरनि थाखाय मिन्थिजायो ।
बिथाङा
बुंदोंमोन दि ओनसोलनि लाइमोन जोलुर गेलेगिरिफोर, जाय देरहानायनि थाखाय खस्थ आरो
जेंनाफोरखौ फेजेनदोंमोन, गासै हादोरनि थाखाय थुलुंगानि फुंखा जाबाय। मोनफ्रोमबो
दाननि हाबाफारि 'मन की बात' नि समाव बीटीआरआव गोजोन लाबोफिन्नायनि बाथ्रा मख'नानै
मोदीआ बुङो, "बड'लेन्डआ हादोरनि सिगाङाव मोनसे गोदान सिनायथिजों
गसंदों। ओनसोलनि लाइमोनफोरनि गोहो आरो
बिसोरनि फोथायथिया जोलुर गेलेनाय फोथाराव रोखा। "
बिटिआरआव
सोलिबाय थानाय बड'लेन्ड सीईएम कापखौ नोजोर होनानै बिथाङा बुङो, "बेयो मोनसे बादायलायनायल' नङा, बेयो खौसेथि आरो मिजिंनि रंजानाय।
बिथाङा बुंदोंमोन दि 3,700 नि बांसिन
हानजाफोर आरो फ्राय 70,000 गेलेगिरिफोरा बाहागो लादों होनना बुङो।
बिथाङा
बुंबावदोंमोन दि बे अनजिमाया बड'लेन्डनि सोलायनायनि सल'खौ दिन्थियो । बड'लेन्डआ दा
हादोरनि गेलेमु मानसावगारियाव गोजोंसिन जाबाय।
"मोनसे सम दंमोन जेब्ला दाङाबाजिआ बड'लेन्डनि
सिनायथिमोन। लाइमोनफोरनि थाखाय खाबुफोरा
सिमागोनांमोन। नाथाय दिनै बिसोरनि मेगना गोदान सिमांजों बुंफबजोबबाय आरो बिसोरहा
गावनि सायाव सोनारनो साहस दं। गाहाय मन्थ्रि मदिआ बेखौनो बुंदोंमोन।
हलिचरन नार्जारी, दुर्गा बर', अपुर्णा नार्जारी, मनबिर बसुमतारीबायदि गेलेगिरिफोरखौ नोजोर होनानै बड'लेण्ड जोलुर गेलेगिरिफोरा
आथिखालाव गोजौ थाखोआव सिनायथि मोननो हाबाय होन्ना गाहाय मन्थ्रिआ बुङो। बिथाङा
बुंदोंमोन दि बेयो खालि मुंल' नङा नाथाय गोदान जोलैनि
सिनायथियानो बड'लेन्डखौ हायुंआरि थाखोआव लांदों।
2. सोलोंथाय बिफाना
फरायसालिफोराव फोरोंगिरिफोरनि नुजाथिनायखौ लानानै गोरा जादों । बेनि थाखाय
फोरोंगिरिफोरनो गोख्रोङै बिथोन होनाय जादों । गुबैयै गेजेर सोलोंथायनि सामलायगिरि
ममता ह'जाया फरायसालि नायदिंगिरिफोरनो माखासे बिथोन होदों ।
बे बायदियैनो,
गोजौसिन गेजेरारि थाखोनि थाखाय थिसनजानाय फोरोंगिरिफोरनि मोनसे थाखोआ गोजौ
फरायसालियाव फोरोंनो गोसो जायाब्लाबो, नाथाय पस्ट-ग्रेजुवेट फोरोंगिरिफोरनि थाखाय
सोलोंथायारि बोसोर 2025-26 आव गोजौ फरायसालि थाखोनि फरायसाफोरखौ फोरोंनाया
गोनांथार खालामना बिथोन होनाय जादों। गेजेरारि सोलोंथाय बिथोनगिरिया गोदान
सोलोंथायारि बोसोरनि थाखाय मोनबा बोसोन खान्थिफोर फोसावदों। गेजेर सोलोंथायनि सामलायगिरि ममता ह'जाया
रायजोनि गासैबो फरायसालि नायदिंगिरिफोरनो फोसावनाय नेम-खान्थिनि बायदिब्ला,
फोरोंगिरिफोरजों लोगोसे मावफारियाफोराबो थि समाव फरायसालियाव नुजाथिनांगोन।
गासैबो पस्ट
ग्रेजुवेट फोरोंगिरिफोरा गोजौ फरायसालि खोन्दोआव फोरोंनायाव नांथाबनांगोन। फरायसालिनि
गाहायआ बे बायदिनो समफारिखौ थियारि खालामगोन।
फरायसालिनि गाहाया बिथोनफोरखौ गोख्रोङै फालिनायखौ रोखा खालामनो थाखाय बिबान
गोनां। बेराफारसेथिं, बांसिन फोरमायथिनि थाखाय, नुजाथिनायनि फोरमायथि, पस्ट-ग्रेजुवेट फोरोंगिरिफोरा गोजौ फरायसालिनि थाखोफोरनि फोरोंनाय रिपर्टफोरखौ
फरायसालियाव लिरनानै लाखिनांगोन।
गासैबो
फरायसालिफोरा गोख्रोङै फालिनाय बिथोनफोरनि गेजेराव, गासैबो फोरोंगिरिफोरा फुंनि 9
रिंगानि सिगां फरायसालियाव थांनांगोन आरो सोलोंथायारि समफारि बायदियै खामानिखौ
मावनांगोन । शिक्षा सेतु एपआव नुजाथिनाय आरो ओंखारनाय सम मोन्नैखौबो मोजाङै होनाया
गोनांथार ।
मोनफ्रोमबो
थाखोनि थाखो फोरोंगिरिया साफ्रोम फरायसाफोरनि नुजाथिनायखौ रेबगान्थिनायनि बिबानखौ
गावनो लानांगोन। बे खामानिखौ फरायसालिनि गाहायआ नोजोर होनांगोन। फरायसालिफोरनि
गासैबो फोरोंगिरि नङै मावफारियाफोरा फुंनि 10 रिंगानिफ्राय बेलासिनि 4.30 रिंगासिम
नुजाथिनांगोन। जुदि बिफाना गोनांथि जायो अब्ला मावफारियाफोरा फरायसालिनि गासैबो
बिथिंफोरनि रिपर्ट होनो थियारि जानांगोन।
3. गाबोन 1
जुलाइनिफ्राय गोबां नेमफोरखौ सोलायनाय जागोन। रेल भारा, क्रेडिट कार्ड पेइमेन्त, पान कार्ड बायदि गोनांथार खामानिनि नेमफोरा सोलायगोन। बे सोलायनाय नेमफोरा
नोंथांनि गावारि जिउआव गोहोम खोख्लैगोन।
रेलवे टिकेटनि
भाराया बांगोन
रेल बिफाना 1 जुलाई, 2025 निफ्राय मेल आरो एक्सप्रेस
ट्रेनफोराव एसी आरो नन-एसी क्लासनि भाराखौ बांहोनो थियारि खालामगासिनो। ए.सि. नङै (स्लीपार, सेकेन्ड सिटिं बायदि बायदि) आव किल'मिटाराव 1 फैसा आरो गासैबो ए.सि. थाखोफोराव किल'मिटाराव 2 फैसा बांहोनो
हायो। 500 किल'मिटारसिम दावबायनायनि थाखाय
नैथि थाखोनि ट्रेननि तिकेतनि बेसेन आरो एम.एस.टि.आव जेबो सोलायनाय जानाय नङा,
नाथाय जुदि जानथाया 500 किल'मिटारनि बांसिन, अब्ला दावबायारिफोरा किल'मिटाराव खावसे
फैसायै होनांगोन।
तत्काल टिकेटफोरखौ
दा खालि बै दावबायारिफोराल मोननो हागोन जायफोरनि आई.आर.सी.टी.सी. एकाउन्टआ आधारजों
फोनांजाबदों। रेलवे एजेन्टफोरा तत्काल
बुकिं जागायनायनि गिबि 30 मिनिटनि थाखाय टिकेट बुक खालामनो हानाय नङा।
1 जुलाइनिफ्राय
गोदान पान कार्डनि थाखाय आरजलाइ होनाय समाव आधार कार्ड होनाया गोनांथार जागोन। बे
नेमखौ सि.बि.डि.टि.आ बाहायदों। जुदि नोंथांनाव सिगांनिफ्रायनो पान आरो आधार
मोन्नैबो दं, अब्ला बेफोरखौ लिंक खालामनाया गोनांथार जागोन। बबेखानि,
31 दिसेम्बर, 2025 सिम सम होनाय जादों।
क्रेडिट कार्डनि
बिल होनायनि थाखाय गोदान लाहार-फाहार
रिजार्भ बेंक अफ
इन्डियाआ बिथोन होदों दि दा गासैबो क्रेडिट कार्डनि बिलफोरखौ भारत बिल पेमेन्ट
सिस्टमनि गेजेरजों होनाय जागोन।
जि.एस.टि.
रिटार्न दाखिल खालामनाय बिखान्थियाव सोलायनाय
जुलाइ 2025 निफ्राय जि.एस.टि. रिटार्न दाखिल
खालामनायाव गोबाव एबा गोरोन्थि जायोब्ला गोख्रों राहा लानाय जागोन। गुड्स एन्ड
सार्भिस टेक्स नेटवर्क (जी.एस.टी.एन.) आ जी.एस.टी.आर.-3बी फर्मनि सोमोन्दै मोनसे
आपडेट फोसावदों। बे फर्मखौ जुलाइनिफ्राय
सुजुनाय जानाय नङा। थामहिनबा, बेयाव थानाय
खाजोनानि गुदिखिथाया गावनो गाव जी.एस.टी.आर.-1, 1ए निफ्राय आबुं जागोन
आरो खाजोना होग्राफोरा गावनो बेखौ फोसाबनो हानाय नङा।........
28 जुनखालि
पाटनाजों लोगोसे मोनथाम जिल्लानि मोनद' नोगोर खुंथायाव जानाय बिसायख'थियाव मोनसे
पाइलट मावथांखि महरै ई-भ'टिं खान्थिखौ आनजादारि बिथायाव बाहायनाय जादों। बे
मावथांखिनि सिङाव 10,000 नि बांसिन भ'ट होग्राफोरा सिगांनो रेबथुमखांबाय। बे राहाया गोर्बोआव थानाय आइजोफोर, देहायारि लोरबां सुबुंफोर, हायुं बारलांनाय मावसाफोर बायदि बायदिनि थाखाय जुनिया
हेफाजाब होगोन होनना मिजिं थिनाय जादों, जाय भट मिरुआव थांनो हाया।
गोदान एपनि
गेजेरजों रैखाथि गोनां भट होनाय
भ'टिंखौ ‘E-SCI
BHR’ मुंनि मोनसे गोदान ई-भ'टिं
एपनि गेजेरजों लानाय जादोंमोन। बे एपआ थगायनायखौ होबथानो थाखाय जौगा बिरोंदामिन
बाहायो। ब्लकचेन बिरोंदामिननि गेजेरजों भ'ट रेबगान्थि खालामनाय आरो दोनथुमनायखौ
मोनसे सोलायनो हायै आरो रैखाथि गोनां आदबजों खालामनाय जायो।
एपखौ मोखां फोरमान खालामनाय आरो गोरोबनाय खान्थिजों लग इन खालामनो हायो। भ'टार आइ.डि.नि गेबेंथिखौ अ.सि.आर. (अप्टिकल केरेक्टर रिकग्निशन)
आरो डिजिटेल स्केनिंनि गेजेरजोंबो
नायबिजिरनाय जागोन। सानैल' भ'ट होग्राफोरा मोनसे मबाइल नम्बरनि गेजेरजों लग
इन खालामनो हागोन।
अडिट ट्रेल
सिस्टेम, जाय इ.भि.एम. आरो वी.वी.पी.ए.टी. खान्थिजों रोखोमसे, एपजोंबो नांजाबनाय, जाय मोनफ्रोमबो भ'टनि गनायथिखौ रोखा खालामगोन। इ.भि.एम.फोरखौ डिजिटेल महरै "स्ट्रं रुम"आव बन्द खालामनो हायो, जाहाथे फिथायफोराव जेबो
आखाय होनाया जाथावना नङा।
बिहार रायजो
बिसायख'थि कमिसनार दीपक प्रसादआ फोरमायदोंमोन दि बे पाइलट मावथांखिनि
जाफुंसारनायनि सायाव बिथा खालामनानै, इयुनाव बे खान्थिखौ गोबां जायगायाव फेहेरनो
बिथांखि लानाय जागोन। बिथाङा आरोबाव बुंबावदों, "एपआव भ'ट होनायनि गावारि आरो रैखाथिखौ रैखाथि होनो थाखाय मोनसे गोदानथार
साइबार रैखाथि खान्थि दं। "
महाराष्ट्र
केबिनेटनि मोनसे गोनांथार जथुमा रबिबाराव जादोंमोन। जेराव हिन्दी रावनि आयदाखौ
मावफुंनायनि थिरांथानि सायाव सावरायनाय जायो। जथुमाव गुवारै सावरायनायनि जोबनायाव,
सोरखारा 'त्रिभाषा फर्मुला' नि सिङाव हिन्दी रावखौ सोफादेरनायाव लोब्बा थानाय
मोन्नैबो जीआरखौ फोजोबदोंमोन। महाराष्ट्रनि गिबि मन्थ्रिया मोनसे खौरां मेलाव
बिबुंथि होनानै बे बाथ्राखौ फोसावदोंमोन।
मखजाथावदि रायजो
सोरखारा 16 एप्रिल, 2025 आरो 17 जुन, 2025 मायथाइयाव सोरखारि बिथोनफोर फोसावदोंमोन।
बावैसो महाराष्ट्र सोरखारा हायुंआरि सोलोंथाय खान्थि (एनईपी)
2020 नि सिङाव मोनसे थिरांथा लादोंमोन। थिरांथा बायदियै, फरायसाफोरखौ थाखो सेनिफ्राय थाम रावारि फरमुलानि सिङाव फोरोंनाय जागोन। बे
फर्मुलानि सिङाव फरायसाफोरखौ मोनथाम राव फोरोंनाय जायो - बिमा राव, हिन्दी आरो इंराजि।
नाथाय
महाराष्ट्रनि गुबुन गुबुन जायगाफोराव सोरखारनि थिरांथाखौ गोख्रोङै हेंथा होनाय
जादोंमोन।
टियाक पुलिस
थानानि सिङाव थानाय मरिय'नीनि दालिम खनिनि साहा बागाननि टिंग लाइननि थागिरि
जितेन्द्र फुलमालीआ गावनि बिसि निरुपमणि फुलमालीखौ प्लेन खालामनानै बुथारदोंमोन
आरो न'नि सिङावनो गारना दोननायनि अजद होदों। जाथायनि उनाव दायनिगिरि जितेन्द्र
फुलमालीआ न'निफ्राय खारखोमालाङो । नखरा गिबियाव निरुमानिनि बिफानि नखरखौ बुजिहोनो
नाजादोंमोन दि बिथाङा बे बेरामजों थैदोंमोन, नाथाय नखरनि सुबुंफोरा अजद होदोंमोन
दि बेयो मोनसे सानथांखि खालामना बुथारनायमोन ।
बेनि उनाव,
पुलिसआ जाथायनि सायाव नायबिजिरनायखौ जागायदोंमोन आरो दायनिगिरि जितेन्द्र फुलमाली
आरो बिहाव-बिखुनजोखौ नागिरनानै न'आव थांदोंमोन। निरुपमणि फुलमालीनि गोथै सह'खौ उनाव बोखांनो
हायो आरो पुलिसा पस्टमर्टेमनि थाखाय दैथाय हरो।
भारतआ
सुक्रुबाराव गोबां बांग्लादेशी बेसाद लाबोनायखौ बन्द' खालामदोंमोन। बेयाव फाथोनि
दिहुनथायफोर आरो जि-जोम बायदिफोर दंफायो।
डायरेक्टरेट
जेनेरेल अफ फरेन ट्रेडजों फोसावजानाय मोनसे फोसावथायनि बायदिब्ला, महाराष्ट्रनि
नवसेबा लैथो गाथोननि गेजेरजोंसो बेफोरखौ लाबोनो हागोन।
नाथाय बे
होबथानाया भारतनि गेजेरजों नेपाल एबा भूटानाव थांनाय मुवाफोरनि थाखाय बाहायजानाय
नङा। बिनि सिगाङाव 17 मेआव मिरुआ बांग्लादेशनिफ्राय जि-जोम आरो जाग्रा बेसाद
लाबोनायखौबो बन्द' खालामदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon