1) मैया चिरां जिल्लानि बेन्दोंआव थानाय मानास आलासि जिरायसालि कनफारेन्स हलआव बर' हारिनि आथिखालाव सोलिबाय थानाय थासारिखौ लानानै मिरु एबसुनि आफादगिरि मानगोनां मुस्रि दिपेन बर'नि मासि लानानै दैदेननायाव बर' हारिनि माहारियारि आफादनि दैदेनगिरिफोरखौ लानानै सावराय मेल खुंदों। दुलाराय बर’ फरायसा आफादा जोनोमनिफ्रायनो बर’ हारिनि खौसेथि, सिनायथि, थामोन्था आरो रैखाथिखौ लानानै गोख्रोङै खामानि मावगासिनो दं जायनि थाखाय बे सावराय जथुमखौ खुंफुंनाय जायो। बे जर’खा सावराय मेलाव बर’ थुनलाइ आफाद, बर’ रेबग्रा गौथुम, दुलाराय बर’ हारिमु आफाद, दुलाराय बर’ गुदि फोरोंगिरि आफाद आरो बर’ बिफान फोरोंगिरि गौथुमनि दैदेनगिरिफोरा बाहागो लादों। बे हाबाफारिआव बाहागो लानानै आथिखालाव समाजाव सोलिबाय थानाय दायना दायनि, द्राग्स जानाय, जुया गेलेनाय, जौ लोंनाय माखासे समाज बेरेखा खामानि आरो लोगोसे जिनाहारि खालामनाय आरो गावखौ फोथैनानै लानाया गोबां जायगायावनो जादों, जाहाथे बेफोरनिफ्राय बारग'नो हायो एबा उदां जानो हायो बेफोरखौ लानानै गुयारै सावरायलायनाय जादों होननानै एबसुनि आफादनि बिथां दिपेन बर'आ खौरांगिरिनि सिगाङाव बुंथियो। लोगोसे बर' थुनलाइ आफादनि आफादगिरि तरेन बर'आ खौरांगिरिनि सिगांआव फोरमायोदि जायफोर बर' बिजोंनि जेंनाफोर दं बेफोरखौ थाबैनो आसाम सरकार आरो बिटिआर सरकारजों थाबैनो सावरायना सुस्रांगोन आरो BTR गोरोबथानि दफा बायदियै जाय NDFB फोरा रन्जन दैमारी निफ्राय लानानै दासिमबो जोबथेसालिनिफ्राय उदां जानो मोनाखै बैफोरखौबो जोबथेसालिनिफ्राय उदां खालामनो थाबैनो सावरायगोन होनानै बिथांआ फोरमायथियो।
2) आसामनि रायजो बिजेपि नि आफादगिरि भबेस कलिता बिथाङा बिपिएफ जों लोगो जानायनि सोमोन्दै सानाखै होनना बुंदों। दायो ईउपिपिएल जों दं बिजेपि नि लोगो आ। प्रमद बर दैदेननायावनो मोजाङै सोलिगासिनो बिटिएदि याव। हाग्रामा दैदेननाय बिपिएफ जों लोगो जाफिननांगौब्ला दोलो आ सावरायलायना सो थिरांथा लागोन। बिटिआर नि गाहाय बिथांखौ मोजां बुंनानै फैगो 5 बोसोराव बिटिएदि खौ सासन खालामगोन प्रमद बर नि सोरखार आ होनना बुङो, लोगोसे प्रमद बर नि सायाव फोथायनाय दं होनना बो बुङो।
3) आसामाव ब्लेक फांगास नि थाखाय नैथि बेरामि नि जिउ गोमाबाय। थांनाय 15 सान दिब्रुगर नि आसाम मेदिकेल कलेज आव फाहामथाय लाबाय थानाय 53 बोसोर बैसो नि सुभास साहु मुंनि लक्षिमपुर नि सुबुंनि जिउ गोमायो। कभिद जानानै बारगनायनि उनाव ब्लेक फांगास बेराम जानायखौ मिथियो, बेनि उनाव नो आसाम मेदिकेल कलेज मेदिसिन बिफान आ ईउनित 3 आव फाहामथाय होगासिनोमोन। खौरां मोननाय बादिब्ला हां लानायाव असिबिदा जादोंमोन बे सुबुंनियाव, 1 जुन निफ्राय 12 जुन सिम लक्षिमपुर चिभिल देहाफाहामसालि याव कभिद नि थाखाय फाहामथाय लादोंमोन, निगेतिभ मोननाय नि उनाव हां लानो हायाखैमोन।
4) एनआईए आरो सिबिआइ खौ गिनानै बहाबा खारनांगौ जादों हाग्रामा महिलारि या, बेखौ कंग्रेस नि दैदेनगिरि रिपुन बरा या बुंदोंमोन। बेखौ नंखाय होनना बुंदों बिपिएफ कलायगांव बियाब नि एमएलए दुर्गा दास बर आ। बिथाङा बुंदों हाग्रामा या आसामनि गिबि मन्थ्रि खौ लोगो हमदों, सासे खारखुमाना थानाय सुबुङा गिबि मन्थ्रि खौ लोगो हमनो हायो नामा। प्रबिन बर बिथाङा बो रिपुन बरा खौ बेबायदि बुंनो मोना होनना बुंदों, लोगोसे गाहामथि नि सिमा खौ बारदों होनना बुंनायजों लोगोसे खारखुमाना दं ना गैया आयेन आ बुंगोन होनना बो बुङो।
5) आधार कार्ड नि मुङाव रां लादों दबका याव। रायजोनाङै जाख्लनायनि बेरेखआ प्रसासन आ अपरेशन खालाबाय थानाय समावनो बे जायगायाव रां लानाय जाथाय जादों। गासैबो केमेरा याव रेकर्ड जाजोबदों। भेलेउगुरि गामि पन्सायत नि मावख आव। साफ्रोमबो कास्तमार निफ्राय 400 निफ्राय 500 नि गेजेराव रां लायो। बेखौ साधारन सुबुंफोरा नो बुंदों। मिरु नि मावथि गुलजार हुसेइन नि बरेखा अजद, बिनि न आ नगांव नि कामपुर आव। खौरां मोननाय बादिब्ला बियो गोबाव समनिफ्राय नो बेबायदि खालामबोगासिनो दं, फोरमान बिलाय गैयालासैनो आधार बानायगासिनो होनना बो खौरां मोनदों।
6) कक्राझार जिल्लानि माहाजोनपारा गामिनि थागिबि रायजो राजाफोरा पस्ट खुन्थियानि सोलाय औवानि खुन्थियाजों मोब्लिब सिबिथाय महरै जीउ खुंनो गोनां जादों होन्ना ओनसोलनि थागिबि रायजो राजाफोरा गोख्रों अजद दैखांदों। मोब्लिबनि बिल होसेयावबो मोजां मोब्लिबनि सिबिथाय मोनाखै माहाजोन पारा गामिनि थागिबि रायजो राजाफोरा। राय्जो सोरखारनि मोब्लिब बिफाना 1 जुलाइ अक्तनिफ्राय 10 अक्टनि गेजेराव मोब्लिबनि बिलखौ होआब्ला एपिडिसिएलआ मोब्लिब सिबिथाय राहाखौ दानगोन होन्ना थांनाय बावैसो सान सिगां आसामनि मोब्लिब बिफाननि मन्थ्रि बिमल बराया कक्राझार आरो धुबुरी जिल्लानि माखासे ओन्सोलफोराव दावबायफैना मोब्लिब सिबिथायनि राहाखौ सुलाद लाखांनायनि उनाव बे बाथ्राखौ मिथिहोदों। ओनसोलनि थागिबि रायजो राजाफोरा अजद लाबोनाय बायदिब्ला थांनाय गोलाव समनिफ्रायनो माहाजोन पारा गामियाव मोब्लिब फोनांजाबनाय राहा आरो मोब्लिब सिबिथाय राहाखौ गोख्रों खालामनांगौ होन्नानै बिफाननि खाथियाव दाबि दैखांदोंमोन ब्लाबो सोरखारा जेबो राहा लायाखै होन्ना बुंथियो।
7) टंला मिउनिसिपाल बर्डनि एक्जिकिउटिभ अफिसार शान्तनु दासजों लोगोसे साथाम मावख’गिरिफोरखौ दावब’ फिसाफोरनि थैनाय केसाव हमदों। उदालगुरि डिएफअ’ एन. के बरदलैआ बे बाथ्राखौ रोखा खालामो। दायनिगिरिफोरखौ सिजिएम उदालगुरिनि बिजिरसालिआ जुदिसियेल काष्टदिआव दैथाय हरनाय जादों। साननै सिगाङाव करना खौ गिनानै दावब थाग्रा ओवा खौ दानस्रांजोबदोंमोन, बेयाव थानाय गोबां दावब फिसा फोरनि जिउ गोमादोंमोन। बेनि दाय आव नो खादों।
8) बुधबारखालि हराव बिजनी रेल ष्टेसनआव जादों मोनसे जाथाय। चिरां जिल्लानि बिजनीआव सासे आइजो मैगं फालांगिरिनिफ्राय 500 रां मोनैनि थाखाय जिआरपि जवानआ गाज्रि आखु बाहायो। ब्रह्मपुत्र मेइलजों बिजनीफ्राय गुवाहाटीसिम मैगं लानानै थांनो ओंखारदोंमोन आइजो मैगं फालांगिरिआ। नाथाय, 500 रां घुस मोनजायैनि जाहोनाव जिआरपि प्रनव कुमार गस्वामिआ आइजोखौ गाज्रि आखु दिन्थिनायजों लोगोसे रेलनिफ्राय प्लेटफर्मआव मैगंनि बस्थाखौ गारनानै होनायनि अजद दैखांनाय जादों। माखासे जायगानि सुबुंफोरा रेल पुलिसनि बे गुन्दागिरिनि बागै मिथिनो मोननानै रेल स्टेसनसिम थाङो। जोबथायाव राइजोनि नारसिननायाव रेल पुलिस प्रनव कुमार गस्वामिआ आइजो मैगं फालांगिरिनि खाथिआव निमाहा बिनो गोनां जानायजों लोगोसे 2 रोजा रां होनो गोनां जायो। मख’जाथावदि, आइजो मैगं फालांगिरिनि लोगोआव टिकेट थानायनि उनावबो रेल पुलिसआ बेफोरबादियै गुन्दागिरि खालामदोंमोन।
9) आसाम पुलिसा10 कौटि रांनि ड्रागसजों लोगोसे ड्रागस फालांगिरिखौ हमनो हादों, जाहिंगिर आलमखौ हमदों। गवालपारा जिल्लानि भालगदुबि गामिनि जाहिंगिर आलमनि न’निफ्राय 10 कौटि रांनि गोबांथार बिबांनि ड्रागसफोरखौ बोखांनो हादों। आसामनि गिबि मन्थ्रि ड: हिमन्त बिश्व सर्मा बिथांआ बे जाथायनि सायाव टुइटारनि गेजेरजों टुइट खालामनानै फोरमानाय नुनो मोन्दों। आसाम पुलिसआ ड्रागस फालांगिरि जाहिंगिर आलमनि न’नि गंसे फेक्ट’रिनिफ्राय सिग्रोमनानै गोबां मुवा बेसादफोरजों आबुं गं 9 ड्राम, गं थाम मेसिनफोरखौ बोखांनो हायो। मखथावनादि, जाहिंगिर आलमआ न’आवनो ड्रागस क’भ सिराफ फोरखौ गलाइमोन्देर खालामनानै गोबां जायगायाव फानहरोमोन। बेराफारसे, गवालपारा पुलिसआ जिहिंगिर आलमनिफ्राय जेसिबि गारि, बलेर’ पिकआप, गंसे एलत’ गारि आरो इ-रिक्साफोरखौबो बोखांदों। आसाम पुलिसआ बे जाथायनि सायाव नायबिजिरगासिनो होननाबो मोन्थि होदों।
10) सिबशागर बियाबनि एमएलए आरो राइजर दलनि दैदेनगिरि अखिल गगैखौ नेशनेल इऩभेस्तिगेशन एजेन्सी बिजिरसालिया गासै केसनिफ्राय रेहाय होबाय। अखिल गगैखौ चान्दमारि केसनिफ्राय नेशनेल इऩभेस्तिगेशन एजेन्सी बिजिरसालिया रेहाय होबाय। बृहस्पुतिबाराव नेशनेल इनभेस्टिगेशन एजेन्सी बिजिरसालिया चान्दमारि केसनिफ्राय उदां खालामना होयो। मखथावनादि, एऩआइए बिजिरसालिया अखिल गगैखौ चान्दमारि केसनिफ्राय उदां खालामनायजों लोगोसे राइजर दलनि गासै केस जानानै थानाय मावथिफोरखौबो उदां खालामना होयो। थांनाय सननैसो सिगांआवबो अखिल गगैखौ चाबुला केसनिफ्राय एनआइए बिजिरसालिया उदां खालामना होदोंमोन। मोन्थिनो मोननाय बादिब्ला एनआइए बिजिरसालिया थांनाय बुधबाराव अखिल गगैनि चान्दमारि केसनि सायाव हियारिं खालामनाय जादोंमोन। बेनि उनावनो दिनै एऩआइए बिजिरसालिया अखिल गगैखौ गासै केसनिफ्राय उदां खालामना होयो। अखिल गगैआ बे समाव गासै केसनिफ्राय एनआइए नि बिजिरनायाव रेहाय मोननाय जादोंब्लाबो जोबथेसालिनिफ्राय उदां जाथआखौ। खौरां मोननाय बादिब्ला, दिनै सानसेनि गेजेरावनो एमएलए अखिल गगै बिथांआ जोबथेसालिनिफ्राय उदां जाबोनो हागौ।
11) दरं जिल्लानि हान्थामेला बिबानगिरि थामहिनबा रिजनेल ट्रेन्सपर्ट अथ’रिटिनि बिबानगिरि कुमार सन्जिव कृष्णखौ लोगो लोगो फालिजानाय बादिनो सासपेन्द खालामजाबाय। जिल्ला डिटिअ’ बिबानगिरिखौ आसाम सेवा नियम, 1964नि नेम 6(1)(ए)नि सिङाव सासपेन्द खालामनाय जायो। लोगोसे, डिटिअ’नि बिबानगिरि आदिल खानआ बे आयदानि सायाव नायबिजिरनानै 15 साननि गेजेराव रिपोर्ट जमा खालामगोन। मख’जाथावदि, जिल्ला डिटिअ’ बिबानगिरिआ बुधबारखालि गावनि डिउटिनि समाव जौ फेनानै राजालामायाव दावराव खालामनायनि भिडिअ’ भाइरेल जादोंमोन। भिडिअ’आव रोखा नुनो मोननाय जादों दि, बिबानगिरि सन्जिव कृष्णआ जौ फेनानै लामायाव थांलाय-फैलाय खालामनाय गारिफोरखौ गाज्रि गाज्रि रावजों रायो। राज्यो सोरखारनि ट्रान्सपर्ट मन्थ्रि चन्द्र महन पाट’वारीआ बिथाङा सासपेन्द खालामनायनि बिथोन होयो।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon