दिनैनि दासिमनि मोननैसो खौरांफोरा जाबाय।
1. पहलगाम
गाग्लोबनायनि उनाव, भारतआ पाकिस्तानखौ मोनसे सोलोंथाइ होनो थाखाय सिन्धु दै
गोरोबथाखौ दोनथ'दोंमोन। बै समनिफ्रायनो पाकिस्ताना सिन्धुनिफ्राय थरथिंसेबो दै
मोनाखै। गोरोबथाखौ दोनथ'नायनि उनाव पाकिस्ताना गोब्राब दैनि आंखालजों मोगा-मोगि
जानांदोंमोन। पाकिस्ताना दै बिनानै भारतनो मोनसेनि उनाव मोनसे लाइजाम दैथायहरदों।
भारतआ दा गावनि थिरांथाखौ सोलायगोन नामा?
गिबि खेबनि
थाखाय भारतआ गोरोबथाखौ दोन्थ'नो थिरांथा लादों । नाथाय बृहस्पतिबाराव मिरुनि दै
फुंखा मन्थ्रि सीआर पाटिलआ रोखा खालामदोंमोन दि पाकिस्ताना जेसेबांखि लाइजाम लिरा
मानो, भारतआ सिन्धु दै गोरोबथाखौ दोनथ'नो गावसोरनि गसंथानायखौ
सोलायनाय नङा।
बावैसो
पाकिस्ताननि दैदेनगिरि आरो बारग' मन्थ्रि बिलावल भुट्टोआ भारतखौ सिन्धु दै
गोरोबथाखौ दोनथ'नायनि थाखाय हुमखि होदोंमोन। बे बिथिङाव, भारतनि मिरु मन्थ्रिआ
फिननाय होदोंमोन आरो बुंदोंमोन, "दैआ जेरावबो थाङा..बियो जा बुंदों बेयो बिनि
बिबुंथि...जों बे सिगिनायखौ गिया। भारत सोरखारा जा थिरांथा लायो बेयो हादोरनि
थाखाय मुलाम्फा गोनां जागोन। "
भारतआ 22 एप्रिलाव
पहलगामाव उदखारि गाग्लोबनायनि उनाव पाकिस्तानजों सिन्धु दै गोरोबथाखौ दोनथ'दोंमोन।
मिरुआ रोखा दि थै आरो दैआ जयै बोहैनो हाया। जेब्लासिम पाकिस्ताना
उदखारिफोरखौ हेफाजाब होनायखौ बन्द' खालामा, अब्लासिम सिन्धुनि दैखौ होनाय जानाय
नङा।
2. गिबि मन्थ्रि ड० हिमन्त बिश्व शर्मानि मासि सामलायनायाव आसाम सोरखारनि सप्तायारि केबिनेट जथुमाखौ मैया (सुक्रबार) दिसपुरनि लोकसेवा भवनाव खुंफुंनाय जायो। केबिनेटआव गोबां गोनांथार थिरांथाफोर लानाय जादोंमोन। गिबिमन्थ्रि हिमन्त बिस्व शर्मा बिथाङा मोनसे खौरां मेलाव केबिनेट थिरांथाफोरखौ फोसावो।
केबिनेटआव लानाय
गोनां थिरांथाफोर :
A. मैयानि
केबिनेटआ रायजोआव 942 नामघर, थानसालि, क्लाब, आइजो आफादफोर बायदिनि थाखाय हा
राननायनि थांखिखौ गनायथि होयो। बेजों
लोगोसे, सोलोंथायारि फसंथानफोर
आरो समाजारि आरो हारिमुआरि आफादफोरनि थाखाय 1977 हा राननायनि थांखिखौ गनायथि होनाय
जादों।
B. रायजोआव
जिल्ला परिषदफोरनि बिसायख'थिया आबुं जाबाय। मैयानि केबिनेटआ जिला परिषदफोरनि
आफादगिरि आरो लेङाइ आफादगिरिफोरनि बिसायख'थिजों लोब्बा लाखिनानै मोनसे लटरी खान्थिनि गेजेरजों आइजोफोर,
फारियाव सोजानाय हारि आरो फारियाव सोजानाय
हारिसाफोरनि थाखाय थिखानाय खान्थिखौ
गनायथि होयो। बेयो आबुं आखा-फाखा आरो गुननि सायाव बिथा खालामनानै सायख'नाय
बिखान्थिखौ रोखा खालामगोन।
C. मरान
आरो माटक हारिफोराल' मारन गावखुंथाय गौथुम आरो मटक गावखुंथाय गौथुमनि बिसायख'थियाव
गावसोरनि भ'टखौ होनो हागोन। बे थिरांथाखौ मैयानि केबिनेटआव लानाय जादोंमोन। बेनि
थाखाय भ'ट होग्राफोरनि फारिलाइखौ आलादायै फोसावनाय जागोन। गुबुन सुबुंफोरखौ बे
बिसायख'थि फारिलायाव सोफानाय जाया। भ'टार
फारिलाइआ थियारि जानायनि उनावसो बिसायख'थि जागोन। मरान-मटक गावखुंथाय गौथुमनि बिसायख'थिया नबेम्बर-दिसेम्बराव जागोन।
D. सानफ्रोमबो
आसामनिफ्राय सा 20 निफ्राय 30 सुबुंफोरखौ पुस बेक खालामनाय जायो नाथाय पुलिसा
बयखौबो हमनो हायाखै। मैयानि केबिनेटआव बे आयदानि सायाव सावरायनाय जादोंमोन। आधार
कार्डआ आसामाव गोबां बोसोर सिगांनिफ्रायनो दं। बैसोगोराफोरा आरोबाव आधार लानायनि
गोनांथि गैया मानोना बिसोरनो
सिगांनिफ्रायनो आधार होखाबाय। दायो आधारखौ गथ'फोरनोल' होनांगौ। दायो मोनसे नेम
लाबोनाय जागोन आरो फैबाय थानाय केबिनेटआव बेनि सायाव सावरायनाय जागोन दि बैसोगोरा सुबुङा आधार लुबैयोब्ला जिल्ला बेंगिरियाल'
होनो हागोन। सासे बैसोगोरानो रावबो आधार होनो हानाय नङा। जायनि जाहोनाव
बांग्लादेशनि गोदान सुबुंफोरा आधार कार्ड लानो हानाय नङा। जों लामाखौबो होबथायाखै, जुदि सोरबा जोग्य सुबुंफोर दंब्ला बिसोरनो जिल्ला बेंगिरिया होनो हागोन।
सिगाङाव आधार कार्डखौ आधार मिरुआव एबा एस.डी.सी. मावख'आव मोननाय जायोमोन, दा आधार मोननायनि लामाया अब्लासिम बन्द जागोन जेब्लासिम डि.सि.आ गावनो नाया।
बेयो मोनसे गिदिर राहा जागोन जाहाथे गोदान
गुबुन हादोरारिफोरा आधार मोना। बेनि सायाव मोनसे नेमखान्थियारि थिरांथा फैबाय
थानाय केबिनेटआव लानाय जागोन।
3. बर' कछारी वेलफेयार अट'नमास काउनसिल ओनसोलनि फरायसाफोरनि थाखाय मोनसे मोजां खौरां। बितिआर सोरखारा मोनसे मोजां खामानि मावनो थांगासिनो।
बिटिआर सोरखारा मुंदांखा बड'फा इउ.एन. ब्रह्म सुपार
50+ मिसननि सिङाव बर' कछारी वेलफेयार अट'नमास काउन्सिल ओनसोलनि सिभिल सार्भिसनि बिजाथिफोरनि थाखाय बेसेन नाङै इउपिएससि/एपिएससि कचिं फोसावदों।
BKWAC नि सोरबाफोरा फ्रि
आव नो एपिएससि इउपिएससि नि कसिं लानो गोसोब्ला दानो एप्लाई खालामनो हागोन:
education.bodoland.gov.in नि गेजेरजों। 1 जुलाइ निफ्राय हागोन होनना मिथिना मोनदों आरो बेनि जोबथा
खालारा 15 जुलाइ जागोन।
4. बोडोलैंड पीपुल्स फ्रंट – BPF नि गाहाय आरो बितिसि नि बारग गाहाय हाग्रामा महिलारि बिथाङा
सेप्तेम्बराव जानो गोनां बितिसि बिसायखथियाव इउपिपिएल दोलो नि बेरेखा खाम्फा
बरगयारि बिथांनि बियाबाव गावनो बिजाथि जानानै बिसायखथि गेलेगोननि सोमोन्दै
खौरांगिरिफोरनि सिगाङाव फोरमायदों। दाबो फाइनेल जायाखैब्लाबो गेलेगोननि सोमोन्दै
बुंदों बिथाङा। मखजाथावदि खाम्फा बरगयारि बिथाङा बिपिएफ दोलोनिफ्राय इउपिपिएल दोलो
आव थांबाय आरो बिथांनि बियाबाव रन्जित बसुमतारि बिथाङा दा एमसिएलए जानानै दं जाय
बितिसि सोरखारनि इएम बो।
खौरां बिजोंनि सिगाङाव मोहिलारीआ बुंबावयोदि
रन्जित बसुमतारी उफ्रा मुं बि. फेरेंगाया
जेननायखौ रोखा खालामगोन होनना। मखजाथावदि मैया बाउखुंग्रि
बितिसि बियाबनि सिंनि बासबारियाव बिपिएफ दोलोनि मावफारियाफोरनि जथुम खुंनाय
जादोंमोन, बे हाबाफारियाव मुंदांखा मेथाइ खनगिरि बिग्राय ब्रह्म आरो गौतम ब्रह्म
बिथांमोनखौ बिपिएफ दोलोखौ मदद खालामनायखौ नुनो मोनदोंमोन।
5. पुरीनि रथ यात्रायाव गोबां होंगो-दोंगोनि जाहोनाव खारला खारसि जादोंमोन। बे जाथायाव सा 581 सुबुंफोरा जोखोम जादोंनि खौरां मोनदों। खमैबो सा दाइन जोखोम जानायफोरा गोब्राब थासारियाव दं। बिथांमोनखौ दायो देहा फाहामसालियाव थिसननाय जादों। मिथिनो मोननाय जायोदि जगन्नाथ, ब'ल्लम आरो सुभद्रानि रथ ओंखारबोनायनि सिगांनो लाख-लाख सुबुंफोरा लामायाव ज' जादोंमोन।
रोजा रोजा
सुबुंफोरा रथनि दिरुंफोरखौ दांनो थाखाय जायगायाव ज' जायो। रथखौ जायगानिफ्राय से
खावसेनिफ्राय नै किल'मिटार गोजानाव गुन्डिसा थानसालि फारसे बोनाय जादोंमोन। बै
समावनो थासारिया सामलायनायनि बायजोआव थाङो। रायजो राजानि नारला नारसिनि जाहोनाव सा
581 गोथार थावनि दावबायारिफोरा जोखोम जादोंमोन। सा 581 जोखोम जानायफोरनि
गेजेराव सा 173 खौ एच.डि.इउ.आव थिसननाय जादों। सा 68 खौ अ.पि.डि.आव थिसननाय जादों।.....
6. सानसेनि हाबाफारिजों बंगाइगावआव गार्जियान मन्थ्रि रन्जित कुमार दासआ नुजाथिदोंमोन, मन्थ्रिआ जिल्ला कमिसनारनि मावख'नि सावराय जथुम खथायाव खुंनाय मोनथाम जिल्ला थाखोनि सायख' आफादनि मेलफोराव बाहागो लादोंमोन ।
सायख' आफादनि
मेलाव बरपेटा लकसभा बियाबनि एम.पि. फनि भुसन चौधुरी, बंगाइगावनि
एमएलए दीप्तिमयी चौधुरी, बंगाइगाव नोगोर खुंथायनि मेयर सुबध चन्द्र दास, समाज सिबियारि
हिमनि अधिकारी, जिला परिशदनि सोद्रोमाफोर बाहागो लादोंमोन ।
बेयावनो बिथाङा
बितिसि बिसायखथिनि सोमोन्दै बुंनायखौ नुनो मोनदोंमोन।
बंगाइगावनि
गार्जियान मन्थ्रि रन्जित दासआ बुंदों दि बि.जे.पि. दोलोआ सुबुंफोरखौ सासन खालामनो
फैया, सुबुंफोरखौ सिबिनो थाखायसो फैयो। बे बिबानगिरिखौ मोनफ्रोमबो थाखोआव
बि.जे.पि. नि आफादखौ गोख्रों खालामनायनि मोजांनि थाखाय थिसननाय जादों। बि.टि.आर.
बिसायख'थियाव जाय राजखान्थि दोलोआनो बांसिन मासि मोनगोन, बि.जे.पि. दोलोआ बै दोलोजों गोरोबथा खालामगोन।
बेयो जोंनि नोजोराव गैया दि गुबुन बेरेखा
दोलोफोरा बि.टि.आर. बिसायख'थिनि थाखाय सावरायलायदोंना
सावरायलायाखै। फैबाय थानाय
बिटिआर बिसायख'थियाव बि.जे.पि.आ खमैबो मोन 18 मासि देरहागोन। '' होनना बो बुङो
बिथाङा।....
7. मोनसे सोमोनांथाव जाथायनि खौरां
मोनदों, गावनि जोनोमगिरि बिमाखौनो रुवाजों दानथारना सिथ्ला गेजेराव सावदों धनजित
बर' मुंनि सासे
सुबुङा।
8. आमेरिकाया भारतजों मोनसे गिदिर फालांगियारि गोरोबथा खालामनायनि लामायाव दं। बे बाथ्राखौ आमेरिकानि हादोरगिरिया गावनो बुंदोंमोन। बावैसो आमेरिकाया चीनजों मोनसे फालांगियारि गोरोबथायाव सागान होदोंमोन। बिनि उनाव, बे खेबाव आमेरिकाया भारतजों मोनसे गोरोबथायाव सागान होनो आवगायगासिनो दं।
ट्राम्पआ
बृहस्पतिबाराव ह्वाइट हाउसआव 'बिग ब्युटिफुल
इभेन्ट' मुंनि मोनसे हाबाफारियाव
बाहागो लानाय समाव बे बाथ्राखौ फोसावो। ट्राम्पआ गावनि बिबुंथियाव बुंदोंमोन,
"बयबो जोंजों गोरोबथा
खालामनो लुबैयो। सानना नाय, माखासे दान सिगां, फोसाव बिजोङा बुंदोंमोन, आमेरिकाजों
फालांगियारि गोरोबथा खालामनो गोसो जानाय माबाफोर हादोर दं नामा? आं बिसोरखौ
गोसोखांहोनो लुबैदों, जों सिगांनि समाव
चीनजों सुक्ति खालामदोंमोन। जों आरोबाव मोनसे गिदिर गोरोबथा खालामनो थांगासिनो, जानो हागौ
भारतजों। बेयो मोनसे गिदिर, गिदिर सुक्ति जागोन। "
बेखौ नोजोर होनो गोनां दि ड'नाल्ड ट्राम्पआ नैथि खेबनि थाखाय ह्वाइट
हाउसआव हाबनायनि उनावनो गोदान खाजोना खान्थिखौ फोसावदोंमोन। बे खाजोना खान्थिया
भारतआवबो गोहोम खोख्लैदोंमोन। बबेखानि, आमेरिकानि गोदान टैरिफ पलिसिखौ बाहायनायनि
उनावबो, गोदान टैरिफ पलिसिखौ गिबियाव भारतजों सावरायनायनि जोबनायाव 90 साननि थाखाय
दोनथ'नाय जादोंमोन।
जोबथा समआ 8
जुलाइआव जोबगोन। बेनिखायनो, बे समनि गेजेराव, मोन्नैबो हादोरनि गोजौ थाखोनि
मावख'गिरिफोरा खनले-खनले लोगो हमबाय आरो फालांगिजों सोमोन्दो थानाय गोदान लामाफोर
नागिरबाय थादों। मिथिनो मोननाय बायदिब्ला थांनाय सानब्रैआव मोन्नैबो हादोरनि
मावख'गिरिफोरनि गेजेराव बन्द' खथाफोराव गोथौयै सावरायनाय जादों। बे समावनो,
ट्राम्पनि बिबुंथिया इंगित होयो दि सावरायनाया जाफुंसारगोन।
ट्राम्पआ
बुंदोंमोन दि गासैबो हादोरफोरजों फालांगियारि खान्थिनि सायाव बेबादि सावरायनाय
जानाय नङा। खालि लाइजामनि गेजेरजोंल' बिसोरनि थाथायखौ रोखा खालाम। हादोरा 25
निफ्राय 45 जौखोन्दो खाजोना होनांगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon