आसामनि सोलोंथाय बिफान नि मन्थ्रि डाँ रनुज पेगु बिथाङा मैया खौरां मेल आव मैया केबिनेट आ लानाय थिरांथाफोरनि सोमोन्दै बुंदों। बिथाङा बुंदों बिटिआर आव थानाय गरखा फोर जाय 2003 मायथाइनि सिगांनिफ्राय नो दं, बिथांमोना बो बिटिआर नि ट्राइबेल फोरा मोननाय एखे मोनथायखौ नो मोनगोन। बिथाङा लोगोसे आसामनि सोरखारि इन्जिनियारिं कलेज नि प्रफेसर नि थिसनथाय आ एपिएससि नि सिङाव थानाय नंलिया। ईन्जिनियारिं बर्ड आ साख्रि आव थिसननायनि आनजाद खौ खुंगोन। गुबुनफारसे सदिया बेल्ट खौ ट्राइबेल सुबुंफोरनि थाखाय लाखिगोन। मरान, मटक, आहम आरो चुटिया हारि आव गोलैनायफोरनो लाखिगोन होनना बुंदों। आसामनि मन्थअरि पियुश हाजरिका बिथाङा बो केबिनेट आ लानाय थिरांथाफोरनि सोमोन्दै बुंदों, दानिया गावबुरा फोरखौ गावप्रधान महरै मिथिसिगोन, मुं खौ सोलायना होबाय, गाव प्रधान आ 30 निफ्राय 65 बोसोर बैसो नि गेजेराव जानो नांथारगोन. बेकार सेंग्रा सिख्लाफोरनि सुबिदा नि थाखआय गासैबोआनो दानिफ्राय एमप्लयमेन्ट एक्सचेन्ज अफिस आव थाङालासै नो गावनि मुं खौ रेजिस्तार खालामनो हागोन. आसामाव मोसौ रैखाथि आयेन थाबैनो लाबोगोन। सोरखार हा याव थानाय हा गैयि सुबुंफोरा बारहुंखा, दैबाना बायदि याव बिसोरनि न फोरनि खहा जायोब्ला सोरखार आ मदद खालामगोन, नाथाय बेनि थाखाय बे मोननो गोनां सुबुं आ थार ना आयेन बेरेखा दखल खालामग्रा बेनि आनजाद खौ नायगोन होनना बुङो। रायजो नि सिमना ओनसोलाव गुबुन रायजो नि दुथांफोरा गाज्रि जाथाय खालामनायनि उनाव फोरनि बेरेखा गावनि रायजो आव मकर्दमा खालामोब्ला आसामनि अफिसार मावथि बिजिरसालि नि खरसा खौ आसाम सोरखार आ होगोन।
bodoinfo.com provides informations regarding State Government, Central Government and Private sector jobs for the aspirants of assam.
Please do not enter any spam link in the comment box. ConversionConversion EmoticonEmoticon