दिनैनि दासिमनि मोननैसो खौरांफोरा
जाबाय।
1. माब्लाबा माब्लाबा नोंथाङा बहाबा बेरायनो थांनो लुबैयोब्ला, ट'ल टेक्सनि बाथ्रा साननानै गोसोखौबो गाज्रि खालामना लानो गोनां जायो नामा। रंजानाय समखौ दोनथ, खैफोदनि समावबो तोल तेक्स होनानैसो लामाजों थांलाय फैलाय खालामनांगौ जायो।
बे समावनो,
सम-सम गुबुन गुबुन बिरथिंनाय खौरांफोरा खौरांनि हेडलाइन्स लायो । साननैसो सिगां
खौरां बिजोंनि मोनसे बाहागोनिफ्राय खौरां फैदोंमोन दि दानिफ्राय साखा-खबनै
गारिफोरावबो ट'ल टेक्स लानाय जागोन होनना। नाथाय बेखौ मिरु मन्थ्रि नितिन गडकरीया
नेवसिगारदों ।
गडकरी बिथाङा
बृहस्पतिबाराव एक्सआव लिरदों, "मीडिया हाउसफोरनि मोनसे बाहागोआ साखा-खबनैनि सायाव ट'ल टेक्स
लानायनि नंखाय खौरां फोसावगासिनो दं। बेबादि जेबो थिरांथा लानाय जायाखै। साखा खबनै गारिफोरनि बेलायाव ट'ल टेक्सखौ
आबुङै रेहाय होनाय जागोन। सैथोखौ मिन्थियालाबानो नंखाय खौरां फोसावनानै मोनसे सोमोनांथाव
थासारि सोमजिहोनाया गोग्गो रादाब बुथुमनायनि नेरसोन नङा। आं बे बाथ्राखौ
सोंखारिदों। "
भारतारि
हायुंआरि राजालामा बिगोमा (एन.एच.ए.आइ.)आबो आलादायै रोखा खालामदोंमोन दि बेबादि जेबो थांखि
लानायनि सायाव साननाय जायाखै । "साखा-खबनैनि थाखाय ट'ल बेसेन लाबोनायनि
जेबो सानथांखि गैया। "X आव NHAI आ लिरदों।
गुबुन फारसेथिं, फासटेगनि सायाव बिथा खालामनाय बोसोरारि पासफोरखौ लाबोनो
थियारि खालामनाय जादों जाय दावबायारिफोरनो 'गिदिर रिलिफ'
होगोन। बेयो राङारि बजाखौ बाङाय खालामगोन आरो ट'ल प्लाजायाव थानायनि
गोनांथि गैयाजासे दावबायनायखौ गोरलै खालामगोन।
बोसोरारि पास
बिथांखिनि सिङाव, दावबायारिफोरा हायुंआरि राजालामायाव 200 ट'ल प्लाजाखौ बारनो
थाखाय बोसोराव 3,000 रांल' होनांगोन - जाय सिगांनि गरा 10,000 रांमोन। बे
बिथांखिया 15 आगस्तनिफ्राय गोहोम गोग्लैगोन।
मन्थ्रि गडकरीआ
बुंदोंमोन दि गोदान खान्थिनि फिथाय महरै मोनफ्रोम क्रसिंआव 15 रांनि गर ट'ल खरसा
जागोन, जाय आथिखालनि गरनिफ्राय जोबोद बाङाइ आरो सरासनस्रा राजालामा बाहायगिरिफोरखौ बोसोराव
7,000 रांसिम रैखा खालामनायनि
आसा दं।
बे हमनाया
हादोरनि रैखाथि एजेन्सिफोराव मोनसे सोमोनांथाव थासारि सोमजिहोदों । राजस्थान
सीआईडी बिफाननि संगालिफोरा जोबोद सोलोजों विशाल यादव मुंनि दिङा सान्थ्रि बिलडिंनि
गोजौ थाखोनि हेफाजाबगिरिखौ खादोंमोन ।
विशालआ
हरियाणानि रेवाड़ीनि पुन्सिकानि थागिरि । मावख'गिरिखौ बुधबाराव 1923 मायथाइनि
मावख'आरि गुमुर आयेननि सिङाव खानाय जादोंमोन ।
इन्सपेक्टर
जेनेरेल अफ पुलिस (सीआईडी सिकिउरिटि) विष्णुकान्त गुप्ताया बुंदों, "सीआईडीनि
राजस्थान इन्टेलिजेन्स बिफाना पाकिस्ताननि इन्टेलिजेन्स एजेन्सिफोरजों मावनाय
खामानिफोरखौ अरायसम नोजोर होगासिनो दं। दिल्लीनि दि नेभि बिलडिंनि डकयार्ड
डाइरेक्ट'रेटआव खामानि मावग्रा विशाल यादवआ ससियेल मीडियानि गेजेरजों पाकिस्ताननि
इन्टेलिजेन्स एजेन्सिनि सासे आइजो सामलायगिरिजों अरायसम सोमोन्दोआव दंमोन। आइजोनि
नंखाय मुं प्रिया शर्मा आइजोआ नेभि बिलडिंनिफ्राय गोरलैयै आन्दोआरि खौरां मोन्नो
थाखाय विशालखौ नोगोद रांजों लुबैहोगासिनो दंमोन।
रांखौ क्रिप्ट'
आरो बेंक एकाउन्टफोराव लानाय जादोंमोन।
गिबि
नायबिजिरनायाव मिथिनो मोनो दि विशाल यादबआ अनलाइन गेमनि निसा दंमोन, बियो
रांखान्थियारि गोनांथिफोरखौ आबुं खालामनो थाखाय हादोरनि रैखाथिजों गेलेनो
जुरिजेनदोंमोन ।
बियो गावनि
क्रिप्टोकरेन्सी ट्रेडिं एकाउन्टआव यूएसडीटी मोनदोंमोन आरो पाकिस्तानाव थानाय आइजो
संगालिनो गोनांथार आरो गोसो गोनां खौरां होनानै थोंजोङै बेंक एकाउन्टआव रां
मोनदोंमोन ।
अपारेशन
सेन्दुरजों सोमोन्दोआव थानो हागौ
दायनिगिरिनि
मबाइल फननि फरेन्सिक बिजिरनाया माखासे मुगैथाव जाहोनफोरखौ दिन्थिदों। बिनि मबाइल
फनाव मोन्नाय खारिथि आरो फोरमानलाइनिफ्राय मिथिनो मोनो दि अपारेशन सेन्दुरनि समाव,
विशाल यादबआ पाकिस्ताननि आइजो सामलायगिरिनो नेभि आरो गुबुन रैखाथिजों सोमोन्दो
गोनां आन्दोआरि फोरमायथि होदोंमोन। इन्टेलिजेन्स एजेन्सिफोरनि सन्देह' दि बे
सुबुङा गोबाव समनिफ्रायनो बेबादि खामानि मावगासिनो दंमोन, जोबनायाव सैथो फोरमान
जायो।
बे मेलखौ लोगो नेहाथारि (सा-सानजा), एमएचए, निरज कुमार बनस'दआ दैदेनदोंमोन आरो बेवहाय एमएचएनि लेङाइ नेहाथारि एन. आर. मिन्ज, आसाम सोरखारनि नखर बिफाननि नेहाथारि पार्थ मजुमदार, एडिजिपि हिरेन नाथ आरो बिटिसिनि गाहाय नेहाथारि आकाश दीपआ बाहागो लादोंमोन।
सावरायनायाव सागानगिरि
आफादफोर - दुलाराय बर' फरायसा आफाद (एबसु), बारग' एनडिएफबि आरो इउनाइटेड बर' पिपुल्स
अर्गेनाइजेसन (इउबिपिअ')नि सा 10 सोद्रोमानि थान्दै हान्जाया बाहागो लादोंमोन।
बे जथुमायाव गोरोबथानि सिङाव सुस्रांजायै गाहाय जेंनाफोर आरो गोनांथि दाबिफोरनि सायाव
नोजोर होनाय जादोंमोन।
सनितपुर, बिस्वनाथ
आरो बिटिआरजों नांजाबनाय खोलायारि ओनसोलफोराव बर'-बांसिन गामिफोरखौ सोफादेरनो थाखाय
बिटिआरनि फेहेरनाय बायदि आयदाफोर; बिटिआरनि बांसिन जारखुंथाय आरो गोहोखौ रोखा खालामनो
थाखाय दफा 280 आव सोदांनाय आरो थाथ'नाय 125थि संबिजिरारि सोदांनाय बिल; कार्बि आंलंआव
थाग्रा बर' कछारी सुबुंफोरनो सेडियुल ट्राइब (हिल्स) बिमुं होनाय; TAC आरो RHAC नि
सिङाव BKWAC गामिफोरनि गोख्रै फोसावनाय; बिटिआर ओनसोलनि सिङाव एफआरए आयेनखौ आबुङै मावफुंनाय;
सोरखारि रायजोआरि खालामनायनि सिङाव सोलोंथायारि फसंथानफोरखौ सोफादेरनाय; केस बोखांनाय, मुंख्लंफोरनि नखरफोरनो अनसुंथाइ होनाय आरो बारग' केडारफोरनि फिन थांना थाफिन्नायनि राहानि सायाव सावरायनाय जादोंमोन।
सागान होग्रा बर'
आफादफोरा सावरायनायखौ सोरजिलु आरो फिथाइ-गोनां होनना बुंदोंमोन, जेराव आद्रा थानाय
रादायफोरखौ गोख्रै आरो सम सिमा गोनां मावफुंनायाव गोसो होनाय जादोंमोन।
ABSU दैदेन्नाया
2026 माइथायनि सिगां नुनाय दावगानायनि दाबिखौ गोख्रोङै बुंफिन्दोंमोन आरो सांग्रांथि
होदोंमोन दि थिखानाय समसिमानि गेजेराव खामानि मावनो हायाब्ला बर' सुबुंफोरनि मोन्थाय
आरो लुबैनायफोरखौ जाफुंहोनो थाखाय सुबुंखान्थियारि सोमावसारनायनि गोनांथि जानो हागौ।............
4. जोंनि दोलोनिफ्राय जायफोरा ओंखारलांबाय
बिसोरखौ लाफिननायनि जेबो सोंनायानो फैया, जों नायगोन सोरखौ लानो हायो हागोन हाया। सेप्तेम्बर
दानाव फुजा नि सिगाङाव जानो गोनां बितिसि बिसायखथियाव बिपिएफ दोलोआ हारसिंनो देरहानानै
सोरखार दागोन होनना बुंदों बितिसिनि बारग गाहाय आरो बिपिएफ नि गाहाय हाग्रामा महिलारि
बिथाङा। सोरखार दायोब्ला मा मा मावगोन बेखौ रायजोफोरनि सिगाङाव फोरमायना होखादों
होनना मिथिहोदों।
मैया बिथाङा इउपिपिएल दोलोनि
सोमोन्दैबो बुंनायखौ नुनो मोनदोंमोन, इउपिपिएल दोला गिनानै दं, प्रमद बरआ बुं
हायोब्ला बुं रावबो दोलोजों लोगो जायालासै इलेकसन गेलेगोन होनना दिनै हायोब्ला
गावनि खुगाजों बुं होनना बो फोरमायो, लोगोसे चन्दन ब्रह्म नि राजखान्थि इयुना
जोबबाय होननाबो खौरांगिरिफोरनि सिगाङाव बुंबावो।
ककराझारनि बड'लेण्ड
गेस्त हाउस आव खौरांगिरिफोरनि सिगाङाव बिटिआरनि मावफुं सोद्रोमा उइलसन हासदा
आरो बिटिसिनि सोलोंथाय बिफाननि डाइरेक्टर जगदीश ब्रह्मआ बुङो दि सोरखारा गाहाय मावफुं
सोद्रोमा प्रमद बर'नि दैदेन्नायाव बिटिआरआव फरायसाफोरनि सोलोंथायारि आरो गावारि जौगानायनि
थाखाय गोबां जौगालु राहा लादों।
हासदा बिथाङा बुंदोंदि डर्मेटोग्लिफिक्स मल्टीपल इंटेलिजेंस
टेस्ट (डीएमआईटी) खौ सोरखारि आरो
सोरखारि नङि थाखो 5 निफ्राय 12 सिमनि फरायसाफोरनि थाखाय गोनांथार खालामनाय जागोन। बे हाबाफारिनि थांखिया फरायसाफोर आरो बिमा-बिफाफोरखौ
जोनोमारि रोंग'थिफोर, सोलोंथायनि रोखोमफोर आरो मेलेमारि गोहोफोरखौ सिनायनायाव मदद होनाय,
जायजों इयुननि सोलोंथायारि आरो जिउ राहा सायख'नायफोरखौ बांसिन गोहोम गोनां महरै लामा
दिन्थिनाय जायो।
गोजौ सोलोंथाय फरायसाफोरनि
थाखाय 5 लाख इन्सुरेन्स कभारेज: डिग्री आरो पस्ट ग्रेजुवेट फरायफारियाव मुं थिसननाय
फरायसाफोरनो 5 लाख रांनि इन्सुरेन्स कभार होनाय जागोन,
खैफोदनि समाव राङारि रैखाथि होनाय, नखरफोरनि थाखाय गोसोनि गोजोनखौ रोखा खालामनाय।
फरायसालिमाफोराव
गोनांथार य'गा फोरोंथाय:
देहायारि फिटनेस,
गोसोआरि सुखु-गोजोन आरो आब्रुथिखौ बांहोनो थाखाय बीटीआरनि सिङाव थानाय गासैबो फरायसालिमाफोरनि
फरायसाफोरनि थाखाय य'गा फोरोंथायखौ गोनांथार खालामनाय जागोन होनना मिथिहोदों।
दैबानायाव दासिम
खमैबो साबा सुबुंफोरा जिउ खोमानांबाय, गिबि मन्थ्रि सुखविन्दर सिंह सुखुआ
बृहस्पतिबाराव रोखा खालामो दि गोबां सुबुंफोरा गोमानानै दं ।
थांनाय 24
घन्टायाव गोबां अखा आरो दैबानाया कुल्लू आरो कांगड़ा जिल्लाफोराव खहा खालामदों,
न'फोर, लामाफोर आरो मोब्लिब खान्थिफोरखौ खहा खालामदों।
एएनआइजों
रायज्लायनायाव, गिबि मन्थ्रि सुखुआ बुंदोंमोन दि साबा सुबुंफोरा बुथारजादोंमोन आरो
साबा गुबुन सुबुंफोरा गोमानानै दं । गिबि मन्थ्रिआ बुंदोंमोन, "दासिम जों
साबा सुबुंफोरनि सोमोन्दै खौरां मोन्दों जाय अखा आरो दैबानाजों थैदों। कुल्लू
जिल्लायाव साथाम सुबुं गोमानायनि खौरां मोननाय जादों । रैखाथि हाबाफारिया
सोलिगासिनो दं । ''
बिथाङा
बुंबावदों दि कांगड़ानि धर्मशाला ओनसोल आरो हिमालय बेल्टनि माखासे बाहागोफोराव
जोमै गावनायनि जाहोनाव गोबां खहा जादों ।
"जों मोनसे हाइ एलार्ट फोसावदों। जाय रोखोमनि
सांग्रांथि होनाय जागोन बेनि थाखाय जों आबुङै साखा-फारा जानांगोन।
जों बे आयदाखौ जोबोद गोथौयै लागासिनो दं, "गिबि मन्थ्रि सुखुआ बुंदों।
भारतनि बोथोर
बिगियान बिफाना सिगांनिफ्रायनो बे ओनसोलाव फैगौ माखासे सानफोरनि थाखाय अखा हागोननि
इयुन रादाब होखाबाय। हिमाचल रायजो सोरखारा जानो हागौ जायखिजाया जाथायजों मोगा-मोगि
जानो थियारि जाबाय।
बेखौ स्पेसएक्सआ
रोखा खालामदों। बे डकिंखौ गावसोरनि
मावख'आरि एक्स एकाउन्टनि गेजेरजों
पस्ट खालामनानै रोखा खालामनाय जादों।
फाल्कन-9 रकेट आरो ड्रेगन अख्रां दिङाया बुधबाराव फ्ल'रिडायाव नासानि केनेडी स्पेस
स्टेशननिफ्राय बिरदोंमोन। डकिं
खालामखांनायनि उनाव हान्जानि
सोद्रोमाफोरा 14 सानसिम अख्रांमायाव थागोन।
भारतारि
अख्रांमा दावबायारि शुभान्शु शुक्लाजों लोगोसे एक्स-4 हानजाखौ हानजायाव सोफानाय जादों - आमेरिकानि
कमान्डार पेगी व्हिटसन, पलिश मिशन रोंग'सार सावस वुजनोवस्की-विन्युस्की आरो हांगारीनि
तिबर कापु। मिशन पाइलट शुक्लाया अख्रांमायाव थांनाय नैथि भारतारि अख्रां
दावबायारि। बिनि सिगां 1984 मायथाइयाव विंग कमांडर राकेश शर्माया
अख्रांमायाव दावबायनानै जारिमिन सोरजिदोंमोन।
गोदान मुगायाव
केन्सारखौ फोजोबस्रांनो थाखाय बायदि रोखोमनि आदबफोर दिहुननाय जादों। बे बिथिङाव केम'थेरापी
आरो रेडिय'थेरापीया बयनिख्रुइबो गोहोम गोनांसिन। बेयो केन्सार जिबख्रिफोरखौ
फोजोबस्राङो। नाथाय बेयो देहायाव गोब्राब गोहोम खोख्लैयो।
जिखिजायामानो,
बे बेलायाव, गोदान फाहामथाय आदबआ बयखौबो सोमोनांहोदों। बेनि गेजेरजों, केन्सार
जिबख्रिफोरखौ फोजोबस्रांयाजासे फिन रिप्रग्राम खालामनाय जागोन।
बलेन नेटवर्क
इनफेरेन्स मुंनि मोनसे कम्पिउतार खान्थि जौगाहोनाय जादों। बै समनिफ्रायनो,
बिजिरसंगिरिफोरा कोलन केन्सारखौ रिप्रग्रामिंग खालामनानै फिन प्रग्राम खालामनो
खामानि मावदों। बेयो देहानि सरासनस्रा बेरामफोर बायदि केन्सारखौ फाहामगोन। ए.आइ.आ
बे हाबायाव बिजिरसंगिरिफोरखौ जर'खायै हेफाजाब होदों।
आथिखालाव बेखौ
गुबुन जुनारफोरनि मोदोमाव बाहायनानै जाफुंसार जानो नाजागासिनो दं। बेखौबो फोथायनाय
जायो दि जुदि जाफुंसार जायो अब्ला बेखौ बैनि सुबुंफोरनि सायाव बाहायनो हायो।
बे बिजिरसंनाया
जाफुंसार जायोब्ला, बेखौ मिजिं थिनाय जायो दि केन्सारआव गोबां जाफुंसारगोन। केम'थेरापी
आरो रेडियेसन गैयालासै जुदि केन्सारखौ सामलायनाय जायो अब्ला बेयो फाहामथाय
बिगियानाव मोनसे गिदिर देरहानाय जागोन होनना साननाय जादों।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon