जथाय खौरांफोर. मा मा जादों नाय ~ Bodoinfo.com

रायजो आव दासिमबो दं स्वाइन फ्लु नि गिथावना महर आ। बाक्सा नि गरेश्वर आव आफ्रिकान स्वाइन फ्लु नि गोहोम। गरेश्वर ओनसोल आव मा 44 अमाफोर थैबाय। बेनि उनाव प्रसासन आ बुथारबाय मा 32 अमाफोर। गरेश्वर नि मुकुन्दपुर-कारिपारा गामि याव मा 44 अमाफोर थैदों। थैनाय अमाफोरनि 1 कि मि नि गेजेरनि अमाफोरखौ प्रशासन आ बुथारो। गिबि आव प्रशासनखौ गोबां अमा फिसिग्राफोरा बुथारनो होआखैमोन, नाथाय उनाव गरेश्वर नि सारकल अफिसार आ थांनानै खहा सुफुंगोन होनना बुंनायाव बुथारनो होयो। गुबुनफारसे जायफोरा अमाफोरखौ एरसोना दोनदों आरो फानदों बिसोरनि बेरेखा आयेन नि बेबस्था लागोन होनना बुंदों।

गिथावना। जानो लाबोनाय केक आव मोनदों लहा। नन स्तप चक सफ्त केक नि गेजेराव ओंखारदों लहा। बिहपुरिया नि जाथाय बेयो, नारायनपुर नि शक्राहि गामि नि सेंग्रा रिसिकेश बरा या गंसे दखाननिफ्राय बायदोंमोन केक। जानो थाखाय केक खौ दिहुननायावनो ओंखारो गजाल बायदि लहा। बेबायदि सवधान नङि कम्पानि निफ्राय जानो गोनां गिथावना जाथायनिफ्राय बारगबाय सेंग्रा नि बिसि आ। ससियेल मिदिया याव भाइरेल जागासिनो दायो। दायो बेबायदि कम्पानि खौ माबोरै सोरखार आ नायगोन बेखौ उनाव सो मिथिगोन।

बिटिआरनि मोननै बियाब आव ईउपिपिएल दोलो आ नो गेलेगोन उफ्रा बिसायखथि खौ। बिजेपि दोलो नि आफादगिरि भबेश कलिता बिथाङा बुंदों, आगोलावबो गेलेदोंमोन बेखायनो गेलेगोन होनना बुंदों। मरियनि बियाब आव मन्थ्रि पियुश हाजरिका नो बिबान, लोगोसे कामाख्या प्रसाद तासा, तपन गगै बिथांमोननो बिबान होदों। माजुलि नि थाखाय रनुज पेगु, बिमल बरा, तामुलपुर नि थाखाय रन्जित दास, ईएम, गसायगांव नि थाखाय अशोक सिंघाल बाक्सा नि एमएलए बिथांमोननो बिबान होदों होनना बुङो।

दुधनै आरो धनुभाङा याव मोननै दुखुनांथाव जाथाय जाना थाङो। दिधनै पुलिस थाना नि सिङाव थानाय आमजुङा याव सारअन्थाय गावनाय सा 2 सुबुंफोरनि जिउ गोमादों आरो सा 5 जोखोम जादों। बेलासि नि समाव माय गायबाय थानाय समाव मुनुपारा सालपारा नि रनति बर(70) आरो नामेश्वरि खाख्लारि(75) थैयो। जोखोम जानाय सुबुंफोरनि मुङा अजित खाख्लारि, बिस्वजित खाख्लारि, अन्जालि खाख्लारि, जाह्नोबि खाख्लारि आरो प्रतिमा खआख्लारि। एखे सम आव नो धनुभाङा नि गाथियापारा आरो दिघलि नि पिपलिबारि आव सानै सुबुंफोरनि जिउ गोमादों, ध्रुब राभा आरो कमल कलिता।

गोलाव सम आलादा बड’लेण्ड सोरजिनायनि थांखिजों आसाम सोरखार आरो भारत सोरखारनि हेंथायै जुजियै-जुजियै थांनाय 2020 माइथायनि 27 जानुवारीखालि एन डि एफ बिनि मोनब्रै आफाद आरो दुलाराय बर’ फरायसा आफादजों जथायै बर’फोरनि थामथि गोजोन गोरोबथा बिटिआर गोरोबथाया जालाङो। बे गोरोबथानि गेजेरजोंनो हाग्रायाव थाबोनाय साफ्रोमबो एन डि एफ बि (एस) नि सोद्रोमाफोरा गाव-गावनि नख’राव गोजोनै गिदिंबोफिन्नो। नाथाय सासे एनदिएफबि नि सोद्रोमा या म्यानमारनिफ्राय फैफिननो हायासै। चिरां जिल्ला रुनिखाता थानानि सिंनि लाइमुथि ओनसोलनि निज्रागुरि गामिनि एलचन बसुमतारीया दिनैसिम न आव फैफिननो हायाखै। मा जाहोननि थाखाय बेबायदि जाख बिफा या मिथिया, रिन होनो दं होनना बुंदों मालिक नो, बेखौ होजोबनो हायोब्लानो फैनो हागोन थांनाय 2014 मायथाइनि 15 आगस्त खालि नेचनेल देम’क्रेटिक फ्रन्त अफ बर’लेन्ड आफादाव जइन जादोंमोन। एनदिएफबि नि दैदेनगिरिफोरा दायो राजखान्थि दैदेनगिरि जाबाय। नाथाय दिनैसिम न आव मोनफैयासै बिथाङा। एलचन बसुमटारि नि बिमा बिफा या हाजिरा मावना सो जायो। बिफा या बुंनाय बादिब्ला गुबुन एनदिएफबि नि नखर आ जोबोद गोजोनै दं दायो, नाथाय बिथांमोना फिसाज्ला नि मोखां नुयि नि जोबोद दुखु आव दं। बिमा या बुंनाय बादिब्ला म्यानमार हादोरनि गंसे गुबुनारि सुबुंनि नख’रावसो दं दायो। बिथांनि फिसाज्लाखौ जाहाथे गावनि नसिम मोजाङै मोजां लाबोफिन्ना होयो बेनि थाखाय भारत सोरखार, आसाम सोरखार आरो बि टि आर सोरखारखौ खावलायदों। बिथांमोना गोबां बर राजखान्थि दैदेनगिरि बिथांमोननि खाथियाव थांबाय नाथाय दासिमबो मदद मोनाखै होनना बुंदों।

आई सि एस ई थाखो 10 आरो आई एस सि थाखो 12 नि आनजाद नि फिथायखौ फोसावबाय सि आई एस सि ई आ(काउन्सिल फर ईन्दियान स्कुल सारतिफिकेट एग्जामिनेशन)। उथ्रिनायनि हार आ 99 जौखोन्दो नि बारा। थाखो 10 नि खौ 99.98 जौखोन्दो आरो थाखो 12 नि आ 99.78 जौखोन्दो आ पास जादों। दिल्लि एनसिआर ओनसोलाव उथ्रिनायनि जौखोन्दो आ 100. फरायसाफोरा काउन्सिल नि वेबसाइत आव थांनानै नङाब्ला 09248082883 नम्बर आव आई सि एस ई नङाब्ला आई एस सि लिरानानै ईउनिक आई दि होनानै नानो हागोन। फिथायखौ होदोंब्लाबो बे बोसोराव मोजांसिन फरायसा नि फारिलाय दिहुना होनना बुंदों

कक्राझार जिलानि गसाइगाव महकुमानि सिंयाव थानाय दुमबाजार गामिनि रायजो राजाफोरा मायरं रानग्रा दिलार बिथां रुस्न’ बसुमातारीनि सायाव जाख्ल’नायनि अजद होदों। आरो खोला दुमबाजारखौ आलादा खालामनानै गोदान दिलार थिसननांगौ नि दाबि खालामदों रायजो राजाफोरा। दुमबाजारा‌ मोननै बाहागोआव रानजानाय मोनसे गुवार ओनसोल जायखौ सा आरो खोला दुमबाजार बाहागोआव रान्नाय जादों। दायो बे मोननै ओनसोलनि मादाव खोला दुमबाजार ओनसोलनि रायजो राजाफोरा गावसोरनि दिलार खौ सा दिलार निफ्राय बोखावनानै होनो खावलायदों। रायजो राजाफोरा अजद होदोंदि दिलार बिथां रुस्न’ बसुमतारी आ मोन्नांगौ मायरं आरो खेरासिनखौ नांगौबायदि समाव होनो नाजाया आरो खम बिबांआव रानो आरो आग्लायनायखौ जाख्लनायनि अजद सौरांआव फैदों। बेनिखायनो बिथांखौ सोलायनानै खोला दुमबाजार नि थाखाय सासे गोदान दिलार थिसननांगौ होनना आथिखालनि बिटिसि सरखारनिसिम दाबि खालामदों।

चिरां जिल्लानि सिंयाव थानाय बिजनी पानबारिनिफ्राय लन्दनसिम नारें कार्जिनि बेफार फालांगि खालामनाय। पानबारि बड’फा एग्र’ अरगेनिक प्रडिउसार कम्पेनि लिमितेट आरो आसाम सोरखारनि आबादारि बिफाननि हेफाजाबजों गिबिसिन 1200 किलग्राम नारें कार्जि लन्दन सिम दैथाय हरनाय जायो। थांनाय 6 जुलाइ खालारखालि बिजनी पानबारिनि 1200 केलग्राम नारें कार्जिखौ लन्दनसिम उरांनि जोहै दैथाय हरनाय जायो। मखनो गोनांदि, 24 जुलाइ खालार अदेबानि दिनै फिन 1200 किलग्राम नारें कार्जिखौ लन्दनसिम दैथाय हरनो थाम थिम खालामनाय जादों। रासायनिक हासार होयालासेनो बेफोर नारें कार्जिफोरखौ अर्गेनिक आदबजों खालामनाय जादों होननाबो मोन्थि होदों बिथांमोना। थांनाय 2015 माइथायाव सा 1500 आबादारिफोरा ‘बडफा एग्र’ अर्गेनिक प्रदुसार कम्पेनि लिमितेट’ खौ गायसंनाय जादोंमोन।

मैया Weightlifting आव, लिरथाइ दैखांनायाव सा सानजा भारत नि मनिपुर नि मिराबाई चानु आ सिलभार मेडेल मोननो हादों। बिथांनि मेदेल मोननायनि खुसिजों मनिपुर नि गिबि मन्थ्रि एन बिरेन सिंह आ बिथआंमोननि सोरखार आ 1 कौटि रां होगोन होनना फोसावो। बे ल नङा बिथांनि थाखाय आरो गिदिर खौरां थियारि खालामना दोनदों। बिथाङा बुंदों दानिफ्राय मिराबाई चानुआ दायो रेल नि टिकेट नांलिया, आं नखर मन्थ्रि अमिट शाह जों सावरायलायदों मोनसे स्पेशियेल मासि नि थाखाय। बिथाङा 49 केजि नि आव देरहानो हादों। वेइथलिफ्तिं आव सिलभार मेडेल मोननाय बिथाङआ नो गिबिसिन भारत नि(2000 मायथाइनि उनाव गिबिसिन मेडेल मोननाय गेलेगिरि वेइथलिफ्टिं आव)। 26 बोसोर बैसो नि मिराबाई आ 49 के जि नि केटेगरि आव 202 पइन्तस मोननो हादोंमोन। चिन नि हौ झिहुई आ सना नि मेडेल आरो ईन्दनेशिया नि गेलेगिरि आ ब्रन्ज मोननो हादों। बेयो मिराबाई नि नैथि अलिम्पिकस आव बाहागो लानाय। 2016 मायथाइनि रिअ अलिम्पिक आव देरहानो हायाखैमोन। 2014 मायथाइ आव ग्लासग्ल कमनवेल्थ गेम्स आव बो सिलभार मेडेल, 2017 मायथाइनि वर्ल्द वेइथलिफ्टिं चेम्पियनशिप आव सना नि मेढेल आरो 2018 ग्लासग्ल कमनवेल्थ गेम्स आव बो सना नि मेडेल मोनदोंमोन. बिथाङा पद्मश्रि आरो राजिब गान्धि खेल रत्न बान्था बो मोनदों। भारत नि गाहाय मन्थ्रि बिथाङा त्वितार नि गेजेरजों गोजोननाय मोननायखौ फोरमायो।

करिमगन्ज नि बदरपुर रेलवे पुलिस आ सा 15 रहिंगिया फोरखौ हमदों। सा 15 नि सा 6 आ उन्दै गथ, सा 6 हौवा आरो सा 3 आ आयजो। बिसोर आगरतला सिम थांनो नागिरनायावनो पुलिसफोरा हमो। गोसो होथावना दि आयेन बेरेखआ यै आसामाव फैनाय रहिंगिया, बांलादेशि नोगोरारि फोरा गुबुन गुबुन समाव पुलिस आरो रैखाथि हानजा जों हमजानाय आ भारत सिमना या बेसेबां रैखाथि गोनां बेखौ दिन्थियो। खौरां मोननाय बादिब्ला रहिंगिया दोलो आ उत्तरप्रदेशनि आलिगर निफ्राय बास जों कलकाता नि सिलिगुरि सिम फैयो। सालागिरिनिफ्राय कास्नजंघा एक्सप्रेसनि गेजेरजों बुधबारखालि बदरपुर रेल स्तेसन सिम मोनहैयो। बेनि उनाव बदरपुर नि गंसे हतेल आव साननै थायो। मैया त्रिपुरा सिम थांनो थाखाय स्तेशन आव थायो, बेयावनो पुलिसफोरा सन्देह खालामनानै नागिरनायावव मिथिना मोनो रहिंगिया होनना। बिसोरनिफ्राय गं 6 मबाइल फन जों लोगोसे 50 रोजा रां मोनो।

महारास्त्र आव अखा। 112 सुबुंफोरनि जिउ गोमाबाय। सा 99 आ दासिमबो गोमाना दं। टाइम्स अफ ईन्दिया नि बादिब्ला 1,35,000 सुबुंफोरखौ मोजां जायगायाव लांबाय। 3221 जुनारफोरनि जिउ गोमादों। सा 53 आ जोखोम जादों

आजिरा मोननायनि 13 बोसोर उनावबो दरमाहा मोनगासिनो दं सासे 4 ग्रेद नि मावथि आ। आसाम रायजोआरि जुनारसालि आव जादों गिदिर नेम बेरेखा जाथाय जादों। सा 4 आजिरा मोननाय मावथिफोरा सोरखार नि बेथन मोनगासिनो दं। जुनारसालि नि दिगम्बर बद आ 13 बोसोर जाबाय आजिरा मोननाय आ, सोरखार निफ्राय थांनाय 13 बोसोराव सोरखआर निफअराय लाबाय रां 30 लाख रां। गुबुन फारसे दिएफअ जों मोजां सोमोन्दो नि थाखआय सा 3 मावथिफोरा आजिरा मोननायनि उनाव बो खामानि मावगासिनो, बिजय गगै, प्रिय बरबरा आरो कुलेश देका या। अजद नि बादिब्ला प्रिय बरबरा या सोरखारि बेथन मोननाय जों लोगोसे जुनारसालि आव गय फाथै फाननानै बो रोजा रोजा रां मोनो। बेबायदिनो गोबां नेम बादियै जायि नि अजद गोबां सुबुंफोरनि।

द्राग्स माफिया नि उनाव बे बार आ बेंक निफ्राय लाख लाख रां लुथिनाय हाजु पुलिस नि जे आव गोग्लैदों मस्त वान्टेद चायबार हेकार मिर आलम साहिद। हाजु नि दामपुर नि गावनि ननिफ्रायनो हमनो हादों पुलिसफोरा। 2020 नि जुलाई दान आव कामरुप नि ददरा एसबिआई ब्रान्स नि बलेन राजबंसि मुंनि सासे कास्तमार नि बेंक एकाउन्त निफ्राय 11 लाख रां अनलाइन नि गेजेरजों लांदोंमोन। 6 दान सिगाङआवबो एमपि पुलिस आ मिर आलम खौ खादोंमोन। बेनि उनाव फिन खनसेबाव मैया हाजु पुलिस आ खायो। हमनानै दायो सोंगसिनो दं।

पेरामेलेटारियाव एनडिएफबिफोरनि थाखाय आलादायै मासि थागोन होनना बिटिआरनि गाहाइ मावफुंगिरि प्रमद बर’ बिथांया मिथिहोदों। भारत हादरनि नखर मन्थ्रि अमित साहया आसाम दावबायफैनानै गुवाहाटी श्रीमन्त शंकरदेव हायुं गेजेरारि नब्लांनिफ्राय अनलाइननि जोहै गाबोन तामुलपुराव गायसंजानो गोनां मेडिकेल कलेजखौ बेखेवनानै होगोन। बिटिआरनि गाहाइ मावफुं सोद्रोमा प्रमद बर’ आ तामुलपुराव गायसंजानो गोनां मेडिकेल कलेजनि जायगाखौ दिनै नायदिंफैनानै बुंथियोदि, बिटिआर गोरोबथानि रादाय बादियै आसाम सोरखारा गोरोबथानि दफा बादियै मोनसेनि उनाव मोनसे मावफुंनो लादों बे हिसाबैनो तामुलपुरखौ जिल्ला हिसाबै मोनफुंनो हाबाय आरो मेडिकेल कलेजखौ गायसंनो थांखि लाबाय होनना बुंथियो । बेजों लोगोसेनो साफ्रोमबो बर’ लाइमोनफोरखौ साखा फारा थानो थाखाय खावलायो मानोना पेरामेलेटारि बायदियाव बर’ लाइमोनफोरखौ सोस’ननो नागिरनाय खामानिया जागायजेनबाय आरो बे पेरामेलेटारियाव एनडिएफबिफोरनि थाखाय आलादायै मासि थागोन होनना बिटिआरनि गाहाइ मावफुंगिरि प्रमद बर’ बिथांया मिथिहोदों । बेजों लोगोसेनो एम.बाथानि दैदेननायाव हाग्रायाव थांफिनाननै फैफिननाय साफ्रोमबो बर’ लाइमोनफोरखौ बरायनायजों लोगोसेनो जौगाखां आरो गोजोन रायजो दाफुंनायाव मदद होनो थाखाय खावलायदेरो।

बागसा जिल्लानि मुसलपुराव फिन आयेन बेरेखा हाथियारनि बोखांनाय जाथाय। बे खेबाव दुथां दाखाथिनिफ्राय मुसलपुरनि पुलिसा बोखांदों पिस्टल। मुसलपुरनि खरसे हाखराव फबनानै दोननाय पिस्टलखौ बोखांदों। बागसानि मुसलपुर पुलिस थानानि सिङाव थानाय बेलगुरि फोथारनि गोथौ ओनसोलाव हायाव फबनानै दोननाय पिस्टलजों लोगोसे गुलि आरो मेगजिन बोखांनो हादों मुसलपुर पुलिसा। साननैसो सिगां बेलगुरि फोथार गामिनिफ्राय हमजानाय दाखाथि हीरक ज्योति डेकानि बुंनायनि असिलायै बिनि ननि उननि गोथौ ओनसोलाव हायाव फबनानै दोननाय समाव दिनै मुसलपुर पुलिसा बोखांनो हादों पइन्ट टुटु पिस्टल गंसे, गरनै गोथां गुलि आरो मोनसे मेगजिन ।बागसानि लोगो पुलिस नायगिदिंगिरि प्रनबज्योति कलिता आरो मुसलपुर पुलिस थानानि असि नरेन स’नवालनि दैदेननायाव थांनाय अपारेसन दोलोआ दुथां दाखाथिखौ लोगोयाव लानानै आयेन बेरेखा पिस्टलखौ बोखांनो हादों।फोरमाय नांगोनदि बोसोर थाम-ब्रै बोसोरसो मुसलपुर आरो बरमा ओनसोलाव सिगिग्लुं होग्रा सा द’ दाखाथिफोरखौ हमनानै जेलाव हरदोंमोन। नाथाय हीरक डेकाखौ जेलनिफ्राय लाबोनानै सोंफिननायाव हीरक डेकाया पिस्टलखौ हायाव फबनानै दोनदों होननानै पुलिसनि सिगाङाव बुङो । बुंनायनि असिलायै पुलिसा हायाव फबनानै दोननाय पिस्टलखौ बोखांनो हायो।