6 July morning news

      मैया फोसावना होआसै आसामनि गोदान एसअपि खौ, आसामनि गिबि मन्थ्रि हिमन्त बिश्व शर्मा बिथाङा दिनै फोसावना होगोन होनना खौरांगिरिफोरनि सिगाङाव बुंदों। जिनाहारि खालामग्राफोरनि सायाव जेबो रोखोमनि कमप्रमाइज खआलामनो हानाय नङा पुलिसफोरा, जिनाहारि खालामग्राफोरनि जेबो हारि-धोरोम गैया, 6 दान नि गेजेराव चार्जसित होनो नांगोन, मैया आसाम पुलिस अ सि बिथांमोनजों मोनसे कन्फारेन्स आव बाहागो लानानै बिसोरनि बेरेखा गोख्रो एक्सन लानो बिथोन होदों। बिथाङा लोगोसे जिनाहारि, बुथारनाय, द्राग्स, गाज्रि खामानि नि गसर नि चार्जसित हो, फैगो 6 दान आव जेब्ला फैगोन मोनसेबो केस पेन्दिं लाखियालासै नो फै, रावनिफ्रायबो साहा लोंनो नाङा, गोनां जायोब्ला साहा काप से लोंहो, पासपर्त भेरिफिकेशन आव जाय सुबुंफोरनाव जेबो सन्देह गैया, बिथांमोननि रिपर्त होनायाव गोबाव खालामनो नाङा। बिथाङा लोगोसे फैगो 3 दाननि गेजेराव मोनफ्रोमबो थाना याव जों गारि गंसे गंसे होगोन, बोसोरफ्रोमबो 2 लाख 50 रोजा रां यै मोनगोन थाना या। बेनिफ्रायनो थाव सोनाय आरो थाना नि गुबुन खामानिफोराव बाहायनो हागोन। गासै अफिसारफोरानो जिल्लानि फरेन्सिक रिपर्ट खालामग्रा बिफानफोरजों सोमोन्दो गोरोबलायनाय थानो नांगोन। रायजोनि गासै ओनसोलफोरावनो मोसौ सिखाव जाथाया जोबनानै थांनांगोन। 15 साननि गेजेराव गासै पुलिस थानानि कनस्तेबोलफोरा मेडिकेल सेकआप खालामजानो नांथारगोन। गंफ्रोमबो थानायाव गोनांथि बादियै गं 3 कम्पिउतार आरो गंफायै जेनेरतर मोसिनबो हरनाय जागोन होननाबो बुंथिना होयो गिबि मन्थ्रिआ। जाय थाना याव हा दं, बिथांमोननि थाना याव सासे असि आरो सा 4 एसआई थानो हानायनि कुवार्टार बानायनायनि बेबस्था खालामना होगोन होननाबो बिथाङा बुंदों।

    मैया गुवाहाति नि मिरु आबाद रायजो मन्थ्रि परोसोत्तम रुपाला बिथांजों मोनसे सावरायमेल आव बाहागो लायो आसामनि आबाद बिफाननि मन्थ्रि अतुल बरा या। सावरायमेल आव प्रधानमन्त्रि किसान सन्मान मुङै जागायनाय मिरु सोरखार नि स्किम नि मुङाव आबादारि नङिफोरा बो सोरखार नि रां खौ लानायनि जाथाय आ सोराङाव फैनायनि उनाव बेबायदि सुबुंफोरनिफ्राय रां खौ लाफिननाय जाबाय। लोगोसे गोबांनि बेरेखआ आयेन नि राहा लानाय बो जादों। बिथाङा बुंदों, बे समाव बे खोथा या बो सैथो दि गावनि मुङाव आबाद हा गैयि नि थाखाय थार आबादारिफोर पिएम किसान नि सुबिदा खौ मोनाखै, बेनि थाखाय बे सावराय मेल आव मिरु नि मन्थ्रि बिथांखौ बे आयदा नि सायाव नोजोर होनो खावलायदों। जायफोर थार आबादारि नि हा या बिफा एबा बिबौ नि मुङाव दं, बिथांमोना बो जाहाथे पिएम किसान नि सुबिदा खौ मोनो बेनि बेबस्था लानो खावलायदों होनना बुङो।

    हरिसिङा बियाब नि इउपिपिएल नि एमसिएलए सन्जय स्वरगियारि बिथाङा 69 नं उदालगुरि बिधानसभा बियाब आ थाबैनो निलाम जानायनि खौरां होदोंमोन फेसबुक नि गेजेरजों। सान, बार थि जायोब्ला नो गोसो गुदुंफोरखौ बाहागो लानो होदोंमोन बिथाङा। बे सोमोनांथाव पस्त नि उनाव जाथायनि सायाव मैया बुङो बिटिआर नि गाहाय बिथाङा। बिथाङा बुंदों जाय एमसिएलए आ बे खोथा खौ बुंदों बिथांनि सायाव श कस्त होगोन(जाहोन दिन्थिनाय), बेनि फिननायखौ होनो नांगोन, होनो हायाब्ला गोख्रों एक्सन लानाय जागोन होनना बुंदों बिथाङा।

    दिनै जिएमसिएइस आव 200 बिसना थानाय कभिद नि आईसिइउ बेखेवनाय जागोन, बेखौ आसामनि सावस्रि बिफाननि मन्थ्रि बिथाङा बुंदों। बे देहाफाहामसालि याव नो 80 रोजा लिटार अक्सिजेन नि रायजो नि गेजेरावनो बयनिख्रुय बांसिन लिकुइद मेदिकेल अक्सिजेन ट्रेक नि सुबिदा थागोन। बिथाङा लोगोसे बे समाव गलाघात आव बांसिन सुबुंफोरा कभिद जादों। उन्दै गथ फोरखौ नोजोर होनानै जिएमसिएइस आव 300 बिसना थआनाय गोदान ब्लक बानायनाय जागोन। आसामावबो जापानिश एनसेफेलाइटिस बेरामि दं, सानै नि जिउ गोमाबाय। जापानिस एनसेफेलाइटिस बेरामजों जुजिनो थाखआयय सोरखार आ बेबस्था खालामदों होनना बुङो बिथाङा। 

   टकिय अलिम्पिक 2020... भारत नि बक्सार मेरि कम, हकि नि गाहाय दैदेनगिरि मनप्रित सिंह आ बेखेवनाय हाबाफारियव हादरनि फिरफिला खौ लाग्रा जागोन। इन्दियान अलिम्पिक एशसियेशन आ बेखौ फोसावना होबाय। टकिय अलिम्पिक आ 23 जुलाई निफ्राय 7 आगस्त सिम जागोन, थांनाय बोसोराव कभिद नि थाखाय जायाखैमोन। गासै 126 गेलेग्राफोरा थांगोन, बेनिनो 56 जौखोन्दो आ हौवा आरो 44 आ आयजो, गासै 85 मेडेल नि थाखाय जुजिगोन। जोबनाय हाबाफारि याव रेस्लार बज्रं पुनिया या हादरनि फिरफिला कौ लागोन होनना बो फोसावदों।

    मैया आसाम आयेन आफाद नेहाथारिख’नि गासै मावख’गोरा आरो मावदांसाफोरखौ लानानै जि.एन.बि जथुमसालियाव गिबि खेबनि थाखाय मोनसे लोगो हमज्लायनाय जथुम खुंफुङो। फैगौ 12 जुलाइ, 2021 खालारनिफ्राय जानो गोनां आसाम आयेन आफादनि रां-बावजा जथुमनि थाखाय थियारि जानो गासै मावख’गोरा आरो मावदांसाफोरनि आंखाल आरो अजदफोरनि सोमोन्दै सावरायलायनाय जायो आरो बे हाबाफारियाव आदर्स गोनां हाबा-हारिमु दिन्थिफुंनो हानाय बादि गासै मावदांसानि बिहोमाफोरनि बागै जथुमाव सावरायलायो। मख'नो गोनांदि खामानि मावनायाव जेबो गिदिर उन्दै गैया, जा बिबान मोनदों बेखौ गेबेङै मावलांनो आवगायोब्ला जों जायखि जाया मावनो लानाय हाबाफारिया जाफुंसारगोन होन्नानै बिथाङा बुंथियो। लोगोसेनो बे हाबाफारियाव आसाम आयेन आफादनि मानगोनां लेङाइ बुंथिगिरि आरो नेहाथारि बिथांमोनहाबो बाहागो लायो।

कक्राझार सहरनि बडफा नोगोराव थानाय बडलेण्ड हायुङारि गौथुमनि सेक्रेटारियेटनि सावराय जथुम नब्लांआव मिरुनि आदार फेरेदग्रा उध्यग बिफाननि मन्थ्रि स्रि रामेस्वर तेलिजों बिटिआर खुंथाया बिटिआर ओन्सोलाव आदार सोदांथाय आदब आरो उध्यग फसंनायनि सायाव गुवारै सावराय ज्लायो। बिटिआर हालामाव आदार सोदांथाय आदब उद्दोग फसंनाय राहानि सायाव बिथा खालामनानै बिटिआरनि गाहाइ मावफुं सोद्रोमा प्रमद बर’नि आफादगिरि मासि सामलायनायाव खुंफुंनाय सावराय मेलाव मिरुनि आदार फेरेदग्रा उध्यग बिफाननि मन्थ्रि स्रि रामेस्वर तेलिजों लोगोसे बिटिसिनि गुबुन गुबुन बिफाननि मावफुं सोद्रोमा बाहागो लायो।

खौरांगिरिनि सिगाङाव मिरुनि मन्थ्रि रामेस्वर तेलीआ बुंथियोदि मिरुनि मन्थ्रि हिसाबै सा सानजा ओनसोलाव गासै 20 रोजा फिसा फिसा आदार सोदांथाय फसंथान गायसननाय जागोन होन्ना फोरमायो। आरो बिनिनो आसामाव 13 रोजा फिसा फिसा आदार सोदांथाय फसंथान गायसननाय जागोन आरो बिटिसिनि गंब्रै जिल्लायाव मोनफा मोनफा फिसा आदार सोदांथाय फसंथान गायसननाय जागोन होन्ना बुंबावयो। मिरु सोरखारा प्रधान मन्थ्रि फरमुलाइजेसन माइक्र इन्टारप्रेनार स्कीमनि गेजेरजों गासै भारत आवनो 2 लाख फिसा फिसा आदार सोदांथाय फसंथान गायसननायनि बिथांखिया मावफुं जागासिनो दङ आरो थाबैनो बिटिआरआवबो गायसननाय जागोन होन्ना रोखा फोरमायो।

BTR नि गाहाय प्रमद बर बिथाङा बो बुंदों, बिटिआर आव थानाय Technology Incubation Centre (Mushroom Culture & Farming), Bodoland Univetsity आरो Food Processing Technology Lab, CIT Kokrajhar आव Sh. Rameswar Teli, Union Minister of States For Food Processing Industries बिथांजों लोगोसे EMs, MCLA आरो BTC Officials जयैनो नायदिं हैयो ।

बिथां मिरुनि मिनिस्टार आ खोथा होयोदि BTR आव थानाय आबादारि आरो फिसा-फिसा बिरोंदामिन जों लागोसे रायजो-राजानि हेफाजाब जानायबादि माखासे Central Funded Project आरो Schemes फोरखौ हरनो।

BTR आव थाबैनो Food Processing बिथिं जौगाखांयनि खामानिया जागायसिगोन।

     ग्रिन इन्डिया चेलेन्जजों लोबबा लानानै तेलेंगानाआव से घन्तानि गेजेराव 10 लाख बिफां गायनानै वर्ल्ड रेकर्ड लाखिनो हादों। तेलेंगाना रायजोनि आदिलाबाद जिल्लाआव से घन्तानि गेजेराव 10 लाख बिफां गायनानै गिनिज बुग अफ वर्ल्ड रेकर्ड्स आव मुं लाखिनो हादों। मखथावनादि, बे हाबाफारियाव तेलेंगाना रायजोनि 30 रोजासो राष्ट्र समितिनि सोद्रोमाफोरा बाहागो लायो। रायजो सभानि एमपि सन्तोष कुमार बिथां आ थांनाय ब्रै बोसोर सिगांआव ग्रिन इन्डिया चेलेन्ज अभियान जागायना होदोंमोन। बे अभियाननि गेजेरजोंनो कौटि-कौटि बिफां गायजानाय जादों।

   रङिया नि राजालामा याव सिखाव आ बारा जानो हमदों। स्कुटि जों थांनाय सासे आयजो नि गोदना निफ्राय सना नि सेइन खौ लाना थाङो। 31 नं राजा लामा याव जादों बे जाथाय आ, बाइहाता चारियालि निगुनेश्वरि देका कलिता मुंनि आयजो आ गावनि आंगो जों स्कुटि जों थांबाय थानायावनो जायो जाथाय आ। पालसार बाइक जों फैदोंमोन बे सिखाव सानै या। गोबाव समनिफ्रायनो उन उन थांबाय थादोंमोन बिसोर आरो चेप्ति नि पेत्रल पाम्प नि खाथियाव गोदना निफ्राय बोनानै नारख्लायना होयो। आयजो आ जोखोम जादों। आयजो आ बुंनाय बादिब्ला साननैसो सिगाङावसो बानायनाय सना नि सेइन  80 रोजा रां नि मोन। दायो आयजो आ पुलिस नि खाथियाव थांबाय।

    राज्यपाल नि बिथोन, गौहाति मुलुगसोलोंसालि याव थिका नि साख्रि आव थिसननाय बन्ध खालामनायनि। 30 जुन नि उन निफ्राय थिका नि सिमा थानाय फोरोंगिरिपोरनि थाखायबो बे बिथोन खौ होदों।आगोलाव थिका बादियै थानाय फोरोंगिरिफोरा बो खामानि मावनो मोननाय नङा। बेबायदि खालामनाय आ गोबां बिफानआव फोरोंथाय होनाय आव असुबिदा जागोन, मानोना दासिमबो गोबां लांदां मसि दं फोरोंगिरि नि। बेबायदि खालामनायखौ गोजोननाय मोनाखै आसु आ बो। बिथांमोना फिन खनसेबव सननो खावलायो, बेनि थाखाय बिथांमोना गांसे लाइजाम बो हरो।

   बेंक निफ्राय धोन लाना फैनायावनो सेनानै लाना थांबाय रां खौ दुथांफोरा। जाथाय आ पाठसाला नि केन्दुगुरि चक नि। राजिब शर्मा मुंनि सेंग्रा निफ्राय 50 रोजा रां लाना थाङो। मैया फुंनि समाव बिम जों लोगोसे 50 रोजा रां दिहुना लादोंमोन। रां खौ बलानानै बिमा जों थांफानाय समावनो सानै दुथांफोर लाना थाङो। सिसिटिभि आव रेकर्ड जाजोबदों। जाथाय जानाय जायगायाव पुलिस फोरा थांबाय, नायबिजिरनायनि उनाव सो मिथिगोन।  

   सनितपुर जिला ढेकियाजुलिनि बाथासिपुराव आखाय होयाखै मोनसेबो सोरखारनि जौगाखां बिथाखिया। ढेकियाजुलि बिधान सभा बियाबनि बाथासिपुराव नुनो मोनबाय जौगानाय आसामनि जौगायै मोनसे सावगारि। बोसोर बोसोर बारलांनायनि उनावबो सरखारि मोनसेबो बिथांखिया मोनैछ’हायाखै बाथासिपुर रायजो राजानिसिम। खौरांगिरिनि सिगाङाव सोरखारि बिथांखिनिफ्राय नासय जानाय माखासे रायजो एबा आइजोफोरा दुखु फोरमायो। बाथासिपुरनि माखासे रायजोया आथिखालसिम मोननो हायाखै प्रधान मन्थ्रि आवाज योजनानि न’, खिख’सालि, बोराय फेनसन, रान्दि फेनसन, गोग्गो दै लानानै गोबां जौगानाय बिफाननि मोननांगौ बिथांखिफोरखौ। मख’जाथावदि, ढेकियाजुलि बियाबनि खननै हाबा मावफारियानि एम.एल.ए. एबा आथिखालाव मन्थ्रि अशक सिंहलनो गोबांखेब आरजलाइ होनायनि उनावबो जायगानि एम.एल.एया उन्दुफ्ला थानाय बायदि अजद सिखारदों। बाथासिपुर ओनसोलाव गंसेल’ गोजौ फरायसालि सोलोंथाय मिलन फरायसालियाव गोग्गो लोंनाय दै नायगिरनानै हालाय-हाफाय जानांदों फरायसाफोरा। फरायसालियाव हासुग्रा न’ गैयैयाव फरायसाफोरा जेंनानि मोगि मोगि जानांनायनि उनावबो जेबो खामानि मावनो आखायाव लायैयाव गाज्रियै सोंखारियो रायजोफोरा। थाबैनो दानि गोदान सोरखारनि मानगोनां गिबि मन्थ्रि, जायगानि एम.एल.ए.एबा मन्थ्रि अशक सिंहलखौ बाथासिपुरनि लामाफोरखौ लुफुंनायजों लोगोसे बाथासिपुर गंसेल’ सोलोंथाय गोजौ फरायसालिनि गांनाय उखैनाय अजदफोरखौ सुफुंनायनि अनगायैबो बाथासिपुरनि गोरिब गुनद्राफोरनि मोननांगौ मोनथाय गोबां जौगा बिथांखि होनानै सुफुंना होनांगौ  होनना दाबि दैखांदों रायजोफोरा 

• Tweet
• Share
• Share
• Share
• Share

About Mridul

bodoinfo.com provides informations regarding State Government, Central Government and Private sector jobs for the aspirants of assam.

Related Post