खुलुमबाय, दिनै 1 जुलाइ 2025 मंगलबार साननि दासिमनि मोननैसो खौरांफोरा जाबाय।
दासिम रेलवेआ ट्रेन दावबायनायनि ब्रै घन्टा सिगां
रिजार्भेसन चार्ट थियारि खालामदोंमोन। जायनि जाहोनाव वेइतिं टिकेटफोराव थानाय
दावबायारिफोरा टिकेटफोरखौ कनफार्म खालामनो थाखाय जोबथा मिनिटसिम नेनांदोंमोन। बेयो
ट्रेन दावबायनायनि थाखाय गोजान गोजान जायगाफोरनिफ्राय फैनाय दावबायारिफोरनि थाखाय
मोनसे गिदिर जेंना खालामो। बे चार्टखौ दा सानसे सिगां हरनि 9 रिंगायाव फुंनि 2
रिंगानि सिगां दावबायनो गोनां ट्रेनफोरनि थाखाय थियारि खालामनाय जागोन। आद्रा
थानाय ट्रेनफोरनि थाखाय चार्टफोरखौ दा ट्रेन दावबायनायनि 8 घन्टा सिगां थियारि खालामनाय
जागोन।
बे सोलायनायजों,
नेबाय थानाय दावबायारिफोरा थि समाव खौरां मोनगोन, जाहाथे बिसोरो गुबुन दावबायनायनि बिथांखि लानो
हायो। गुबैयै गामियारि ओनसोलफोर एबा नोगोरनि गोजान-गोजान जायगाफोरनिफ्राय फैनाय
सुबुंफोरा बेनिफ्राय बांसिन मुलाम्फा मोनगोन।
बे सुबिदाखौबो
लन्च खालामनाय जागोन।
रेलवेआ थाबैनो
गोदान दावबायारि थिखानाय खान्थि (पीआरएस) लाबोनो थियारि जादों, जायखौ दिसेम्बर 2025
मायथाइसिमाव जागायनाय जागोन। बे
मावथांखिखौ सेन्टार फर रेलवे इनफरमेसन सिस्टेम (सीआरआईएस) आ सालायगासिनो दं। गोदान पि.आर.एस. खान्थिनि
गेजेरजों से मिनिटाव से आरो खावसे लाखनि बांसिन टिकेट बुक खालामनो हागोन, जाय आथिखालनि 32,000 टिकेटफोर मोनफ्रोम मिनिटनि
बा गुन बांसिन। टिकेट नागिरनाय खान्थिखौबो जौगाहोनाय जागोन, जेराव नागिरनायनि गोहोआ मोनफ्रोम मिनिटाव 4
लाखनिफ्राय 40 लाखसिम बांगोन। बेयो लाख-लाख दावबायारिफोरखौ रियेल ताइम बुकिंनि
खौरां मोननायाव मदद होगोन।
बेनि अनगायैबो,
दिनै 1 जुलाई, 2025 निफ्राय तत्काल बुकिंनि थाखायबो आधारखौ लिंक खालामनाया
गोनांथार जागोन। दावबायारिफोरा तत्काल क'टायाव टिकेट बुक खालामनो थाखाय बुकिं
खालामनाय समाव आधारनि गुदि खिथाफोर होनांगोन।
सोरखारनि बिथोन
बायदियै, 15 बोसोर गोजाम
पेट्रलजों सालायजानाय आरो 10 बोसोर गोजाम डिजेलजों सालायजानाय गारिफोरनि थाखाय थाव
होनाय जानाय नङा। सोरखारा मोजाङै नोजोर लाखिगोन जाहाथे मोनसेबो पेट्रल पाम्पआ
बेबादि गोजाम गारिफोराव थाव जगायनाय नङा।
बे
खान्थिखौ बाहायनो थाखाय हान्था-मेला
बिफाननि फोरमायथि सेलजों नांजाबनाय पेट्रल पाम्पफोराव ए.आइ. बिरोंदामिनजों लोगोसे
गोदानथार केमेरा फसंनाय जादों। ए.आइ. केमेराफोरा नम्बर प्लेटनि हेफाजाबजों गारिआ
गोजाम ना गोदान बेखौ थि खालामगोन।
सोरखारा
बुंदोंमोन दि फ्राय 60 लाख बेबादि गारिफोर दं जाय
बे गोदान नेमनि सिङाव गोग्लैयो थामहिनबा बे गारिफोरनि जिउआ जोबलांबाय।
सोरखारा 1
एप्रिलनिफ्राय बेबादि खान्थिखौ बाहायदोंमोनब्लाबो, पेट्रल पाम्पफोराव केमेरा
गैयैनि जाहोनाव बेखौ आबुङै मावफुंनाय जायाखैमोन।
बे थिरांथाया
सोरखार आरो पेट्रल डिलार एस'सिएशननि गेजेराव दावराव-दावसि सोमजिहोदों। नाथाय बेयो
आसाम सोरखारा लानाय थिरांथा नङा। बे थिरांथाखौ रेखा गुप्ता दैदेननाय दिल्ली
सोरखारा लादों।
राजथावनि
दिल्लीयाव गं 400 सो पेट्रल पाम्पफोर दं। बे पेट्रल पाम्पफोराव आर्टिफिसियेल
इन्टेलिजेन्सनि सायाव बिथा खालामनाय नम्बरप्लेट रिडार केमेराफोर फसंनाय जादों । बे केमेराफोरा थोंजोङै दिल्ली हान्था-मेला
बिफाननि डाटाबेसजों फोनांजाबनाय जागोन। बे ए.आइ. केमेराफोरा बेनि नम्बर प्लेटखौ
स्केन खालामगोन आरो गोजाम आरो दासिमबो खारबाय थानाय गारिफोरा थाव सोफिन्नो थाखाय
पाम्पसिम सौहैनाय लोगो लोगो गारिनि बैसोखौ रोखा खालामगोन।
नेम बायदियै,
जुदि गारिनि बैसोआ जोबबायब्ला पेट्रल पाम्पआव फज'नाय स्पिकारनि सायाव एलार्म होनाय
जागोन। बुंथिगिरिया गारिनि नाम्बारजों लोगोसे जोबनाय समखौ फोरमायगोन। फोरमायथिखौ
थाबैनो हान्था-मेला बिफाननो दैथायहरनाय जागोन जाहाथे गारिनि बिगोमानि हेंथायै
गोख्रों राहा लानो हायो।
3. बितिसिनि गाहाय मावफुं सोद्रोमा प्रमद बर' बिथाङा समबाराव ककराझार जिल्लानि सेरफांगुरिआव थानाय रुंसारि टिकेन्द्रजित नार्जारी गोसोखां सिनेमा हलखौ बेखेवना होयो। सिनेमा ह'लखौ बर' हारिनि सासे मानगोनां फावखुंगुर आरो हारिमुआरि आइकन रुंसारि टिकेन्द्रजित नार्जारीखौ मान बाउनानै बेखेवदों।
बे हाबाफारिनि थांखिया ओनसोलारि
सावथुनखौ जौगाहोनाय आरो ओनसोलाव लाइमोन रोंग'थिफोरखौ फेदेरनो थाखाय मोनसे हारिमुआरि
जायगा होनाय। बितिसि नि गाहाय प्रमद बर बिथाङा गासै मोन 6 सिनेमा
हलफोर लुफुंनायनि सोमोन्दै फोरमायो आरो थाबैनो थाबावनाय मोन 4 सिनेमा हलफोरखौ लुबावगोन होननाबो
फोरमायो, लोगोसेनो बिसा नो अफिस लुनो आरो गेस्त हाउस लुनो थाखाय 1.5 कौति रां
होदों होनना फोरमायदों। बोसोरफ्रोमबो फिल्म एवार्द होनाय हाबाफारि खुंनायनि थाखाय
राङारि अनसुंथाय होनायनि सोमोन्दैबो बुंदों। लोगोसे फैबाय थानाय समाव फिल्म
बानायनायफोरनि थाखायबो राङारि अनसुंथाय होगोन होननाबो बुङो बिथाङा।
राज्य' सभानि
एम. पि. रङाउरा नार्जारी, ककराझार लकसभानि एम. पि. जयन्त कुमार बसुमतारी, बिटिआरनि मावफुं सोद्रोमा
रनजित बसुमतारी, सिदली बियाबनि एमएलए निर्मल कुमार ब्रह्म, काउन्सिलनि माधब चेत्री, बिटिसिनि बारग' लेङाइ
गाहाय मावफुं सोद्रोमा खाम्फा बरगयारी जों लोगोसे गोबां
दैदेनगिरिफोरा बाहागो लादोंमोन। सिदली जौगाखां खोन्दो
मावख'गिरि निरनजय मुसाहारीजों लोगोसे गोबां मावख'गिरिफोर।
बे
हाबाफारियावनो बिटिआरनि हाग्रा बिफाननि मावफुं सोद्रोमा रन्जित बसुमतारीआ गावनि
बियाबनि खुंनाय मुलाम्फा मोनग्रा जथुम्मायाव बाहागो लानाय साफ्रोमबो मुलाम्फाफोरखौ
साबायखर बावो। लोगोसेनो बिथाङा दिनै 1 जुलाइ आव सा 11 बारग एनदिएफबि नि
सोद्रोमाफोरा जोबथेसालिनिफ्राय बेइल मोनगोन होनना फोरमायदों, बेबादिनो गाबोन एबा 2
जुलाइ आव सा 35 बारग एनदिएफबिफोरा कक्राझार जोबथेसालिनिफ्राय बेइल मोननानै गगोन
होनना बो बुंनायखौ नुनो मोनदोंमोन। लोगोसेनो गासैबो केसफोरखौ विथद्र खालामनाय
जासिगोन आरो खालामगासिनो दं होनना बो बुङो बिथाङा।
बिथाङा बुंदों
बे उद्योगनि जाफुंसारनाया फैगो सानफोराव आरोबाव बेबादि बानायनायनि थाखाय बोलो
होगोन। बिथाङा बेखौबो बुंदोंमोन दि बे
मावथांखिखौ बेखेवनो थाखाय गाहाय मन्थ्रिनि आसाम दावबायनायखौ जाफुंसार खालामनो
थाखाय समबारखालि नुमालीगढ़आव मन्थ्रि, एम.पि., एम.एल.ए. आरो गोजौ मावख'गिरिफोरजों मोनसे
जर'खा जथुम खुंनाय जादोंमोन।
गिबि मन्थ्रि
शर्माया नुमालीगढ़ रिफाइनारीयाव सौहैयो आरो नुमालीगढ़ रिफाइनारीआव खामानि मावग्रा थागिरिफोरनि
थाखाय धनसिरि नगर मुंनि गोदानै लुजानाय टाउनशिपखौ बेखेवदोंमोन। गिबि मन्थ्रिआ
रिफाइनारी बिबानगिरिफोरजों नायफामफिननाय जथुमबो खुंदोंमोन।
आसाम बाय'
इथेनाल प्राइभेट लिमिटेड (ए.बी.ई.पी.एल.) आ औवानिफ्राय इथेनाल दिहुनग्रा गिबिसिन
बाय-रिफाइनारी। बे मावथांखियाव एनआरएल आरो मोननै फिनलेन्दनि कम्पानिफोर दं - फर्टम
आरो केम्पलिस अय। 4,000 कौटि रांनि अनुमान खालामनाय खरसाजों बानायजानाय,
बाय'-रिफाइनारीहा फीडस्टक महरै 300 KTPA औवाखौ बाहायनानै 49 KTPA इथेनॉलनि दिहुनथाय गोहो थागोन।
जोबनायाव गोबां
साननाय सावरायलायनायफोरखौ फोजोबनानै खुंथाया समबारखालि फुंनिफ्रायनो नलबाड़ी
जिल्लानि बरक्षेत्री खाजोना बेंखननि सिंनि मुकालमुआनि बकरीकुसिआव बयनिख्रुइबो
देरसिन होखारनाय हाबाफारि लादोंमोन।
खुंथाया बरक्षेत्री खाजोना बेंखननि सिङाव थानाय बकरीकुसीआव सोरखारि हायाव बुलदजार आरो जावखांग्राफोरजों हाबाफारिखौ मावफुंदोंमोन।
रायखांनो गोनां
दि साहा बरक्षेत्री मौजानि सिङाव थानाय बकरिकुसि दाग नं 106 नि 452 बिघा 1 कठा
14 लेचा सोरखारि हानि ओनसोलाव होखारनाय जादोंमोन। फ्राय 93 नखरफोरा गोबाव
समनिफ्रायनो बे हाखौ दखल खालामना लागासिनो दंमोन। बे सोरखारि हाखौ दखल खालामनानै
नखरफोरा न' लुनानै आरो फुख्रि जावनानै थाबोगासिनो दंमोन। बे हायाव ईदगाह मैदान, सोरखारि फरायसालि आरो अंगनबाड़ी मिरुफोरबो लुनाय जादोंमोन।
उनाव सोरखारनि
होखारनायनि नटिसफोरा नखरफोरनिसिम थाङो । 3 जुनखालि बरक्षेत्री खाजोना बेंखन मावख'आ
मुंख'नाय सोरखारि हाखौ लांदां खालामनो थाखाय दखल खालामग्राफोरनो नटिस हरदोंमोन ।
नटिस मोननायनि उनावनो दखल खालामग्राफोरा गुवाहाटी गोजौ बिजिरसालिसिम थांदोंमोन
नाथाय बावैसो बिजिरसालि जेननांगौ जानांदोंमोन ।
बे समावनो,
बिजिरसालिनि रायनि उनाव, नलबाड़ी जिल्ला खुंथाया समबारनि फुंनिफ्रायनो होखारनाय
हाबाफारि जागायदोंमोन । सिगाङाव दखल खालामग्राफोरनि मोनसे बाहागोखौ गावसोरनि
न'फोरखौ सिफायनाय आरो गुबुन जायगाफोराव फैनाय नुनो मोन्दोंमोन । जिल्ला कमिसनार
निबेदाना दास पटवारीआ बुंदोंमोन दि होखारनाय हाबाफारिखौ जाफुंसारै मावफुंनाय जादों
होनना।
रिपर्टफोरनि
बायदिब्ला, रिधान्याया बे बोसोरनि एप्रिलाव 28 बोसोर बैसोनि कविन कुमारजों हाबा जादोंमोन।
रिधन्यानि बिफाया सासे जिनि फालांगियारि। हाबानि नेम-खान्थिखौ नोजोर होनानै, बैनि
नख'रनिफ्राय बेसेनगोसा गहेनाफोर आरो बेसेनगोसा गारि होनाय जादोंमोन। नाथाय, अजदनि बायदिब्ला, बेफोर गासैखौबो होखांनायनि उनावबो, बिथांजोनि
फिसाय आरो बिनि नखरा जोथोब दाबिनायनि थाखाय रिधानाखौ गोसोआरि अनागारि खालामगासिनो
दंमोन।
बेबादि
थासारियाव रिधन्याया गावनि गारिखौ लानानै रबिबाराव मन्डीपालमनि गंसे थानसालियाव
थाङो। लामा गेजेरावनो, रिधन्याया गावनि गारिखौ मोनसे गोजान जायगायाव दोनदोंमोन आरो
बिस लोंनानै गावनि जिउखौ फोजोबदोंमोन। गोबाव समनिफ्रायनो मोनसे जायगायाव सन्देह'
गोनां महरै लाखिनानै दोननाय नुनानै जायगानि सुबुंफोरा पुलिसनो खौरां हरो। पुलिसआ
जाथाय जायगायाव सहैयो आरो गारिनि सिङाव रिधन्यानि गोथै सह'खौ बोखांनो हायो।
सुलुंनि
बायदिब्ला, गावनि थैनायनि सिगां, रिधान्याया गावनि बिफानो मोन स्नि अडिअ' मेसेज
दैथायहरदोंमोन। बै अदिय'फोराव रोखायै बुंनाय जादोंमोन दि बिथांजोनि फिसाय आरो
बिहाव-बिखुनजोआ जोथोब दाबिनायनि थाखाय सम सम बिथांजोखौ देहायारि आरो गोसोआरि साजा
होबाय थायोमोन।
पुलिसआ थैनायनि
सायाव नायबिजिरनो थाखाय रिधन्यानि फिसाय, बिहाव आरो बिखुनजोखौ खादों। बे समावनो, रिधान्यानि नखरा दायनिगिरिफोरनि बेरेखायै
गोख्रोंसिन आयेनारि राहा लानो दाबि खालामदों।
सासे गागि पुलिस
मावख'गिरिया बुंदोंमोन दि बेरफ्रुनायनि जाहोनखौ दासिमबो मिथिनो मोननाय जायाखै। बे
बेरफ्रुनायाव कारखानाया आबुङै सिलिंखार जादोंमोन। एरैबादि गिथावनामोनदि
बेरफ्रुनायनि जाहोनाव गोबां सुबुंफोरा जौसे मिटारसो गोजानाव बुखारजादोंमोन।
कारखानायाव मोनसे बेरफ्रुनायनि जाहोनाव गंसे न'आ बायदोंमोन आरो खाथिनि गंसे न'आव
बायदोंमोन।
पुलिसनि
बायदिब्ला, बेरफ्रुनायाव अर नांनाय बांसिन मावसाफोरा हाखु-दाखुयै ओंखारबोदोंमोन, माखासेफोरा सिङाव थाबथाना थानायनि सन्देह दं।
अर खामनायनि
खौरां मोननायनि उनाव, गं 11 अर खोमोरग्रा गारिफोरा अरखौ खोमोरनो थाङो। बे खामनायाव सा 14 सुबुंफोरा थैदोंमोन आरो
खमैबो 35 सुबुंफोरा जोखोम जादोंमोन।
जिल्ला
मेजिस्ट्रेट आरो पुलिस सामलायगिरिया जाथाय जायगायाव सहैयो आरो अर आरो रैखाथि
हाबाफारिफोरखौ नायदिङो। बिथांमोननि बायदिब्ला, प्लान्ट, सिगासी इंडस्ट्रीज प्राइभेट लिमिटेडआ
माइक्र'क्रिस्टलाइन सेलुल'ज आरो फुड एडिटिभफोराव बाहाय जानाय रासायनारि मुवाफोर
दिहुनदोंमोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon