10 July morning news

   गोजोनथाव खौरां। आसाम आयेन आफादाव बर राव आ बाहायजागोन होनना बिधानसभा नि बुंथिगिरि बिश्वजित दैमारि बिथाङा आगोलनिफअरायनो बुंबोगासिनो, सावगारियाव नुनाया आयेन आफादनि गाहाय हाबग्रा लांगोनानि। बेयाव बर राव जों लिरबाय आसाम आयेन आफाद। बर राव आ बो दिसपुर आव जायगा मोनबाय।

सनितपुर जिलानि सिंयाव थानाय ढेकियाजुलिनिफ्राय 30 कि.मि. गोजान खावब्ला सेन्टारनि गुदि फरायसालिनि लांगोनायाव ढेकियाजुलि आनसुलिक, सा ढेकियाजुलि आरो बेलसिरि गासै मोनथाम दखराजों जयै बारग’ एन.डि.एफ.बि. केडारनि दैदेनगिरि आरो मावफुं सोद्रोमानि गेजेराव सनितपुर जिलायाव हरखाबै मोनसे मेल खुंनायनि उनाव बि.टि.आर. बायजोनि गोरोबनाय (co-ordination) कमिटिनि आफादगिरि रिंसा बसुमतारीया बुंथियोदि, गासै आसाम नाङै 4036 केडारफोर आसाम सोरखार आरो बि.टि.आर. सोरखारा माखासे केडारखौ साख्रियाव माखासेखौ अनसुंथाय होनानै गोजोन थासारि लाबोनो नायगिरनाया जोबोद बेले बेजे जानाय सावगारियाव सिखारनायखौ नुनो मोननाय जादों।

   मानोहोनोब्ला 4 लाख रां अनसुंथाय होनाय धोनजों एन.डि.एफ.बि. केडारफोरा न’खर सामलायनो हाया आरो सोरखारा अमा, बैरमा, दाउ, बायदि बायदि बिथांखिनि राहाजों अनसुंथाय होनो नायगिरनायनि सायावबो बुंथियोदि, एन.डि.एफ.बि.जों 2020 जानुवारि 27 खालाराव आसाम आरो मिरु सोरखारजों गोरोबथा जानाय दफा बायदिसो हाबाफारिखौ मावफुंलांनांगौ होनना आसाफारियो नाथाय एन.डि.एफ.बि. केडारफोरखौ दाउ,अमा फोरजों गेलेनो दाहो होननानै मोनथि होयो। सनितपुर जिलानि सियाव गासै ब्रैजौ केडारनि गोबां एन.डि.एफ.बि. केडार दंब्लाबो दासिम सा 10 एन.डि.एफ.बि. केडार सोद्रोमाया सोरखारि अनसुंथाय होनाय 4 लाख रां है मोननो हायो।

     गसाइगाव महकुमानि सिङाव थानाय फरायसालिमाफोराव बिटिसिनि गाहाइ मावफुंगिरि सोद्रोमा बिथां प्रमद बर’ आ दावबायहैनानै फरायसालिमाफोरनि थासारि फोरखौ नायदिंओ आरो फरायसालिमाफोरनि फोरोंगिरि आरो फरायसालिमाफोरनि मावथिफोरजों फरायसालिमाफोरनि थासारिनि सोमोन्दै सावरायो। हातिदुरा फरायसालिमा, गसाइगाव फरायसालिमा, गसाइगाव बि. एद फरायसालिमाआवबो प्रमद बर’ बिथाङा दावबायहैदोंमोन। आरो गसाइगाव बि. एद फरायसालिमायाव हिनजावसा हसतेलनि खुन्थिया गायसननाय हाबाफारिआव बाहागो लायो। बे हाबाफारिआव बाहागो लानानै बिटिसिनि गाहाइ मावफुंगिरि सोद्रोमा बिथाङा बुङो दि, फैगौ द’ दाननि गेजेराव भेन्सार फरायसालि आरो फरायसालिमाफोरखौ प्रभिन्सियेलाइज खालामना होनाय जागोन होनना। लोगोसे हायारसेकेन्दारी टेट उथ्रिसार जानाय बिजाथिफोरखौ थाबैनो थिसनलाइ होनाय जागोन होननाबो बुंथियो बर’ बिथाङा।

    हादराव कभिद नि समाव नो आरो मोनसे साननो गोनां खौरां। बे बराव हादराव जिका भाइरास मोनदों। सासे 24 बोसोर बैसो नि केरला नि प्रेगनेन्त आयजो नि देहा याव जिका भाइरास थआनायखौ नुनो मोनदों। बेखौ रायजो नि सावस्रि मन्थ्रि बिना जर्ज आ बुंदों। तिरुबन्तपुरम आव जिका नि सन्देह आव सा 13 खौ टेष्ट खालामना नायदों। प्रेगनेन्ट आयजोफोरनि थाखाय गिथावना सिन बेयो। बेयो जोनोम जागोदान गथ नि मेनत्ल देभलपमेन्ट आव हेंथा होयो। बे भाइरास आ एदिस जिनर थाम्फै या अरोब्ला मानसि नि देहा याव गोसारो।

     चिरां पुलिसनि गोख्रों सिग्रोमनायाव थांनाय 29 जुन खालार खालि चिरां पुलिसा माखासे बाइक सिखावनिफ्राय गासै गं 36 बाइकखौ बोखांनो हादोंमोन। 8 सान नि गेजेराव बोखांनो हाबावदों गं30 बाइकजों लोगोसे साब्रै सिखावखौ खानो हायो। लोगोसे सा 22 सिखावफोरखौ हमनो बो हादों। बाइक फोरखौ पानबारि, रुनिखाता आरो धालिगांव निफ्राय बोखांनो हादों। बि टि आर ओनसोलनि आइजिपि ड. एल आर बिस्नयआ खौरां मेलेनि गेजेरजों फोरमायदोंदि बे गं 30 बाइकफोरखौ बोखांनो हानाय जादों पानबारि पुलिस थाना, धालिगाव थाना आरो रुनिखाता पुलिस थानानिफ्राय बोखांनो हायो। 29 जुन  आव बो जिला याव 36 सिखाव नि बाइकफोर बोखांनो हादोंमोन। थांनाय 18 साननि गेजेराव गासै 66 था बाइक बोखांनो हादों होनना बुङो एल आर बिस्नयआ। गोदानै बोखांनो हानाय बाइकखौ मोननो हादों धालिगाव थानायाव गंनै(2),पानबारि थानायाव गं स्नि (7) आरो रुनिखाता थानायाव गं नैजिसे (21),गासै दाइन साननि गेजेराव गोदानै बोखांनो हादों गं30 बाइकफोरखौ। बाइक सिखावफोरनि सायाव पुलिस आ मोनसे मबाइल एप बानायगोन होनना बुङो। सोरबा बाइक सिखाव खालामोब्ला बे एप आव नम्बर हरोब्ला थाबनो नागिरनो हागोन होनना बो बुङो बिथाङा। लोगोसे सोरबा मथर साइखेल बायनोब्ला जिला नि दितिअ अफिस आऱो पुलिस जो जगाजग खालामग्रोनो होदों।

    बांग्लादेश हादोरनि राजथावनि धाकाआव गंसे जुस बानायग्रा फेक्टरीआव अर खामनानै सा 52 सुबुंनि जिउ खहा जानानै थांदों आरो सा 50 निबो गोबां सुबुंआ गोबारै जोखोम जादों।सुलुंआव मोन्थिनो मोननाय बादिब्ला, जुस बानायग्रा बिल्डिंनि गाहायआव अरनांजेननानै केमिकेल आरो प्लास्टिकनि बथलफोरनि थाखाय खामनाय अरआ गोख्रों गोसारनो हमो।मखथावनादि, साखाथिनि सुबुंफोरा अजद होनाय बादिब्ला, बे फेक्टरियाव अर नांनाय समाव भेक्टरिनि गुबै दरखंआ बन्द’ जानानै दङोमोन। जाउनाव बे फेक्टरियाव खामानि मावग्रा मावथिफोरा गावनि जिउखौ रैखा खालामनो बिल्डिं सानिफ्राय बारजुमनो लानायाव गोबांआनो फेलेंजादों आरो जिउबो खहा जायो। बेराफारसेथिं, बे अरखौ खोमोरनो थाखाय गं 18 अर खोमोग्रा गारिफोरा अर खोमोरनो नाजागासिनो होननाबो मोन्थिनो हानाय जादों।

     बिकेडब्लिउएसिनि गाहाय मावफुं सोद्रोमा महिनिस्वर बसुमतारीजों लोगोसे मासिगिरि आरो गुबुन गुबुन बिफाननि मावफुं सोद्रोमाफोरा आसामनि डब्लिउ पि टी एन्ड बी सि, हा सं रैखाथि आरो आखाइ इशान बिफाननि मन्थ्रि उर्खाव गोरा ब्रह्मजों आसाम सरकारनि आयेनारि आफादआव सोरखारनि गुबुन गुबुन बिथांखिफोरखौ माबोरै मावफुंनांगौ बे आयदाखौ लानानै गुवारै सावराय ज्लायो। 2020 इं माइथायनि 27 जानुवारीआव मिरु आरो रायजो सोरखारा बिटिआर सुक्टिनि गेजेरजों बड’लेण्डनि बायजोआव थानाय बर’फोरनो आलादा गाव खुंथाय परिसद बिकेडब्लिउएसिनि दाफुंना होनायनि उनाव बड’लेण्डनि बायजोआव थानाय बर’फोरा आलादा गंसे गावखुंथाय परिशदर मोनफुंनो हादों।मख’नो गोनांदि बिकेडब्लिउएसिनि खुंथाया दिनै रायजो सोरखारनि डब्लिउ पि टी एन्ड बी सि बिफाननि मन्थ्रि उर्खाव गोरा ब्रह्मजों जौगालु बिथांखिफोरखौ मावफुंनायनि सायाव गुवारै सावरायलायो आरो आसामनि मन्थ्रि इउ जि ब्रह्मआ बिथांखिफोरखौ मावफुंनायनि रादाय होयो।

    गुवाहाति आव सानावनो रां लुथिनाय जाथाय। सानै बाइक जों फैनाय दुथांफोरा आमिनगांव नि सिएसपि नि एजेन्त निफ्राय 3 लाख 50 रोजां रां लाना थाङो। रिपर्त नि बादिब्ला सिएसपि एजेन्त कमल चन्द्र बरागहाय नि मोन रां आ। बियो आमिनगांव एसबिआई आरो एक्सिस बेंक नि ब्रान्स निफ्राय रां खौ दिहुनदोंमोन। रां दिहुननायनि उनाव साहा गुवाहाति आव स्कुटि जों थांदोंमोन। बे समाव नो पालसार बाइक जों फैनाय सानै या रां खौ सेनानै लाना थाङो। पुलिसफोरा नायबिजिरगासिनो दं। बेबायदि जाथाय आ गुवाहाति नि फटासिल ओनसोलाव बो जादोंमोन, जेराव सानै बाइक जों फैनाय दुथांफोरा 1 लाख रां लुथिना लांदोंमोन।

     धारापुर आव सासे सुबुंनि 2.5 कुइन्टल सो ना थैदों। सोरबा गाज्रि सुबुङा बिष होनायनि सन्देह। बेबायदि जाथाय आ साननै सिगाङाव गुवाहाति नि दिघलिपुखुरि आव सो जादोंमोन। धारापुर नि आनन्द कलिता मुंनि 1.5 बिघा सो जानाय फख्रि आव ना फिसिदोंमोन। सम बादियै फख्रि खौ साफा खालामदोंमोन, लोगोसे ना नो आदार बो होदोंमोन। नाथाय हरखाब 2.5 कुइन्टल सो ना थैदों। गुबुन गुबुन रोखोमनि ना दंमोन बेयाव। मासे ना या 1 निफ्राय 3 केजि नि गेजेराव जागौमोन। नाथाय मा जाहोननि थाखाय ना फोरा थैखो मिथिना मोनाखै। गोबां ना फिसिग्रा सुबुंफोरा बिष होनानै बुथारनायनि सन्देह खालामदों।

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post